കാത്തിരിപ്പിന് അറുതി; ബ്രിട്ടീഷുകാര് കണ്ടുകെട്ടിയ ഭൂമി തിരികെ ലഭിച്ചു
ബ്രിട്ടീഷ് ഭരണകൂടം 224 വര്ഷങ്ങള്ക്ക് മുമ്പ് കണ്ടുകെട്ടിയ ഭൂമി തിരികെ കിട്ടിയ സന്തോഷത്തിലാണ് മഞ്ചേരി പയ്യനാട് സത്രം ഭൂമിയിലെ കുടുംബങ്ങള്. ബ്രിട്ടീഷ് ഭരണത്തിനെതിരെ പഴശ്ശിരാജക്കൊപ്പം പോരാടിയ അത്തന്കുട്ടി കുരിക്കളുടെ ഉടസ്ഥതയിലുള്ള ഭൂമിയാണ് മലപ്പുറത്ത് നടന്ന പട്ടയ മേളയില് ഉടമകള്ക്ക് സ്വന്തമായത്. ഭൂമിയുടെ അവകാശികള്ക്ക് മന്ത്രി കെ രാജന് പട്ടയം കൈമാറി.
1801ല് പെരിന്തല്മണ്ണ മാപ്പാട്ടുകാരയില് നിന്നും ബ്രിട്ടീഷുകാര് അത്തന്കുട്ടി കുരിക്കളെ പിടികൂടി കൊലപ്പെടുത്തുന്നത്. തുടര്ന്ന് അദ്ദേഹത്തിന്റെ ഉടമസ്ഥതയിലുണ്ടായിരുന്ന 36.49 ഏക്കര് ഭൂമി കണ്ടുകെട്ടി. പിന്നീട് അത്തന്കുട്ടി കുരിക്കളുടെ മകന് കുഞ്ഞഹമ്മദ് കുട്ടി കുരിക്കള് നല്കിയ അപേക്ഷയുടെ അടിസ്ഥാനത്തില് ഭൂമി ബ്രിട്ടീഷ് ഭരണാധികാരികള് തിരികെ നല്കി. നികുതിയും പാട്ടവും നല്കണമെന്ന വ്യവസ്ഥയിലായിരുന്നു ഇത്. കുഞ്ഞഹമ്മദ് കുട്ടി കുരിക്കളുടെ മരണ...
