TIRURANGADI

മുന്നിയൂർ: പൊതുസ്ഥലത്ത് പരസ്യമായി കഞ്ചാവ് വിൽപ്പന നടത്തുന്നതിനിടെ ജാർഖണ്ഡ് സ്വദേശി എക്സൈസ് സംഘത്തിന്റെ പിടിയിലായി. ജാർഖണ്ഡ് കുസുന്ത പോലീസ് സ്റ്റേഷൻ പരിധിയിലെ എം.ഡി രാഹുൽ (26) ആണ് പിടിയിലായത്. പരപ്പനങ്ങാടി എക്സൈസ് ഇൻസ്പെക്ടർ കെ.ടി. ഷനൂജും സംഘവും വൈകുന്നേരം ആറര മണിക്ക് പടിക്കൽ ജംഗ്ഷനിൽ വെച്ച് നടത്തിയ പരിശോധനയിലാണ് ഇയാൾ പിടിയിലായത്. പ്രതിയിൽ നിന്ന് ഒന്നര കിലോഗ്രാം (1.500 കിലോ) കഞ്ചാവ് എക്സൈസ് പിടിച്ചെടുത്തു. അസിസ്റ്റന്റ് എക്സൈസ് ഇൻസ്പെക്ടർ അജിത് കുമാർ, പ്രിവന്റീവ് ഓഫീസർമാരായ പി.എ. സുനീഷ്, എം. രാകേഷ്, കൃഷ്ണൻ മരുതാടൻ, സിവിൽ എക്സൈസ് ഓഫീസർ എം. ജിഷ്നാദ്, ഡ്രൈവർ അഖിൽ ബാബു എന്നിവരും പരിശോധനാ സംഘത്തിലുണ്ടായിരുന്നു. പ്രതിയെ കോടതിയിൽ ഹാജരാക്കി....

എ.ആർ. നഗർ: ജൈവ പച്ചക്കറി കൃഷി പ്രോത്സാഹിപ്പിക്കുന്നതിന്റെ ഭാഗമായി ഇരുമ്പുചോല എ.യു.പി സ്കൂളിലെ ഉച്ചഭക്ഷണ-ഇക്കോ ക്ലബ്ബുകൾ സംയുക്തമായി ഒരുക്കിയ 'കുട്ടിത്തോട്ടം' ആദ്യഘട്ട വിളവെടുപ്പ് നടത്തി. തോട്ടത്തിൽ നിന്ന് ലഭിച്ച പച്ചക്കറികൾ വിദ്യാർത്ഥികൾക്ക് ഉച്ചഭക്ഷണത്തോടൊപ്പം വിഭവമാക്കി നൽകി. വരും ദിവസങ്ങളിൽ പച്ചക്കറിത്തോട്ടം കൂടുതൽ വിപുലീകരിക്കാനാണ് ലക്ഷ്യമിടുന്നതെന്ന് ക്ലബ്ബ് കൺവീനർ അറിയിച്ചു. പ്രധാനധ്യാപിക ജി. സുഹ്റാബി, പിടിഎ ഉപാധ്യക്ഷരായ ബഷീർ കാവുങ്ങൽ, മുനീർ തലാപ്പിൽ, ഫൈസൽ കാവുങ്ങൽ എന്നിവർ ചടങ്ങിൽ സംബന്ധിച്ചു. ക്ലബ്ബ് അംഗങ്ങളായ ഇസ്ഹാഖ് എ.വി, ഇർഷാദ് പാക്കട, മുനീർ വിലാശ്ശേരി, സമിയ്യ ഹസ്ന, താഹിറ, ഹമീദ് കെ.എം, ഫർഹത്ത്, നസീറ എന്നിവർ വിളവെടുപ്പിന് നേതൃത്വം നൽകി....

തിരൂരങ്ങാടി: നന്നമ്പ്ര പഞ്ചായത്തിലെ ശാരീരിക-ബൗദ്ധിക വെല്ലുവിളികൾ നേരിടുന്ന ഭിന്നശേഷി കുട്ടികളെ സമൂഹത്തിന്റെ മുൻനിരയിലേക്ക് കൊണ്ടുവരിക എന്ന ലക്ഷ്യത്തോടെ 'ഒരുമയിൽ ഒരിടം' കൂട്ടായ്മയ്ക്ക് രൂപം നൽകി. വോയിസ് ഓഫ് ഡിസേബിൾഡ് നന്നമ്പ്ര, ലെവൽ മൂഞ്ചാടി എന്നിവയുടെ സംയുക്ത ആഭിമുഖ്യത്തിൽ ലെവൽ മൂഞ്ചാടി ക്ലബ്ബിൽ വെച്ചാണ് രൂപീകരണ യോഗം നടന്നത്. കുട്ടികളുടെ കലാ-കായിക കഴിവുകൾ പരിപോഷിപ്പിക്കുന്നതിനൊപ്പം അവർക്ക് ആവശ്യമായ തെറാപ്പി സൗകര്യങ്ങൾ ഒരുക്കുന്നതിനും ഈ കൂട്ടായ്മ മുൻഗണന നൽകും. ഭിന്നശേഷി വിഭാഗത്തിൽപ്പെട്ടവരുടെ പുരോഗതിക്കായി വിപുലമായ പ്രവർത്തനങ്ങൾ വരും ദിവസങ്ങളിൽ സംഘടിപ്പിക്കുമെന്ന് വോയിസ് ഓഫ് ഡിസേബിൾഡ് നന്നമ്പ്ര സെക്രട്ടറി റസീന ടീച്ചർ അറിയിച്ചു. രൂപീകരണ യോഗത്തിൽ സംഘടനയുടെ പ്രസിഡന്റ് നൗഷാദ്, ലെവൽ മൂഞ്ചാടി പ്രസിഡന്റ് സലിം, സെക്രട്ടറി ജംഷീ, ജോയിന്റ് സെക്രട്ടറി ഇബ്രാഹിം, എക്സിക്യൂട്ടീവ് അംഗങ്ങളായ മുസ്തഫ, റസാഖ് ഹ...

പെരുവള്ളൂർ: വിസ്ഡം എഡ്യൂക്കേഷണൽ ഫൗണ്ടേഷൻ ഓഫ് ഇന്ത്യ (വെഫി) യുടെ ആഭിമുഖ്യത്തിൽ എസ്.എസ്.എൽ.സി, ഹയർ സെക്കൻഡറി വിദ്യാർത്ഥികൾക്കായി സംഘടിപ്പിച്ച മാതൃകാ പരീക്ഷ 'എക്സലൻസി ടെസ്റ്റ്' തേഞ്ഞിപ്പലം ഡിവിഷനിൽ വിജയകരമായി പൂർത്തിയായി. ഡിവിഷന് കീഴിലെ 11 കേന്ദ്രങ്ങളിലായി നടന്ന പരീക്ഷയിൽ ആയിരത്തോളം വിദ്യാർത്ഥികളാണ് പങ്കാളികളായത്. മാതൃകാ പരീക്ഷയ്ക്ക് പുറമെ, പരീക്ഷാപ്പേടി അകറ്റാൻ സഹായിക്കുന്ന 'എക്സാം ടാക്ലിങ് സെഷൻ', സബ്ജക്ട് എക്സ്പോ എന്നിവയും ഇതിന്റെ ഭാഗമായി നടന്നു. പെരുവള്ളൂർ നടുക്കര ജി.എൽ.പി. സ്കൂളിൽ നടന്ന ഡിവിഷൻ തല ഉദ്ഘാടനം കാലിക്കറ്റ് യൂണിവേഴ്സിറ്റി സയൻസ് വിഭാഗം ഡീൻ പ്രൊഫ. ഡോ. എം.എം. മുസ്തഫ നിർവഹിച്ചു. ആധുനിക വിദ്യാഭ്യാസ കാലഘട്ടത്തിൽ ഇത്തരം പരിശീലന പരിപാടികൾ വിദ്യാർത്ഥികൾക്ക് നൽകുന്ന ആത്മവിശ്വാസം വലുതാണെന്ന് അദ്ദേഹം അഭിപ്രായപ്പെട്ടു. ഗ്ലോബൽ ലോജിക് അസോസിയേറ്റ് കൺസൾട്ടൻ്റ് ഗുൽസാർ അമ്പലവൻ വിദ്യാർത്ഥികൾക്കായി ...

തിരൂരങ്ങാടി: കുട്ടികളുടെ അശ്ലീല വീഡിയോകൾ മൊബൈൽ ഫോണിൽ സൂക്ഷിക്കുകയും സമൂഹമാധ്യമങ്ങൾ വഴി പ്രചരിപ്പിക്കുകയും ചെയ്ത സംഭവത്തിൽ ഒരാളെ തിരൂരങ്ങാടി പോലീസ് അറസ്റ്റ് ചെയ്തു. മൂന്നിയൂർ കളിയാട്ടമുക്ക് എം.എച്ച് നഗർ സ്വദേശി തെങ്ങിലകത്ത് പെരുവിൽ ഉമ്മർ കോയ (48) ആണ് അറസ്റ്റിലായത്. പോലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പ്രത്യേക പരിശോധനയിലാണ് പ്രതി പിടിയിലായത്. ഇയാളുടെ ഫോണിൽ ഇത്തരത്തിലുള്ള നിരവധി ദൃശ്യങ്ങൾ ഉണ്ടായിരുന്നതായും അവ മറ്റുള്ളവർക്ക് പങ്കുവെച്ചിരുന്നതായും പോലീസ് കണ്ടെത്തി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. കുട്ടികൾക്കെതിരെയുള്ള സൈബർ അതിക്രമങ്ങൾ തടയുന്നതിന്റെ ഭാഗമായി നിരീക്ഷണം കർശനമാക്കുമെന്ന് പോലീസ് അറിയിച്ചു....

ചെമ്മാട് ഉള്ളി ലോറിയിൽ ഒളിപ്പിച്ചു കടത്തുകയായിരുന്ന വൻ സ്ഫോടകവസ്തു ശേഖരം പോലീസ് പിടികൂടി. ജലാറ്റിൻ സ്റ്റിക്കുകൾ, ഡിറ്റനേറ്റർ വയറുകൾ എന്നിവയാണ് കണ്ടെടുത്തത്. ചെമ്മാടുള്ള ഒരു ഹോളോ ബ്രിക്സ് കടയ്ക്കുള്ളിൽ നിർത്തിയിട്ടിരുന്ന ലോറിയിൽ നിന്നാണ് ഇവ കണ്ടെത്തിയത്. ഉള്ളി ലോഡുമായി എത്തിയ ലോറിയിൽ ബോക്സുകളിലാക്കിയാണ് സ്ഫോടകവസ്തുക്കൾ ഒളിപ്പിച്ചിരുന്നത്. ഇന്നലെ രാത്രി ലോറിയിൽ നിന്ന് ഉള്ളി മാറ്റാനായി മറ്റൊരു ചെറിയ ലോറിയും കാറിലും ആളുകളെത്തിയിരുന്നു. ഈ സമയത്ത് രഹസ്യ വിവരത്തിന്റെ അടിസ്ഥാനത്തിൽ പോലീസ് സ്ഥലത്തെത്തി. പോലീസിനെ കണ്ടതോടെ ലോറി ഡ്രൈവറും കൂടെയുണ്ടായിരുന്നവരും ഓടി രക്ഷപ്പെട്ടു. തുടർന്ന് പോലീസ് നടത്തിയ വിശദമായ പരിശോധനയിലാണ് ഉള്ളി ചാക്കുകൾക്കിടയിൽ ഒളിപ്പിച്ച നിലയിൽ സ്ഫോടകവസ്തുക്കൾ കണ്ടെത്തിയത്. ഇവ ക്വാറികളിലെ ഉപയോഗത്തിനായി എത്തിച്ചതാകാമെന്നാണ് പോലീസിന്റെ പ്രാഥമിക നിഗമനം. സ്ഫോടകവസ്തുക്കൾ പോലീസ് കസ്റ്റഡ...

തിരൂരങ്ങാടിയിൽ പുതുതായി നിർമ്മിക്കുന്ന വില്ലേജ് ഓഫീസ് കെട്ടിടത്തിന്റെ നിർമ്മാണ പ്രവർത്തിയിൽ വ്യാപകമായ അനാസ്ഥ നടക്കുന്നതായി പരാതി. ഫൗണ്ടേഷൻ നിർമ്മാണത്തിൽ സിമന്റിന്റെ അളവ് കുറവാണെന്നും പല ഭാഗങ്ങളിലും ഇതിനോടകം തന്നെ വിള്ളലുകൾ വീണിട്ടുണ്ടെന്നും ചൂണ്ടിക്കാട്ടി സാമൂഹിക-മനുഷ്യാവകാശ പ്രവർത്തകൻ അബ്ദുറഹിം പൂക്കത്ത്, പൊതുപ്രവർത്തകൻ പി.എൻ അബ്ദുൽ അസീസ് എന്നിവർ തിരൂരങ്ങാടി തഹസിൽദാർക്ക് പരാതി നൽകി. സാധാരണക്കാരായ പൗരന്മാരുടെ നികുതിപ്പണം ഉപയോഗിച്ച് നടത്തുന്ന ഇത്തരം മരാമത്ത് പണികളിൽ കോൺട്രാക്ടർ കാണിക്കുന്ന അനാസ്ഥ വലിയ അപകടങ്ങൾക്കും സർക്കാരിന് വൻ സാമ്പത്തിക നഷ്ടത്തിനും ഇടയാക്കുമെന്ന് പരാതിയിൽ ബോധിപ്പിച്ചു. നിർമ്മാണ പ്രവർത്തനങ്ങളുടെ പുരോഗതി വിലയിരുത്തുന്നതിനും പണികൾ കൃത്യമായി വീക്ഷിക്കുന്നതിനും ഒരു പ്രത്യേക കമ്മിറ്റി രൂപീകരിക്കണമെന്നും പരാതിക്കാർ ആവശ്യപ്പെട്ടു. പരാതി പരിഗണിച്ച് വിഷയം പരിശോധിക്കുമെന്നും വേണ്ട ...

തിരൂരങ്ങാടി: നാഷണൽ ഹൈവേ അതോറിറ്റി ഓഫ് ഇന്ത്യയുടെ (NHAI) നിയമങ്ങൾ ലംഘിച്ചുകൊണ്ട് മലപ്പുറം ജില്ലയിലെ വെട്ടിച്ചിറ ടോൾ പ്ലാസക്കും പന്തീരങ്കാവ് ടോൾ പ്ലാസക്കും ഇടയിലുള്ള ടോൾ പിരിവിനെതിരെ പ്രതിഷേധം ശക്തമാകുന്നു. രണ്ട് ടോൾ പ്ലാസകൾക്കിടയിൽ കുറഞ്ഞത് 60 കിലോമീറ്റർ ദൂരം ഉണ്ടായിരിക്കണമെന്ന 2008-ലെ എൻ.എച്ച്.എ.ഐ ചട്ടം നിലനിൽക്കെ, ഇവിടെ വെറും 48 കിലോമീറ്റർ ദൂരപരിധിയിൽ ടോൾ പിരിക്കാനുള്ള നീക്കം നിയമവിരുദ്ധമാണെന്ന് ചൂണ്ടിക്കാട്ടി ജില്ലാ കളക്ടർക്ക് നിവേദനം നൽകി. റോഡിന്റെ പണികൾ പൂർത്തിയാക്കാതെയും സർവീസ് റോഡുകൾ സജ്ജമാക്കാതെയും ടോൾ പിരിക്കുന്നത് സാധാരണക്കാരായ പൊതുജനങ്ങൾക്ക് വലിയ സാമ്പത്തിക ഭാരമുണ്ടാക്കുമെന്നും ഇത് മനുഷ്യാവകാശ ലംഘനമാണെന്നും നിവേദനത്തിൽ പറയുന്നു. മനുഷ്യാവകാശ പ്രവർത്തകരായ അബ്ദുറഹീം പൂക്കത്ത് പള്ളിപ്പടി, കൊട്ടന്തല, സാമൂഹിക പ്രവർത്തകൻ പി.എൻ. അബ്ദുൽ അസീസ് കടലുണ്ടി, നസറുദ്ധീൻ തങ്ങൾ, ഷുക്കൂർ പി.എം. എന്ന...

തിരൂരങ്ങാടി: വലിച്ചെറിയൽ വിരുദ്ധ ദിനാചരണത്തിന്റെ ഭാഗമായി പരിസ്ഥിതി സംരക്ഷണ സന്ദേശമുയർത്തി വാളക്കുളം കെ.എച്ച്.എം ഹയർ സെക്കൻഡറി സ്കൂളിലെ വിദ്യാർത്ഥികൾ വേറിട്ട മാതൃകയാകുന്നു. സ്കൂളിലെ ദേശീയ ഹരിതസേനയുടെയും ഫോറസ്ട്രി ക്ലബ്ബിന്റെയും നേതൃത്വത്തിൽ സംഘടിപ്പിച്ച 'പെൻ ഡ്രൈവ്' പ്രോഗ്രാമാണ് ശ്രദ്ധേയമായത്. ഉപയോഗശൂന്യമായ പ്ലാസ്റ്റിക് പേനകൾ ശേഖരിച്ച് പരിസ്ഥിതി മലിനീകരണം കുറയ്ക്കുക എന്ന ലക്ഷ്യത്തോടെയാണ് ഈ പദ്ധതി നടപ്പിലാക്കിയത്. ഓരോ 20 പഴയ പേനകൾക്കും പകരമായി ഒരു പുതിയ പേന സമ്മാനമായി നൽകുന്ന രീതിയിലാണ് ഈ പരിപാടി ക്രമീകരിച്ചിരുന്നത്. ഒറ്റ ദിവസം കൊണ്ട് പതിമൂവായിരത്തിലധികം ഉപയോഗശൂന്യമായ പേനകളാണ് വിദ്യാർത്ഥികൾ ശേഖരിച്ചത്. അലക്ഷ്യമായി വലിച്ചെറിയപ്പെടുന്ന പ്ലാസ്റ്റിക് വസ്തുക്കൾ മണ്ണിലുണ്ടാക്കുന്ന ദോഷഫലങ്ങളെക്കുറിച്ച് കുട്ടികളിൽ ബോധവൽക്കരണം നടത്തുക എന്നതായിരുന്നു ഇതിന്റെ പ്രധാന ഉദ്ദേശ്യം. ഇങ്ങനെ ശേഖരിച്ച പേനകൾ ശാസ...

എ.ആർ നഗർ: പങ്കാളിത്ത പെൻഷൻ പദ്ധതി പിൻവലിക്കാത്ത ഇടതു സർക്കാരിന്റെ നിലപാടിൽ പ്രതിഷേധിച്ച് എൻ.പി.എസ് എംപ്ലോയീസ് ഇരുമ്പുചോല എ.യു.പി സ്കൂൾ യൂണിറ്റിന്റെ ആഭിമുഖ്യത്തിൽ പ്രതിഷേധ സംഗമം സംഘടിപ്പിച്ചു. പെൻഷൻ പദ്ധതിയുമായി ബന്ധപ്പെട്ട് സർക്കാർ നൽകിയ വാഗ്ദാനങ്ങൾ പാലിക്കണമെന്നും ജീവനക്കാരുടെ ആശങ്കകൾ പരിഹരിക്കണമെന്നും പ്രതിഷേധക്കാർ ആവശ്യപ്പെട്ടു. പ്രതിഷേധ സംഗമത്തിന് ഷഫീഖ് മൂഴിക്കൽ, കെ.ടി അഫ്സൽ, ശമീം നിയാസ്, ആശിഖ് കാവുങ്ങൽ തുടങ്ങിയവർ നേതൃത്വം നൽകി....

തിരൂരങ്ങാടി: അമൃത കുടിവെള്ള പദ്ധതിക്കായി തിരൂരങ്ങാടി നഗരസഭയുടെ നേതൃത്വത്തിൽ പൈപ്പ് ലൈൻ സ്ഥാപിക്കാൻ വെട്ടിപ്പൊളിച്ച റോഡുകൾ പൂർവ്വസ്ഥിതിയിലാക്കാത്തത് ജനങ്ങളെ ദുരിതത്തിലാക്കുന്നു. നാടുകാണി-പരപ്പനങ്ങാടി പാതയിൽ ചെമ്മാട് മുതൽ തിരൂരങ്ങാടി വരെയുള്ള വിവിധ ഭാഗങ്ങൾ മാസങ്ങളായി തകർന്നു കിടക്കുകയാണ്. 2024 ഒക്ടോബറിൽ ആരംഭിച്ച പ്രവൃത്തികൾ ഡിസംബറോടെ പൂർത്തിയാക്കി ടാർ ചെയ്യുമെന്ന് അധികൃതർ ഉറപ്പ് നൽകിയിരുന്നെങ്കിലും മാസങ്ങൾ പിന്നിട്ടിട്ടും റോഡ് ശോചനീയാവസ്ഥയിൽ തന്നെ തുടരുകയാണ്.​സംസ്ഥാന പാതയായതിനാൽ വാഹനങ്ങളുടെ തിരക്ക് കാരണം കടുത്ത പൊടിശല്യമാണ് പ്രദേശത്ത് അനുഭവപ്പെടുന്നത്. റോഡിൽ വെള്ളം തളിച്ച് പൊടി നിയന്ത്രിക്കാൻ ശ്രമിക്കുന്നുണ്ടെങ്കിലും അല്പസമയം കഴിയുമ്പോൾ വീണ്ടും പൊടി ഉയരുന്നത് യാത്രക്കാരെയും വ്യാപാരികളെയും നിത്യരോഗികളാക്കുന്നു. ഇതിന് പുറമെ റോഡിൽ ചിതറിക്കിടക്കുന്ന മെറ്റലിൽ കയറി ഇരുചക്ര വാഹനങ്ങൾ തെന്നിവീഴുന്നതു...

തിരൂരങ്ങാടി: കലയും സാഹിത്യവും മനുഷ്യ മനസ്സുകളിൽ സ്നേഹവും സൗഹൃദവും വളർത്തുന്നതാണെന്നും മനുഷ്യരെ പരസ്പരം അകറ്റാനല്ല അടുപ്പിക്കാനാണ് ഇത്തരം കൂട്ടായ്മകൾക്ക് കഴിയുന്നതെന്നും മുൻ വിദ്യാഭ്യാസ മന്ത്രി പി.കെ. അബ്ദുറബ്ബ്. കേരള മാപ്പിള കലാ അക്കാദമി തിരൂരങ്ങാടി ചാപ്റ്റർ സംഘടിപ്പിച്ച സ്നേഹസംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.​കേരള മാപ്പിള കലാ അക്കാദമി സംസ്ഥാന പ്രസിഡന്റായി തിരഞ്ഞെടുക്കപ്പെട്ട എ.കെ. മുസ്തഫയ്ക്കും, നഗരസഭാ കൗൺസിലർമാരായി തിരഞ്ഞെടുക്കപ്പെട്ട അക്കാദമി അംഗങ്ങളായ ആരിഫ വലിയാട്ട്, ചെബ വഹീദ എന്നിവർക്കും തിരൂരങ്ങാടി ചാപ്റ്റർ ഒരുക്കിയ ആദരവും അദ്ദേഹം ചടങ്ങിൽ നിർവ്വഹിച്ചു. മനരിക്കൽ അഷ്‌റഫ് അധ്യക്ഷത വഹിച്ച യോഗത്തിൽ കെ.പി. മജീദ് ഹാജി, ഡോ. ഹാറൂൻ റഷീദ്, റൈഹാനത്ത് നന്നമ്പ്ര, ഫിറോസ് ഖാൻ പരപ്പനങ്ങാടി, ഇബ്രാഹിം ചെമ്മാട്, എം.കെ. അയ്യൂബ്, റഷീദ് വെള്ളിയാപുറം, കെ.പി. നസീമ ടീച്ചർ, സുഹ്‌റ കൊളപ്പുറം, ...

അബ്ദുറഹിമാൻ നഗർ ഗ്രാമ പഞ്ചായത്ത് 18-ാം വാർഡ് മെമ്പറായി തിരഞ്ഞെടുക്കപ്പെട്ട ഒ.സി ഉമ്മു ഹബീബയ്ക്ക് ഇരുമ്പുചോല എ.യു.പി സ്കൂളിൽ വെച്ച് ഊഷ്മളമായ സ്വീകരണം നൽകി. സ്കൂളിലെ രക്ഷിതാവ് കൂടിയായ ഉമ്മു ഹബീബയ്ക്ക്, തന്റെ മകൾ മഷ്റൂഖ പഠിക്കുന്ന ക്ലാസിലെ വിദ്യാർത്ഥികളാണ് രക്ഷാകർതൃ യോഗത്തിൽ വെച്ച് ഉപഹാരം നൽകി ആദരിച്ചത്. ക്ലാസ് അധ്യാപകൻ പി. അബ്ദുൽ ലത്തീഫ് ഉപഹാരം കൈമാറി. ചടങ്ങിൽ ടി. ഫാത്തിമ സുഹ്റ, വി.വി തസ്‌ലീന, കെ. അസീബ, കെ. സുലൈഖ, കെ.ടി ഫസീല, സി.കെ ബഷീറ, ഫാത്തിമ സുഹ്റ കാവുങ്ങൽ, പി.കെ ഉമ്മു ഹബീബ, പി.പി സമീന, കെ.ടി ഖദീജ, പി. ഫെമിന, പി.ടി ഫസീല, പി. ഹാജറ എന്നിവർ സംസാരിച്ചു. വിദ്യാർഥികളായ ടി. മർഫിയ, കെ. നിഹ്‌മ, എം. മറിയം മിൻഹ, എ. ജസ ഫാത്തിമ, പി. യാസീൻ, സി. ആദിൽ, വി.വി. നിഹാൽ, നുഹ്മാൻ കാവുങ്ങൽ എന്നിവർ പരിപാടികൾക്ക് നേതൃത്വം നൽകി. 🔴കൂടുതൽ വാർത്തകൾ വേഗത്തിൽ അറിയാൻ ഞങ്ങളുടെ വാട്സ്ആപ്പ് ഗ്രൂപ്പിൽ ജോയിൻ ചെയ്യ...

തിരൂരങ്ങാടി പി.എസ്.എം.ഒ കോളേജ് ക്വിസ് ക്ലബ്ബിന്റെ നേതൃത്വത്തിൽ ചീഫ് മിനിസ്റ്റേഴ്സ് മെഗാ ക്വിസ് കോളേജ് തല മത്സരം സംഘടിപ്പിച്ചു. കോളേജ് സെമിനാർ ഹാളിൽ വെച്ച് നടന്ന മത്സരത്തിൽ വിവിധ ഡിപ്പാർട്ട്മെന്റുകളിൽ നിന്നുള്ള നിരവധി വിദ്യാർത്ഥികൾ പങ്കെടുത്തു. ആവേശകരമായ പോരാട്ടത്തിനൊടുവിൽ ഇക്കണോമിക്സ് ഡിപ്പാർട്ട്മെന്റ് ഒന്നാം വർഷ വിദ്യാർത്ഥി നിദാൽ അഹമ്മദ് കെ.ടി ഒന്നാം സ്ഥാനം കരസ്ഥമാക്കി. മത്സരത്തിൽ പ്രണവ് പ്രകാശ് (ബോട്ടണി), വാജിദ് കെ.സി (സുവോളജി), മുഹമ്മദ് ഫഹദ് (ഇക്കണോമിക്സ്) എന്നിവർ യഥാക്രമം രണ്ട്, മൂന്ന്, നാല് സ്ഥാനങ്ങൾ നേടി. ആദ്യ നാല് സ്ഥാനങ്ങൾ കരസ്ഥമാക്കിയ ഈ വിദ്യാർത്ഥികൾ ജില്ലാതല മത്സരത്തിൽ കോളേജിനെ പ്രതിനിധീകരിച്ച് പങ്കെടുക്കാൻ യോഗ്യത നേടി. ചടങ്ങിൽ കോളേജ് പ്രിൻസിപ്പൽ ഡോ. നിസാമുദീൻ അധ്യക്ഷത വഹിച്ചു. ക്വിസ് ക്ലബ് നോഡൽ ഓഫീസർ എം. സലീന, സ്റ്റുഡന്റ് കോർഡിനേറ്റർമാരായ സഫീദ കെ, ഫിദ അൻവർ, കൃഷ്ണ പ്രസാദ് എന്ന...

തിരൂരങ്ങാടി: തിരൂരങ്ങാടി നഗരസഭയിലെ രണ്ടാം വാർഡിൽ ഉൾപ്പെട്ട ശാന്തി നഗർ ഭാഗത്തെ രൂക്ഷമായ ഓവർലോഡ് പ്രശ്നത്തിന് പരിഹാരമായി പുതിയ ട്രാൻസ്ഫോർമർ അനുവദിക്കണമെന്ന് ആവശ്യപ്പെട്ട് ആം ആദ്മി പാർട്ടി നിവേദനം നൽകി. തിരൂരങ്ങാടി മണ്ഡലം ജനറൽ സെക്രട്ടറി അബ്ദുൽ റഹീം പൂക്കത്ത് വടക്കേ മമ്പുറം, സുബൈർ പി.പി. എന്നിവരുടെ നേതൃത്വത്തിലാണ് കെ.എസ്.ഇ.ബി. എക്സിക്യൂട്ടീവ് എഞ്ചിനീയർ കെ.എം. സുഭജയ്ക്ക് നിവേദനം സമർപ്പിച്ചത്. വർഷങ്ങളായി തുടരുന്ന ഓവർലോഡ് കാരണം ട്രാൻസ്ഫോർമർ ഇടയ്ക്കിടെ ട്രിപ്പ് ആകുന്നതും ഇതുമൂലം വൈദ്യുതി മുടങ്ങുന്നതും പ്രദേശത്ത് പതിവാണ്. കൂടാതെ കടുത്ത വോൾട്ടേജ് ക്ഷാമവും പ്രദേശവാസികൾ നേരിടുന്നുണ്ട്. പതിനാറുങ്ങൽ - വടക്കേ മമ്പുറം റോഡിൽ ശാന്തി നഗർ ഭാഗത്തായി പുതിയ ട്രാൻസ്ഫോർമർ സ്ഥാപിക്കണമെന്നാണ് നിവേദനത്തിലൂടെ ആവശ്യപ്പെട്ടിരിക്കുന്നത്. പരാതി ഗൗരവമായി പരിശോധിക്കുമെന്നും ആവശ്യമായ നടപടികൾ സ്വീകരിക്കാമെന്നും എക്സിക്യൂട്ടീ...

തിരൂരങ്ങാടി: യൂണിറ്റി ഫൗണ്ടേഷൻ ചാരിറ്റബിൾ ട്രസ്റ്റ് തിരൂരങ്ങാടിയുടെ ആഭിമുഖ്യത്തിൽ ബി.ആർ.സി പരപ്പനങ്ങാടി, എം.കെ.ച്ച് ഹോസ്പിറ്റൽ, പി സ് എം ഒ അലുംനി അസോസിയേഷൻ, കോളേജ് NSS യൂനിറ്റ്, ലയൺസ് ക്ലബ് ഓഫ് തിരുരങ്ങാടി എന്നിവരുടെ സഹകരണത്തോടെ ഗൃഹാധിഷ്ഠിത വിദ്യാഭ്യാസം നേടുന്ന കിടപ്പിലായ കുട്ടികൾക്കായി ‘കരുത്തായി, കാവലായി’ എന്ന പേരിൽ സംഘടിപ്പിച്ച സ്നേഹസംഗമവും മെഡിക്കൽ ക്യാമ്പും ശ്രദ്ധേയമായി. തിരൂരങ്ങാടി പി.എസ്.എം.ഒ കോളേജ് ഓഡിറ്റോറിയത്തിൽ നടന്ന പരിപാടിയിൽ നൂറോളം കിടപ്പിലായ വിദ്യാർത്ഥികളും രക്ഷിതാക്കളും പങ്കെടുത്തു. പി.എസ്.എം.ഒ.സി അലുമിനി അസോസിയേഷൻ പ്രസിഡന്റ് അഡ്വ. സി.പി. മുസ്തഫ ചടങ്ങിൽ സ്വാഗതം ആശംസിച്ചു. തിരൂരങ്ങാടി മുനിസിപ്പൽ ചെയർപേഴ്സൺ ഹബീബ ബഷീർ പരിപാടി ഉദ്ഘാടനം ചെയ്തു. യൂണിറ്റി ഫൗണ്ടേഷൻ പ്രസിഡന്റ് ഇസ്മായിൽ കൂളത്ത് ചടങ്ങിൽ അധ്യക്ഷത വഹിച്ചു. പി.എസ്.എം.ഒ കോളേജ് മാനേജർ എം.കെ. ബാവ മുഖ്യപ്രഭാഷണം നടത്തി. ബി.ആർ...

തിരൂരങ്ങാടി കേരള മുസ്ലിം ജമാഅത്ത് കേരളയാത്രയുടെ പ്രചരണാർത്ഥം കുണ്ടൂർ സർക്കിൾ പ്രാസ്ഥാനിക കുടുംബങ്ങളുടെ നേതൃത്വത്തിൽ ബൈക്ക് പ്രചരണ റാലി സംഘടിപ്പിച്ചു. കുണ്ടൂർ മൂലക്കലിൽ നിന്നും ആരംഭിച്ച റാലി സർക്കിൾ പരിധിയിലെ മുഴുവൻ യൂണിറ്റുകളിലും പര്യടനം പൂർത്തിയാക്കി ചെറുമുക്ക് സുന്നത്ത് നഗറിൽ സമാപിച്ചു. അബ്ദുല്ലത്തീഫ് സഖാഫി സുന്നത്ത് നഗർ റാലിയുടെ ഉദ്ഘാടന പ്രഭാഷണം നടത്തി. മുസ്ലിം ജമാഅത്തിനെ പ്രതിനിധീകരിച്ച് എ.പി. അഹമ്മദ് സാഹിബ്, അബ്ദുൽ റസാഖ് ഹാജി മൂലക്കൽ, ഹനീഫ മുസ്‌ലിയാർ കൊടിഞ്ഞി, അലവിക്കുട്ടി ഹാജി സുന്നത്ത് നഗർ എന്നിവരും, കുണ്ടൂർ സർക്കിൾ എസ്.വൈ.എസിനെ പ്രതിനിധീകരിച്ച് ഷാഫി സഖാഫി ചെറുമുക്ക്, യഹിയ അഹ്സനി നഗർ, അസ്ഹർ അഹ്സനി എന്നിവരും റാലിക്ക് നേതൃത്വം നൽകി....

എ.ആർ നഗർ: എ.ആർ നഗർ (അബ്ദു റഹ്മാൻ നഗർ) ഗ്രാമപഞ്ചായത്തിന്റെ പുതിയ പ്രസിഡന്റായി ലൈല പുല്ലൂണിയും വൈസ് പ്രസിഡന്റായി മുസ്തഫ പുള്ളിശ്ശേരിയും തിരഞ്ഞെടുക്കപ്പെട്ടു. ഇന്ന് പഞ്ചായത്ത് ഹാളിൽ നടന്ന തിരഞ്ഞെടുപ്പ് നടപടികൾക്ക് ശേഷമാണ് ഇരുവരും ഔദ്യോഗികമായി ചുമതലയേറ്റത്. യു.ഡി.എഫ് മുന്നണി ധാരണപ്രകാരമാണ് ഇരുവരും ഭരണസാരഥ്യത്തിലേക്ക് എത്തിയത്. പഞ്ചായത്തിന്റെ വികസന പ്രവർത്തനങ്ങൾക്കും ജനകീയ പദ്ധതികൾക്കും പുതിയ നേതൃത്വം ഊർജ്ജം പകരുമെന്ന് തിരഞ്ഞെടുപ്പിന് ശേഷം നടന്ന അനുമോദന യോഗത്തിൽ നേതാക്കൾ അഭിപ്രായപ്പെട്ടു. യു.ഡി.എഫ് പ്രവർത്തകരും നേതാക്കളും ചേർന്ന് പുതിയ പ്രസിഡന്റിനും വൈസ് പ്രസിഡന്റിനും ഹൃദ്യമായ സ്വീകരണം നൽകി....

തിരൂരങ്ങാടി: നൂറുൽ ഇസ്‌ലാം മദ്രസയിൽ ലോക അറബി ഭാഷാദിനം വിവിധ പരിപാടികളോടെ സമുചിതമായി ആഘോഷിച്ചു. ഇതോടനുബന്ധിച്ച് സംസ്ഥാന സർഗമേളയിലേക്ക് യോഗ്യത നേടിയ വിദ്യാർത്ഥികളെയും പരീക്ഷയിൽ ഉയർന്ന മാർക്ക് നേടിയ കുട്ടികളെയും ആദരിക്കുന്ന പ്രത്യേക ചടങ്ങും നടന്നു. തിരൂരങ്ങാടി മുസ്‌ലിം ഓർഫനേജ് കമ്മിറ്റി ജനറൽ സെക്രട്ടറി എം.കെ. ബാവ സാഹിബ് ആഘോഷപരിപാടികളുടെ ഉദ്ഘാടനവും പ്രതിഭകൾക്കുള്ള സമ്മാനദാനവും നിർവ്വഹിച്ചു. അറബി ഭാഷയുടെ ആത്മീയ-സാംസ്കാരിക മൂല്യങ്ങളെക്കുറിച്ച് അദ്ദേഹം സംസാരിച്ചു. സദർ മുദരിസ് എൻ.പി. അബു മാസ്റ്റർ അധ്യക്ഷത വഹിച്ച ചടങ്ങിൽ സി.എൻ. അബ്ദുൽ നാസർ മാസ്റ്റർ അറബി ഭാഷാദിന സന്ദേശം നൽകി. ഭാഷയുടെ ചരിത്രപ്രാധാന്യവും വർത്തമാനകാല പ്രസക്തിയും അദ്ദേഹം കുട്ടികൾക്ക് വിശദീകരിച്ചു നൽകി. സ്റ്റാഫ് സെക്രട്ടറി മുനീർ താനാളൂർ സ്വാഗതം ആശംസിച്ച യോഗത്തിൽ ഒ.പി. അനീസ് ജാബിർ മാസ്റ്റർ നന്ദി രേഖപ്പെടുത്തി. വി. അലി മാസ്റ്റർ, കെ. ജംഷീന ...

തിരൂരങ്ങാടി: തിരൂരങ്ങാടി നഗരസഭ പരിധിയിലെ ഒന്നാം വാർഡിൽ കാഞ്ഞിരത്തോടു നിവാസികൾ വർഷങ്ങളായി നേരിടുന്ന വോൾട്ടേജ് ക്ഷാമത്തിന് പരിഹാരം കാണണമെന്ന് ആവശ്യപ്പെട്ട് ആം ആദ്മി പാർട്ടി രംഗത്ത്. ഇതിനായി കാഞ്ഞിരത്തോടു ഭാഗത്തേക്ക് ത്രീ ഫേസ് കണക്ഷൻ അനുവദിക്കണമെന്ന് ആവശ്യപ്പെട്ട് തിരൂരങ്ങാടി മണ്ഡലം ആം ആദ്മി പാർട്ടി ജനറൽ സെക്രട്ടറി അബ്ദുൽ റഹീം പൂക്കത്ത്, തിരൂരങ്ങാടി കെ.എസ്.ഇ.ബി അസിസ്റ്റന്റ് എൻജിനീയർ മൊയ്തീൻ കോയക്ക് നിവേദനം നൽകി.​വടക്കേ മമ്പുറം ഒന്നാം വാർഡിൽ സ്ഥാനാർത്ഥിയായി മത്സരിച്ചപ്പോൾ പ്രകടന പത്രികയിൽ പറഞ്ഞ കാര്യങ്ങൾ നടപ്പിലാക്കുന്നതിന്റെ ഭാഗമായാണ് ഈ നീക്കം. വോൾട്ടേജ് വ്യതിയാനം കാരണം വീടുകളിലെ ഇലക്ട്രിക്, ഇലക്ട്രോണിക്സ് ഉപകരണങ്ങൾ കേടുവരുന്നത് പതിവാണെന്ന് നിവേദനത്തിൽ ചൂണ്ടിക്കാട്ടി. പതിനാറുങ്ങൽ - വടക്കേ മമ്പുറം റോഡിൽ പുതിയ ട്രാൻസ്ഫോമർ സ്ഥാപിച്ചാൽ നിലവിലെ വടക്കേ മമ്പുറം ട്രാൻസ്ഫോമറിലെ ലോഡ് കുറയ്ക്കാൻ സാധിക്ക...