മുസ്‌ലിം ലീഗ് നേതാവും ഒതുക്കുങ്ങൽ മുൻ പഞ്ചായത്ത് സ്റ്റാൻഡിങ് കമ്മിറ്റി ചെയർമാനുമായ കുഞ്ഞലവിക്കുട്ടി നിര്യാതനായി
ഒതുക്കുങ്ങൽ: മുസ്‌ലിം ലീഗ് നേതാവും ഒതുക്കുങ്ങൽ ഗ്രാമപഞ്ചായത്ത് മുൻ സ്റ്റാൻഡിങ് കമ്മിറ്റി ചെയർമാനുമായ കുഞ്ഞലവിക്കുട്ടി അന്തരിച്ചു. വിദ്യാർത്ഥി പ്രസ്ഥാനമായ എം.എസ്.എഫിലൂടെ പൊതുരംഗത്തെത്തിയ അദ്ദേഹം യൂത്ത് ലീഗ്, മുസ്‌ലിം ലീഗ്, പഞ്ചായത്ത് കമ്മിറ്റി ഭാരവാഹി എന്നീ നിലകളിൽ ദീർഘകാലം പ്രവർത്തിച്ചിട്ടുണ്ട്. ഒതുക്കുങ്ങൽ പഞ്ചായത്തിൽ മുസ്‌ലിം ലീഗ് പ്രസ്ഥാനം കെട്ടിപ്പടുക്കുന്നതിൽ നിർണ്ണായക പങ്കുവഹിച്ച നേതാവായിരുന്നു അദ്ദേഹം. ഒതുക്കുങ്ങൽ സഹകരണ ബാങ്ക് ജീവനക്കാരനായിരിക്കെ, നാട്ടുകാരുമായി പുലർത്തിയ നല്ല ബന്ധം അദ്ദേഹത്തെ ജനകീയനാക്കി. പാർട്ടിക്ക് സ്വാധീനമില്ലാത്ത വാർഡുകളിൽ പോലും മത്സരിച്ച് വിജയിക്കാൻ ഈ ജനകീയത അദ്ദേഹത്തെ സഹായിച്ചു. ദീർഘകാലം പഞ്ചായത്ത് മെമ്പറായും സ്റ്റാൻഡിങ് കമ്മിറ്റി ചെയർമാനായും നിസ്വാർത്ഥ സേവനം അനുഷ്ഠിച്ചിട്ടുണ്ട്. മയ്യിത്ത് നമസ്കാരം നാളെ (30/11/2025) രാവിലെ 8:30-ന് ഒതുക്കുങ്ങൽ ജുമാ മസ്ജിദിൽ നടക്കും.
