തിരൂരങ്ങാടി: തിരുവനന്തപുരം ആസ്ഥാനമായി പ്രവർത്തിക്കുന്ന ജഹർലാൽ നെഹ്റു കൾച്ചറൽ സൊസൈറ്റിയുടെ ഈ വർഷത്തെ ജവഹർ പുരസ്കാരത്തിന് സാമൂഹ്യ പ്രവർത്തകൻ അഷ്റഫ് കളത്തിങ്ങൽ പാറ തെരഞ്ഞെടുക്കപ്പെട്ടു. ആരോഗ്യ രംഗത്തെ പ്രവർത്തന മികവിനാണ് പുരസ്കാരം ലഭിച്ചിട്ടുള്ളത് .പണ്ഡിറ്റ് ജവഹർലാൽ നെഹ്റുവിന്റെ 136-ാമത് ജൻമദിനമായ നവംബർ 14 ന് (നാളെ) എറണാങ്കളത്ത് വെച്ച് പ്രമുഖരുടെ സാന്നിധ്യത്തിൽ നടക്കുന്ന ചടങ്ങിൽ വെച്ച് പുരസ്കാരം സമർപ്പിക്കും. ആദ്യ കോവിഡിന്റെ ഭീകരതയിൽ നാട് പിടിമുറുക്കിയപ്പോൾ ഭയപ്പാടില്ലാതെ കോവിഡിനെ വകവെക്കാതെ കർമ്മ രംഗത്തിറങ്ങിയിരുന്നു. കോവിഡ് ബാധിച്ചവരെയും മറ്റു രോഗികളെയും ആശുപത്രികളിലെത്തിക്കാനും അവർക്ക് മരുന്നും ഭക്ഷണവും എത്തിക്കുന്നതിനും നേത്രത്വം നൽകിയിരുന്നു. കോവിഡ് കാലഘട്ടത്തിൽ വിദേശത്ത് നിന്നും അന്യ സംസ്ഥാനത്ത് നിന്നും വന്നിരുന്ന മൂന്നിയൂർ പഞ്ചായത്ത് നിവാസികൾക്ക് ഒറ്റപ്പെടലിന്റെ ആകുലതകളില്ലാത്ത രീതിയിൽ കളത്തിങ്ങൽ പാറ ദാറുത്തർബിയ കോളേജിൽ ജില്ലയിലെ ആരോഗ്യ വകുപ്പിന്റെ തന്നെ പ്രശംസ പിടിച്ച് പറ്റി ഒരേ സമയം 50 ഓളം പേർക്ക് താമസിക്കുന്ന രീതിയിലുള്ള ക്വാറന്റൈൻ സെന്റർ ഒരു ക്കിയിരുന്നത് അഷ്റഫ് കളത്തിങ്ങൽ പാറയുടെ നേത്രത്വത്തിലായിരുന്നു. ഇവിടെ താമസിച്ചവർക്ക് മൂന്ന് നേരവും വ്യക്തികളുടെയും സംഘടനകളുടെയും സഹകരണത്തോടെ വിഭവ സമൃദ്ധമായ പോഷകസമ്പുഷ്ടമായ ഭക്ഷണമായിരുന്നു നൽകിയിരുന്നത്. ഇത് ക്വാറന്റൈൻ സെന്ററിനെ വിത്യസ്ഥമാക്കിയിരുന്നു. പാലിയേറ്റീവ് മേഖലയിലും തിരൂരങ്ങാടി താലൂക്ക് ആശുപത്രി കേന്ദ്രീകരിച്ചും വിവിധ സേവനങ്ങൾ നടത്തി കൊണ്ടിരിക്കുന്നതോടൊപ്പം ഭിന്നശേഷി വിഭാഗത്തിൽപ്പെട്ടവർക്കും ഒട്ടേറെ പ്രവർത്തനങ്ങൾ നടത്തി കൊണ്ടിരിക്കുന്നു. കേരള പ്രൈമറി പാലിയേറ്റീവ് നഴ്സസ് അസോസിയേഷൻ സംസ്ഥാന ചെയർമാൻ, സിഗ്‌നേച്ചർ ഭിന്ന ശേഷി ശാക്തീകരണ വേദി പ്രസിഡണ്ട് , ഫ്രീലാന്റ് മാധ്യമ പ്രവർത്തകൻ, ദേശീയ മനുഷ്യാവകാശ സംഘടനയായ നാഷണൽ ഫോറം ഫോർ പീപ്പിൾസ് റൈറ്റ്സ് തിരൂരങ്ങാടി താലൂക്ക് ജനറൽ സെക്രട്ടറി തുടങ്ങി സാമൂഹ്യ-സാംസ്കാരിക രംഗത്തും സജീവമാണ്. മൂന്നിയൂർ കളത്തിങ്ങൽ പാറയാണ് സ്വദേശം
