കളിയാട്ടത്തിനിടെ പടക്കപ്പുരയ്ക്ക് തീപിടിച്ചു; 154 പേര്ക്ക് പരിക്ക്, എട്ട് പേരുടെ നില ഗുരുതരം
കാസർകോട് നീലേശ്വരം അഞ്ഞൂറ്റമ്ബലം വീരർകാവ് കളിയാട്ട മഹോത്സവത്തിനിടെ പടക്കങ്ങള് സൂക്ഷിച്ച സ്ഥലത്തുണ്ടായ പൊട്ടിത്തെറിയില് 154 പേര്ക്ക് പരിക്ക്. അപകടത്തില് പരിക്കേറ്റ് 97 പേരാണ് ചികിത്സയിലുള്ളത്. അപകടത്തില് പരിക്കേറ്റവരില് എട്ടുപേരുടെ നില ഗുരുതരമാണെന്ന് ജില്ല കളക്ടര് ഇമ്ബശേഖര് പറഞ്ഞു. പരിക്കേറ്റവരില് സന്ദീപ് എന്നയാളുടെ നില അതീവഗുരുതരമാണ്.80 ശതമാനം പൊള്ളലേറ്റ് അതീവ ഗുരുതരമായി പരിക്കേറ്റ സന്ദീപിനെ പുലര്ച്ചെ പരിയാരം മെഡിക്കല് കോളേജില് നിന്ന് കോഴിക്കോട്ടെ സ്വകാര്യ ആശുപത്രിയിലേക്ക് കൊണ്ടുപോയി. നിലവില് പരിയാര മെഡിക്കല് കോളേജില് അഞ്ചുപേരാണ് ചികിത്സയിലുള്ളത്.
കാഞ്ഞങ്ങാട് ആശുപത്രിയില് 16പേരും സഞ്ജീവനി ആശുപത്രിയില് 10പേരും ഐശാല് ആശുപത്രിയില് 17 പേരും പരിയാരം മെഡിക്കല് കോളേജില് അഞ്ച് പേരും കണ്ണൂര് മിംസില് 18പേരും കോഴിക്കോട് മിംസില് രണ്ട് പേരും അരിമല ആശുപത്രിയില് മൂന്നുപേരും കെ...
