മലപ്പുറം എക്സൈസ് എൻഫോഴ്സ്മെന്റ് & ആന്റി നർകോട്ടിക് സ്പെഷ്യൽ സ്കോഡിലെ സർക്കിൾ ഇൻസ്‌പെക്ടർ നൗഫൽ എൻ ന്റെ നേത്രത്തിൽ എടപ്പാളിലുള്ള സ്വകാര്യ ലോഡ്ജിൽ നടത്തിയ പരിശോധനയിൽ 106 ഗ്രാം MDMA പിടികൂടി. പാലക്കാട്‌ പട്ടാമ്പി പട്ടിത്തറ കുമ്പളത്ത് വളപ്പിൽ വീട്ടിൽ ഷാഫി. കെ നിന്നുമാണ് MDMA പിടികൂടിയത്. ഇയാൾ മലപ്പുറം പാലക്കാട്‌ ജില്ലാ അതിർത്തികളിൽ ചെറുകിട വില്പനയ്ക്കായി ബാംഗ്ലൂരിൽ നിന്നും മയക്കുമരുന്ന് വാങ്ങിക്കൊണ്ടു വന്ന് ലോഡ്ജിലെ റൂമിൽ സൂക്ഷിച്ചു വെച്ചിരിക്കുകയായിരുന്നു. ലോഡ്ജിൽ വെച്ചു സർക്കിൾ ഇൻസ്‌പെക്ടർ നൗഫൽ. എൻ അറസ്റ്റ് ചെയ്തു. NDPS കേസ് എടുത്തു. അസിസ്റ്റന്റ് എക്സൈസ് ഇൻസ്‌പെക്ടർ ആസിഫ് ഇക്ബാൽ. കെ, സിവിൽ എക്സൈസ് ഓഫീസർമാരായ വിനീത്. കെ, മുഹമ്മദ്‌ മുസ്തഫ. എം, വനിത സിവിൽ എക്സൈസ് ഓഫീസർ ധന്യ. കെ. പി, എക്സൈസ് ഡ്രൈവർ മുഹമ്മദ്‌ നിസാർ. M എന്നിവർ ഉണ്ടായിരുന്നു.
