Author: admin

കൂത്തുപറമ്പ്: കണ്ണവത്ത് നിയന്ത്രണം വിട്ട കാറിടിച്ച് രണ്ട് പേർ മരിച്ചു. കണ്ണവം പോലീസ് സ്റ്റേഷന് മുൻവശത്ത് ടയർ പങ്ചർ കട നടത്തുന്ന തൊടീക്കളം കൂടൽ എള്ളുകണ്ടി വീട്ടിൽ പുതുക്കുടി സജീഷ് എന്ന ബാബു (52), കണ്ണവം സ്വദേശിയും സിനിമാ നടനുമായ ഇസ്മായിൽ (52) എന്നിവരാണ് മരിച്ചത്. പേരാവൂർ ഭാഗത്തുനിന്ന് അമിതവേഗതയിലെത്തിയ കാർ, കണ്ണവം ഭാഗത്തേക്ക് നടന്നുപോവുകയായിരുന്ന ഇരുവരെയും ഇടിച്ചുതെറിപ്പിക്കുകയായിരുന്നു. തുടർന്ന് റോഡരികിലെ പോലീസിന്റെ നിരീക്ഷണ ക്യാമറ പോസ്റ്റും ഇടിച്ചുതകർത്താണ് കാർ നിന്നത്. ഇരുവരും സംഭവസ്ഥലത്തുതന്നെ മരണപ്പെട്ടതായാണ് ദൃക്‌സാക്ഷികൾ നൽകുന്ന വിവരം.അപകടത്തിൽ മരിച്ച ഇസ്മായിൽ നിരവധി മലയാള സിനിമകളിൽ ചെറുതും വലുതുമായ വേഷങ്ങളിൽ അഭിനയിച്ചിട്ടുണ്ട്. കണ്ണവത്തെ പരേതരായ അബ്ദുറഹ്മാൻ - ആയിഷ ദമ്പതികളുടെ മകനാണ്. മരണപ്പെട്ട സജീഷ് മങ്ങാടൻ വാസുവിന്റെയും കമലയുടെയും മകനാണ്. ഭാര്യ: പ്രസീത. മക്കൾ: അനു സജീഷ് (വിദ്യാർത്...

കൊളപ്പുറം: തൃശൂർ - കോഴിക്കോട് ദേശീയപാതയിലെ കൊളപ്പുറത്തുണ്ടായ ദാരുണമായ വാഹനാപകടത്തിൽ ഒരാൾ മരിച്ചു. പെരിന്തൽമണ്ണ സ്വദേശി റഫീഖ് ആണ് മരണപ്പെട്ടത്. വാഹനത്തിലുണ്ടായിരുന്ന മറ്റൊരാൾക്ക് ഗുരുതരമായി പരിക്കേറ്റിട്ടുണ്ട്. ഇന്ന് ഉച്ചയ്ക്ക് മൂന്ന് മണിയോടെയായിരുന്നു അപകടം സംഭവിച്ചത്. നിയന്ത്രണം വിട്ട ദോസ്ത് പിക്കപ്പ് വാൻ റോഡരികിലെ സുരക്ഷാഭിത്തിയിലേക്ക് ഇടിച്ചുകയറുകയായിരുന്നുവെന്നാണ് പ്രാഥമിക വിവരം. ഇടിയുടെ ആഘാതത്തിൽ വാഹനത്തിന് കനത്ത നാശനഷ്ടം സംഭവിച്ചു. അപകടത്തിൽ ഗുരുതരമായി പരിക്കേറ്റ റഫീഖിനെ ഉടൻ തന്നെ കോട്ടക്കലിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പരിക്കേറ്റ മറ്റേയാൾ ഇതേ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. സംഭവസ്ഥലത്ത് എത്തിയ പോലീസ് തുടർനടപടികൾ സ്വീകരിച്ചു വരുന്നു. മൃതദേഹം ഇൻക്വസ്റ്റ് നടപടികൾക്ക് ശേഷം പോസ്റ്റ്‌മോർട്ടത്തിനായി മാറ്റും....

പേരാമ്പ്രയില്‍ ഓടി ഓടിക്കൊണ്ടിരുന്ന കാറിന് തീപിടിച്ച്‌ ഗര്‍ഭിണിയായ യുവതി വെന്തുമരിച്ചു കാറിന് തീപിടിച്ച്‌ ഗര്‍ഭിണിയായ യുവതി മരിച്ചു. പൂവത്തുംചാലില്‍ ലാലുവിന്‍റെ ഭാര്യ സോനയാണ് മരിച്ചത്. ആശുപത്രിയില്‍ നിന്ന് തിരിച്ച്‌ വരുന്ന വഴിയാണ് അപകടമുണ്ടായത്.കക്കറമുക്ക് എന്ന സ്ഥലത്ത് എത്തിയപ്പോഴാണ് കാറിന് തീപിടിച്ചത്. സോനയുടെ ഭര്‍ത്താവ് ലാലുവാണ് വാഹനം ഓടിച്ചിരുന്നത്. തീപടര്‍ന്നതോടെ ഇയാള്‍ വണ്ടിയില്‍ നിന്ന് പുറത്തിറങ്ങി. കാറിന്റെ പിന്‍ സീറ്റില്‍ ഇരുന്ന സോനയ്ക്ക് പക്ഷെ പുറത്തിറങ്ങാന്‍ സാധിച്ചില്ല.കാര്‍ കത്തിയത് കണ്ട നാട്ടുകാര്‍ സോനയെ രക്ഷിക്കാന്‍ ശ്രമിച്ചെങ്കിലും സാധിച്ചില്ല. ഫയര്‍ഫോഴ്‌സ് എത്തിയപ്പോഴേക്കും കാര്‍ പൂര്‍ണമായും കത്തിയിരുന്നു. സോനയുടെ മൃതദേഹം പേരാമ്പ്ര ആശുപത്രിയില്‍ സൂക്ഷിച്ചിരിക്കുകയാണ്. പരിക്കേറ്റ ഭര്‍ത്താവ് ലാലുവിനെ കോഴിക്കോട് മെഡിക്കല്‍ കോളജില്‍ ചികിത്സയില്‍ പ്രവേശിപ്പിച്ചു...