Saturday, November 29News That Matters

നൂറാടി പമ്പ് ഹൗസില്‍ മോട്ടോര്‍ സ്ഥാപിച്ചു, ഫില്‍ട്ടര്‍ ചെയ്ത വെള്ളം ലഭിക്കും

മലപ്പുറം: വടക്കേമണ്ണ നൂറാടി പമ്പ് ഹൗസില്‍ 35 എച്ച് പി യുടെ മോട്ടോര്‍ സ്ഥാപിച്ചു. കോഡൂര്‍ പഞ്ചായത്തിലെ വടക്കേമണ്ണ പാറക്കല്‍ , വെസ്റ്റ് കോഡൂര്‍, വരിക്കോട് തുടങ്ങിയ പ്രദേശങ്ങളിലേക്കാണ് ഈ പമ്പ് ഹൗസില്‍ വെള്ളം വിതരണം ചെയ്യുന്നത്. നിലവിലുള്ള 25 എച്ച് പി യുടെ മോട്ടോര്‍ കാലപ്പഴക്കം കാരണം യഥാസമയം ശുദ്ധജലം വിതരണം ചെയ്യുന്നതിന് പലപ്പോഴായി തടസ്സം സൃഷ്ടിക്കാറുണ്ട്. വേനല്‍കാലത്ത് ഇത് ജനങ്ങളെ ഗുരുതരമായി ബാധിക്കാറുണ്ട്. ഇതിന് പരിഹാര മെന്നോണമാണ് കോഡൂര്‍ പഞ്ചായത്ത് 5, 14,000 രൂപ ചെലവിട്ട് വാട്ടര്‍ അതോറിറ്റിയുടെ സഹകരണത്തോടെ മോട്ടോര്‍ സ്ഥാപിച്ചത്. ഇതോടെ ഈ പ്രദേശങ്ങളില്‍ ഫില്‍ട്ടര്‍ ചെയ്ത ശുദ്ധജലം വിതരണം ചെയ്യാന്‍ സാധിക്കും.മോട്ടോര്‍ സ്വിച്ച് ഓണ്‍ കര്‍മ്മം പി. ഉബൈദുള്ള എം എല്‍ എ നിര്‍വ്വഹിച്ചു. ചടങ്ങില്‍ ഗ്രാമപഞ്ചായത്ത് പ്രസിഡന്റ് റാബിയ ചോലക്കല്‍ അധ്യക്ഷത വഹിച്ചു. വാര്‍ഡ് മെമ്പര്‍ കെ എന്‍ ഷാനവാസ്, വികസന സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ വട്ടോളി ഫാത്തിമ, ബ്ലോക്ക് പഞ്ചായത്ത് മെമ്പര്‍ എം ടി ബഷീര്‍, മുന്‍ ബ്ലോക്ക് പഞ്ചായത്ത് അംഗം എന്‍ പി മുഹമ്മദ്, അഡ്വ. സി എച്ച് ഫസലുറഹ്മാന്‍, കൊളക്കാട്ടില്‍ നാസര്‍, കെപി ശബ്്‌ന ശാഫി, എം പി ഉമ്മര്‍ മാസ്റ്റര്‍, ഉമ്മര്‍ പറവത്ത്, പി പി ഹംസ, സി എച്ച് അഷ്‌റഫ് , വാട്ടര്‍ അതോറിറ്റി എ ഇ അനൂപ് പി പി എന്നിവര്‍ പങ്കെടുത്തു.

നിങ്ങൾ വാർത്തകൾ അറിയാന്‍ WHATSAPP ഗ്രൂപ്പിൽ ജോയിൻ ചെയ്യുക
നിങ്ങൾക്കും വാർത്തകളും അറിയിപ്പുകളും അറിയിക്കാം…
E MAIL : mtnlivenews@gmail.com

Leave a Reply

Your email address will not be published. Required fields are marked *

MTN NEWS CHANNEL

Exit mobile version