വ്യാപാരികൾ നാടിന്റെ നട്ടെല്ല്; പുകയൂർ യൂണിറ്റ് ഓഫീസ് ഉദ്ഘാടനം ചെയ്തു
വേങ്ങര: കേരള വ്യാപാരി വ്യവസായി ഏകോപന സമിതി വേങ്ങര മണ്ഡലം പുകയൂർ യൂണിറ്റ് ഓഫീസിന്റെ പ്രൗഢഗംഭീരമായ ഉദ്ഘാടനം നിർവ്വഹിക്കപ്പെട്ടു. വ്യാപാരി സമൂഹത്തിന്റെ കൂട്ടായ്മയ്ക്കും വളർച്ചയ്ക്കും പുതിയ ഓഫീസ് വലിയൊരു നാഴികക്കല്ലാകുമെന്ന് ചടങ്ങിൽ പങ്കെടുത്ത പ്രമുഖർ അഭിപ്രായപ്പെട്ടു. ഓഫീസിന്റെ ഔദ്യോഗിക ഉദ്ഘാടനം വേങ്ങര മണ്ഡലം പ്രസിഡന്റ് കെ.കെ.എച്ച് തങ്ങൾ നിർവ്വഹിച്ചു. ആഗോളതലത്തിൽ പ്രതിസന്ധികളോ യുദ്ധങ്ങളോ പ്രകൃതിദുരന്തങ്ങളോ ഉണ്ടാകുമ്പോൾ വിപണി തകിടം മറിയാറുണ്ടെന്നും, ഇത്തരം കഠിന സാഹചര്യങ്ങളിലും ജനങ്ങൾക്ക് അവശ്യസാധനങ്ങളെത്തിക്കാൻ വ്യാപാരികൾ നടത്തുന്ന പോരാട്ടം വിസ്മരിക്കാനാകാത്തതാണെന്നും അദ്ദേഹം ഓർമ്മിപ്പിച്ചു. നാടിന്റെ വികസനത്തിലും സാമൂഹിക ജീവകാരുണ്യ പ്രവർത്തനങ്ങളിലും ഉത്സവങ്ങൾ ഉൾപ്പെടെയുള്ള പൊതു ആഘോഷങ്ങളിലും കൈയയച്ച് സഹായിക്കാൻ ആദ്യം മുന്നോട്ടുവരുന്നത് കച്ചവടക്കാരാണെന്ന് ചടങ്ങിൽ മുഖ്യതിഥിയായ എ.ആർ നഗർ പഞ്ചായത്ത്...
