വിദ്യാഭ്യാസത്തിന്റെ കാവിവൽക്കരണം ലക്ഷ്യം വെച്ചുള്ള പി.എം ശ്രീ പദ്ധതിക്ക് അനുകൂലമായ നിലപാട് യു.ഡി.എഫ് സർക്കാരിന്റെ ഭാഗത്തുനിന്നും ഉണ്ടാവാൻ പാടില്ലെന്ന് വെൽഫെയർ പാർട്ടി സംസ്ഥാന സെക്രട്ടറി നാസർ മാസ്റ്റർ കീഴ്പറമ്പ് ആവശ്യപ്പെട്ടു. പദ്ധതി നടപ്പിലാക്കുന്ന പക്ഷം ശക്തമായ പ്രക്ഷോഭം ആരംഭിക്കുമെന്നും അദ്ദേഹം മുന്നറിയിപ്പ് നൽകി. വെൽഫെയർ പാർട്ടി ഒതുക്കുങ്ങൽ പഞ്ചായത്ത് സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജനസംഖ്യാ അടിസ്ഥാനത്തിൽ മലപ്പുറം ജില്ല വിഭജിക്കാൻ അടിയന്തര നടപടി സ്വീകരിക്കണമെന്ന് സമ്മേളനം പ്രമേയത്തിലൂടെ സർക്കാരിനോട് ആവശ്യപ്പെട്ടു. പ്രതിനിധി സമ്മേളനത്തിൽ ഫ്രറ്റേണിറ്റി മലപ്പുറം ജില്ലാ ജനറൽ സെക്രട്ടറി അഡ്വ. അമീൻ യാസിർ, പാർട്ടി താനൂർ മണ്ഡലം പ്രസിഡന്റ് ഡോ. ജൗഹർ ലാൽ, മണ്ഡലം കമ്മിറ്റി അംഗം കെ. നജീബ് എന്നിവർ പങ്കെടുത്തു. ടി. റസിയ ടീച്ചർ സ്വാഗതം പറഞ്ഞു. പുതിയ പഞ്ചായത്ത് ഭാരവാഹികളായി കെ.വി ഹമീദ് മാസ്റ്റർ (പ്രസിഡന്റ്), കെ.പി അബ്ദുൽ ബാസിത് (സെക്രട്ടറി), വി. അബൂബക്കർ സിദ്ദീഖ് (ട്രഷറർ), എം.പി അസൈൻ (വൈസ് പ്രസിഡന്റ്), ടി. മുബീന (ജോയിന്റ് സെക്രട്ടറി) എന്നിവരെ സമ്മേളനത്തിൽ തിരഞ്ഞെടുത്തു.
⊶⊷⊶⊷❍❍⊶⊷⊶⊷
നിങ്ങളുടെ പ്രാദേശിക വാർത്തകൾ വേഗത്തിൽ.
👉 ഇവിടെ ക്ലിക്ക് ചെയ്യുക
https://chat.whatsapp.com/KA6zCmwUqSUKiq35cZNh0A
⊶⊷⊶⊷❍❍⊶⊷⊶⊷
നിങ്ങളുടെ വാർത്തകൾക്കും പരസ്യങ്ങൾക്കും
🪀 http://wa.me/917510488184
⊶⊷⊶⊷❍❍⊶⊷⊶⊷