VENGARA

വേങ്ങര : വേങ്ങരയിൽ കെട്ടിടത്തിനുള്ളിൽ തമിഴ്‌നാട് സ്വദേശിയേ മരിച്ച നിലയിൽ കണ്ടെത്തി. തമിഴ്നാട് നാഗപട്ടണം സ്വദേശി കന്തസ്വാമി രാജയെ (42) വേങ്ങര എസ് എസ് റോഡിലെ ടി വി കെട്ടിടത്തിന് താഴെ ഗോവണി റൂമിൽ മരിച്ച നിലയിൽ കണ്ടെത്തി. ദുർഗന്ധം പുറത്തുവന്നതിനെ തുടർന്ന് നടത്തിയ പരിശോധനയിലാണ് രണ്ടു ദിവസം പഴക്കം തോന്നിക്കുന്ന മൃതദേഹം കണ്ടെത്തിയത്. പൊലിസെത്തി മൃതദേഹം തിരൂരങ്ങാടി താലൂക് ആശുപത്രി മോർച്ചറിയിലേക്ക് മാറ്റി....

കു പൊ പാ ഗോൾഡൻ ജൂബിലി ലോഗോ പ്രകാശനം സംസ്ഥാന വകഫ് കായിക മന്ത്രി വി അബ്ദു റഹ്മാൻ നിർവഹിച്ചു. ലോഗോ രൂപകൽപ്പന ചെയ്ത ഷഫീഖ് ഡോൾബി, ഭാരവാഹികളായ സബാഹ് കുണ്ടുപുഴക്കൽ, ഹക്കീം തുപ്പിലിക്കാട്ട്, ഹസൈനാർ കുറ്റാളൂർ, ബക്കർ കുണ്ടുപുഴക്കൽ, ഷിനോജ് വി പി, അഷ്‌റഫ്‌ തോട്ടിങ്ങൽ തുടങ്ങിയവർ ചടങ്ങിൽ സംബന്ധിച്ചു.

വേങ്ങര : വേങ്ങര കമ്മ്യൂണിറ്റി ഹെൽത്ത് സെന്ററിൽ അടിസ്ഥാന സൗകര്യങ്ങൾ ഏറെ ഉണ്ടായിട്ടും ജീവനക്കാർ ഇല്ലാത്ത പ്രയാസം രോഗികളെ വല്ലാതെ പ്രായസമാക്കുന്നത് പരിഹരിക്കാൻ നടപടി സ്വീകരിക്കണമെന്ന് വേങ്ങര മണ്ഡലം കോൺഗ്രസ്‌ നേതൃ യോഗം അഭിപ്രായപ്പെട്ടു. വേങ്ങരയിലെയും പരിസര പ്രദേശത്തെയും രോഗികളായ നൂറ് കണക്കിന് ആളുകളുടെ ഏക ആശ്രയമായ ഈ സർക്കാർ ആശുപത്രിയിൽ ഉടൻ ജീവനക്കാരെ നിയമിക്കാൻ നടപടി വേണമെന്നും അല്ലാത്ത പക്ഷം ജനകീയ സമരം സംഘടിപ്പിക്കുമെന്നും യോഗം മുന്നറിയിപ്പ് നൽകി. മണ്ഡലം കോൺഗ്രസ്‌ പ്രസിഡന്റ്‌ കെ. രാധാകൃഷ്ണൻ മാസ്റ്റർ അധ്യക്ഷനായ യോഗം ഡി സി സി ജനറൽ സെക്രട്ടറി കെ എ. അറഫാത്ത് ഉത്ഘാടനം ചെയ്തു. യോഗത്തിൽ നേതാക്കളായ എ കെ എ. നസീർ, മണി നീലഞ്ചേരി, എം എ. അസീസ്, പി പി. ആലിപ്പു,സോമൻ ഗാന്ധിക്കുന്ന്, മുരളി ചേറ്റിപ്പുറം, പൂച്ചെങ്ങൽ അലവി, ടി വി. ചന്ദ്രമോഹൻ എന്നിവർ പ്രസംഗിച്ചു. വി ടി മൊയ്‌ദീൻ സ്വാഗതവും എ കെ നാസർ നന്ദിയും പറഞ്ഞ...

വേങ്ങര ബ്ലോക്ക് പഞ്ചായത്തിൽ തൊഴിലാളികൾക്ക് പന്ത്രണ്ടര ലക്ഷം രൂപ ഓണം ബോണസ് നൽകി. വേങ്ങര ബ്ലോക്ക് പഞ്ചായത്തിൽ 2024-25 സാമ്പത്തിക വർഷത്തിൽ 1045 തൊഴിലാളികൾ 100 ദിവസം പൂർത്തീകരിച്ചു. ഓരോ തൊഴിലാളികൾക്കും 1200 രൂപ തോതിൽ 1254000/- രൂപ ഓണം ഉത്സവബത്ത ഇനത്തിൽ വിതരണം ചെയ്തു. ഓണം ഉത്സവ ബത്ത വിതരണ ഉത്ഘാടനം ബ്ലോക്ക് പഞ്ചായത്ത് പ്രസിഡന്റ് മണ്ണിൽ ബെൻസീറ ടീച്ചർ നിർവഹിച്ചു. ചടങ്ങിൽ ബ്ലോക്ക് പഞ്ചായത്ത് വൈസ് പ്രസിഡന്റ് പുളിക്കൽ അബൂബക്കർ മാസ്റ്റർ അധ്യക്ഷത വഹിച്ചു, സ്റ്റാൻഡിംഗ് കമ്മിറ്റി ചെയർമാൻമാർ സഫിയ മെമ്പർ , സഫീർ ബാബു മെമ്പർ, JBDO - സന്തോഷ് .പി.കെ ,HC - മനോജ് ബാബു , AE- പ്രശാന്ത് .എം അക്കൗണ്ടന്റ് സാജിത.കെ ,മഹാത്മാ gandhi Nregs സ്റ്റാഫുകൾ,100 ദിവസം പൂർത്തീകരിച്ച തൊഴിലാളികൾ എന്നിവർ പരിപാടിയിൽ പങ്കെടുത്തു....

ബിജെപി കണ്ണമംഗലം പഞ്ചായത്ത് യോഗം തീണ്ടേക്കാട് നടന്നു. മലപ്പുറം സെൻട്രൽ ജില്ലാ ജനറൽ സെക്രട്ടറി ഗണേഷ് ജി ഉദ്ഘാടനം ചെയ്തു. കണ്ണമംഗലം പഞ്ചായത്ത് പ്രസിഡണ്ട് NK. ദീപേഷ് അധ്യക്ഷത വഹിച്ചു. മണ്ഡലം പ്രസിഡണ്ട് ജയകൃഷ്ണൻ വി, ജില്ലാ സോഷ്യൽ മീഡിയ കൺവീനർ ബൈജു ടി, പഞ്ചായത്ത് ജനറൽ സെക്രട്ടറി വിജീഷ്.MV എന്നിവർ സംസാരിച്ചു. വാർഡ് തല പ്രവർത്തനങ്ങൾ ശക്തിപ്പെടുത്താൻ യോഗം തീരുമാനിച്ചു....

വേങ്ങര: അമീബിക് മസ്തിഷ്ക ജ്വരം ബാധിച്ച് ചികിത്സയിലായിരുന്ന സ്ത്രീ മരിച്ചു. കണ്ണമംഗലം ചേറൂർ കാപ്പിൽ ആറാം വാർഡിൽ താമസിക്കുന്ന കണ്ണേത്ത് മുഹമ്മദ് ബഷീറിന്റെ ഭാര്യ റംല (52) യാണ് ഒന്നരമാസത്തെ ചികിത്സക്ക് ശേഷം മരണത്തിനു കീഴടങ്ങിയത്. അവർക്ക് ജൂലൈ ഏഴിന് രോഗലക്ഷണങ്ങൾ പ്രകടമായതിനെ തുടർന്ന് ചികിത്സ തുടങ്ങിയിരുന്നു. എന്നാൽ രോഗം ഭേദമാവാതെയായതോടെ ആഗസ്ത് ഒന്നിന് തിരൂരങ്ങാടിയിലെ സ്വകാര്യ ആശുപത്രിയിലും ആഗസ്ത് രണ്ടിന് വേങ്ങരയിലെ സ്വകാര്യ ആശുപത്രിയിലും ചികിത്സ തേടി. രോഗാവസ്ഥ വഷളായതോടെ ആഗസ്റ്റ് നാലിന് കോഴിക്കോട് ഗവ. മെഡിക്കൽ കോളേജിലേക്ക് മാറ്റുകയും അഞ്ചിന് തീവ്ര പരിചരണ വിഭാഗത്തിൽ പ്രവേശിപ്പിക്കുകയും ചെയ്തു. അവിടെ വെച്ചാണ് രോഗം സ്ഥിരീകരിച്ചത്. തുടർന്ന് അടിയന്തര ചികിത്സ നൽകി. പിന്നീട് ആരോഗ്യനില മെച്ചപ്പെട്ടതിനെ തുടർന്ന് ആഗസ്റ്റ് 11 ന് ഐ.സി.യുവിൽ നിന്ന് വാർഡിലേക്ക് മാറ്റുകയും ചെയ്തു. എന്നാൽ, ആഗസ്റ്റ് 26ന് വീണ്ടും...

വലിയപറമ്പിൽ 36 വർഷമായി വാടക വീട്ടിൽ കഴിയുന്ന ശ്യാമള ചേച്ചിക്ക് വീടൊരുക്കി സെവൻസ്റ്റാർ ക്ലബ്ബ്, വലിയപറമ്പിന്റെ യുവാക്കൾ മുൻകൈയെടുത്ത് നാട്ടിലേയും, പ്രാവസികളുടേയും ഉൾപ്പെടെ എല്ലാവരുടേയും സഹകരണത്തോടെയാണ്‌ ഈ വീട് നിർമ്മാണം പൂർത്തിയാക്കിയത്.

വേങ്ങര സ്റ്റേഷന്‍ പരിധിയില്‍ കൊഴിയൂരില്‍ പ്രവര്‍ത്തിക്കുന്ന വാടകഫ്ലാറ്റില്‍ കഴിഞ്ഞ ദിവസം രാത്രിയോടെ വേങ്ങര പോലീസും ഡാന്‍സാഫ് സ്ക്വാഡും നടത്തിയ പരിശോധനയിലാണ് നാല്‍പതുഗ്രാം തൂക്കം വരുന്ന എംഡിഎംഎ ലഹരിമരുന്നുമായി രണ്ടു പേരെപിടികൂടിയത്. കാടാമ്പുഴ മാറാക്കര സ്വദേശി മൈലംപാടന്‍ നൗഷാദ് (37), പടപ്പറമ്പ് മൂച്ചിക്കല്‍ സ്വദേശി വലിയ കലായില്‍ ജാസിം (40) എന്നിവരെയാണ് അറസ്റ്റ് ചെയ്തത്. പ്രധാന ടൗണുകള്‍ കേന്ദ്രീകരിച്ച് വാടകയ്ക്ക് ഫ്ലാറ്റുകളെടുത്ത് അവിടെ വച്ചാണ് എംഡിഎംഎ പോലുള്ള സിന്തറ്റിക് ലഹരിമരുന്നുകളുടെ പായ്ക്കിംഗും വിതരണവും. ആവശ്യക്കാര്‍ക്ക് അവിടെ വന്ന് ഉപയോഗിക്കാനുള്ള സൗകര്യവും ചെയ്തു കൊടുക്കുന്നുണ്ടെന്നും പ്രതികളെ ചോദ്യം ചെയ്തതില്‍ വ്യക്തമായിട്ടുണ്ട്. ബാംഗ്ലൂരില്‍ നിന്നും കാരിയര്‍മാര്‍ മുഖേന ഫ്ലാറ്റിലെത്തിച്ച ശേഷം അവിടെവച്ച് ചെറിയ പായ്ക്കറ്റുകളിലാക്കി മുന്‍കൂട്ടി പണം കൊടുത്തവര്‍ക്ക് ഫ്ലാറ്റില്‍ വച്ചും ടൗ...

ഇരിങ്ങല്ലൂർ : കേരള മുസ്‌ലിം ജമാഅത്ത് കോട്ടപ്പറമ്പ് യൂണിറ്റിന് കീഴിൽ നടന്നു വരുന്ന മാസാന്ത മഹ്ളറത്തുൽ ബദ്‌രിയ്യയും ഹുബ്ബൂറസൂൽ പ്രഭാഷണവും പ്രൗഢമായി സമാപിച്ചു. 32-ാം മത് എസ്. എസ്. എഫ് സാഹിത്യോത്സവിൽ സംസ്ഥാന, ജില്ലാ, ഡിവിഷൻ തലങ്ങളിൽ വിവിധ വിഭാഗത്തിൽ മത്സരിച്ച പ്രതിപകളെ മഹല്ല് പ്രസിഡന്റ് സി പി കുഞ്ഞമ്മദ് മാസ്റ്റർ ഉപഹാരം നൽകി ആദരിച്ചു. സയ്യിദ് ജഅ്ഫർ തുറാബ് ബാഖവി പാണക്കാട്, പി കെ എം സഖാഫി ഇരിങ്ങല്ലൂർ, പി മുഹമ്മദ്‌ മുസ്‌ലിയാർ, പി സി എച് അബൂബക്കർ സഖാഫി, പിലാക്കൽ മുസ്തഫ സഖാഫി, ഏ കെ റഹൂഫ് സഖാഫി, ഏ കെ സിദ്ധീഖ് സൈനി തുടങ്ങിയവർ നേതൃത്വം നൽകി....

വേങ്ങര: കണ്ണമംഗലം ഗ്രാമപഞ്ചായത്ത് സിൽവർ ജൂബിലി ആഘോഷത്തോടനുബന്ധിച്ച് പഞ്ചായത്ത്‌ ഭരണ സമിതി നടത്തപ്പെടുന്ന വിവിധ പരിപാടികളിൽ ഒന്നായ കൗമാരപ്രായക്കാർക്ക് വേണ്ടിയുള്ള അണ്ടർ 20 ഫുട്ബോൾ ലീഗിന്റെ ലോഗോ പ്രകാശനം മുൻ ഇന്ത്യൻ ഫുട്ബോൾ താരവും മലപ്പുറം എംഎസ്പി അസിസ്റ്റന്റ് കമാൻഡന്റുമായ പി ഹബീബ് റഹ്മാൻ നിർവഹിച്ചു. കണ്ണമംഗലം പ്രീമിയർ ലീഗ് (കെ. പി. എൽ) എന്ന് നാമകരണം ചെയ്തിരിക്കുന്ന ടൂർണമെന്റ് ഫുട്ബോളാണ് ലഹരി എന്ന പ്രമേയം മുൻനിർത്തി കൗമാരപ്രായക്കാർക്കിടയിലുള്ള ലഹരി ഉപയോഗം ഇല്ലാതാക്കുക, ലഹരി എന്നത് കായിക മത്സരങ്ങളിലേക്ക് മാറ്റിയെടുക്കുക, പരസ്പരം സൗഹൃദം ഊട്ടി ഉറപ്പിക്കുക എന്ന ലക്ഷ്യത്തോടു കൂടി നടത്തുന്ന മത്സരത്തിൽ 8 പ്രാദേശിക ഫ്രാഞ്ചൈസികൾ ഉൾപ്പെടുന്ന മികവുറ്റ ടീമുകളായിരിക്കും മാറ്റുരുക്കുക. ലീഗിന്റെ ഓൺലൈൻ രജിസ്ട്രേഷൻ വരും ദിവസങ്ങളിൽ ആരംഭിക്കും. അതിനുശേഷം ലേലം വിളിയിലൂടെ ഓരോ പ്ലയേസിനെയും ടീമുകളിലേക്ക് തെരഞ്ഞെടു...

സാമൂഹ്യനീതി വകുപ്പിന്റെ ആഭിമുഖ്യത്തില്‍ വേങ്ങര ഗ്രാമപഞ്ചായത്ത് സായംപ്രഭാ ഫോമില്‍ വെച്ച് മദര്‍ തെരേസാ ദിനം- അനാഥ അഗതിദിനം ആചരിച്ചു. പൊതുസമ്മേളനം പഞ്ചായത്ത് പ്രസിഡന്റ് ഹസീന ഫസല്‍ ഉദ്ഘാടനം ചെയ്തു. ജില്ലാ സാമൂഹ്യനീതിവകുപ്പ് ഓഫീസര്‍ സമീര്‍ മച്ചിങ്ങല്‍ അധ്യക്ഷനായി. പഞ്ചായത്ത് വൈസ് പ്രസിഡന്റ് ടി.കെ. കുഞ്ഞുമുഹമ്മദ്, ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ എ.കെ. സലിം, വികസന സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഹസീന ബാനു, ആരോഗ്യ-വിദ്യാഭ്യാസ ചെയര്‍പേഴ്‌സണ്‍ ആരിഫ മടപള്ളി, എന്‍എസ്എസ് പ്രോഗ്രാം ഓഫീസര്‍ ആസാദ്, കുടുംബശ്രീ സിഡിഎസ് ചെയര്‍പേഴ്‌സണ്‍ പ്രസന്ന, സായംപ്രഭാ ഇംപ്ലിമെന്റിംഗ് ഓഫീസര്‍ സബിത, ഫെസിലിറ്റേറ്റര്‍ ഇബ്രാഹീം എ.കെ. തുടങ്ങിയവര്‍ പ്രസംഗിച്ചു. ഘോഷയാത്രയില്‍ പഞ്ചായത്ത് ഭരണസമിതി അംഗങ്ങള്‍, ജില്ലാ സാമൂഹ്യനീതി വകുപ്പ് പ്രതിനിധികള്‍, സായംപ്രഭാ അംഗങ്ങള്‍, കുടുംബശ്രീ പ്രതിനിധികള്‍, പി.പി.ടി.എം ...

വേങ്ങര : കെ പി എസ് ടി എ സംസ്ഥാന കമ്മറ്റിയുടെ നേതൃത്വത്തിൽ സെപ്തംബർ 15 ന് കാസർഗോഡ് നിന്ന് ആരംഭിക്കുന്ന വിദ്യാഭ്യാസ പരിവർത്തന സന്ദേശയാത്ര മാറ്റൊലിയുടെ വേങ്ങരയിൽ നൽകുന്ന സ്വീകരണത്തിൻ്റെ സ്വാഗത സംഘം രൂപീകരണത്തിൻ്റെ ഉദ്ഘാടനം കെ പി സി സി അംഗം പി.എ ചെറീത് നിർവ്വഹിച്ചു. ജില്ലാ പ്രസിഡണ്ട് എം.പി മുഹമ്മദ് അദ്ധ്യക്ഷത വഹിച്ചു . കെ പി എസ് ടി എ സംസ്ഥാന പ്രസിഡണ്ട് കെ. അബ്ദുൽ മജീദ് മുഖ്യ പ്രഭാഷണം നടത്തി. ജില്ലാ സെക്രട്ടറി കെ. സുഭാഷ്, വേങ്ങര മണ്ഡലം കോൺഗ്രസ്സ് പ്രസിഡണ്ട് കെ. രാധാകൃഷ്ണൻ , എം.കെ വെലായുധൻ ,വി.പി സഫീർ ബാബു , ആസിഫ് പി.വി , സംസ്ഥാന കമ്മറ്റി അംഗങ്ങളായ പി എം ജോസഫ് , പി.കെ മനോജ് , ജില്ലാ ഭാരവാഹികളായ സി.പി ഷറഫുദ്ദീൻ, എൻ അബ്ദുല്ല, എവി ഷറഫലി , ഇ.എം ബിജു ,കെ.പി പ്രജീഷ് എന്നിവർ പ്രസംഗിച്ചു....

വേങ്ങര : പഞ്ചായത്ത്‌ വെൽഫയർ പാർട്ടിയുടെ നേതൃ സംഗമം വേങ്ങര മണ്ഡലം ഓഫീസിൽ ജില്ലാ വൈസ് പ്രസിഡന്റ്‌ ആരിഫ് ചുണ്ടയിൽ ഉദ്ഘാടനം ചെയ്തു. പഞ്ചായത്തിലെ ആകെയുള്ള ഇരുപതിനാല് വാർഡുകളിൽ, പതിനെട്ടു വാർഡുകളിലും ആസന്നമായ തദ്ദേശ സ്വയം ഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് കമ്മറ്റികൾ രൂപീകരിച്ചു. സാധ്യമായ ഇടങ്ങളിൽ മറ്റു പാർട്ടികളുമായി നീക്കുപോക്ക് നടത്തുകയോ വേണ്ടി വന്നാൽ ഒറ്റക്കു മത്സരിക്കാനോ കമ്മിറ്റി തീരുമാനമെടുത്തു.സംസ്ഥാന കമ്മിറ്റി അംഗം നാസർ കീഴുപറമ്പ് വിഷയവതരണം നടത്തി. അലവി എം. പി, പരീക്കുട്ടി, ഫസൽ പി. പി, നസീമ ടി. പി, സബ്ന ഗഫൂർ, ശിഹാബ് സി, ഖുബൈബ് എം, ഹംസ എം. പി എന്നിവർ സംസാരിച്ചു. മണ്ഡലം പ്രസിഡന്റ്‌ കുഞ്ഞാലി മാസ്റ്റർ സമാപന പ്രസംഗം നടത്തി. പഞ്ചായത്ത് പ്രസിഡൻ്റ് ബഷീർ പുല്ലമ്പലവൻ അധ്യക്ഷം വഹിച്ചു. മണ്ഡലം കമ്മിറ്റി അംഗം റഹീം ബാവ സ്വാഗതവും സെക്രട്ടറി കുട്ടി മോൻ ചാലിൽ നന്ദിയും പറഞ്ഞു....

വേങ്ങര : കേരള ഗസറ്റഡ് ഓഫീസേഴ്സ് ഫെഡറേഷൻ (KGOF) സംസ്ഥാന സ്പോട്സ് മീറ്റ് സപ്തംബർ 13-14 തീയതികളിൽ വേങ്ങരയിൽ നടക്കും. സബാഹ് സ്ക്വയറിൽ വെച്ച് നടന്ന സ്വാഗതസംഘം രുപീകരണ യോഗം സബാഹ് കുണ്ടുപഴക്കൽ ഉദ്ഘാടനം ചെയ്തു. നഹിം കെ അദ്യക്ഷതവഹിച്ചു. ഫുട്ബോൾ, ക്രിക്കറ്റ്, ബാഡ്മിൻ്റൻ, ചെസ്സ്, കേരംസ് എന്നിവയാണ് പ്രധാന മത്സരയിനങ്ങൾ. ഡോ: നൗഫൽ ഇ വി, ജംഷീദ് കെ, ഡോ: അബ്ദുല്ല കെ, വിഷ്ണു ആർ, ഡോ: സക്കീർ, സലാഹുദ്ദീൻ കൊട്ടെക്കാട്ട്, കെ. പുഷ്പാംപാംഗതൻ, പി.കെ റഷീദ്, ബാബു ചേറൂർ, ഉണ്ണി കെ, അയ്യപ്പൻ കെ, ശിവശങ്കരൻ കെ, എന്നിവർ പ്രസംഗിച്ചു....

വേങ്ങര മണ്ഡലം കോൺഗ്രസ് കമ്മിറ്റി രാജീവ് ഗാന്ധിയുടെ 82 ആം ജന്മദിനം സദ്ഭാവന ദിനമായി ആചരിച്ചു. വേങ്ങര മണ്ഡലം കോൺഗ്രസ് പ്രസിഡണ്ട് രാധാകൃഷ്ണൻ മാസ്റ്റർ അധ്യക്ഷത വഹിച്ചു. കെ പി സി സി മെമ്പർ പി എ ചെറീദ് അനുസ്മരണം ഉദ്ഘാടനം ചെയ്തു. ഡിസിസി മെമ്പർമാരായ മണി നീലഞ്ചേരി, എ കെ എ നസീർ, പി പി സഫീർ ബാബു, സോമൻ ഗാന്ധികുന്ന്, ടി കെ മൂസക്കുട്ടി, മുള്ളൻ ഹംസ, മൊയ്തീൻ വി. ടി ശാ ക്കിർ വേങ്ങര, കാപ്പൻ ലത്തീഫ് , പി പി ഫൈസൽ, സുബൈർ ബാവ താട്ടയിൽ, കാട്ടി കുഞ്ഞവുറു, ബാലൻ പാണ്ടികശാല എ കെ നാസർ തുടങ്ങിയവർ സംസാരിച്ചു....

രിസാല സ്റ്റഡി സർക്കിൾ (ആർ എസ് സി) ഗ്ലോബൽ ജനറൽ സെക്രട്ടറിയായി തെരഞ്ഞെടുക്കപ്പെട്ട മൊയ്തീൻ കുട്ടി ഇരിങ്ങല്ലൂരിന് കുറ്റിത്തറ യൂണിറ്റ് പ്രസ്ഥാനിക കുടുംബം സ്നേഹാദരവ് നൽകി. കേരള മുസ്‌ലിം ജമാഅത്ത് ജില്ലാ ഉപാധ്യക്ഷൻ പി കെ എം സഖാഫി ഇരിങ്ങല്ലൂർ നേതൃത്വം നൽകി. ആദരവ് സംഗമം എം കെ മുഹമ്മദ് ഖാസിമിയുടെ അദ്ധ്യക്ഷതയിൽ എസ് വൈ എസ് ഇരിങ്ങല്ലൂർ സർക്കിൾ പ്രസിഡന്റ് ഒ കെ അഹ്‌മദ് സലീൽ അഹ്‌സനി ഉദ്ഘാടനം ചെയ്തു. പി കെ അബ്ദുൽ ഹസീബ് ആമുഖപ്രഭാഷണം നടത്തി. സൽമാൻ പാലാണി, മാളിയേക്കൽ മുഹമ്മദ് മാസ്റ്റർ സംസാരിച്ചു. പി കെ മൂസാൻ ഹാജി, പി ആലസ്സൻ കുട്ടി, പി അഷ്റഫ് പാലാണി, ടി സി സക്കീർ ഹുസൈൻ വി പി മുഹമ്മദ് ശാമിൽ സംബന്ധിച്ചു. ശരീഫ് സഖാഫി സ്വാഗതവും ഇ കെ സുഹൈൽ നന്ദിയും പറഞ്ഞു. ....

കണ്ണമംഗലം: ജനവാസ മേഖലയിലെ തോട്ടില്‍ കക്കൂസ് മാലിന്യം തള്ളിയവരെ ഒരാഴ്ചയ്ക്ക് ശേഷം പിടികൂടി. മലപ്പുറം ജില്ലയിലെ കണ്ണമംഗലം തോട്ടശേരിയറയില്‍ കഴിഞ്ഞ ബുധനാഴ്ച നടന്ന സംഭവത്തിലാണ് പൊലീസ് പ്രതികളെ പിടികൂടിയത്. ഒതുക്കുങ്ങല്‍ സ്വദേശി അതിനാൻ, എടരിക്കോട് സ്വദേശി ഷാഹുല്‍ ഹമീദ് എന്നിവരെയാണ് വേങ്ങര പോലീസ് പിടികൂടിയത്. സിസിടിവി ദൃശ്യങ്ങള്‍ കേന്ദ്രീകരിച്ച്‌ നടത്തിയ അന്വേഷണത്തിലാണ് പ്രതികള്‍ പിടിയിലായത്. ഇവർ സഞ്ചരിച്ച വാഹനങ്ങളും പൊലീസ് കസ്റ്റഡിയിലെടുത്തിട്ടുണ്ട്....

കുഴിപ്പുറം കവല സിൻസിയർ കലാ കായിക സാംസ്‌കാരിക വേദി ചിങ്ങം ഒന്ന് കാർഷിക ദിനം ആചരിച്ചു. പ്രദേശത്തെ കർഷകരെ പൊന്നാടയിട്ട് ആദരിക്കുകയും സ്നേഹ സമ്മാനം നൽകുകയും വിത്ത് വിതരണവും നടത്തി. ചടങ്ങിൽ ക്ലബ്ബ് പ്രസിഡണ്ട് മുസ്തഫ എ ടി അധ്യക്ഷത വഹിച്ചു. സെക്രട്ടറി സലീം എ.എ സ്വാഗതവും ട്രഷറർ മുസ്തഫ എ പി നന്ദിയും പറഞ്ഞു. ചടങ്ങിൽ ക്ലബ്‌ മെമ്പർമാരും നാട്ടുക്കാരും പങ്കെടുത്തു....

ഗാന്ധിക്കുന്ന് : 79-ാം സ്വാതന്ത്ര്യ ദിനാഘോഷത്തിൻ്റെ ഭാഗമായി എസ്.വൈ.എസ് വേങ്ങര സർക്കിൾ ഗാന്ധിക്കുന്നിൽ ബഹുസ്വര സംഗമം നടത്തി. "നമുക്കുയർത്താം ഒരുമയുടെ പതാക" എന്ന പ്രമേയത്തിൽ നടന്ന പ്രോഗ്രാം യൂത്ത് കോൺഗ്രസ് സംസ്ഥാന സെക്രട്ടറി പൂവിൽ നാസിൽ ഉദ്ഘാടനം ചെയ്തു. എസ്. വൈ. എസ് വേങ്ങര സോൺ സാംസ്കാരികം സെക്രട്ടറി KT ഷാഹുൽ ഹമീദ് ചിനക്കൽ ആമുഖ പ്രഭാഷണവും IPF വേങ്ങര ചാപ്റ്റർ കൺവീനർ കെ. അഫ്സൽ മീറാൻ പ്രമേയ പ്രഭാഷണവും നടത്തി. E.P മൊയ്ദീൻ ഹാജി ചെറുപ്പകാല ഓർമ്മകളും പൂർവ്വീകരുടെ അനുഭവങ്ങളും പങ്ക് വെച്ചു. DYFI വേങ്ങര ബ്ലോക്ക് കമ്മറ്റി ട്രഷറർ ടി.കെ. നൗഷാദ് മാസ്റ്റർ, എസ്.വൈ.എസ് സോൺ കാബിനറ്റ് അംഗം ജൗഹർ അഹ്‌സനി, ഉബൈദുല്ല ശാമിൽ ഇർഫാനി, ജഅഫർ ശാമിൽ ഇർഫാനി, ഇസ്മാഈൽ ഹാജി താട്ടയിൽ എന്നിവർ സംസാരിച്ചു. സദസ്സിൽ സർക്കിൾ പ്രസിഡൻ്റ് സുഹൈൽ സഖാഫി അദ്ധ്യക്ഷത വഹിച്ചു. ഇസ്മാഈൽ P സ്വാഗതവും റഹീം ടി നന്ദിയും പറഞ്ഞു....