LOCAL NEWS

കൊച്ചി: കവിയും ഗാനരചയിതാവും ചലച്ചിത്ര സംവിധായകനും കേരള സാഹിത്യ അക്കാദമി മുൻ ചെയർമാനുമായിരുന്ന യൂസഫലി കേച്ചേരിയുടെ പത്താം അനുസ്‌മരണ സമ്മേളനം യൂസഫലി കേച്ചേരി ഫൗണ്ടേഷൻ്റെ ആഭിമുഖ്യത്തിൽ സംഘടിപ്പിച്ചു. ഇടപ്പള്ളി ചങ്ങമ്പുഴ പാർക്കിൽ നടന്ന സമ്മേളനം കേരള നിയമസഭാ ഡെപ്യൂട്ടി സ്പീക്കർ ഷാനിമോൾ ഉസ്മാൻ ഉദ്ഘാടനം ചെയ്തു. ചങ്ങമ്പുഴ സാംസ്‌കാരിക നിലയം പ്രസിഡൻ്റ് പി. പ്രകാശ് അധ്യക്ഷത വഹിച്ചു. സമസ്ത കേരള സാഹിത്യ പരിഷത് പ്രസിഡൻ്റ് ഡോ. ടി.എസ് ജോയി, സംഗീത സംവിധായകൻ ബിജി ലാൽ എന്നിവർ അനുസ്മരണ പ്രഭാഷണങ്ങൾ നടത്തി. ചടങ്ങിൽ വിജിലൻസ് സ്പെഷ്യൽ ഗവൺമെൻ്റ് പ്ലീഡർ അഡ്വ. പി.കെ സജീവൻ, നിയമത്തിൽ ഡോക്‌ടറേറ്റ് ലഭിച്ച അഡ്വ. ബാബു കുകപ്പാടത്ത് എന്നിവരെ ആദരിച്ചു. യൂസഫലി കേച്ചേരി ഫൗണ്ടേഷൻ ചെയർമാൻ സലിം പുന്നിലത്ത് സ്വാഗതവും ജനറൽ സെക്രട്ടറി കെ.ഡി ഹരിദാസ് നന്ദിയും പറഞ്ഞു. തുടർന്ന് യൂസഫലി കേച്ചേരിയുടെ ഗാനങ്ങൾ കോർത്തിണക്കിയുള്ള ഗാനസന്ധ്യയും...

ഹോം നേഴ്‌സിംഗ്, പ്ലെയ്‌സ്‌മെൻ്റ്, ലേബർ കോൺട്രാക്ട് തുടങ്ങിയ സേവനങ്ങൾ നൽകുന്ന സ്ഥാപന ഉടമകളുടെ സംഘടനയായ മാൻപവ്വർ സർവ്വീസേഴ്സ് അസോസിയേഷൻ്റെ സംസ്ഥാന സമ്മേളനം തൃപ്പൂണിത്തുറയിൽ വെച്ച് പ്രൗഢമായി നടന്നു. ഗാർഹിക തൊഴിലാളികൾക്കും, തൊഴിലാളികളെ സർവീസ് ചെയ്യുന്ന സ്ഥാപന ഉടമകൾക്കും അനുബന്ധ ജീവനക്കാർക്കും ക്ഷേമ പെൻഷനും മറ്റ് ആനുകൂല്യങ്ങളും അടിയന്തിരമായി നടപ്പിലാക്കണമെന്ന് സർക്കാരിനോട് ആവശ്യപ്പെടുന്ന പ്രധാന പ്രമേയം സമ്മേളനത്തിൽ അവതരിപ്പിച്ച് പാസാക്കി. തൃപ്പൂണിത്തുറ എൻ.എം ഓഡിറ്റോറിയത്തിൽ അസോസിയേഷൻ സംസ്ഥാന പ്രസിഡൻ്റ് കെ.ഡി ഹരിദാസിൻ്റെ അദ്ധ്യക്ഷതയിൽ നടന്ന സമ്മേളനം കെ.ജെ മാക്സി എം.എൽ.എ ഔദ്യോഗികമായി ഉദ്ഘാടനം ചെയ്തു. അസോസിയേഷൻ മുൻ സെക്രട്ടറി ആർ. അജയകുമാറിൻ്റെ നിര്യാണത്തിൽ യോഗം ആദരവോടെ അനുശോചനം രേഖപ്പെടുത്തി. ചടങ്ങിൽ വെച്ച് മേഖലയിലെ മുതിർന്ന സ്ഥാപന ഉടമകളെയും മികച്ച പ്രവർത്തനം കാഴ്ചവെച്ചവരെയും ആദരിക്കുകയുണ്ടായി. സം...

എറണാകുളം: കരിമുകള്‍ സ്വദേശി അഫ്സലിന്റെ മകള്‍ ഫാത്തിമത്തൂല്‍ നിഹാലെ (13)യെ കാണാതായ സംഭവത്തിൽ പോലീസ് അന്വേഷണം ഊർജിതമാക്കി. കഴിഞ്ഞ ചൊവ്വാഴ്ച രാത്രി മുതലാണ് കുട്ടിയെ കാണാതായത്. രാത്രി 12 മണിയോടെയാണ് കുട്ടി വീടുവിട്ടിറങ്ങിയതെന്നാണ് നിഗമനം. നേരത്തെ കിടന്നുറങ്ങാത്തതിന്റെ പേരില്‍ അന്നേ ദിവസം രാത്രി കുട്ടിയുടെ മാതാവ് ഫോണ്‍ വാങ്ങി വെച്ചിരുന്നു. ഇതിന് പിന്നാലെയാണ് വീടിന്റെ വാതിലും ഗേറ്റും തുറന്നു കിടക്കുന്നത് വീട്ടുകാരുടെ ശ്രദ്ധയിൽപ്പെട്ടത്. അമ്പലമേട് പോലീസ് ആണ് കേസ് അന്വേഷിക്കുന്നത്. കുട്ടി കരിമുകള്‍ ജംഗ്ഷനില്‍ എത്തുന്നത് വരെയുള്ള സിസിടിവി ദൃശ്യങ്ങള്‍ പോലീസിന് ലഭിച്ചിട്ടുണ്ട്. എന്നാൽ സമീപമേഖലകളിൽ വ്യാപകമായ തെരച്ചിൽ നടത്തിയിട്ടും ഇതുവരെ കുട്ടിയെ കണ്ടെത്താനായിട്ടില്ല. കാണാതാകുമ്പോൾ പച്ച ടീ ഷർട്ടും പാന്റ്സുമാണ് കുട്ടി ധരിച്ചിരുന്നത്. വസ്ത്രങ്ങളടങ്ങുന്ന ഒരു ബാഗും കയ്യിലുണ്ട്. കുട്ടിയെ കുറിച്ച് എന്തെങ്കി...