ദുബായിൽ ജീവനക്കാരൻ മദ്യപിച്ച് വാഹനാപകടമുണ്ടാക്കി മുങ്ങി; കുരുക്കിലായി വാഹന ഉടമ
ദുബായിൽ മദ്യപിച്ച് വാഹനമോടിച്ച് ഒരാളുടെ മരണത്തിനിടയാക്കിയ കേസിലെ പ്രതി ജാമ്യത്തിലിറങ്ങി നാട്ടിലേക്ക് മുങ്ങിയതോടെ കോഴിക്കോട് സ്വദേശിയായ വാഹന ഉടമ കടുത്ത നിയമക്കുരുക്കിൽ. ദുബായിൽ സ്ഥാപനം നടത്തുന്ന കുറ്റ്യാടി സ്വദേശി മംഗലശ്ശേരി നൗഫലാണ് തന്റെ ജീവനക്കാരൻ വരുത്തിവെച്ച 1.2 കോടി രൂപയുടെ ഭീമമായ പിഴ ശിക്ഷയിൽ കുടുങ്ങിയത്. 2022 ഒക്ടോബർ 12-നാണ് കേസിനാസ്പദമായ സംഭവം നടന്നത്. നൗഫൽ അവധിക്ക് നാട്ടിലായിരുന്ന സമയത്ത് ഇദ്ദേഹത്തിന്റെ ഓഫീസിലെ ജീവനക്കാരനായ മലപ്പുറം തിരൂർ സ്വദേശി ഫഹദ് അനുമതിയില്ലാതെ സ്ഥാപനത്തിന്റെ വാഹനമെടുത്ത് പുറത്തുപോവുകയായിരുന്നു.മദ്യലഹരിയിൽ ഫഹദ് ഓടിച്ചിരുന്ന വാഹനം അപകടത്തിൽപ്പെടുകയും ഒരാൾ കൊല്ലപ്പെടുകയും ചെയ്തു. തുടർന്ന് ദുബായ് പോലീസ് ഫഹദിനെ അറസ്റ്റ് ചെയ്തെങ്കിലും നിയമനടപടികൾക്കിടെ ജാമ്യത്തിലിറങ്ങിയ ഇയാൾ രഹസ്യമായി നാട്ടിലേക്ക് കടക്കുകയായിരുന്നു. കേസിൽ 1.2 കോടി രൂപ പിഴയടക്കാൻ കോടതി ഉത്തരവിട്ടതോ...
