കോട്ടക്കൽ മാറാക്കര പഞ്ചായത്തിലെ ആമ്പാറയിൽ ബൈക്ക് സമീപത്തെ കിണറ്റിലേക്ക് വീണു യാത്രക്കാരായ 2 പേർക്ക് ദാരുണാന്ത്യം. കുന്നത്തു പടിയൻ ഹുസൈൻ 65 വയസ്സ് മകൻ ഹാരിസ് ബാബു 30 വയസ്സ് എന്നിവരാണ് മരണപ്പെട്ടത്. മലപ്പുറം, തിരൂർ എന്നിവിടങ്ങളിൽ നിന്നുള്ള ഫയർഫോഴ്സ് യൂണിറ്റുകൾ സ്ഥലത്തെത്തി രക്ഷാപ്രവർത്തനം നടത്തി. നാട്ടുകാരും സന്നദ്ധപ്രവർത്തകരും രക്ഷാപ്രവർത്തനത്തിൽ പങ്കാളികളായി. പെരുന്നാൾ നമസ്കാരം കഴിഞ്ഞ് ബന്ധുവീട്ടിലേക്ക് പോകുന്നതിനിടയിൽ ആയിരുന്നു അപകടം. മൃതദേഹം അൽമാസ് ഹോസ്പിറ്റലിലുമാണുള്ളത്.
