മലപ്പുറം: അക്ഷരങ്ങളെയും ഭാവനകളെയും തൻ്റെ തൂലികയിൽ ആവാഹിച്ച് കാവ്യലോകത്ത് തൻ്റേതായ ഇടം കണ്ടെത്തിയ പ്രശസ്ത എഴുത്തുകാരി ഷാബി നൗഷാദിന് ഭാരത് പുരസ്‌കാരത്തിൻ്റെ തിളക്കം. സാഹിത്യം, കവിത എന്നീ വിഭാഗങ്ങളിലെ സമഗ്ര സംഭാവനകൾ പരിഗണിച്ചാണ് ഈ അംഗീകാരം. മലപ്പുറത്ത് വെച്ച് നടന്ന ചടങ്ങിൽ, മലപ്പുറം ഡി.വൈ.എസ്.പി ശ്രീ. ബൈജു കെ.എം ഷാബിനൗഷാദിന് പുരസ്കാരം സമ്മാനിച്ചു. ഹൃദയത്തിൽ തൊടുന്ന വരികളിലൂടെയും ആഴത്തിലുള്ള ചിന്തകളിലൂടെയും വായനക്കാരുടെ മനസ്സിൽ ഇടംപിടിച്ച ഷാബിനൗഷാദിൻ്റെ സാഹിത്യയാത്രയിലെ മറ്റൊരു നാഴികക്കല്ലാണ് ഈ പുരസ്കാരം. ഗിന്നസ് റെക്കോർഡിൻ്റെ ഭാഗമായ WMHC വേൾഡ് മദേഴ്സ് അവാർഡ് ഉൾപ്പെടെ നിരവധി അംഗീകാരങ്ങൾ ഇതിനോടകം അവരെ തേടിയെത്തിയിട്ടുണ്ട്. സാഹിത്യത്തിലെയും കവിതയിലെയും മികവിന് മലപ്പുറം ജില്ലയിൽ നിന്നും ഈ ബഹുമതി ഏറ്റുവാങ്ങിയ പ്രതിഭ എന്ന നിലയിലും ഷാബിനൗഷാദ് ശ്രദ്ധേയയാണ്. സാഹിത്യരചനയുടെ ലോകത്ത് മാത്രം ഒതുങ്ങുന്നില്ല ഷാബിനൗഷാദിൻ്റെ പ്രവർത്തനങ്ങൾ. വേൾഡ് മെൻ്റൽ ഹെൽത്ത് റിസർച്ച് ഓർഗനൈസേഷൻ്റെ (WMHRO) സജീവ അംഗമായ അവർ, അക്ഷരങ്ങളിലൂടെ മാനസികാരോഗ്യത്തിൻ്റെ പ്രാധാന്യം സമൂഹത്തിലേക്ക് എത്തിക്കാൻ ശ്രമിക്കുന്നു. നിലവിൽ മലപ്പുറം ഹാപ്പിനെസ്സ് സെൻ്ററിലെ പഠനവും പ്രവർത്തനങ്ങളും അവരുടെ സാമൂഹിക പ്രതിബദ്ധതയ്ക്ക് അടിവരയിടുന്നു. പരപ്പനങ്ങാടി പാലത്തിങ്കൽ പാങ്ങാടൻ പോക്കർ ഹാജിയുടെയും വേങ്ങര എടയാട്ടുപറമ്പ് അരീകുളങ്ങര നൗഷാദിന്റെയും ഭാര്യയാണ്.
