പാലക്കാട് മേനോൻപാറയിൽ ഏഴാം ക്ലാസ് വിദ്യാർത്ഥിയെ വീട്ടിനുള്ളിൽ മരിച്ച നിലയിൽ കണ്ടെത്തി. മേനോൻപാറ മേലെപ്പോക്കാൻത്തോട് സ്വദേശിയായ വിശ്വജിത്ത് (13) ആണ് മരിച്ചത്. വീടിനുള്ളിലെ ശുചിമുറിയിൽ തൂങ്ങി മരിച്ച നിലയിലാണ് കുട്ടിയെ കണ്ടെത്തിയത്. ഫുട്ബോൾ പരിശീലനത്തിന് പോകാൻ വീട്ടുകാർ അനുവാദം നൽകാത്തതിനെത്തുടർന്നുള്ള മനോവിഷമമാണ് ആത്മഹത്യയ്ക്ക് കാരണമെന്നാണ് പോലീസിന്റെ പ്രാഥമിക നിഗമനം. ഫുട്ബോളിനോട് ഏറെ താൽപ്പര്യം പ്രകടിപ്പിച്ചിരുന്ന വിദ്യാർത്ഥിയായിരുന്നു വിശ്വജിത്ത്. കുട്ടിയുടെ മൃതദേഹം ഇൻക്വസ്റ്റ് നടപടികൾക്ക് ശേഷം പാലക്കാട് ജില്ലാ ആശുപത്രി മോർച്ചറിയിലേക്ക് മാറ്റി. സംഭവത്തിൽ പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്.
