കോടികളുടെ തട്ടിപ്പുകള്‍, കൊലപാതകശ്രമം, അടിപിടി കേസുകള്‍ എന്നിവയില്‍ ഉള്‍പ്പെട്ട പ്രതിയെ കാപ്പ നിയമ പ്രകാരം ജയിലിലടച്ചു. തിരൂരങ്ങാടി താഴെചിന സ്വദേശി തടത്തില്‍ വീട്ടില്‍ അബ്‌ദൂള്‍ കരീം (54) നെയാണ്‌ കാപ്പ ചുമത്തി അറസ്‌റ്റ് ചെയ്‌തത്‌. മലപ്പുറം പോലീസ്‌ മേധാവി ആര്‍. വിശ്വനാഥ്‌ നല്‍കിയ റിപ്പോര്‍ട്ടിന്റെ അടിസ്‌ഥാനത്തില്‍ കലക്‌ടര്‍ വി.ആര്‍. വിനോദ്‌ ആണ്‌ ഉത്തരവിറക്കിയത്‌. അവസാനമായി രണ്ട്‌ കോടി കവര്‍ച്ച ചെയ്‌ത കേസില്‍ ജയിലില്‍ കഴിയുമ്ബോഴാണ്‌ ഇയാളെ കാപ്പ ചുമത്തി പോലീസ്‌ അറസ്‌റ്റ് ചെയ്‌തത്‌. താനൂര്‍ പോലീസ്‌ സേ്‌റ്റഷനില്‍ രജിസ്‌റ്റര്‍ ചെയ്‌ത രണ്ട്‌ കോടി രൂപയുടെ കവര്‍ച്ച കേസില്‍ മുഖ്യപ്രതിയായിരുന്നു അബ്‌ദുള്‍ കരീം. ഇയാള്‍ക്കെതിരെ തിരൂരങ്ങാടി പോലീസ്‌ സേ്‌റ്റഷനിലും മറ്റു പോലീസ്‌ സേ്‌റ്റഷനിലും കൊലപാതകശ്രമവും ആള്‍ക്കൂട്ട അടിപിടിയുമായി ബന്ധപ്പെട്ട നിരവധി കേസുകളുമുണ്ടെന്ന്‌ പോലീസ്‌ പറഞ്ഞു.കാപ്പ – 3 നിയമ പ്രകാരം അറസ്‌റ്റ് ചെയ്‌ത കരീമിനെ വിയ്യൂര്‍ അതീവ സുരക്ഷാ ജയിലില്‍ ഹാജരാക്കി തടവിലാക്കി. ആറ്‌ മാസത്തേക്കാണ്‌ തടവ്‌. മലപ്പുറം ജില്ലയില്‍ കുറ്റകൃത്യങ്ങള്‍ തടയുന്നതിന്റെ ഭാഗമായി ശക്‌തമായ നടപടികള്‍ സ്വീകരിച്ചു വരികയാണെന്നും ഈ വര്‍ഷം നിരവധി ക്രിമിനല്‍ കേസുകളില്‍ പ്രതികളായിട്ടുള്ള 43 പേരെ കാപ്പ നിയമ പ്രകാരം തടവിലാക്കുകയും 91 പേര്‍ക്കെതിരെ കാപ്പ ചുമത്തി നാടുകടത്തിയും സഞ്ചാര നിയന്ത്രണം ഏര്‍പ്പെടുത്തിയതായും എസ്‌.പി. അറിയിച്ചു.
