Author: admin

തേഞ്ഞിപ്പാലം: കാലിക്കറ്റ് സർവകലാശാലാ പരിസരം കേന്ദ്രീകരിച്ച് ലഹരിവിൽപന നടത്തുന്ന സംഘത്തിലെ ദമ്പതികളടക്കം മൂന്ന് പേരെ തേഞ്ഞിപ്പാലം പോലീസും ജില്ലാ ആന്റി നർക്കോട്ടിക് സ്ക്വാഡും ചേർന്ന് പിടികൂടി. ചേലേമ്പ്ര പൈങ്ങോട്ടൂർ സ്വദേശി പെരിഞ്ചിക്കര അസീസ് (53), ഭാര്യ കമറുന്നീസ (50), സഹായിയായ കവലക്കണ്ടി സലാഹുദ്ദീൻ (28) എന്നിവരാണ് അറസ്റ്റിലായത്. സംഘത്തിന്റെ തലവനും അസീസിന്റെ മകനുമായ ജാസിർ ഒളിവിലാണ്. ഒരു കിലോ 116 ഗ്രാം എം.ഡി.എം.എയാണ് ഇവരിൽ നിന്ന് പിടിച്ചെടുത്തത്.രഹസ്യവിവരത്തെ തുടർന്ന് ഇന്നലെ ഉച്ചയോടെ ജാസിറിന്റെ വീട്ടിൽ പോലീസ് നടത്തിയ മിന്നൽ പരിശോധനയിലാണ് ഗോവണിയുടെ താഴെ ഒളിപ്പിച്ച നിലയിൽ മയക്കുമരുന്ന് കണ്ടെത്തിയത്. പോലീസ് പരിശോധന തുടരുന്നതിനിടെ മയക്കുമരുന്ന് മറ്റൊരു ഒളിയിടത്തിലേക്ക് മാറ്റാനായി ബൈക്കിലെത്തിയ സലാഹുദ്ദീനെ സാഹസികമായാണ് പോലീസ് കീഴ്പ്പെടുത്തിയത്. ലഹരിമരുന്ന് സൂക്ഷിച്ച സ്ഥലം വീട്ടുകാർ കാണിച്ചുതരുമെന്...

ഇന്ത്യയും അമേരിക്കയും തമ്മിലുള്ള പുതിയ വ്യാപാര കരാർ രാജ്യത്തെ കർഷകർക്ക് വൻ നഷ്ടമുണ്ടാക്കുമെന്നും അതിനാൽ ഈ കരാറിൽ നിന്ന് ഇന്ത്യ ഉടൻ പിന്മാറണമെന്നും കർഷക കോൺഗ്രസ് ചെറുകാവ് മണ്ഡലം കൺവെൻഷൻ ആവശ്യപ്പെട്ടു. കർഷക കോൺഗ്രസ് സംസ്ഥാന ജനറൽ സെക്രട്ടറി കെ.ടി. സിദ്ധീഖ് കൺവെൻഷൻ ഉദ്ഘാടനം ചെയ്തു. കർഷക കോൺഗ്രസ് മുൻ ജില്ലാ പ്രസിഡന്റ് കെ.പി.എസ്. ആബിദ് തങ്ങൾ ചടങ്ങിൽ മുഖ്യപ്രഭാഷണം നടത്തി. ചെറുകാവ് ഗ്രാമപഞ്ചായത്ത് വൈസ് പ്രസിഡന്റ് സുജാത കളത്തിങ്ങൽ, കർഷക കോൺഗ്രസ് ജില്ലാ ജനറൽ സെക്രട്ടറി അസൈനാർ ആൽപറമ്പ്, കോൺഗ്രസ് ബ്ലോക്ക് ഭാരവാഹികളായ സെഫീർ എം.വി, എം.ഡി. യൂസഫലി എന്നിവർ പരിപാടിയിൽ സംസാരിച്ചു. കോൺഗ്രസ് മണ്ഡലം വൈസ് പ്രസിഡന്റ് ബാവ കൊടപ്പുറം, യൂത്ത് കോൺഗ്രസ് മണ്ഡലം പ്രസിഡന്റ് നഹാസ് ആലുങ്ങൽ, ജിജേഷ് ഐക്കരപ്പടി, കർഷക കോൺഗ്രസ് മണ്ഡലം ഭാരവാഹികളായ അഷ്റഫ് പി.കെ, ബഷീർ ചോലക്കോട്, പി.വി. കുഞ്ഞികൃഷ്ണൻ, ബഷീർ കരങ്ങാട്ട്, എൻ.സി. അബൂക്...

ചെറിയമുണ്ടം ഗ്രാമ പഞ്ചായത്തിലെ പൊന്മുണ്ടം സൗത്ത് ജി.എം.എല്‍.പി. സ്‌കൂളിലെ പുതിയ കെട്ടിട നിര്‍മാണോദ്ഘാടനം കായിക-ന്യൂനപക്ഷ ക്ഷേമ-വഖഫ്-ഹജ്ജ് വകുപ്പ് മന്ത്രി വി. അബ്ദുറഹിമാന്‍ നിര്‍വഹിച്ചു. സ്ഥലപരിമിതിയില്‍ ബുദ്ധിമുട്ടുന്ന സ്‌കൂളിന് പുതിയ കെട്ടിടം നിര്‍മ്മിക്കുന്നത് ഗ്രൗണ്ടിന്റെ ഒരു ഭാഗം ഉപയോഗപ്പെടുത്തിയാണ്. അതിനാല്‍ പുറത്ത് നിന്ന് സ്ഥലം കണ്ടെത്തി സ്‌കൂളിന് പ്രയോജനപ്പെടുത്താന്‍ ശ്രമിക്കണമെന്നും കെട്ടിടം ഉയര്‍ന്ന ശേഷം ഗ്രൗണ്ടില്‍ കളിസ്ഥലം കൂടുതല്‍ പ്രയോജനപ്പെടുത്തുന്നതിന്റെ ഭാഗമായി 'ഹെല്‍ത്തി കിഡ്സ്' പദ്ധതി വഴി കളിയുപകരണങ്ങള്‍ കൊണ്ടുവരാന്‍ ശ്രമിക്കുമെന്നും മന്ത്രി ഉദ്ഘാടന പ്രസംഗത്തില്‍ പറഞ്ഞു. പൊതുവിദ്യാഭ്യാസ വകുപ്പിന്റെ 2024 - 25 വാര്‍ഷിക പദ്ധതിയില്‍ ഉള്‍പ്പെടുത്തി മണ്ഡലത്തിലെ ഏഴ് സ്‌കൂളുകള്‍ക്ക് നാല് കോടി രൂപ വകയിരുത്തിയതില്‍ ഉള്‍പ്പെട്ട സ്‌കൂള്‍ കെട്ടിടമാണ് ഇത്. 60 ലക്ഷം രൂപ ഉപയോഗിച്ചാണ് കെട...

വള്ളിക്കുന്ന്: വള്ളിക്കുന്ന് ആനങ്ങാടി ബീച്ചിലെ ഫിഷ് ലാൻഡിങ് സെന്ററിൽ അപകടകരമായ രീതിയിൽ നിൽക്കുന്ന പഴയ കെട്ടിടങ്ങൾ പൊളിച്ചു നീക്കണമെന്നും, അവിടെ മത്സ്യത്തൊഴിലാളികൾക്കായി പുതിയ തൊഴിൽ സംരംഭ കേന്ദ്രം ആരംഭിക്കണമെന്നും ആവശ്യപ്പെട്ട് ഫിഷറീസ് മന്ത്രി സജി ചെറിയാന് നിവേദനം നൽകി. മനുഷ്യാവകാശ പ്രവർത്തകരായ അബ്ദുൽ അസീസ് പി.എൻ. കടലുണ്ടി, അബ്ദുറഹീം പൂക്കത്ത് വടക്കേ മമ്പുറം, സുബൈർ പി.പി. ആനങ്ങാടി, അബ്ദുൽ ഷുക്കൂർ പി.എം. ചേളാരി എന്നിവരുടെ നേതൃത്വത്തിൽ കേരള ഡെവലപ്‌മെന്റ് ഫോറം (കെ.ഡി.എഫ്) ഭാരവാഹികളാണ് മന്ത്രിയെ കണ്ട് പരാതി സമർപ്പിച്ചത്. മൂന്ന് വർഷം മുമ്പ് ഈ പ്രദേശം സന്ദർശിച്ച കാര്യം മന്ത്രി ഓർമ്മിക്കുകയും വിഷയത്തിൽ അടിയന്തര റിപ്പോർട്ട് ആവശ്യപ്പെടുകയും ചെയ്തു. കെട്ടിടം നിൽക്കുന്ന ഭൂമി ഹാർബർ എൻജിനീയറിങ് വിഭാഗത്തിന് കീഴിലാണോ അതോ ഫിഷറീസ് വകുപ്പിന് കീഴിലാണോ എന്ന് പരിശോധിച്ച് അടിയന്തര നടപടികൾ സ്വീകരിക്കാൻ അദ്ദേഹം ഉദ...

മലപ്പുറം: ഊരകം മലയിൽ ഇനിയും പുതിയ വൻകിട ക്വാറികൾക്ക് അനുമതി നൽകുന്ന കാര്യത്തിൽ ബന്ധപ്പെട്ട അധികാരികൾ അതീവ ജാഗ്രത പാലിക്കണമെന്ന് നിർമ്മാണ തൊഴിലാളി യൂണിയൻ (ഐ.എൻ.ടി.യു.സി) ജില്ലാ യോഗം ആവശ്യപ്പെട്ടു. യാതൊരുവിധ മാനദണ്ഡങ്ങളും പാലിക്കാതെ ഊരകം മലയെ അപ്പാടെ നാമാവശേഷമാക്കുന്ന തരത്തിലാണ് നിലവിൽ വൻകിട ക്വാറികൾ പ്രവർത്തിച്ചു കൊണ്ടിരിക്കുന്നത്. ഇത്തരത്തിൽ അഞ്ചുവർഷം കൂടി മുന്നോട്ടുപോയാൽ ഇവിടെ ഒരു മലയുണ്ടായിരുന്നു എന്ന് പറയേണ്ട അവസ്ഥ വരുമെന്നും യോഗം വിലയിരുത്തി. പ്രകൃതിക്ഷോഭങ്ങളെ ക്ഷണിച്ചുവരുത്തുന്ന ഇത്തരം പ്രവർത്തനങ്ങൾക്കെതിരെ അധികൃതർ ജാഗ്രത പാലിക്കണമെന്ന് യോഗം മുന്നറിയിപ്പ് നൽകി. ജില്ലാ പ്രസിഡന്റ് അസൈനാർ ഊരകം അധ്യക്ഷത വഹിച്ച ചടങ്ങിൽ അഷറഫ് മനരിക്കൽ, പി.പി.എ. ബാവ, മുഹമ്മദ് ബാവ എ.ആർ. നഗർ, മണ്ണിൽ ബിന്ദു, എം.പി. വേലായുധൻ മാസ്റ്റർ, മനോജ് പുനത്തിൽ, ചന്ദ്രമതി ചെമ്പട്ട, ഉണ്ണി തൊട്ടിയിൽ, കെ. സുബ്രഹ്മണ്യൻ, യു. ഹരി...

സംസ്ഥാന ബജറ്റിൽ പ്രൈമറി പാലിയേറ്റീവ് നഴ്സുമാരോട് സർക്കാർ കടുത്ത അവഗണന കാണിച്ചതിൽ കേരള പ്രൈമറി പാലിയേറ്റീവ് നഴ്സസ് അസോസിയേഷൻ സംസ്ഥാന കമ്മിറ്റി പ്രതിഷേധിച്ചു. സർക്കാരിന് കീഴിലുള്ള അങ്കണവാടി, ആശാ പ്രവർത്തകർ, പാചക തൊഴിലാളികൾ, ആയമാർ എന്നിവരടക്കമുള്ളവർക്ക് അടിക്കടി ശമ്പള വർധനവും മറ്റ് ആനുകൂല്യങ്ങളും നൽകിയപ്പോഴും, വിവിധ വകുപ്പുകളിൽ താൽക്കാലിക ജീവനക്കാരെ സ്ഥിരപ്പെടുത്താൻ തീരുമാനിച്ചപ്പോഴും തങ്ങളെ വിസ്മരിച്ചത് പ്രതിഷേധാർഹമാണെന്ന് അസോസിയേഷൻ അറിയിച്ചു. തദ്ദേശ സ്വയംഭരണ സ്ഥാപനങ്ങളുടെ കീഴിൽ കരാറടിസ്ഥാനത്തിൽ പ്രൈമറി ഹെൽത്ത് സെന്ററുകൾ, താലൂക്ക് ആശുപത്രികൾ, ജില്ലാ ആശുപത്രികൾ എന്നിവ കേന്ദ്രീകരിച്ച് വർഷങ്ങളായി പ്രവർത്തിക്കുന്ന, പത്ത് വർഷം പൂർത്തിയാക്കിയ പ്രൈമറി പാലിയേറ്റീവ് നഴ്സുമാരെ സ്ഥിരപ്പെടുത്തണമെന്നും യോഗം ആവശ്യപ്പെട്ടു. സർക്കാരിന്റെ അവഗണനയ്ക്കെതിരെ ശക്തമായ പ്രക്ഷോഭ പരിപാടികൾ സംഘടിപ്പിക്കാനാണ് സംസ്ഥാന ക...