TIRURANGADI

തിരൂരങ്ങാടി: 'ഓപ്പറേഷൻ തൂഫാൻ' പരിശോധനയുടെ ഭാഗമായി തിരൂരങ്ങാടി പോലീസ് സ്റ്റേഷൻ പരിധിയിലെ വലിയപറമ്പിൽ വെച്ച് 2.68 ​ഗ്രാം എം.ഡി.എം.എ യുമായി യുവാവിനെ പോലീസ് പിടികൂടി. വെളിമുക്ക് കൂഫയിൽ താമസിക്കുന്ന മുഹമ്മദ് സഹൽ പള്ളിയാളി ആണ് പോലീസിന്റെ പിടിയിലായത്. തിരൂരങ്ങാടി സി.ഐ പ്രദീപ്കുമാറിന്റെ നേതൃത്വത്തിലുള്ള അന്വേഷണ സംഘമാണ് പ്രതിയെ വലയിലാക്കിയത്. എസ്.ഐ സഫ്‌വാൻ, എസ്.ഐ അനിൽകുമാർ, സി.പി.ഒമാരായ അനീഷ് ബാബു, രാജേഷ്, ഷബിൻ എന്നിവരും പരിശോധന നടത്തിയ പോലീസ് സംഘത്തിലുണ്ടായിരുന്നു. ⊶⊷⊶⊷❍❍⊶⊷⊶⊷നിങ്ങളുടെ പ്രാദേശിക വാർത്തകൾ വേഗത്തിൽ.👉 ഇവിടെ ക്ലിക്ക് ചെയ്യുകhttps://chat.whatsapp.com/KA6zCmwUqSUKiq35cZNh0A⊶⊷⊶⊷❍❍⊶⊷⊶⊷നിങ്ങളുടെ വാർത്തകൾക്കും പരസ്യങ്ങൾക്കും🪀 http://wa.me/917510488184⊶⊷⊶⊷❍❍⊶⊷⊶⊷...

തിരൂരങ്ങാടി: പൈപ്പ് ലൈൻ പ്രവൃത്തിക്കായി റോഡ് കുഴിച്ചതിനെ തുടർന്ന് പന്താരങ്ങാടി–പാറപ്പുറം റോഡ് പൂർണ്ണമായും ചെളിക്കുളമായി മാറി. ഇന്നലെ രാത്രിയിലാണ് പൈപ്പ് ലൈൻ സ്ഥാപിക്കുന്നതിനായി റോഡ് കുഴിച്ചതെന്നാണ് വിവരം. റോഡിൽ വലിയ തോതിൽ ചെളിയും വെള്ളക്കെട്ടും രൂപപ്പെട്ടതോടെ കാൽനടയാത്രക്കാർക്കും ഇരുചക്ര വാഹനങ്ങൾ ഉൾപ്പെടെയുള്ളവയ്ക്കും ഇതുവഴി സഞ്ചരിക്കാൻ കഴിയാത്ത ദുരവസ്ഥയാണ് നിലവിലുള്ളത്. റോഡിന്റെ നിലവിലെ ശോചനീയാവസ്ഥ നാട്ടുകാർക്കും യാത്രക്കാർക്കും വലിയ പ്രതിസന്ധിയാണ് സൃഷ്ടിക്കുന്നത്. പൈപ്പ് ലൈൻ പ്രവൃത്തി അടിയന്തരമായി പൂർത്തിയാക്കി റോഡ് ഗതാഗതയോഗ്യമാക്കണമെന്നും, പ്രവൃത്തി പൂർത്തിയായ ഉടൻ റോഡ് മുൻകാല സ്ഥിതിയിലേക്ക് പുനഃസ്ഥാപിക്കണമെന്നും ആവശ്യപ്പെട്ട് നാട്ടുകാർ തിരൂരങ്ങാടി നഗരസഭയ്ക്ക് പരാതി നൽകി. മനുഷ്യാവകാശ പ്രവർത്തകനും വിവരാവകാശ ആക്ടിവിസ്റ്റുമായ അബ്ദുൽ റഹീം പൂക്കത്ത്, അഷറഫ് മനരിക്കൽ, പി.പി. സുബൈർ, നിയാസ് അഞ്ചപ...

പെരുമണ്ണ: കേരളത്തിന്റെ തനിമയും ഓണത്തിന്റെ സന്തോഷവും വിളിച്ചോതി പെരുമണ്ണ എ.എം.എൽ.പി സ്കൂളിൽ ഈ വർഷത്തെ ഓണാഘോഷ പരിപാടികൾ “ആരവം” എന്ന പേരിൽ വളരെ വിപുലമായും ആവേശകരമായും സംഘടിപ്പിച്ചു. ആഘോഷത്തിന്റെ ഭാഗമായി സ്കൂൾ അങ്കണത്തിൽ ഒരുക്കിയ മനോഹരമായ പൂക്കളം ഏവരുടെയും ശ്രദ്ധ പിടിച്ചുപറ്റി. തുടർന്ന് കുട്ടികൾക്കായി വിഭവസമൃദ്ധമായ ഓണസദ്യയും ഒരുക്കിയിരുന്നു. വിദ്യാർത്ഥികൾക്കായി വിവിധ വിനോദ മത്സരങ്ങളും സംഘടിപ്പിച്ചു. കസേരകളി, കുപ്പിയിൽ വെള്ളം നിറയ്ക്കൽ, ലെമൺ സ്പൂൺ റേസ്, വടംവലി തുടങ്ങിയ മത്സരങ്ങളിൽ കുട്ടികളും അധ്യാപകരും ഒരുപോലെ ആവേശത്തോടെ പങ്കെടുത്തു. ഓണത്തിന്റെ കലാസാംസ്കാരിക പാരമ്പര്യം വിളിച്ചോതുന്ന ഓണപ്പാട്ടുകളും തിരുവാതിരയും ആഘോഷത്തിന് കൂടുതൽ മിഴിവേകി.ആഘോഷത്തിന്റെ ഓർമ്മകൾ മനോഹരമായി സൂക്ഷിക്കുന്നതിനായി പ്രത്യേകമായി ഒരുക്കിയ ഫോട്ടോ ഫ്രെയിമിൽ വിദ്യാർത്ഥികളും അധ്യാപകരും ചിത്രങ്ങൾ പകർത്തി. കൂട്ടായ്മയുടെയും സൗഹൃദത്...

തിരൂരങ്ങാടി: ഭിന്നശേഷിക്കാരെ ചേർത്തുപിടിച്ച് സ്തുത്യർഹ സേവനം കാഴ്ചവെച്ച തിരൂരങ്ങാടി പി.എസ്.എം.ഒ കോളേജ് എൻ.എസ്.എസ് വളണ്ടിയർമാർക്ക് ആദരവ്. ഇതിനൊപ്പം എൻ.എസ്.എസ് യൂണിറ്റിന്റെ പാലിയേറ്റീവ് ഹോം കെയറിലേക്ക് ആവശ്യമായ വീൽചെയറുകളും വാക്കറുകളും വിതരണം ചെയ്തു. "സേവനമാണ് മഹത്തായ കരുണ, കരുണയുടെ കൈകളിൽ ജീവന്റെ പ്രകാശം" എന്ന സന്ദേശമുയർത്തി സിഗ്നേച്ചർ ഭിന്നശേഷി ശാക്തീകരണ വേദിയുടെ നേതൃത്വത്തിലാണ് പരിപാടി സംഘടിപ്പിച്ചത്. കോളേജ് സെമിനാർ ഹാളിൽ നടന്ന ചടങ്ങ് തിരൂർ ഡി.വൈ.എസ്.പി സുനിൽ പുളിക്കൽ ഉദ്ഘാടനം ചെയ്തു. സിഗ്നേച്ചർ ഭിന്നശേഷി ശാക്തീകരണ വേദി രക്ഷാധികാരി ഡോ. എം.എ കബീർ അധ്യക്ഷത വഹിച്ചു. പി.എസ്.എം.ഒ കോളേജ് മാനേജർ എം.കെ ബാവ മുഖ്യാതിഥിയായി. ഭിന്നശേഷിക്കാരുടെ ഉന്നമനത്തിനായി വിവിധ ഘട്ടങ്ങളിൽ സേവനം അനുഷ്ഠിച്ച എൻ.എസ്.എസ് വളണ്ടിയർമാർക്ക് ചടങ്ങിൽ പ്രശസ്തി പത്രം നൽകി ആദരിച്ചു. എൻ.എസ്.എസ് യൂണിറ്റിന് വീൽ ചെയർ നൽകിയ മൂന്നിയൂ...

പരപ്പനങ്ങാടി: പരപ്പനങ്ങാടിയിലെ കായിക കൂട്ടായ്മയായ പരപ്പനാട് വാക്കേഴ്സ് ക്ലബ്ബ് വിപുലമായ പരിപാടികളോടെ രാജ്യത്തിന്റെ 80-ാം സ്വാതന്ത്ര്യദിനം ആഘോഷിച്ചു.ചുടലപ്പറമ്പ് മൈതാനിയിൽ രാവിലെ 8 മണിക്ക് നടന്ന ചടങ്ങിൽ ശൗര്യ സമ്മാൻ അവാർഡ് ജേതാവ് റിട്ട. സുബേദാർ മേജർ ശ്രീ. കൃഷ്ണൻ ടി. ദേശീയ പതാക ഉയർത്തി.ക്ലബ്ബ് കൺവീനർ കെ.ടി. വിനോദ് സ്വാഗതം ആശംസിച്ച ചടങ്ങിൽ പ്രസിഡന്റ് ഉണ്ണികൃഷ്ണൻ കേലച്ചൻകണ്ടി അധ്യക്ഷത വഹിച്ചു. കലാ-കായിക താരങ്ങളും ക്ലബ് അംഗങ്ങളും പരിപാടിയിൽ പങ്കെടുത്തു.ചന്ദ്രൻ മാസ്റ്റർ സ്വാതന്ത്ര്യദിന സന്ദേശം നൽകി. ജോയിന്റ് കൺവീനർ മനോജ് ടി. നന്ദി രേഖപ്പെടുത്തി.ദേശസ്നേഹവും കായിക കൂട്ടായ്മയുടെ ഐക്യവും വിളിച്ചോതിയ ആഘോഷം ആവേശകരമായി സമാപിച്ചു....

തിരൂരങ്ങാടി: ദേശീയബോധത്തിന്റെയും സാമൂഹിക ഉത്തരവാദിത്വത്തിന്റെയും സന്ദേശമുയർത്തി തിരൂരങ്ങാടി ഓറിയന്റൽ ഹയർ സെക്കൻഡറി സ്കൂളിൽ സ്വാതന്ത്ര്യദിനം പ്രൗഢമായി ആഘോഷിച്ചു. ഹെഡ്മാസ്റ്റർ കെ. കെ. ഉസ്മാൻ മാസ്റ്റർ ദേശീയപതാക ഉയർത്തി സ്വാതന്ത്ര്യദിന സന്ദേശം നൽകി. എൻ.എസ്.എസ്. പ്രോഗ്രാം ഓഫീസർ മുനീർ താനാളൂർ അധ്യക്ഷത വഹിച്ചു.സ്വാതന്ത്ര്യസമര സേനാനികളുടെ ത്യാഗത്തിലൂടെ നേടിയ സ്വാതന്ത്ര്യത്തിന്റെ മൂല്യങ്ങളും ഉത്തരവാദിത്വങ്ങളും പുതുതലമുറ തിരിച്ചറിയണമെന്ന് ചടങ്ങിൽ ഓർമിപ്പിച്ചു. രാജ്യസ്നേഹം, ഭരണഘടനാ മൂല്യങ്ങളോടുള്ള ആദരം, സഹിഷ്ണുത, സാമൂഹിക സേവനം, പരസ്പര ബഹുമാനം എന്നിവ വിദ്യാർത്ഥികളുടെ ജീവിതത്തിന്റെ ഭാഗമാക്കണമെന്നും സന്ദേശം നൽകി.എൻ.എസ്.എസ്. വളണ്ടിയർമാരും സ്കൗട്ട് വിദ്യാർത്ഥികളും പരിപാടിയിൽ സജീവമായി പങ്കെടുത്തു. ദേശീയഗാനം, ദേശഭക്തിഗാനം എന്നിവയ്ക്കു പുറമെ സ്വാതന്ത്ര്യദിനത്തിന്റെ ഭാഗമായി വിദ്യാർത്ഥികൾ സ്കൂൾ ക്യാമ്പസ് ശുചീക...

തിരൂരങ്ങാടി: മലപ്പുറം ജില്ല അസിസ്റ്റന്റ് കലക്ടറായി (അസിസ്റ്റന്റ് ജില്ലാ മജിസ്ട്രേറ്റ്) നിയമിതനായ പി.ഒ. സാദിഖിന് കേരള ഡെവലപ്മെന്റ് ഫോറത്തിന്റെ (കെ.ഡി.എഫ്) ആദരവ്. പൊതുസേവന രംഗത്തെ ശ്രദ്ധേയമായ പ്രവർത്തനങ്ങളും ഉത്തരവാദിത്തപരമായ ഔദ്യോഗിക സേവനവും പരിഗണിച്ചാണ് കെ.ഡി.എഫിന്റെ നേതൃത്വത്തിൽ അദ്ദേഹത്തെ ആദരിച്ചത്.സംഘടനയുടെ സംസ്ഥാന ജനറൽ സെക്രട്ടറി അബ്ദുൽ റഹീം പൂക്കത്ത്, പി.പി. സുബൈർ ആനങ്ങാടി, ഷൈനി പട്ടാളത്തിൽ എന്നിവർ ചേർന്ന് അദ്ദേഹത്തിന്റെ ചേമ്പറിൽ നേരിട്ടെത്തിയാണ് ആദരവ് കൈമാറിയത്. സാമൂഹിക, സാംസ്കാരിക, ഭരണ മേഖലകളിൽ മലപ്പുറത്തിന് മാതൃകാപരമായ മാറ്റങ്ങൾ കൊണ്ടുവരാൻ പുതിയ ഉത്തരവാദിത്തത്തിലൂടെ പി.ഒ. സാദിഖിന് സാധിക്കുമെന്ന് കെ.ഡി.എഫ് ഭാരവാഹികൾ പ്രത്യാശ പ്രകടിപ്പിച്ചു.പുതിയ പദവിയിൽ ജനോപകാരപ്രദമായ മികച്ച സേവനം കാഴ്ചവെക്കാൻ അദ്ദേഹത്തിന് സാധിക്കട്ടെയെന്നും ജനങ്ങളുടെ ഉന്നമനത്തിനായി പ്രവർത്തിക്കാൻ കഴിയട്ടെയെന്നും കെ...

തിരൂരങ്ങാടി: കെ.എൻ.എം. തിരൂരങ്ങാടി മണ്ഡലം മദ്റസാ കോംപ്ലക്സ് കമ്മിറ്റിയുടെ ആഭിമുഖ്യത്തിൽ മദ്റസാ അധ്യാപകർക്കായി സംഘടിപ്പിച്ച ടീച്ചേഴ്സ് ട്രെയിനിംഗ് ക്യാമ്പ് കരുമ്പിൽ സലഫി മദ്റസയിൽ നടന്നു. ഞായറാഴ്ച (ആഗസ്റ്റ് 9) രാവിലെ 7 മണിക്ക് ആരംഭിച്ച ക്യാമ്പിൽ മദ്റസാ കോംപ്ലക്സിന് കീഴിലെ നിരവധി അധ്യാപകർ പങ്കെടുത്തു. തജ്‌വീദ് വിഷയത്തിൽ അധ്യാപകരുടെ അറിവും അധ്യാപന മികവും മെച്ചപ്പെടുത്തുക എന്ന ലക്ഷ്യത്തോടെയാണ് ക്യാമ്പ് ഒരുക്കിയത്. ഖുർആൻ പാരായണത്തിലെ തജ്‌വീദ് നിയമങ്ങൾ, ഉച്ചാരണ ശുദ്ധി, അധ്യാപനത്തിലെ പ്രായോഗിക രീതികൾ തുടങ്ങിയ വിഷയങ്ങളിൽ നടന്ന പരിശീലന ക്ലാസുകൾക്ക് മുഹമ്മദ് ബിൻ അലി നേതൃത്വം നൽകി. കെ.എൻ.എം. മണ്ഡലം സെക്രട്ടറി ഹംസ മാസ്റ്റർ കരുവിൽ ക്യാമ്പ് ഉദ്ഘാടനം ചെയ്തു. ചടങ്ങിൽ അബു മാസ്റ്റർ അധ്യക്ഷത വഹിച്ചു. മദ്റസാ കോംപ്ലക്സ് സെക്രട്ടറി സി.വി.എം. ശരീഫ് സ്വാഗതം പറഞ്ഞു. മുഹമ്മദ് മാസ്റ്റർ വലിയോറ, സുൽഫിക്കർ അലി, സാനിയ ടീ...

ചേലേമ്പ്ര: ചേലേമ്പ്ര ചക്കുളങ്ങരയിൽ നടന്ന എസ്.എസ്.എഫ് തേഞ്ഞിപ്പലം ഡിവിഷൻ 'അനലൈസ' സമാപിച്ചു. ഡിവിഷൻ പ്രസിഡൻ്റ് മുഹ്സിൻ ശാമിൽ ഇർഫാനിയുടെ അധ്യക്ഷതയിൽ ചേർന്ന സമാപന സമ്മേളനം ജില്ലാ പ്രസിഡണ്ട് ജഅ്ഫർ ശാമിൽ ഇർഫാനി ഉദ്ഘാടനം ചെയ്തു. ജില്ലാ സെക്രട്ടറി അനസ് നുസ്‌രി, എക്സിക്യൂട്ടീവ് അംഗം ഇബ്രാഹിം ഫാസിൽ എന്നിവരാണ് പരിപാടികൾ നിയന്ത്രിച്ചത്. ചടങ്ങിൽ ജില്ലാ സെക്രട്ടറി അഡ്വ. അബ്ദുൽ മജീദ്, എക്സിക്യൂട്ടീവ് അംഗം ഇസ്മായിൽ ഹാഷിമി തുടങ്ങിയവർ സംബന്ധിച്ചു. മുഹമ്മദ് ജാബിർ ടി.കെ. സ്വാഗതവും ആദിൽ അമീൻ നന്ദിയും പറഞ്ഞു. നിങ്ങളുടെ പ്രാദേശിക വാർത്തകൾ വേഗത്തിൽ.👉 ഇവിടെ ക്ലിക്ക് ചെയ്യുകhttps://chat.whatsapp.com/KA6zCmwUqSUKiq35cZNh0A...

പരപ്പനങ്ങാടിയിൽ നിന്ന് കോഴിക്കോട്ടേക്കും മലപ്പുറം, മഞ്ചേരി ഭാഗത്തേക്കും കെ.എസ്.ആർ.ടി.സി പ്രിയദർശിനി ബസ് സർവ്വീസുകൾ അനുവദിക്കണമെന്ന് ആവശ്യപ്പെട്ട് ഗതാഗത വകുപ്പ് മന്ത്രി സി.പി. ജോണിന് നിവേദനം നൽകി. മൂന്നിയൂർ സൗഹൃദ വേദി ചെയർമാൻ അഷ്റഫ് കളത്തിങ്ങൽ പാറ, സെക്രട്ടറി മുഹമ്മദ് കോയ കൊല്ലഞ്ചേരി എന്നിവർ സി.എം.പി. സംസ്ഥാന സെക്രട്ടറി കൃഷ്ണൻ കോട്ടുമലയുടെ സാന്നിധ്യത്തിലാണ് മന്ത്രിക്ക് നിവേദനം സമർപ്പിച്ചത്. നിവേദനത്തിൽ ആവശ്യപ്പെട്ട പ്രധാന റൂട്ടുകൾ: പരപ്പനങ്ങാടിയിൽ നിന്ന് പുത്തിരിക്കൽ, തയ്യിലപ്പടി, കുണ്ടംകടവ്, കുന്നത്ത് പറമ്പ് ആലിൻചുവട് വഴി കോഴിക്കോട്ടേക്കും തിരിച്ചും. പരപ്പനങ്ങാടിയിൽ നിന്ന് കുണ്ടംകടവ് ആലിൻചുവട്, ചെമ്മാട്, കോട്ടക്കൽ വഴി മലപ്പുറത്തേക്കും മഞ്ചേരിയിലേക്കും തിരിച്ചും. കോഴിക്കോട്, മഞ്ചേരി മെഡിക്കൽ കോളേജുകളിലേക്കും മറ്റ് വിവിധ വിദ്യാഭ്യാസ സ്ഥാപനങ്ങളിലേക്കും യാത്ര ചെയ്യുന്ന വിദ്യാർത്ഥികൾക്...

തിരൂരങ്ങാടി: തിരൂരങ്ങാടി–ചെറുമുക്ക്–കുണ്ടൂർ പൊതുമരാമത്ത് വകുപ്പ് (BM&BC) റോഡിൽ കുടിവെള്ള പദ്ധതിക്കായി പി.വി.സി പൈപ്പുകൾ സ്ഥാപിച്ചതിന്റെ ഗുണനിലവാരവും സാങ്കേതിക അനുയോജ്യതയും പരിശോധിക്കണമെന്നാവശ്യപ്പെട്ട് പരാതി. മോട്ടോർ ആക്സിഡന്റ് പ്രിവൻഷൻ സൊസൈറ്റി (MAPS) ജില്ലാ ജനറൽ സെക്രട്ടറിയും വിവരാവകാശ പ്രവർത്തകനുമായ അബ്ദുൽ റഹീം പൂക്കത്ത്, അഷറഫ് മനരിക്കൽ, സലാം ഹാജി മച്ചിങ്ങൽ, നിയാസ് അഞ്ചപ്പുര എന്നിവരുടെ നേതൃത്വത്തിലാണ് പൊതുമരാമത്ത് വകുപ്പിനും കേരള വാട്ടർ അതോറിറ്റിക്കും പരാതി നൽകിയത്. താഴച്ചിന മുതൽ കുണ്ടുചിന വരെയുള്ള ഭാഗത്ത് ഭാരമേറിയ ബസുകളും ടോറസ്, ലോറി തുടങ്ങിയ വാഹനങ്ങളും ദിവസേന സഞ്ചരിക്കുന്ന റോഡിലാണ് നിയമവിരുദ്ധമായി പി.വി.സി പൈപ്പുകൾ സ്ഥാപിച്ചിരിക്കുന്നതെന്ന് പരാതിക്കാർ ചൂണ്ടിക്കാട്ടുന്നു. ഇത്തരം റോഡുകളിൽ ദീർഘകാല ഉപയോഗത്തിന് പി.വി.സി പൈപ്പുകൾ അനുയോജ്യമാണോയെന്ന് സാങ്കേതികമായി പരിശോധിക്കണം. പദ്ധതി പൂർ...

ചെട്ടിയാൻകിണർ: ചെട്ടിയാൻകിണർ ജി.വി.എച്ച്.എസ്.എസിൽ ജൂനിയർ റെഡ്ക്രോസിന്റെയും സാമൂഹ്യശാസ്ത്ര ക്ലബ്ബിന്റെയും സംയുക്താഭിമുഖ്യത്തിൽ ഹിരോഷിമ ദിനം ആചരിച്ചു. ദിനാചരണത്തിന്റെ ഭാഗമായി സ്കൂളിൽ യുദ്ധവിരുദ്ധ സദസ്സ്, റാലി, പ്രതിജ്ഞാടുക്കൽ, സഡാക്കോ കൊക്കുകളുടെ നിർമ്മാണം, പോസ്റ്റർ പ്രദർശനം തുടങ്ങി വിവിധ പരിപാടികൾ സംഘടിപ്പിച്ചു. ദിനാചരണ പരിപാടികളുടെ ഉദ്ഘാടനം സ്കൂൾ പ്രഥമാധ്യാപിക പ്രീതി ശ്രീധരൻ നിർവഹിച്ചു. വിദ്യാർത്ഥികളായ ആദർശ്, ശ്യാംലാൽ എന്നിവർ യുദ്ധവിരുദ്ധ റാലിക്ക് നേതൃത്വം നൽകി. ശിഹാബുദ്ദീൻ കാവപ്പുര, ടി. നാജിറ, പി. രഞ്ജുഷ, ജൂനിയർ റെഡ്ക്രോസ് കൗൺസിലർ അസൈനാർ എടരിക്കോട് തുടങ്ങിയവർ പരിപാടികളിൽ സംബന്ധിച്ചു. നിങ്ങളുടെ പ്രാദേശിക വാർത്തകൾ വേഗത്തിൽ.🪀വാട്ട്സാപ്പ് ജോയിൻ ചെയ്യാൻ ഇവിടെ ക്ലിക്ക് ചെയ്യുകhttps://chat.whatsapp.com/GhhH756JcVh4D0k6AwPlJJ?s=cl&p=a&ilr=4&amv=3...

തിരൂരങ്ങാടി:കാലിക്കറ്റ് സർവ്വകലാശാലയുടെ 2024-25 അധ്യയന വർഷത്തെ മികച്ച എൻ.എസ്.എസ് (NSS) പ്രോഗ്രാം ഓഫീസറായി തിരൂരങ്ങാടി പി.എസ്.എം.ഒ കോളേജ് സുവോളജി വിഭാഗം അസിസ്റ്റന്റ് പ്രൊഫസർ ഡോ. അലി അക്ഷദ് എം. നെ തിരഞ്ഞെടുത്തു. അദ്ദേഹത്തിന്റെ നേതൃത്വത്തിൽ പ്രവർത്തിക്കുന്ന കോളേജ് എൻ.എസ്.എസ് യൂണിറ്റ് നമ്പർ 26 മികച്ച എൻ.എസ്.എസ് യൂണിറ്റായും തിരഞ്ഞെടുക്കപ്പെട്ടു. കൂടാതെ, മികച്ച എൻ.എസ്.എസ് വളന്റിയർമാർക്കുള്ള അവാർഡുകൾ ഇതേ യൂണിറ്റിലെ മുഹമ്മദ്‌ മുനീഷ് വി.കെ., നാഫില പി. എന്നിവർ കരസ്ഥമാക്കി.വിദ്യാർത്ഥികളെയും പ്രദേശവാസികളെയും ഏകോപിപ്പിച്ച് നടത്തിയ മാതൃകാപരമായ സാമൂഹിക സേവന പ്രവർത്തനങ്ങളാണ് ഈ അംഗീകാരത്തിന് അർഹമാക്കിയത്. വീടില്ലാത്ത സഹപാഠികൾക്കായി ആറ് വീടുകൾ നിർമ്മിച്ച് നൽകിയ 'സൗഹൃദ ഭവനം' (അഭയം - കാലിക്കറ്റ് യൂണിവേഴ്സിറ്റി) പദ്ധതി, ഗ്രാമീണ മേഖലയിൽ വായന പ്രോത്സാഹിപ്പിക്കുന്നതിനായി എ.ആർ. നഗർ പഞ്ചായത്തിലെ പുകയൂരിലും പൊൻമുണ്ട...

മൂന്നിയൂർ: വഴിയിൽ നിന്നും കളഞ്ഞുകിട്ടിയ ഒരു ലക്ഷത്തോളം രൂപ വിലമതിക്കുന്ന മൂന്ന് പുതിയ ഐഫോണുകൾ ഉടമയ്ക്ക് തിരികെ നൽകി ഓട്ടോ ഡ്രൈവർ മാതൃകയായി. വെളിമുക്ക് ബൈത്തുറഹ്മ വില്ലേജിൽ താമസിക്കുന്ന ഓട്ടോ ഡ്രൈവർ അബ്ദുസ്സലാമാണ് തന്റെ സത്യസന്ധതയിലൂടെ നാടിന് അഭിമാനമായി മാറിയത്. ഒരാഴ്ച മുൻപ് പടിക്കലിനും പാലക്കലിനും മധ്യേ വെച്ചാണ് അബ്ദുസ്സലാമിന് ഫോണുകൾ ലഭിച്ചത്. ഉടൻ തന്നെ അദ്ദേഹം വാർഡ് മെമ്പർ സി.പി. അസീസ്, പാലക്കൽ എറക്കുത്ത് സലാം, എറക്കുത്ത് നാസർ എന്നിവരെ വിവരം അറിയിച്ചു. തുടർന്ന് ഇവർ ഈ വിവരം സമൂഹമാധ്യമങ്ങൾ വഴി പൊതുസമൂഹത്തിൽ പങ്കുവെക്കുകയായിരുന്നു. സമൂഹമാധ്യമങ്ങളിലെ പ്രചാരണത്തെത്തുടർന്ന് ചെമ്മാട് ഗൾഫ് ബസാറിലെ മൊബൈൽ വ്യാപാരി ഫോണിന്റെ ഉടമസ്ഥാവകാശവുമായി ബന്ധപ്പെട്ട പൂർണ്ണ തെളിവുകളുമായി ഇന്ന് പഞ്ചായത്തിൽ എത്തുകയായിരുന്നു. നൽകിയ രേഖകളും തെളിവുകളും കൃത്യമാണെന്ന് ബോധ്യപ്പെട്ടതിനെ തുടർന്ന് ജനപ്രതിനിധികളുടെയും മറ്റ് ...

തിരൂരങ്ങാടി: തിരൂരങ്ങാടി ഗവൺമെൻ്റ് ഹയർ സെക്കണ്ടറി സ്കൂളിലെ വിദ്യാർത്ഥികൾ തമ്മിൽ ടൗണിൽ വെച്ച് പതിവായി നടക്കുന്ന സംഘർഷങ്ങളിൽ അന്വേഷണം നടത്താൻ ജില്ലാ കളക്ടറുടെ ഉത്തരവ്. 'ചെറുമുക്ക് നാട്ടുകാര്യം കൂട്ടായ്മ' നൽകിയ പരാതിയുടെ അടിസ്ഥാനത്തിൽ മലപ്പുറം വിദ്യാഭ്യാസ ഉപഡയറക്ടറോടും (ഡി.ഡി.ഇ) ജില്ലാ പോലീസ് മേധാവിയോടുമാണ് കളക്ടർ അന്വേഷണം നടത്തി റിപ്പോർട്ട് സമർപ്പിക്കാൻ ആവശ്യപ്പെട്ടത്. വിദ്യാർത്ഥികൾക്കിടയിൽ ചേരിതിരിഞ്ഞ് നടക്കുന്ന ഇത്തരം സംഘർഷങ്ങൾ പ്രദേശവാസികൾക്കും വ്യാപാരികൾക്കും യാത്രക്കാർക്കും കടുത്ത ബുദ്ധിമുട്ടാണ് സൃഷ്ടിക്കുന്നത്. മിക്ക ദിവസങ്ങളിലും റോഡിൽ നടക്കുന്ന കൂട്ടത്തല്ല് സമീപത്തെ പള്ളിയുടെ കോമ്പൗണ്ടിലേക്ക് വരെ എത്തിയത് പ്രാർത്ഥനയ്ക്ക് എത്തുന്നവർക്കും വലിയ പ്രയാസമുണ്ടാക്കുന്നുണ്ട്. റോഡിലൂടെ സഞ്ചരിക്കുന്ന സ്ത്രീകൾക്കും കുട്ടികൾക്കും ബുദ്ധിമുട്ട് നേരിടുന്നതിന് പുറമെ നഗരത്തിൽ രൂക്ഷമായ ഗതാഗതക്കുരുക്കിനു...

തിരൂരങ്ങാടി: താലൂക്ക് ആശുപത്രി പരിസരത്തുനിന്ന് ലഭിച്ച വിലപിടിപ്പുള്ള സ്വർണ്ണാഭരണങ്ങളും പണവുമടങ്ങിയ പേഴ്സ് ഉടമസ്ഥന് തിരികെ നൽകി മാതൃകയായ താലൂക്ക് ആശുപത്രി ജീവനക്കാരൻ മൂസ്സക്കുട്ടിയെ താലൂക്ക് ഡെവലപ്മെന്റ് ഫോറം തിരൂരങ്ങാടി ആദരിച്ചു. തിരൂരങ്ങാടി താലൂക്ക് ആശുപത്രി ഫാർമസി വിഭാഗത്തിലെ ക്ലീനിംഗ് സ്റ്റാഫായ പരപ്പനങ്ങാടി ചെട്ടിപ്പടി സ്വദേശി വെട്ടിക്കുത്തി മൂസ്സക്കുട്ടിയാണ് ഈ സത്യസന്ധതയിലൂടെ പ്രശംസ പിടിച്ചുപറ്റിയത്. ആശുപത്രിയിൽ ചികിത്സയ്ക്കെത്തിയ രോഗിക്ക് അബദ്ധത്തിൽ നഷ്ടപ്പെട്ട പേഴ്സ് ഫാർമസി പരിസരത്തുനിന്നാണ് മൂസ്സക്കുട്ടിക്ക് ലഭിക്കുന്നത്. പരിശോധിച്ചപ്പോൾ സ്വർണ്ണാഭരണങ്ങളും പണവും അടങ്ങിയിട്ടുണ്ടെന്ന് മനസ്സിലായതോടെ അദ്ദേഹം ഉടൻ തന്നെ വിവരം ആശുപത്രി അധികൃതരെ അറിയിക്കുകയായിരുന്നു. തുടർന്ന് സഹപ്രവർത്തകരുടെ സാന്നിധ്യത്തിൽ പേഴ്സ് യഥാർത്ഥ ഉടമസ്ഥന് സുരക്ഷിതമായി കൈമാറി. തിരൂരങ്ങാടി പോലീസ് എസ്.എച്ച്.ഒ. അനീഷ് മൂസ...

തിരൂരങ്ങാടി: വിദ്യാഭ്യാസ രംഗത്തെ കേന്ദ്ര സർക്കാരിന്റെ അനാസ്ഥയ്‌ക്കെതിരെ ഡൽഹി ജന്തർമന്തറിൽ സമരം ചെയ്യുന്ന വിദ്യാർത്ഥികൾക്ക് ഐക്യദാർഢ്യം പ്രഖ്യാപിച്ച് തിരൂരങ്ങാടി പി.എസ്.എം.ഒ. കോളേജ് സ്റ്റാഫ് ക്ലബ്ബിന്റെ നേതൃത്വത്തിൽ റാലി സംഘടിപ്പിച്ചു. പരിപാടിയുടെ ഉദ്ഘാടനം പ്രൊഫ. ഡോ. എസ്. ഷിബ്നു നിർവഹിച്ചു. ഡോ. അനീഷ് എം.എച്ച്., ഡോ. കെ. അബ്ദുൽ സമദ്, ഡോ. ഷബീർ വി.പി., ഡോ. ശരീഫ ബീഗം, ഹുസൈൻ കുട്ടി എന്നിവർ സംസാരിച്ചു....

മൂന്നിയൂർ: മലപ്പുറം ജില്ലയിലെ മൂന്നിയൂർ ആസ്ഥാനമായി പുതിയ പോലീസ് സ്റ്റേഷൻ അനുവദിക്കണമെന്ന് ആവശ്യപ്പെട്ട് 'മൂന്നിയൂർ സൗഹൃദ വേദി' സംസ്ഥാന ആഭ്യന്തര വകുപ്പ് മന്ത്രിക്ക് നിവേദനം നൽകി. സൗഹൃദ വേദി ചെയർമാൻ അഷ്റഫ് കളത്തിങ്ങൽ പാറയാണ് മന്ത്രിക്ക് നിവേദനം കൈമാറിയത്. വിഷയം അനുഭാവപൂർവ്വം പരിഗണിക്കാമെന്ന് മന്ത്രി ഉറപ്പുനൽകിയതായി ഭാരവാഹികൾ അറിയിച്ചു. വള്ളിക്കുന്ന് മണ്ഡലത്തിലെ മൂന്നിയൂർ, പെരുവള്ളൂർ പഞ്ചായത്തുകളെ ഏകോപിപ്പിച്ച് പുതിയ സ്റ്റേഷൻ നിർമ്മിക്കണമെന്നാണ് നിവേദനത്തിലെ പ്രധാന ആവശ്യം. നിലവിൽ മൂന്നിയൂർ പഞ്ചായത്ത് തിരൂരങ്ങാടി പോലീസ് സ്റ്റേഷൻ പരിധിയിലും പെരുവള്ളൂർ തേഞ്ഞിപ്പലം സ്റ്റേഷൻ പരിധിയിലുമാണ് ഉൾപ്പെടുന്നത്. തിരൂരങ്ങാടി നഗരസഭയും മൂന്നിയൂർ, എ.ആർ. നഗർ പഞ്ചായത്തുകളും നന്നമ്പ്ര, തെന്നല പഞ്ചായത്തുകളുടെ ചില ഭാഗങ്ങളും അടങ്ങുന്ന വിശാലമായ പ്രദേശമാണ് നിലവിൽ തിരൂരങ്ങാടി സ്റ്റേഷന്റെ അധികാരപരിധിയിലുള്ളത്. എഴുപതിനായ...

​തിരൂരങ്ങാടി: പി.എസ്.എം.ഒ. കോളേജ് എൻ.എസ്.എസ്, സർഗ്ഗവേദി, ജനറൽ ലൈബ്രറി ആൻഡ് ഡിജിറ്റൽ റിസോഴ്സ് സെന്റർ എന്നിവയുടെ സംയുക്താഭിമുഖ്യത്തിൽ 'ഉള്ളറിഞ്ഞൊരു വായന' പരിപാടി സംഘടിപ്പിച്ചു. കോളേജ് സെമിനാർ ഹാളിൽ വെച്ച് നടന്ന ചടങ്ങിൽ സർഗ്ഗവേദി കൺവീനർ മുഹമ്മദ് ഫഹദ് സ്വാഗതം ആശംസിച്ചു. മലയാളവിഭാഗം മേധാവി ഡോ. ഷരീഫ് അധ്യക്ഷത വഹിച്ച ചടങ്ങ് കോളേജ് പ്രിൻസിപ്പൽ ഡോ. ജംഷീദ് വി.പി. ഉദ്ഘാടനം ചെയ്തു. പെരുവള്ളൂർ ജി.എച്ച്.എസ്.എസ്. മലയാളം അധ്യാപകൻ ബിജു കെ. മുഖ്യപ്രഭാഷണം നടത്തി. ചടങ്ങിൽ മലയാള വിഭാഗം അധ്യാപിക ഡോ. സജ്നമോൾ അമിയൻ, ചരിത്രവിഭാഗം മേധാവി ഡോ. റഹൂഫ്, കോളേജ് ലൈബ്രേറിയൻ അബ്ദുൽ ഹസീബ് എം. എന്നിവർ ആശംസകൾ നേർന്നു സംസാരിച്ചു. നിങ്ങളുടെ പ്രാദേശിക വാർത്തകൾ വേഗത്തിൽ.👉 ഇവിടെ ക്ലിക്ക് ചെയ്യുകhttps://chat.whatsapp.com/GhhH756JcVh4D0k6AwPlJJ?s=cl&p=a&ilr=4&amv=3...

പരപ്പനങ്ങാടി: ഇന്ത്യൻ റെയിൽവേയുടെ അമൃത് ഭാരത് സ്റ്റേഷൻ പദ്ധതിയുടെ ഭാഗമായി പരപ്പനങ്ങാടി റെയിൽവേ സ്റ്റേഷനിൽ നടന്ന നവീകരണ ഉദ്ഘാടന ചടങ്ങിൽ പങ്കെടുത്ത പി.എസ്.എം.ഒ. കോളേജിലെ എൻ.എസ്.എസ്. വളണ്ടിയർമാർക്ക് സർട്ടിഫിക്കറ്റുകൾ വിതരണം ചെയ്തു. പരപ്പനങ്ങാടിയിൽ വെച്ച് നടന്ന ചടങ്ങിൽ പൊന്നാനി എം.പി. ഡോ. എം.പി. അബ്ദുസ്സമദ് സമദാനിയാണ് വിദ്യാർത്ഥികൾക്കുള്ള സർട്ടിഫിക്കറ്റുകൾ വിതരണം ചെയ്തത്. റെയിൽവേ സ്റ്റേഷൻ ആധുനികവൽക്കരണവുമായി ബന്ധപ്പെട്ട് നടന്ന ഉദ്ഘാടന ചടങ്ങിൽ പി.എസ്.എം.ഒ. കോളേജിൽ നിന്നുള്ള അമ്പതോളം എൻ.എസ്.എസ്. വളണ്ടിയർമാരാണ് സജീവമായി പങ്കെടുത്തത്. വിദ്യാർത്ഥികളുടെ മികച്ച പ്രവർത്തനങ്ങളെയും സാമൂഹിക പ്രതിബദ്ധതയെയും ചടങ്ങിൽ ഡോ. എം.പി. അബ്ദുസ്സമദ് സമദാനി പ്രത്യേകം അഭിനന്ദിച്ചു. വിദ്യാർത്ഥികൾ ഇത്തരം ദേശീയ വികസന പദ്ധതികളുടെ ഭാഗമാകുന്നത് അവർക്ക് വലിയ അനുഭവസമ്പത്ത് നൽകുമെന്നും അദ്ദേഹം അഭിപ്രായപ്പെട്ടു. പി.എസ്.എം.ഒ. കോള...