ഭിന്നശേഷിക്കാരായ കുട്ടികള്‍ക്ക് കൈത്താങ്ങായി CBIC: 850 കുട്ടികള്‍ക്ക് സമഗ്ര തെറാപ്പി സേവനങ്ങള്‍ നല്‍കി
ഭിന്നശേഷിക്കാരായ കുട്ടികള്‍ക്ക് സമഗ്രവും സംയോജിതവുമായ പരിചരണവും പുനരധിവാസ സേവനങ്ങളും ലഭ്യമാക്കുന്നതിനായി പൊന്നാനി ബ്ലോക്ക് പഞ്ചായത്തിന്റെ നേതൃത്വത്തില്‍ ആരംഭിച്ച കമ്യൂണിറ്റി ബേസ്ഡ് ഇന്റര്‍വെന്‍ഷന്‍ സെന്റര്‍ (സി.ബി.ഐ.സി) ശ്രദ്ധേയമാകുന്നു. കഴിഞ്ഞ മൂന്ന് വര്‍ഷത്തിനിടെ സെന്ററിലൂടെ എണ്ണൂറിലധികം കുട്ടികള്‍ക്കാണ് സൗജന്യമായി തെറാപ്പി സേവനങ്ങള്‍ നല്‍കിയത്. എടപ്പാള്‍, തവനൂര്‍, വട്ടംകുളം, കാലടി എന്നീ ഗ്രാമപഞ്ചായത്തുകള്‍, ആരോഗ്യവകുപ്പ്, നാഷണല്‍ ഹെല്‍ത്ത് മിഷന്‍ എന്നിവരുടെ സഹകരണത്തോടെ എടപ്പാള്‍ സാമൂഹികാരോഗ്യ കേന്ദ്രത്തിലാണ് സി.ബി.ഐ.സി പ്രവര്‍ത്തിക്കുന്നത്. കഴിഞ്ഞ രണ്ടു വര്‍ഷങ്ങളിലായി 60 ലക്ഷത്തോളം രൂപയാണ് പൊന്നാനി ബ്ലോക്ക് പഞ്ചായത്ത് ഈ പദ്ധതിക്കായി വകയിരുത്തിയത്.
പ്രധാനമായും 12 വയസ്സുവരെയുള്ള ശാരീരികവും മാനസികവുമായ വെല്ലുവിളികള്‍ നേരിടുന്ന കുട്ടികളെ കേന്ദ്രീകരിച്ചാണ് സെന്റര്‍ പ്രവര്‍ത്തിക്കുന്നത്. ഓ...
