തിരൂരങ്ങാടി: മലപ്പുറം ജില്ലാ പഞ്ചായത്തിലെ നന്നമ്പ്ര ഡിവിഷനില്‍ നിന്നും യു.ഡി.എഫ് സ്ഥാനാര്‍ത്ഥിയായി മല്‍സരിക്കുന്ന ഷരീഫ് കുറ്റൂര്‍, പ്രചാരണത്തിന്റെ ആദ്യനാള്‍ തന്നെ ജനഹൃദയങ്ങളിലേക്ക് നേരേ കയറുന്ന ഒരു യാത്രയാണ് നടത്തുകയാണ്. പ്രഭാഷണത്തിലൂടെയും പ്രവര്‍ത്തനങ്ങളിലൂടെയും മുസ്ലിം യൂത്ത്‌ലീഗ് ജില്ലാ പ്രസിഡന്റായ നിലയിലൂടെയും നാട്ടുകാര്‍ക്കിടയില്‍ ഏറെ പ്രിയങ്കരനായ ഷരീഫ്, ഇന്ന് തന്റെ പ്രചാരണത്തിന്റെ പ്രധാന ബലമായി മുതിര്‍ന്ന വോട്ടര്‍മാരുടെ അനുഗ്രഹം തേടിയെത്തിയത്. നാട്ടിലെ കാരണവന്മാരെയും മുതിര്‍ന്ന പൗരന്മാരെയും വീട് തോറും നേരില്‍ കണ്ടു, അവരുടെ ആരോഗ്യനില, ആവശ്യങ്ങള്‍, നാളുകളായുള്ള പ്രശ്‌നങ്ങള്‍ എന്നിവ വിദഗ്ധതയോടെ കേട്ട് മനസ്സിലാക്കുകയാണ് അദ്ദേഹം. കിടപ്പിലായ രോഗികളെ നേരില്‍ സന്ദര്‍ശിച്ച്, അവരോടുള്ള ആദരവും സ്നേഹവും പ്രകടമാക്കിയാണ് ഷരീഫിന്റെ മുന്നേറ്റം. നന്നമ്പ്ര, തെന്നല, കൊടിഞ്ഞി, ചെറുമുക്ക് പ്രദേശങ്ങളിലെ വീടുകള്‍ സന്ദര്‍ശിച്ച ഷരീഫ് കുറ്റൂരിന് നാടുവാസികള്‍ നല്‍കിയ സ്വീകരണം ഏറെ ഉജ്ജ്വലമായിരുന്നു. ഓരോ വീട്ടിലും അദ്ദേഹം ചെലവഴിച്ച കുറച്ച് നിമിഷങ്ങള്‍ പോലും ജനങ്ങള്‍ക്ക് വലിയ ആത്മവിശ്വാസം നല്‍കുന്നുവെന്ന് വോട്ടര്‍മാര്‍ പറഞ്ഞു. തദ്ദേശ ജനങ്ങളുടെ പ്രശ്‌നങ്ങളെ ഹൃദയത്തില്‍ ചുമന്നും ജനങ്ങളെ കേള്‍ക്കുക എന്നത് തന്നെ നേതാവിന്റെ കടമ എന്ന ധാര്‍മ്മിക ഉത്തരവാദിത്വബോധത്തോടെ മുന്നേറുകയാണ് ഷരീഫ് കുറ്റൂര്‍. പ്രായമായവരും രോഗികളുമായി നടത്തിയ ഈ സന്ദര്‍ശനം അദ്ദേഹത്തിന്റെ പ്രചാരണത്തിന് ശക്തി പകരുന്നതോടൊപ്പം, വിചാരപൂര്‍വമായ ഒരു നേതാവിന്റെ മുഖം കൂടി ജനങ്ങള്‍ക്കു മുന്നില്‍ തുറന്നുകാട്ടുന്നുമാണ്.
നന്നമ്പ്ര ഡിവിഷനിലെ എല്ലാ വിഭാഗം ആളുകളും ഒരേ ശബ്ദത്തിലാണ് ജനങ്ങളോടൊപ്പം നിന്നവനോടാണ് നന്മയുടെ വോട്ടെന്ന മുദ്രാവാക്യമാണ് ജനങ്ങളില്‍ നിന്നും ഉയരുന്നത്. കഴിഞ്ഞ ദിവസങ്ങളില്‍ ലീഗ് മോന്‍, മണക്കടവന്‍ പാത്തുമ്മ, ഊര്‍പ്പായി മൂസക്കുട്ടി ഹാജി, തെക്കുഞ്ചേരി അബ്ദുല്‍ ഖാദര്‍ ഹാജി, വി.കെ ഖാദര്‍ ഹാജി, ഊര്‍പ്പായി മുഹമ്മദ് ഹാജി, ടി.സി മുഹമ്മദ് ഹാജി ഹാജി, സൈനബ ടീച്ചര്‍, അലിക്കുട്ടി മുസ്്‌ലിയാര്‍, കൂനിയില്‍ ബീരാന്‍ കുട്ടി ഹാജി ഉള്‍പ്പെടെ മറ്റു പൗരപ്രമുഖരെയും സന്ദര്‍ശിച്ചു. യു.എ റസാഖ്, വി.പി സിദ്ധീഖ് ഹാജി, കെ.കെ റഹീം, പാട്ടശ്ശേരി മുഹമ്മദലി, പനമ്പിലായി സലാം, വി.കെ അലവി ഹാജി, കൊന്നക്കല്‍ മനാഫ് മറ്റു പ്രമുഖരും സന്ദര്‍ശനത്തില്‍ ഷരീഫ് കുറ്റൂരിനൊപ്പമുണ്ടായിരുന്നു.
