
ഊരകം: മുസ്ലിം യൂത്ത് ലീഗ് സംസ്ഥാന സമ്മേളനത്തിന്റെ ഭാഗമായുള്ള പതാകദിനത്തിൽ ഊരകം അഞ്ചാം വാർഡിൽ പതാക ഉയർത്തൽ ചടങ്ങ് നടന്നു. മാലാപറമ്പിൽ നടന്ന ചടങ്ങിൽ അഞ്ചാം വാർഡ് മുസ്ലിം ലീഗ് പ്രസിഡന്റ് കെ.വി. മുഹമ്മദ് (കുഞ്ഞാവ) പതാക ഉയർത്തി.’അനീതിയുടെ കാലത്ത് യുവതയുടെ തിരുത്ത്’ എന്ന പ്രമേയമുയർത്തി സംഘടിപ്പിക്കുന്ന സംസ്ഥാന സമ്മേളനത്തിന്റെ മുന്നോടിയായാണ് വാർഡുകളിൽ പതാകദിനം ആചരിച്ചത്. ചടങ്ങിൽ വാർഡ് സെക്രട്ടറി മുജീബ് എം.ടി., പഞ്ചായത്ത് യൂത്ത് ലീഗ് സെക്രട്ടറി അഫ്സൽ കരിമ്പനക്കൽ എന്നിവർ നേതൃത്വം നൽകി.മുസ്ലിം ലീഗ് നേതാക്കളായ ഇ.കെ. ഹനീഫ, കുഞ്ഞിമുഹമ്മദ് കരിമ്പൻ, ഹുസൈൻ മുളക്കൽ; യൂത്ത് ലീഗ് നേതാക്കളായ മൻസൂർ കെ.ടി., അബ്ദുള്ള തോട്ടങ്ങൾ, ഹൈദരലി പാറക്കൽ, ലത്തീഫ് കെ.വി., മുഹമ്മദലി കരിമ്പൻ, ഷറഫുദ്ദീൻ കെ., അഷ്ഫാക്ക് പാലമഠത്തിൽ, ജാബിർ ഇ.കെ. തുടങ്ങിയവർ ചടങ്ങിൽ സംബന്ധിച്ചു.
