ഡ്രൈവിങ് സീറ്റിൽ മണവാളൻ, തൊട്ടടുത്ത് വധു; മലപ്പുറത്ത് ശ്രദ്ധേയമായി ഒരു ‘ബസ് കല്യാണം’
മലപ്പുറം: കല്യാണങ്ങള് പല തരത്തില് നടക്കാറുണ്ടെങ്കിലും ഷാക്കിറിന്റെയും ഹര്ഷിദയുടേയും വിവാഹയാത്ര മലപ്പുറത്ത് നവ്യാനുഭവമായി. വര്ണമനോഹരമായി പൂക്കള് കൊണ്ട് അലങ്കരിച്ച സ്വകാര്യ ബസിന്റെ ഡ്രൈവിങ് സീറ്റിൽ മണവാളനും തൊട്ടടുത്ത് മണവാട്ടിയും ഇരുന്നായിരുന്നു വിവാഹയാത്ര. ക്രിസ്തുമസ് ദിനത്തിലാണ് ഈ വേറിട്ട വിവാഹം നടന്നത്. കോട്ടക്കല് മരവട്ടം വഴി കാടാമ്പുഴ സര്വ്വീസ് നടത്തുന്ന ഫന്റാസ്റ്റിക് ബസിലെ കണ്ടക്ടര് കം ഡ്രൈവറാണ് പത്തായക്കല്ല് സ്വദേശിയായ ഷാക്കിര്. മലപ്പുറം ഗവ. കോളജിലെ ഡിഗ്രി വിദ്യാര്ഥിനിയും കോട്ടപ്പുറം ചേങ്ങോട്ടൂര് സ്വദേശിനിയുമാണ് വധു ഫര്ഷിദ. ബസ് ജീവനക്കാരനായതിനാല് ബസ് തന്നെ വിവാഹ വാഹനമാക്കണമെന്ന ഷാക്കിറിന്റെ ആഗ്രഹത്തിന് ഹര്ഷിദയും പിന്തുണ നൽകി. ബസ് ഉടമ ഏറിയസ്സന് അബ്ബാസ്, മാനേജര് ടി.ടി മൊയ്തീന് കുട്ടി എന്നിവരുടെ സമ്മതവും പിന്നാലെ മോട്ടോര് വാഹന വകുപ്പിന്റെ അനുമതിയും ലഭിച്ചതോടെയാണ് ബസ് കല...
