MALAPPURAM

ശാരീരിക പരിമിതികളെ മനോധൈര്യം കൊണ്ട് തോൽപ്പിച്ച് ഉപരിപഠനത്തിനും മത്സരപരീക്ഷകൾക്കുമായി തയ്യാറെടുക്കുന്ന 80 ശതമാനം ഭിന്നശേഷിക്കാരനായ മുഹമ്മദ് റാഷിദ് മാട്ടിലിന് പഠനസഹായമായി ലാപ്‌ടോപ്പ് കൈമാറി. വിദൂരവിദ്യാഭ്യാസം വഴി എം.എ. ഹിസ്റ്ററി പഠിക്കുന്ന റാഷിദിന് പഠനത്തിന് ആവശ്യമായ ലാപ്‌ടോപ്പ് ഇല്ലാത്തത് വലിയ പ്രതിസന്ധിയായിരുന്നു. പി.എസ്.സി. പരിശീലകനായ രാധാകൃഷ്ണൻ മുഖേന വിവരമറിഞ്ഞ ജില്ലാ സാമൂഹ്യനീതി ഓഫീസിന്റെ ഇടപെടലിനെത്തുടർന്ന് നിലമ്പൂർ സ്വദേശിയായ സുമനസ്സാണ് ലാപ്‌ടോപ്പ് നൽകാൻ മുന്നോട്ടുവന്നത്. മലപ്പുറം കളക്ടറേറ്റിൽ നടന്ന ചടങ്ങിൽ ഡെപ്യൂട്ടി കളക്ടർ സ്വാതി ചന്ദ്രമോഹൻ., ജില്ലാ സാമൂഹ്യനീതി ഓഫീസർ എന്നിവർ ചേർന്ന് രാധാകൃഷ്ണന്റെ സാന്നിധ്യത്തിൽ റാഷിദിന് ലാപ്‌ടോപ്പ് കൈമാറി. മലപ്പുറം ജില്ലാ ഭരണകൂടം, ജില്ലാ സാമൂഹ്യനീതി ഓഫീസ്, 'ആക്സസ് മലപ്പുറം' എന്നിവയുടെ നേതൃത്വത്തിൽ ഭിന്നശേഷിക്കാർക്കായി നടത്തുന്ന പി.എസ്.സി. പരിശീലന...

പൊന്നാനി: വിവിധ ക്രിമിനൽ കേസുകളിൽ പ്രതികളായി നിരന്തരം കുറ്റകൃത്യങ്ങളിൽ ഏർപ്പെട്ടുവന്ന മൂന്നുപേർക്കെതിരെ കാപ്പ (KAAPA) ചുമത്തി നടപടി. വെളിയങ്കോട് പഴയകടവ് സ്വദേശി കറുപ്പംവീട്ടിൽ ഷാഫി (47), പൊന്നാനി അഴീക്കൽ സ്വദേശി അത്തോളിപ്പറമ്പിൽ അൻസാർ (30), പൊന്നാനി മരക്കടവ് സ്വദേശി പുതുപൊന്നാനിക്കാരന്റെ വീട്ടിൽ സക്കീർ (36) എന്നിവരെയാണ് മലപ്പുറം ജില്ലയിൽ പ്രവേശിക്കുന്നതിൽനിന്ന് വിലക്കിയത്. പൊന്നാനി പൊലീസ് സ്റ്റേഷൻ എസ്.എച്ച്.ഒ എം.വി. ജിഷ്ണു നൽകിയ റിപ്പോർട്ടിന്റെ അടിസ്ഥാനത്തിൽ മലപ്പുറം ജില്ലാ പൊലീസ് മേധാവി ചൈത്ര തെരേസ ജോൺ ശുപാർശ നൽകുകയായിരുന്നു. തുടർന്ന് തൃശൂർ റേഞ്ച് ഡി.ഐ.ജിയാണ് മൂവരെയും ജില്ലയിൽ പ്രവേശിക്കുന്നതിൽനിന്ന് വിലക്കി ഉത്തരവിറക്കിയത്. ലഹരിവസ്തുക്കളുടെ (എം.ഡി.എം.എ, കഞ്ചാവ്) വിൽപനയുമായി ബന്ധപ്പെട്ട് പൊന്നാനി, പെരുമ്പടപ്പ് സ്റ്റേഷനുകളിലായി ഷാഫിക്കെതിരെ നാലോളം കേസുകളുണ്ട്. അൻസാറിനെതിരെ നരഹത്യാശ്രമം, കഠ...

കാലിക്കറ്റ് യൂണിവേഴ്സിറ്റി സ്റ്റേഡിയം: തൊണ്ണൂറോളം സ്കൂളുകൾ മാറ്റുരച്ച സബ്ജില്ലാ കായികമേളയിൽ മികച്ച പ്രകടനവുമായി എ. എം. എൽ. പി. എസ്. പടിഞ്ഞാറേക്കര ഓവറോൾ ചാമ്പ്യൻഷിപ്പ് കരസ്ഥമാക്കി ചരിത്രനേട്ടം സ്വന്തമാക്കി. മത്സരിച്ച വിവിധ ഇനങ്ങളിലെല്ലാം മികവ് പുലർത്തിയ വിദ്യാർത്ഥികൾ നിരവധി സമ്മാനങ്ങൾ സ്വന്തമാക്കിയാണ് സ്കൂളിനെ പോയിന്റ് പട്ടികയിൽ ഒന്നാം സ്ഥാനത്തെത്തിച്ചത്. കായികതാരങ്ങളുടെ മികച്ച പ്രകടനവും കൂട്ടായ പരിശ്രമവുമാണ് ഈ അഭിമാന നേട്ടത്തിന് വഴിയൊരുക്കിയത്. കഠിനാധ്വാനവും പരിശീലനവും ആത്മവിശ്വാസവും കൈമുതലാക്കി മത്സരിച്ച കുട്ടികളുടെ മികവിനൊപ്പം, അവർക്കു പിന്നിൽ ശക്തമായ പിന്തുണയുമായി നിന്ന പി.ടി.എ., എസ്.എം.സി. ഭാരവാഹികൾ, മാനേജ്മെന്റ്, അധ്യാപകർ, രക്ഷിതാക്കൾ എന്നിവരുടെ കൂട്ടായ പ്രവർത്തനവും വിജയത്തിന് നിർണായകമായി. സ്കൂളിന്റെ കായികചരിത്രത്തിലെ ശ്രദ്ധേയമായ ഈ നേട്ടത്തിൽ പങ്കാളികളായ മുഴുവൻ വിദ്യാർത്ഥികളെയും പരിശീ...

മലപ്പുറം: കോൺഗ്രസ് (എസ്) മലപ്പുറം ജില്ലാ കമ്മിറ്റിയുടെ നേതൃത്വത്തിൽ ഗാന്ധി ജയന്തി ദിനം 'ഗാന്ധി ദർശന ചൈതന്യ ദിനമായി' ആചരിച്ചു. മലപ്പുറത്ത് നടന്ന ദിനാചരണ പരിപാടികൾ മുസ്തഫ കടമ്പോട് ഉദ്ഘാടനം ചെയ്തു. നാസർ പുൽപ്പറ്റ അധ്യക്ഷത വഹിച്ച ചടങ്ങിൽ പ്രകാശ് കുണ്ടൂർ, ഇ.എം തോമസ്, റസാഖ് ബാബു, കെ.ടി സമദ്, ജിജോ ജോർജ്ജ്, മുഹമ്മദ് അഷ്‌റഫ്, സാബിറ ചേളാരി എന്നിവർ സംസാരിച്ചു. ⊶⊷⊶⊷❍❍⊶⊷⊶⊷നിങ്ങളുടെ പ്രാദേശിക വാർത്തകൾ വേഗത്തിൽ.👉 ഇവിടെ ക്ലിക്ക് ചെയ്യുകhttps://chat.whatsapp.com/KA6zCmwUqSUKiq35cZNh0A⊶⊷⊶⊷❍❍⊶⊷⊶⊷നിങ്ങളുടെ വാർത്തകൾക്കും പരസ്യങ്ങൾക്കും🪀 http://wa.me/917510488184⊶⊷⊶⊷❍❍⊶⊷⊶⊷...

മലപ്പുറം: ജനവാസ കേന്ദ്രങ്ങൾ ഉൾപ്പെടുന്ന പ്രദേശങ്ങളെ റവന്യു വില്ലേജുകളായും വനം മേഖലകളെ ഫോറസ്റ്റ് വില്ലേജുകളായും പ്രത്യേകം തരംതിരിക്കണമെന്ന് കെ.ടി.യു.സി മലപ്പുറം ജില്ലാ കൺവെൻഷൻ ആവശ്യപ്പെട്ടു. ഫോറസ്റ്റ് വില്ലേജുകളെ മാത്രം പരിസ്ഥിതി മേഖലയായി നിശ്ചയിക്കണമെന്നും, പരിസ്ഥിതി സംരക്ഷണത്തോടൊപ്പം മലയോര മേഖലയിലെ കർഷകരുടെയും ജനങ്ങളുടെയും ആശങ്കകൾ പരിഹരിക്കണമെന്നും കൺവെൻഷനിൽ ആവശ്യമുയർന്നു. യോഗത്തിൽ പ്രസിഡന്റ് പി.എച്ച് ഫൈസൽ അധ്യക്ഷത വഹിച്ചു. കേരള കോൺഗ്രസ് ജില്ലാ പ്രസിഡന്റ് മാത്യു വർഗ്ഗീസ് കൺവെൻഷൻ ഉദ്ഘാടനം ചെയ്തു. അബ്ദുറഹിമാൻ മുങ്ങൽ, മുസ്തഫ തിരൂരങ്ങാടി, സുധീഷ് ഗാന്ധിക്കുന്ന്, ടി.ഡി ജോയ്, കെ.വി ജോർജ്ജ്, ജെ. ആന്റണി, സജേഷ് ഫിലിപ്പ്, റോയ് ജോസഫ്, വി. ദണ്ഡപാണി തുടങ്ങിയവർ സംസാരിച്ചു. ⊶⊷⊶⊷❍❍⊶⊷⊶⊷ *നിങ്ങളുടെ വാർത്തകൾക്കും പരസ്യങ്ങൾക്കും* 🪀 http://wa.me/917510488184 ⊶⊷⊶⊷❍❍⊶⊷⊶⊷...

മലപ്പുറം സിവില്‍ സ്റ്റേഷനില്‍ എത്തുന്നവരില്‍ പപ്പേട്ടനെ പരിചയമില്ലാത്തവര്‍ വിരളമായിരിക്കും. നൂറുകണക്കിന് ആളുകള്‍ ദിവസവും ഭക്ഷണം കഴിക്കാനെത്തുന്ന സിവില്‍ സ്റ്റേഷന്‍ കാന്റീനില്‍ അധികം സംസാരിക്കാതെ ഒരു നിമിഷം പോലും പാഴാക്കാതെ സദാ ജോലിയില്‍ മുഴുകിയിരിക്കുന്ന പപ്പേട്ടന്‍ 78-ാം വയസ്സിലും കര്‍മ്മനിരതനാണ്. പ്രായത്തിന്റെ തളര്‍ച്ചയെ വകവയ്ക്കാതെ ചുറുചുറുക്കോടെ ജോലി ചെയ്യുന്ന പപ്പേട്ടനെ അന്താരാഷ്ട്ര വയോജന ദിനാചരണത്തിന്റെ ഭാഗമായി മലപ്പുറം ജില്ലാ സാമൂഹ്യനീതി ഓഫീസും മലപ്പുറം നഗരസഭയും സംയുക്തമായി സംഘടിപ്പിച്ച ചടങ്ങില്‍ ആദരിച്ചു. ജീവിതത്തില്‍ ആദ്യമായാണ് പപ്പേട്ടന് ജില്ലയുടെ ഔദ്യോഗിക ആദരം ലഭിക്കുന്നത്. കോഡൂര്‍ പഞ്ചായത്തിലെ മുണ്ടക്കോട് സ്വദേശിയായ പപ്പേട്ടന്റെ വിദ്യാഭ്യാസം അഞ്ചാം ക്ലാസ് വരെ മാത്രമാണ്. ചെറുപ്പത്തില്‍ തന്നെ കുടുംബത്തിന്റെ ഉത്തരവാദിത്തം ഏറ്റെടുത്ത അദ്ദേഹം ജീവിതമാര്‍ഗമായി ജോലിയെ തിരഞ്ഞെടുത്തു. വി...

പുതുയുഗ കേരളത്തിനായി സംസ്ഥാന സര്‍ക്കാര്‍ ആവിഷ്‌ക്കരിച്ചു നടപ്പിലാക്കുന്ന ആദ്യ നൂറു ദിന കര്‍മപരിപാടിയുടെ അവലോകനം ജില്ലാ കളക്ടര്‍ ഡോ.വിനയ് ഗോയലിന്റെ അധ്യക്ഷതയില്‍ ആസൂത്രണ സെക്രട്ടറിയേറ്റിലെ പ്രധാന കോണ്‍ഫ്രന്‍സ് ഹാളില്‍ ചേര്‍ന്നു. ജില്ലയിലെ വിവിധ വകുപ്പുകളുടെ പ്രവര്‍ത്തന പുരോഗതി യോഗത്തില്‍ അവലോകനം ചെയ്തു. 50 വകുപ്പുകളിലായി ലക്ഷ്യമിട്ട 598 പദ്ധതികളില്‍ 371 പദ്ധതികളും പൂര്‍ത്തിയാക്കാന്‍ കഴിഞ്ഞു. വിവിധ വകുപ്പുകള്‍ ജില്ലയില്‍ 100 ശതമാനവും പുരോഗതി കൈവരിച്ചതായി യോഗം വിലയിരുത്തി. സിവില്‍ സപ്ലൈസ് വകുപ്പിന്റെ കീഴില്‍ സ്‌കൂളുകളില്‍ നൂറ് കണ്‍സ്യൂമര്‍ ക്ലബ്ബുകള്‍ രൂപീകരിക്കുകയെന്ന ലക്ഷ്യം മറികടന്ന് 142 എണ്ണം പൂര്‍ത്തിയാക്കാനായി. കൂടാതെ, നിലമ്പൂര്‍ താലൂക്കിലെ എട്ട് ഉന്നതികളിലേക്ക് സഞ്ചരിക്കുന്ന റേഷന്‍ കട സംവിധാനം ആരംഭിക്കുകയും കിടപ്പുരോഗികള്‍ക്ക് റേഷന്‍ എത്തിക്കുന്ന 'ഒപ്പം' പദ്ധതിയുടെ ഗുണഭോക്താക്കളെ കണ്ടെ...

മലപ്പുറം: ചെറുതും വലുതുമായ മനുഷ്യാവകാശ ലംഘനങ്ങൾ തുടർക്കഥയാകുന്ന സാഹചര്യമാണ് നിലവിൽ രാജ്യത്ത് നിലനിൽക്കുന്നതെന്ന് തിരൂരങ്ങാടി നഗരസഭാ വൈസ് ചെയർമാൻ എം. അബ്ദുറഹ്മാൻകുട്ടി പറഞ്ഞു. ഹ്യൂമൻ റൈറ്റ്സ് ജസ്റ്റിസ് വിജിലൻസ് കൗൺസിൽ മലപ്പുറം ജില്ലാ കൺവെൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ചടങ്ങിൽ കുഞ്ഞിമുഹമ്മദ് മേലാത്ത് അധ്യക്ഷത വഹിച്ചു. അസൈനാർ ഊരകം മുഖ്യപ്രഭാഷണം നടത്തി. ജില്ലാ ഭാരവാഹികളായ അഷ്റഫ് മനരിക്കൽ, സലാം ഹാജി മച്ചിങ്ങൽ, സിറാജ് വേങ്ങര, ശശി കണ്ണമംഗലം, വത്സല ചെമ്മാട് എന്നിവരും ചാപ്റ്റർ ഭാരവാഹികളായ എൻ.കെ. കുഞ്ഞുട്ടി, സിദ്ദീഖ് കല്യാണപ്പുര, നസ്രുള്ള ശരീഫ്, നൗഫൽ ഇല്ല്യൻ, അഷറഫ് ഇന്ത്യൻ, അയ്യൂബ് ഹാജി മണക്കടവൻ, ചന്ദ്രൻ താനൂർ, താഹിറ തിരൂർ, അഫ്സൽ കോട്ടക്കൽ, സുന്ദരൻ പന്താരങ്ങാടി, ആബിദ താന്നിക്കൽ, റഷീദ കണ്ണമംഗലം, ഹസ്സൻ മങ്ങാട്ട്, സജീഷ് കുമാർ ചെറ്റാലി, സാബിറ കോഹിനൂർ തുടങ്ങിയവർ സംസാരിച്ചു. അലി മനോല സ...

മലപ്പുറം: തിരുവാലി കുളക്കാട്ടിരിയിൽ വാൾ ഫാൻ തീപിടിച്ച് ഉരുകി വീണുണ്ടായ അപകടത്തിൽ അഞ്ചുമാസം പ്രായമുള്ള കുഞ്ഞ് ദാരുണമായി മരണപ്പെട്ടു. എറണാകുളം കാലടി മഞ്ഞപ്ര സ്വദേശി സജീവിന്റെ മകൾ ശ്രീഭദ്രയാണ് പൊള്ളലേറ്റ് മരിച്ചത്.​കുളക്കാട്ടിരി ജ്യോതിഗിരി എസ്റ്റേറ്റിലെ ഫാമിൽ കുടുംബസമേതം ജോലി ചെയ്തു വരികയായിരുന്നു സജീവും കുടുംബവും. കഴിഞ്ഞദിവസം വൈകീട്ടോടെ കുഞ്ഞിനെ മുറിയിലെ കട്ടിലിൽ ഉറക്കിക്കിടത്തി മാതാപിതാക്കൾ ഫാമിൽ ജോലി ചെയ്യുന്നതിനിടെയാണ് നാടിനെ നടുക്കിയ ദുരന്തം സംഭവിച്ചത്. ഷോർട്ട് സർക്യൂട്ടിനെ തുടർന്ന് ചുവരിലുണ്ടായിരുന്ന വാൾ ഫാനിന് തീപിടിക്കുകയും അത് കട്ടിലിലേക്ക് ഉരുകി വീഴുകയുമായിരുന്നു.​വീട്ടിൽ നിന്ന് പുക ഉയരുന്നത് കണ്ട് മാതാപിതാക്കൾ ഓടിയെത്തിയപ്പോഴേക്കും കുഞ്ഞിന് ഗുരുതരമായി പൊള്ളലേറ്റിരുന്നു. ഉടൻതന്നെ മഞ്ചേരി മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ⊶⊷⊶⊷❍❍⊶⊷⊶⊷ *നിങ്ങളുടെ ...

ജീവിതശൈലി മാറ്റാതെ രോഗങ്ങളെ തടയാനാവില്ലെന്ന് ആര്യാടന്‍ ഷൗക്കത്ത് എം.എല്‍.എ. കേരളത്തിലെ 70 ശതമാനം മരണങ്ങളും ജീവിതശൈലീ രോഗങ്ങള്‍ കാരണമാണെന്നും രോഗങ്ങള്‍ വന്നശേഷമുള്ള ചികിത്സയല്ല രോഗങ്ങള്‍ വരാനുള്ള വഴികള്‍ തടയാനുള്ള പ്രതിരോധത്തിനാണ് പ്രാധ്യാന്യം നല്‍കേണ്ടതെന്നും വ്യക്തമാക്കി. സംസ്ഥാന ആരോഗ്യവകുപ്പിന്റെ നേതൃത്വത്തില്‍ നിലമ്പൂര്‍ നിയോജകമണ്ഡലത്തില്‍ നടപ്പാക്കുന്ന ജീവിതശൈലീ രോഗങ്ങള്‍ക്കെതിരായ ഹൃദയരാഗം പദ്ധതിയുടെ ആലോചനായോഗം ഉദ്ഘാടനം ചെയ്ത് പ്രസംഗിക്കുകയായിരുന്നു. നിയോജകമണ്ഡലത്തില്‍ 18 വയസ് പൂര്‍ത്തിയായ 2.40 ലക്ഷം പേരെയും അവരുടെ വീടുകളിലെത്തി ആരോഗ്യ സര്‍വെ നടത്തി രോഗ സാധ്യതയും രോഗാവസ്ഥയും കണ്ടെത്തി ജീവിത ശൈലീ മാറ്റത്തിലൂടെ രോഗ പ്രതിരോധവും സമഗ്ര ചികിത്സയും ഉറപ്പ് വരുത്തുന്ന പദ്ധതിയാണ് ഹൃദയരാഗം. 23 മുതല്‍ 29 വരെ നിയോജകമണ്ഡലത്തിലെ 7 പഞ്ചായത്തുകളിലും നഗരസഭയിലും പ്രത്യേക ബോര്‍ഡ് യോഗം ചേരും. വാര്‍ഡുകളില്‍...

ഭിന്നശേഷിക്കാര്‍ക്ക് വിവിധ മേഖലകളില്‍ ആനുകൂല്യങ്ങളും പരിഗണനയും കരുതലും ഉറപ്പാക്കുന്നതിനായി കൊണ്ടോട്ടി ഇ.എം.ഇ.എ. ഹയര്‍ സെക്കന്‍ഡറി സ്‌കൂളിന്റെ നേതൃത്വത്തില്‍ നടപ്പാക്കുന്ന 'ചിറക് പ്രിവിലേജ് കാര്‍ഡ്' പദ്ധതിക്ക് തുടക്കമായി. ജില്ലാ കളക്ടറുടെ ചേംബറില്‍ നടന്ന ചടങ്ങില്‍ കളക്ടര്‍ ഡോ. വിനയ് ഗോയല്‍ പദ്ധതി ഉദ്ഘാടനം ചെയ്തു. ഹെഡ്മിസ്ട്രസ് കെ.എസ്. രോഹിണി അധ്യക്ഷയായി. അധ്യാപക കോര്‍ഡിനേറ്റര്‍ കെ.എം. ഇസ്മായില്‍ പദ്ധതി വിശദീകരിച്ചു.ഒരു വിദ്യാലയത്തിന്റെ നേതൃത്വത്തില്‍ സംസ്ഥാനത്ത് ആദ്യമായാണ് ഭിന്നശേഷിക്കാര്‍ക്കായി ഇത്രയും വിപുലമായ സാമൂഹിക പിന്തുണാ സംവിധാനം ഒരുക്കുന്നത്. സ്‌കൂള്‍ ഉള്‍പ്പെടുന്ന കൊണ്ടോട്ടി നഗരസഭയിലെ മൂന്നാം ഡിവിഷനിലെ ചെമ്മലപ്പറമ്പിനെയും സ്‌കൂളിലെ ഭിന്നശേഷി വിദ്യാര്‍ഥികളെയും കേന്ദ്രീകരിച്ച് നടപ്പാക്കുന്ന 'ചിറക്' പദ്ധതിയുടെ ഭാഗമായാണ് പ്രിവിലേജ് കാര്‍ഡ് ഒരുക്കിയിരിക്കുന്നത്.ഭിന്നശേഷിയുള്ള വ്യക്തികള...

നിലമ്പൂർ: നിലമ്പൂരിലും സമീപ പ്രദേശങ്ങളിലും വിദ്യാർത്ഥികൾക്കിടയിൽ മാരക ലഹരിമരുന്നായ എം.ഡി.എം.എ വിൽപന നടത്തിവന്ന കോളേജ് അധ്യാപകനും കൂട്ടുപ്രതികളും പോലീസിന്റെ പിടിയിലായി. മമ്പാട് കോളേജിലെ സ്റ്റാറ്റിസ്റ്റിക്സ് വിഭാഗം അധ്യാപകനായ മോങ്ങം അരിമ്പ്ര സ്വദേശി സുഹൈൽ പെരിങ്ങോടൻ, കൂട്ടാളികളായ റീന ടി.എൻ, വിവേക് വിജയൻ, സുബ്രഹ്മണ്യൻ എന്നിവരെയാണ് നിലമ്പൂർ പോലീസ് അറസ്റ്റ് ചെയ്തത്. രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ 0.4 ഗ്രാം എം.ഡി.എം.എയും 0.5 ഗ്രാം കഞ്ചാവുമായി സുബ്രഹ്മണ്യനെയാണ് പോലീസ് ആദ്യം പിടികൂടിയത്. തുടർന്ന് നടത്തിയ ചോദ്യം ചെയ്യലിലാണ് അധ്യാപകനായ സുഹൈൽ മറ്റ് പ്രതികൾക്ക് സ്ഥിരമായി ലഹരിമരുന്ന് നൽകുന്നുണ്ടെന്ന വിവരം പുറത്തുവന്നത്. മലപ്പുറം ജില്ലാ പോലീസ് മേധാവിയുടെ നിർദേശപ്രകാരം നടത്തിയ അന്വേഷണത്തിൽ സുഹൈൽ വിദ്യാർത്ഥികൾക്കും സുഹൃത്തുക്കൾക്കും വ്യാപകമായി ലഹരിമരുന്ന് വിൽപന നടത്തുന്നതായി കണ്ടെത്തു...

മലപ്പുറം കേന്ദ്രീകരിച്ച് നടന്ന വൻ എംഡിഎംഎ കടത്തുമായി ബന്ധപ്പെട്ട് തിരുവനന്തപുരം മലയിൻകീഴ് സ്വദേശിനി സൂര്യ (23), മലപ്പുറം സ്വദേശിയായ ആൺസുഹൃത്ത് അജ്മൽ എന്നിവർ അറസ്റ്റിൽ. നോയിഡയിലെ ഫ്ലാറ്റിൽ നിന്നാണ് പന്തീരാങ്കാവ് പോലീസ് ഇവരെ പിടികൂടിയത്. നഴ്സിംഗ് പഠനത്തിനായി ബെംഗളൂരുവിലെത്തിയ സൂര്യ, വീട്ടുകാരെ അറിയിക്കാതെ പഠനം പാതിവഴിയിൽ ഉപേക്ഷിച്ച് അജ്മലിനൊപ്പം നോയിഡയിലേക്ക് കടക്കുകയായിരുന്നു.സെക്കൻഡ് ഹാൻഡ് കാറുകളുടെ വിൽപ്പനയുടെ മറവിൽ നോയിഡയിലെ ഫ്ലാറ്റിൽ നിന്ന് ആഴ്ചതോറും പത്ത് കിലോയോളം എംഡിഎംഎ കേരളത്തിലേക്ക് ഇവർ കടത്തിയിരുന്നതായി അന്വേഷണ സംഘം കണ്ടെത്തി. സൂര്യയുടെ പേരിലുള്ള ഈ ഫ്ലാറ്റിൽ നിന്ന് ലഹരി നിർമ്മാണത്തിനും പാക്കിംഗിനുമുള്ള ഉപകരണങ്ങളും നിരവധി എടിഎം കാർഡുകളും പോലീസ് പിടിച്ചെടുത്തു. കഴിഞ്ഞ നാല് മാസത്തിനിടെ ഇവരുടെ ബാങ്ക് അക്കൗണ്ടുകളിലൂടെ അഞ്ച് കോടിയിലധികം രൂപയുടെ ഇടപാടുകളാണ് നടന്നത്.കഴിഞ്ഞ മേയ് മാസം കോഴിക...

തിരൂരങ്ങാടി: പാലക്കാട് റെയിൽവേ ഡിവിഷനിൽ നിന്ന് മംഗളൂരു ഉൾപ്പെടെയുള്ള പ്രദേശങ്ങൾ മൈസൂരു റെയിൽവേ ഡിവിഷനിലേക്ക് മാറ്റാനുള്ള തീരുമാനത്തിനെതിരെ ദേശീയ മനുഷ്യാവകാശ സംഘടനയായ എൻ.എഫ്.പി.ആർ (NFPR) മലപ്പുറം ജില്ലാ കമ്മിറ്റി ശക്തമായ പ്രതിഷേധം രേഖപ്പെടുത്തി. ഈ തീരുമാനം അടിയന്തരമായി പിൻവലിക്കണമെന്ന് ജില്ലാ കമ്മിറ്റി യോഗം പ്രമേയത്തിലൂടെ ആവശ്യപ്പെട്ടു. മലബാറിന്റെ റെയിൽവേ വികസനത്തിന് കനത്ത തിരിച്ചടിയാകുന്നതാണ് ഈ നീക്കം. പാലക്കാട് റെയിൽവേ ഡിവിഷനെ കൂടുതൽ ശക്തിപ്പെടുത്തുന്നതിനും യാത്രാ സൗകര്യങ്ങൾ മെച്ചപ്പെടുത്തുന്നതിനുമുള്ള നടപടികളാണ് കേന്ദ്ര സർക്കാർ സ്വീകരിക്കേണ്ടതെന്നും യോഗം ചൂണ്ടിക്കാട്ടി. ചെമ്മാട് വ്യാപാര ഭവനിൽ നടന്ന യോഗം എൻ.എഫ്.പി.ആർ സംസ്ഥാന വൈസ് പ്രസിഡന്റ് മനാഫ് താനൂർ ഉദ്ഘാടനം ചെയ്തു. ജില്ലാ പ്രസിഡന്റ് മുസ്തഫ ഹാജി അധ്യക്ഷത വഹിച്ചു. മജീദ് മൊല്ലഞ്ചേരി, അറഫാത്ത് പാറപ്പുറം, ബാവ ക്ലാരി എന്നിവർ സംസാരിച്ചു. ജില...

മലപ്പുറം: വിദ്യാർത്ഥിനികളുടെ ചിത്രങ്ങൾ മോർഫ് ചെയ്ത് പ്രചരിപ്പിച്ച കേസിലെ പ്രതി ലോഡ്ജ് മുറിയിൽ ജീവനൊടുക്കാൻ ശ്രമിച്ചു. തിരുവനന്തപുരം തിരുമല ഓടൻകുഴി സ്വദേശി സുബിൻ ബാബുവാണ് മലപ്പുറത്തെ ലോഡ്ജിൽ വെച്ച് ആത്മഹത്യാശ്രമം നടത്തിയത്. ഇയാളെ ഉടൻ തന്നെ ആശുപത്രിയിൽ പ്രവേശിപ്പിച്ചു. യുവാവ് അപകടനില തരണം ചെയ്തതായി ആശുപത്രി അധികൃതർ അറിയിച്ചു.​ജില്ലയിലെ വിവിധ കോളേജുകളിലെ വിദ്യാർത്ഥിനികൾ തങ്ങളുടെ സമൂഹ മാധ്യമ അക്കൗണ്ടുകളിൽ പങ്കുവെച്ച ഓണാഘോഷ ചിത്രങ്ങൾ മോർഫ് ചെയ്ത് അശ്ലീലമാക്കി പ്രചരിപ്പിച്ചതിനാണ് സുബിനെ മലപ്പുറം സൈബർ പോലീസ് അറസ്റ്റ് ചെയ്തത്. പൊന്നാനിയിൽ നിന്നുള്ള വിദ്യാർത്ഥിനികൾ നൽകിയ പരാതിയുടെ അടിസ്ഥാനത്തിൽ തിരുവനന്തപുരത്ത് നിന്നാണ് അന്വേഷണ സംഘം ഇയാളെ പിടികൂടിയത്. മൊബൈൽ ടെക്നീഷ്യനായി ജോലി ചെയ്യുന്ന പ്രതി സാമ്പത്തിക നേട്ടം ലക്ഷ്യമിട്ടാണ് ചിത്രങ്ങൾ മോർഫ് ചെയ്ത് പ്രചരിപ്പിച്ചതെന്ന് പോലീസ് വ്യക്തമാക്കിയിരുന്നു....

മഞ്ചേരി: പത്തപ്പിരിയം ഭക്തപ്രിയം ക്ഷേത്രത്തിൽ ജന്മാഷ്ടമിയോടനുബന്ധിച്ച് ഷോർട്ട് ഫിലിം ഫെസ്റ്റിവൽ സംഘടിപ്പിച്ചു. കേരളത്തിൽ ആദ്യമായാണ് ജന്മാഷ്ടമി ആഘോഷങ്ങളുടെ ഭാഗമായി ഇത്തരത്തിലൊരു ഷോർട്ട് ഫിലിം ഫെസ്റ്റിവൽ സംഘടിപ്പിക്കപ്പെടുന്നത്. ഫെസ്റ്റിവലിൽ കഥാകൃത്തും സംവിധായകനുമായ പ്രമോദ് മണ്ണിൽതൊടി സംവിധാനം ചെയ്ത 'അമ്മ വീണ്ടും പറഞ്ഞ് തന്ന കഥ' എന്ന ചിത്രം മികച്ച ഷോർട്ട് ഫിലിമിനുള്ള പുരസ്കാരം കരസ്ഥമാക്കി. ചടങ്ങ് സംവിധായകൻ ബാബു ഭക്തപ്രിയം ഉദ്ഘാടനം ചെയ്തു. മുരളി, അഞ്ജന എന്നിവർ പരിപാടിയിൽ സംസാരിച്ചു. സുഭീഷ് പത്തപ്പിരിയം സ്വാഗതവും രാധാകൃഷ്ണൻ നന്ദിയും രേഖപ്പെടുത്തി. ⊶⊷⊶⊷❍❍⊶⊷⊶⊷നിങ്ങളുടെ പ്രാദേശിക വാർത്തകൾ വേഗത്തിൽ.👉 ഇവിടെ ക്ലിക്ക് ചെയ്യുകhttps://chat.whatsapp.com/KA6zCmwUqSUKiq35cZNh0A⊶⊷⊶⊷❍❍⊶⊷⊶⊷നിങ്ങളുടെ വാർത്തകൾക്കും പരസ്യങ്ങൾക്കും🪀 http://wa.me/917510488184⊶⊷⊶⊷❍❍⊶⊷⊶⊷...

കേരള വാട്ടർ അതോറിറ്റി എച്ച്.ആർ ജീവനക്കാർക്കുള്ള ദിവസക്കൂലി അടിയന്തരമായി വർദ്ധിപ്പിക്കണമെന്ന് എച്ച്.ആർ എംപ്ലോയീസ് ഫ്രണ്ട് മലപ്പുറം ജില്ലാ കൺവെൻഷൻ സർക്കാരിനോട് ആവശ്യപ്പെട്ടു. മറ്റ് സർക്കാർ വകുപ്പുകളിൽ ദിവസവേതനക്കാർക്ക് 750 രൂപ വരെ ലഭിക്കുമ്പോൾ, വാട്ടർ അതോറിറ്റിയിൽ കേവലം 470 രൂപ മാത്രമാണ് നൽകുന്നത്. ഇത് തികച്ചും മനുഷ്യത്വരഹിതമാണെന്ന് കൺവെൻഷനിൽ പങ്കെടുത്ത പ്രതിനിധികൾ കുറ്റപ്പെടുത്തി. ബ്ലീച്ചിംഗ് പൗഡർ ഉൾപ്പെടെയുള്ള രാസവസ്തുക്കൾ ഉപയോഗിച്ച് എട്ടു മണിക്കൂർ മുഴുവൻ ജോലി ചെയ്യുന്ന ജീവനക്കാർക്ക് വട്ടച്ചെലവിന് പോലുമുള്ള ശമ്പളം ലഭിക്കുന്നില്ല. ഈ തുച്ഛമായ ശമ്പളത്തിൽ നിന്ന് തന്നെ കരാറുകാർ 10 ശതമാനം കമ്മീഷനായി പിടിക്കുന്ന സാഹചര്യമാണുള്ളത്. ഇതിന് മാറ്റമുണ്ടാകണമെന്നും, ശമ്പളം സർക്കാർ നേരിട്ട് നൽകണമെന്നും, പത്ത് വർഷം സർവീസ് പൂർത്തിയാക്കിയ ദിവസവേതനക്കാരെ അടിയന്തരമായി സർവീസിൽ സ്ഥിരപ്പെടുത്തണമെന്നും യോഗം ഐക്യകണ്...

കോട്ടക്കൽ: പ്രാരാബ്ധങ്ങൾ കാരണം എൽ.കെ.ജിയിൽ വെച്ച് പഠനം അവസാനിപ്പിക്കേണ്ടി വന്നെങ്കിലും, നിശ്ചയദാർഢ്യത്തോടെ പത്താം തരം തുല്യതാ പഠനം വരെയെത്തിച്ച കോട്ടക്കൽ സ്വദേശിയായ ബുഷറയ്ക്ക് ജില്ലാ സാക്ഷരതാ മിഷന്റെ ആദരം. സാക്ഷരതാ മിഷന് കീഴിൽ ജില്ലയിലെ തന്നെ ഏറ്റവും പ്രായം കുറഞ്ഞ തുല്യതാ പഠിതാവാണ് ഇരുപത്തിരണ്ടുകാരിയായ ബുഷ്‌റ. അക്ഷരങ്ങളോടുള്ള അടങ്ങാത്ത ആഗ്രഹത്താൽ 2018-ൽ നാലാം തരം തുല്യതാ പരീക്ഷ മികച്ച വിജയത്തോടെ പാസായ ബുഷ്‌റ, തുടർന്ന് ഏഴാം തരവും കടന്ന് ഇപ്പോൾ പത്താം തരം തുല്യതാ പരീക്ഷയ്ക്കുള്ള തീവ്ര പരിശീലനത്തിലാണ്. കോട്ടക്കൽ തോക്കാംപാറ ബ്രദേർസ് ക്വാർട്ടേഴ്സിൽ പരേതനായ എ. ശിഹാബുദ്ദീന്റെയും സുലൈഖയുടെയും ഏക മകളാണ് ബുഷ്‌റ. പിതാവിന്റെ മരണശേഷം സൂപ്പർ മാർക്കറ്റിൽ ജോലി ചെയ്താണ് അമ്മ സുലൈഖ മകളുടെ പഠനസ്വപ്നങ്ങൾക്ക് താങ്ങായി നിൽക്കുന്നത്. കോട്ടപ്പടി ഗവ. ബോയ്സ് ഹയർ സെക്കൻഡറി സ്കൂളിലെ പഠന കേന്ദ്രത്തിൽ സംഘടിപ്പിച്ച ചടങ്...

മലപ്പുറം: കൂട്ടിലങ്ങാടി പെരിങ്ങോട്ടുപുലം വെള്ളക്കാട് പമ്പ് ഹൗസിന് സമീപം കടലുണ്ടിപ്പുഴയിൽ യുവാവിനെ കാണാതായി. കണ്ണൂർ മാളൂർ തരിക്കണ്ടി വീട്ടിൽ ബാലന്റെ മകൻ സുധീഷ് കുന്നുമ്മലിനെയാണ് (37) കാണാതായത്. ഞായറാഴ്ച രാത്രി പത്ത് മണി വരെ ഇദ്ദേഹം പ്രദേശത്തുണ്ടായിരുന്നതായി നാട്ടുകാർ പറയുന്നു. രാത്രിയോടെ യുവാവിനെ കാണാതായതിനെ തുടർന്ന് നാട്ടുകാർ നടത്തിയ പരിശോധനയിൽ പമ്പ് ഹൗസിന് സമീപത്ത് നിന്ന് ഇയാളുടെ ബൈക്ക് കണ്ടെത്തി. ബൈക്കിനൊപ്പം വാഹനത്തിന്റെ താക്കോലും, ഫോൺ നമ്പറും കുടുംബ മേൽവിലാസവും ഉൾപ്പെടുന്ന ഒരു കുറിപ്പും ഉപേക്ഷിച്ച നിലയിലായിരുന്നു. യുവാവ് പുഴയിൽ ചാടിയതാകാമെന്ന നിഗമനത്തിൽ ഫയർഫോഴ്സും നാട്ടുകാരും ചേർന്ന് പുഴയിൽ തിരച്ചിൽ തുടരുകയാണ്. വിവരമറിഞ്ഞ് സുധീഷിന്റെ ബന്ധുക്കളും കണ്ണൂരിൽ നിന്ന് സംഭവസ്ഥലത്തെത്തിയിട്ടുണ്ട്. ⊶⊷⊶⊷❍❍⊶⊷⊶⊷നിങ്ങളുടെ പ്രാദേശിക വാർത്തകൾ വേഗത്തിൽ.👉 ഇവിടെ ക്ലിക്ക് ചെയ്യുകhttps://chat.whatsapp.c...

വണ്ടൂർ: എം.പി പി.വി അബ്ദുൾ വഹാബിന്റെ ഡ്രൈവറെയും കുടുംബത്തെയും കാർ തടഞ്ഞുനിർത്തി മർദ്ദിച്ച കേസിലെ രണ്ടാം പ്രതി പിടിയിൽ. കരുണായപ്പടി സ്വദേശി പുലാടൻ ഹൗസിൽ ഇബ്നു റാഷിദിനെ (35) ആണ് കഴിഞ്ഞദിവസം ചിക്കമംഗളൂരുവിൽ നിന്ന് പോലീസ് പിടികൂടിയത്. കേസിലെ ഒന്നാം പ്രതി വിഷ്ണു ഉൾപ്പെടെയുള്ള രണ്ടുപേർ ഇപ്പോഴും ഒളിവിലാണ്. കഴിഞ്ഞ മാസം 13-ന് വൈകിട്ട് അഞ്ചോടെ എറിയാട് വെച്ചായിരുന്നു സംഭവം. വാഹന പാർക്കിംഗുമായി ബന്ധപ്പെട്ട തർക്കത്തെ തുടർന്ന് നാലംഗ സംഘം എം.പിയുടെ ഡ്രൈവർ സിദ്ദിഖ്, മകൻ അമൽ ശാരിഖ്, ഭാര്യ, മൂന്ന് വയസ്സുള്ള പേരക്കുട്ടി എന്നിവർക്ക് നേരെ ആക്രമണം അഴിച്ചുവിടുകയായിരുന്നു. പ്രതികൾ കാർ തടഞ്ഞുനിർത്തി അമൽ ശാരിഖിനെയും സിദ്ദീഖിന്റെ ഭാര്യയെയും ഉൾപ്പെടെ മർദ്ദിച്ചുവെന്നാണ് പരാതി. അറസ്റ്റിലായ ഇബ്നു റാഷിദിനെ പെരിന്തൽമണ്ണ കോടതിയിൽ ഹാജരാക്കി. ⊶⊷⊶⊷❍❍⊶⊷⊶⊷നിങ്ങളുടെ പ്രാദേശിക വാർത്തകൾ വേഗത്തിൽ.👉 ഇവിടെ ക്ലിക്ക് ചെയ്യുകhttps://...