VENGARA

വേങ്ങര: കെ.പി.എസ്.ടി.എ. വേങ്ങര ഉപജില്ലാ കമ്മിറ്റിയുടെ നേതൃത്വത്തിൽ സംഘടിപ്പിച്ച സംസ്ഥാന നേതാക്കൾക്കുള്ള സ്വീകരണവും യാത്രയയപ്പ് സമ്മേളനവും മുൻ പി.എസ്.സി. അംഗം ആർ.എസ്. പണിക്കർ ഉദ്ഘാടനം ചെയ്തു. അധ്യാപക ലോകത്തെ മികച്ച പ്രവർത്തനങ്ങൾക്കും സേവനങ്ങൾക്കും നേതൃത്വം നൽകിയവർക്കുള്ള ആദരവായി ചടങ്ങ് മാറി.ഉപജില്ലാ പ്രസിഡന്റ് കെ. രാഗിണി അധ്യക്ഷത വഹിച്ച ചടങ്ങിൽ വേങ്ങര എ.ഇ.ഒ. ടി. ഷർമിലി മുഖ്യാതിഥിയായിരുന്നു. കെ.പി.എസ്.ടി.എ. ജില്ലാ പ്രസിഡന്റ് എം.പി. മുഹമ്മദ്, ജില്ലാ സെക്രട്ടറി കെ. സുഭാഷ്, സംസ്ഥാന സെക്രട്ടറി കെ.വി. മനോജ് കുമാർ, സംസ്ഥാന കമ്മിറ്റി അംഗം പി.എം. ജോസഫ്, സംസ്ഥാന കൗൺസിലർ കെ.പി. രാജേഷ് എന്നിവർ സംസാരിച്ചു. കൂടാതെ ജില്ലാ ജോയിന്റ് സെക്രട്ടറി ലത്തീഫ് കൊടിഞ്ഞി, ടി.ടി. അബ്ദുൽ ഗഫൂർ, ഷൈനി മാത്യു, ഡോ. പി.വി. അബ്ദുൽ ഹമീദ്, കെ. റമീസ്, സുനീഷ് കുമാർ, ഇ.പി. വിനോദ് കുമാർ, പി.കെ. മുഹമ്മദ് മുസ്തഫ തുടങ്ങിയവരും ആശംസകൾ നേ...

വേങ്ങര നിയോജക മണ്ഡലത്തിലെ എൽ.ഡി.എഫ് സ്വതന്ത്ര സ്ഥാനാർത്ഥി സബാഹ് കുണ്ടുപുഴക്കലിൻ്റെ വിജയത്തിനായി സബാഹ് സ്ക്വയറിന് സമീപം സജ്ജമാക്കിയ തെരഞ്ഞെടുപ്പ് കമ്മിറ്റി ഓഫീസ് പ്രവർത്തനം ആരംഭിച്ചു. സി.പി.ഐ (എം) ജില്ലാ സെക്രട്ടറി വി.പി അനിൽ ഓഫീസിന്റെ ഔദ്യോഗിക ഉദ്ഘാടനം നിർവ്വഹിച്ചു. വരാനിരിക്കുന്ന നിയമസഭാ തെരഞ്ഞെടുപ്പിൽ മണ്ഡലത്തിലെ പ്രചാരണ പ്രവർത്തനങ്ങൾ ഏകോപിപ്പിക്കുന്നതിനും ജനകീയ ഇടപെടലുകൾ ശക്തമാക്കുന്നതിനുമായാണ് ഓഫീസ് തുറന്നത്. കെ. നയീം അധ്യക്ഷത വഹിച്ച ചടങ്ങിൽ തെരഞ്ഞെടുപ്പ് കൺവീനർ കെ.ടി അലവിക്കുട്ടി സ്വാഗതം ആശംസിച്ചു. എൽ.ഡി.എഫ് നേതാക്കളായ മുസ്തഫ കടമ്പോട്, കെ.വി ബാലസുബ്രഹ്മണ്യൻ, സി.പി രാധാകൃഷ്ണൻ, ഡോ. മോഹൻ മാമുണ്ണി, എം.കെ റസാഖ്, കെ.ടി സമ്മദ് തുടങ്ങിയവർ ചടങ്ങിൽ സംസാരിക്കുകയും മണ്ഡലത്തിലെ വികസന ചർച്ചകൾക്കും രാഷ്ട്രീയ നീക്കങ്ങൾക്കും ഈ ഓഫീസ് കേന്ദ്രബിന്ദുവാകുമെന്ന് അറിയിക്കുകയും ചെയ്തു. സ്ഥാനാർത്ഥി സബാഹ് കുണ്ട...

വേങ്ങര ടൗൺ പൗരസമിതിയുടെ നേതൃത്വത്തിൽ പൊതുജനങ്ങൾക്കായി ഒരുക്കിയ സൗജന്യ കുടിവെള്ള വിതരണ പദ്ധതിക്ക് തുടക്കമായി. കഠിനമായ വേനൽച്ചൂടിൽ ടൗണിലെത്തുന്ന യാത്രക്കാർക്കും സാധാരണക്കാർക്കും ആശ്വാസമേകുക എന്ന ലക്ഷ്യത്തോടെയാണ് പൗരസമിതി ഈ മാതൃകാപരമായ സേവനം ഏർപ്പെടുത്തിയത്. പദ്ധതിയുടെ ഔദ്യോഗിക ഉദ്ഘാടനം എൻ.കെ. സാദത്തലി നിർവഹിച്ചു. പൗരസമിതി പ്രസിഡന്റ് എം.കെ. റസാഖ് അധ്യക്ഷത വഹിച്ച ചടങ്ങിൽ പി.കെ. ഉമ്മർ കുട്ടി സ്വാഗതം ആശംസിച്ചു. ചടങ്ങിൽ കെ.സി. രാജൻ, പൂച്ചയങ്ങൾ മുത്തു, എം.ടി. മുഹമ്മദലി വടക്കൻ, സെയ്തലവി എസ്ടിയു, കോയ കീരി, സിറാജ് നല്ല നാടൻ, മുഹമ്മദാജി തുടങ്ങിയവർ പങ്കെടുത്ത് സംസാരിച്ചു. വേനൽ കടുക്കുന്ന സാഹചര്യത്തിൽ പൊതുജനങ്ങൾക്കായി ഇത്തരമൊരു സൗകര്യം ഒരുക്കിയ പൗരസമിതിയുടെ നടപടിയെ നാട്ടുകാർ അഭിനന്ദിച്ചു. സി.എച്ച്. സൈനുദ്ദീൻ ചടങ്ങിന് നന്ദി പറഞ്ഞു....

വേങ്ങര ഗ്രാമപ്പഞ്ചായത്ത് സായംപ്രഭയിൽ വേങ്ങര കുടുംബാരോഗ്യ കേന്ദ്രത്തിന്റെ ആഭിമുഖ്യത്തിൽ ലോക ക്ഷയരോഗ ദിനാചരണം സംഘടിപ്പിച്ചു. ക്ഷയരോഗ നിവാരണ പ്രവർത്തനങ്ങൾ ഊർജിതമാക്കുന്നതിനും പൊതുജനങ്ങൾക്കിടയിൽ കൃത്യമായ ബോധവൽക്കരണം നടത്തുന്നതിനുമായാണ് ഈ പരിപാടി സംഘടിപ്പിച്ചത്. ചടങ്ങിന്റെ ഉദ്ഘാടനം മെഡിക്കൽ ഓഫീസർ ഡോ. മേനക വാസുദേവ് നിർവഹിച്ചു. ഐ.സി.ഡി.എസ്. സൂപ്പർവൈസർ വി.സി. സനിതകുമാരി അധ്യക്ഷത വഹിച്ച ചടങ്ങിൽ ആരോഗ്യ മേഖലയിലെ വിവിധ പ്രതിനിധികൾ പങ്കെടുത്തു. ഹെൽത്ത് ഇൻസ്‌പെക്ടർ വി. ശിവദാസൻ, പി.എ. പിഞ്ചു, പി. ഭവ്യ, എസ്. ആനന്ദ്, ജെ.എച്ച്.ഐ. എ. ജിജിൻ ജയറാം എന്നിവർ ചടങ്ങിൽ സംസാരിക്കുകയും രോഗപ്രതിരോധ മാർഗങ്ങളെക്കുറിച്ച് വിശദീകരിക്കുകയും ചെയ്തു....

ഊരകം: കഠിനമായ വേനൽച്ചൂടിൽ വലയുന്ന പക്ഷികൾക്കും മറ്റു ജീവികൾക്കും ആശ്വാസമേകാൻ മാതൃകാപരമായ നീക്കവുമായി ഊരകം കല്ലേങ്ങൽപടി അങ്കണവാടി. അങ്കണവാടിയിലെ കുരുന്നുകളും പ്രവർത്തകരും ചേർന്നാണ് പറവകൾക്കായി കുടിവെള്ളം ഒരുക്കിയത്. പരിസ്ഥിതി സ്നേഹവും സഹജീവികളോടുള്ള കരുണയും കുട്ടികളിൽ വളർത്തുക എന്ന ലക്ഷ്യത്തോടെയാണ് ഈ പ്രവർത്തനം സംഘടിപ്പിച്ചത്. അങ്കണവാടി പരിസരത്തെ വിവിധ ഇടങ്ങളിൽ പക്ഷികൾക്ക് എളുപ്പത്തിൽ കുടിക്കാവുന്ന രീതിയിൽ പാത്രങ്ങളിൽ വെള്ളം സജ്ജീകരിച്ചു. വേനൽ കടുക്കുന്ന സാഹചര്യത്തിൽ ഇത്തരം പ്രവർത്തനങ്ങൾ സമൂഹത്തിന് വലിയൊരു സന്ദേശമാണ് നൽകുന്നത്. കുട്ടികളുടെ ഈ കുഞ്ഞു കരുതലിനെ നാട്ടുകാരും അഭിനന്ദിച്ചു....

വേങ്ങര: ചെറിയ പെരുന്നാളിനോട് അനുബന്ധിച്ച് വേങ്ങര ടൗൺ ജുമുഅ മസ്ജിദിൽ വിശ്വാസികൾക്കായി മധുരപലഹാരങ്ങൾ വിതരണം ചെയ്തു. മസ്ജിദ് കാരണവർ എൻ.ടി. ബാവ ഹാജി വിതരണോദ്ഘാടനം നിർവഹിച്ചു. ചടങ്ങിൽ എം.കെ. റസാഖ്, കെ.എസ്. മുസാപ്പു, പി.എ. ബാവ നല്ലടാൻ, മുഹമ്മദ് ഹാജി, സി.എച്ച്. സൈനുദ്ദീൻ, കെ.എസ്. ഷാക്കിർ, പി.എ. സക്കറിയ എന്നിവർ പങ്കെടുത്തു. പെരുന്നാൾ നമസ്കാരത്തിന് ശേഷം മസ്ജിദ് ഖത്തീബ് അബ്ദുസമദ് ഹസനി കൊട്ടുമല ലോകസമാധാനത്തിനും ശാന്തിക്കും വേണ്ടി പ്രത്യേക പ്രാർത്ഥന നിർവഹിച്ചു. നൂറുകണക്കിന് വിശ്വാസികളാണ് മസ്ജിദിൽ നടന്ന പെരുന്നാൾ നമസ്കാരത്തിലും തുടർന്ന് നടന്ന ആഘോഷ പരിപാടികളിലും പങ്കുചേർന്നത്....

വേങ്ങര: താഴെ അങ്ങാടി ലിയാനക്ക് മുന്നിലെ മൈതാനിയിൽ വെച്ച് വേങ്ങര ഡൗൺ ടൗൺ ഈദ് ഗാഹ് പ്രാർത്ഥനാനിർഭരമായി നടന്നു. റമദാൻ മാസത്തിലൂടെ വിശ്വാസികൾ നേടിയെടുത്ത ജീവിതവിശുദ്ധി ജീവിതത്തിലുടനീളം നിലനിർത്താൻ തയ്യാറാവണമെന്ന് ഈദ് സന്ദേശം നൽകിയ കെ. അവറു മാസ്റ്റർ ഉദ്ബോധിപ്പിച്ചു. ആഘോഷവേളകളിൽ നിയന്ത്രണം വിടരുതെന്നും മദ്യം, മയക്കുമരുന്ന് എന്നിവയിൽ നിന്ന് പൂർണ്ണമായും വിട്ടുനിൽക്കണമെന്നും അദ്ദേഹം വിശ്വാസികളെ ഓർമ്മിപ്പിച്ചു. ഏകനായ അല്ലാഹുവിന്റെ അടിമത്തം സ്വീകരിക്കുക എന്നതാകണം വിശ്വാസിയുടെ ലക്ഷ്യം. മറിച്ച്, അക്രമികളായ ഭരണാധികാരികളെ പ്രീണിപ്പിക്കാൻ ഇസ്ലാമിന്റെ പേര് ഉപയോഗിക്കുന്നത് സൃഷ്ടികളുടെ അടിമത്തം സ്വീകരിക്കുന്നതിന് തുല്യമാണെന്നും അദ്ദേഹം കൂട്ടിച്ചേർത്തു. പെരുന്നാൾ നിസ്കാരത്തിന് വേങ്ങര ഡൗൺ ടൗൺ മസ്ജിദ് ഇമാം ആസിഫ് കമാൽ നേതൃത്വം നൽകി. കുഞ്ഞുങ്ങളും സ്ത്രീകളുമടക്കം നൂറുകണക്കിന് വിശ്വാസികളാണ് ഈദ് ഗാഹിൽ പങ്കെടുത്തത്. ...

വേങ്ങര: നിയമസഭാ തിരഞ്ഞെടുപ്പിൽ വേങ്ങര നിയോജക മണ്ഡലം എൻ.ഡി.എ സ്ഥാനാർത്ഥിയായി എ.ആർ. നഗർ കുന്നുംപുറം സ്വദേശി വി.എൻ. ജയകൃഷ്ണനെ പ്രഖ്യാപിച്ചു. കഴിഞ്ഞ ഇരുപതോളം വർഷമായി സംഘടനാ പ്രവർത്തനത്തിലും പൊതുരംഗത്തും സജീവമായി പ്രവർത്തിച്ചുവരുന്ന വ്യക്തിത്വമാണ് ജയകൃഷ്ണന്റേത്. ബാലഗോകുലത്തിലൂടെ പ്രവർത്തനരംഗത്തേക്ക് എത്തിയ അദ്ദേഹം ബി.ജെ.പിയുടെ ബൂത്ത് തലം മുതൽ വിവിധ ഉത്തരവാദിത്തങ്ങൾ വഹിച്ചിട്ടുണ്ട്. നിലവിൽ മൂന്നാം തവണയും ബി.ജെ.പി വേങ്ങര മണ്ഡലം പ്രസിഡന്റായി സേവനമനുഷ്ഠിച്ചു വരികയാണ്. കഴിഞ്ഞ 21 വർഷമായി പൊതുവിതരണ കേന്ദ്രം നടത്തിവരുന്ന അദ്ദേഹം കോമൺ സർവീസ് സെന്ററിലൂടെ വിവിധ ജനസേവന പ്രവർത്തനങ്ങളിലും ഏർപ്പെടുന്നുണ്ട്. ഇതിനുപുറമെ ഓൾ കേരള റീട്ടെയിൽ റേഷൻ ഡീലേഴ്സ് അസോസിയേഷൻ തിരൂരങ്ങാടി താലൂക്ക് വൈസ് പ്രസിഡന്റ്, കൊടുവായൂർ വ്യാസവിദ്യാനികേതൻ വർക്കിംഗ് കമ്മിറ്റി മെമ്പർ, സ്റ്റാർ ഹെൽത്ത് ഇൻഷുറൻസ് ഏജന്റ് എന്നീ നിലകളിലും അദ്ദേഹം പ്...

എ.ആർ നഗർ: മമ്പുറം പാലിയേറ്റീവ് കെയർ യൂണിറ്റിന്റെ കാരുണ്യ പ്രവർത്തനങ്ങൾക്ക് പിന്തുണയുമായി ഇരുമ്പുചോല എ.യു.പി നഴ്സറി സ്കൂളിലെ കൊച്ചു മിടുക്കർ. തങ്ങളുടെ സമ്പാദ്യക്കുടുക്കകളിൽ സ്വരൂപിച്ചു വെച്ച 12,000 രൂപയാണ് എൽ.കെ.ജി, യു.കെ.ജി ക്ലാസുകളിലെ വിദ്യാർത്ഥികൾ പാലിയേറ്റീവ് കെയറിനായി കൈമാറിയത്. കുരുന്നുകളുടെ ഈ വലിയ മനസ്സ് നാട്ടുകാർക്കും വിദ്യാലയത്തിനും അഭിമാനമായി മാറിയിരിക്കുകയാണ്. സ്കൂൾ മാനേജർ കെ. ലിയാഖത്തലി, സി. റഷീദ്, അംബിക ടീച്ചർ എന്നിവർ ചേർന്ന് പാലിയേറ്റീവ് കെയർ യൂണിറ്റ് ചെയർമാൻ ചാലിൽ ബഷീറിന് തുക കൈമാറി. ചടങ്ങിൽ കൺവീനർ റാഫി മാട്ടുമ്മൽ, പി.ടി.എ ഭാരവാഹികളായ അൻളൽ കാവുങ്ങൽ, ബഷീർ കാവുങ്ങൽ, ഇസ്മായിൽ തെങ്ങിലാൻ, ടി. മുനീർ, കെ. ഫൈസൽ എന്നിവരും പാലിയേറ്റീവ് പ്രവർത്തകരായ അബ്ദുറഹ്മാൻ മതാരി, എ.പി അബ്ദുലത്തീഫ്, റഫീഖ് കൊളക്കാട്ടിൽ, വി.ടി അബ്ദുസ്സലാം, സി.പി അബ്ദുല്ലത്തിഫ്, എൻ.കെ സുമതി, മുബീന തുടങ്ങിയവരും സംസാരിച്...

തേഞ്ഞിപ്പലം: പ്രൊഫഷണലുകൾക്കായി ഐ.പി.എഫ് യൂണിവേഴ്സിറ്റി ചാപ്റ്റർ സംഘടിപ്പിച്ച 'റിഫൈൻ 26' ക്യാമ്പും ഇഫ്താർ മീറ്റും കാലിക്കറ്റ് യൂണിവേഴ്സിറ്റി ചെനക്കൽ ഖായിദുൽ ഖൗം ജുമാ മസ്ജിദിൽ സമാപിച്ചു. ഐ.പി.എഫ് മലപ്പുറം വെസ്റ്റ് റീജിയൻ ഡയറക്ടറും മോട്ടോർ വെഹിക്കിൾ ഇൻസ്പെക്ടറുമായ പി.കെ. മുഹമ്മദ് ഷഫീഖ് പരിപാടി ഉദ്ഘാടനം ചെയ്തു. ചാപ്റ്റർ ചെയർമാൻ ഡോ. ശംസുദ്ധീൻ അധ്യക്ഷത വഹിച്ച ചടങ്ങിൽ ഫാളിൽ നൂറാനി ദേവതിയാൽ, അബ്ദുല്ല മുസ്‌ലിയാർ ചേറൂർ എന്നിവർ വിവിധ സെഷനുകൾക്ക് നേതൃത്വം നൽകി. പ്രൊഫഷണലുകളുടെ ആത്മീയവും ബൗദ്ധികവുമായ ശാക്തീകരണം ലക്ഷ്യമിട്ടാണ് ക്യാമ്പ് സംഘടിപ്പിച്ചത്. ഐ.പി.എഫ് വെസ്റ്റ് റീജിയൺ ചെയർമാൻ എൻജിനീയർ സത്താർ, കാലിക്കറ്റ് യൂണിവേഴ്സിറ്റി ഫിസിക്സ് വിഭാഗം തലവൻ പ്രൊഫ. എം.എം. മുസ്തഫ, റഹീം ഫൈസി കൂമണ്ണ, അറക്കൽ മുഹമ്മദ് ബാവ എന്നിവർ സംസാരിച്ചു. ഐ.പി.എഫ് മലപ്പുറം വെസ്റ്റ് റീജിയൺ ഡയറക്ടർ ഡോ. അഷ്‌കർ ഷഫീഖ് ആമുഖ പ്രസംഗം നടത്തി....

വേങ്ങര: ബന്ധുക്കൾക്ക് വീഡിയോ സന്ദേശം അയച്ച ശേഷം അമിത അളവിൽ മരുന്ന് ഉള്ളിൽച്ചെന്ന് ആത്മഹത്യയ്ക്ക് ശ്രമിച്ച റിട്ടയേർഡ് രജിസ്ട്രേഷൻ വകുപ്പ് ജീവനക്കാരൻ മരിച്ചു. കണ്ണമംഗലം നെച്ചിക്കാട്ടുകുണ്ട് സ്വദേശി നെച്ചിക്കാട്ടുകുണ്ടിൽ ലക്ഷ്മണൻ (56) ആണ് കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ അന്തരിച്ചത്.​ കഴിഞ്ഞ വ്യാഴാഴ്ചയായിരുന്നു സംഭവം. താൻ ആത്മഹത്യ ചെയ്യുകയാണെന്നും, ഇതിനായി സ്ഥിരമായി കഴിക്കാറുള്ള ഗുളികകൾ ജ്യൂസ് ആക്കി കുടിച്ചുവെന്നും കാണിച്ചാണ് ലക്ഷ്മണൻ ബന്ധുക്കൾക്ക് വീഡിയോ സന്ദേശമയച്ചത്. വിവരമറിഞ്ഞ് ഉടൻ വീട്ടിലെത്തിയ ബന്ധുക്കളോട് താൻ അമിത തോതിൽ ഇൻസുലിൻ കുത്തിവെച്ചതായും അദ്ദേഹം വെളിപ്പെടുത്തിയിരുന്നു. ഉടൻതന്നെ തിരൂരങ്ങാടി താലൂക്ക് ആശുപത്രിയിലും തുടർന്ന് കോഴിക്കോട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചെങ്കിലും ശനിയാഴ്ച രാത്രി എട്ട് മണിയോടെ മരണം സംഭവിക്കുകയായിരുന്നു.​കഴിഞ്ഞ ഡ...

വേങ്ങര: വേങ്ങരയുടെ ആരോഗ്യ മേഖലയ്ക്ക് വലിയൊരു നാഴികക്കല്ലായി വേങ്ങര കമ്മ്യൂണിറ്റി ഹെൽത്ത്‌ സെന്ററിൽ (CHC) അഡ്മിഷൻ (In-Patient) വിഭാഗം പ്രവർത്തനം ആരംഭിക്കുന്നു. ബ്ലോക്ക് പഞ്ചായത്ത് ഭരണസമിതിയുടെയും ആരോഗ്യപ്രവർത്തകരുടെയും സംയുക്ത പരിശ്രമത്തിലൂടെയാണ് ദീർഘകാലത്തെ ആവശ്യത്തിന് പരിഹാരമാകുന്നത്. ഏപ്രിൽ ഒന്ന് മുതൽ കിടത്തിച്ചികിത്സാ വിഭാഗം പ്രവർത്തനസജ്ജമാകും. മികച്ച ചികിത്സയ്ക്കായി ദൂരസ്ഥലങ്ങളിലെ ആശുപത്രികളെ ആശ്രയിക്കേണ്ടി വന്നിരുന്ന വേങ്ങരയിലെ സാധാരണക്കാർക്ക് ഈ പുതിയ സംവിധാനം വലിയ ആശ്വാസമാകും. ആധുനിക സൗകര്യങ്ങളോടു കൂടിയ വാർഡുകളും വിദഗ്ദ്ധരായ ഡോക്ടർമാരുടെ മുഴുവൻ സമയ സേവനവുമാണ് സി.എച്ച്.സിയിൽ സജ്ജമാക്കിയിരിക്കുന്നത്. വേങ്ങര ബ്ലോക്ക് പഞ്ചായത്തിന്റെ വികസന പദ്ധതികളിൽ ഏറ്റവും പ്രധാനപ്പെട്ട ഒന്നായിട്ടാണ് ഐ.പി വിഭാഗത്തിന്റെ പ്രവർത്തനം കാണുന്നത്. അടിസ്ഥാന സൗകര്യങ്ങൾ വർദ്ധിപ്പിക്കുന്നതിലൂടെ മേഖലയിലെ ആരോഗ്യ സേവ...

വേങ്ങര: വേങ്ങര ടൗണിന് സമീപം പൊതുവഴി കൈയേറി വർഷങ്ങളായി ഉപേക്ഷിക്കപ്പെട്ട നിലയിൽ കിടക്കുന്ന അംബാസഡർ കാർ യാത്രക്കാർക്കും നാട്ടുകാർക്കും വലിയ ബുദ്ധിമുട്ടാകുന്നു. തിരക്കേറിയ ഈ ഭാഗത്ത് വാഹനം കാരണം ഗതാഗതക്കുരുക്ക് രൂക്ഷമാകുകയും കാൽനടയാത്രക്കാർക്ക് വഴി നടക്കാൻ പോലുമാകാത്ത അവസ്ഥയുമാണ് നിലവിലുള്ളത്. ഉപേക്ഷിക്കപ്പെട്ട ഈ വാഹനം ലഹരി മാഫിയകളുടെ താവളമായി മാറുമോ എന്ന ആശങ്കയും നാട്ടുകാർ പങ്കുവെക്കുന്നുണ്ട്. മോട്ടോർ വാഹന നിയമപ്രകാരം പൊതുസ്ഥലങ്ങളിൽ തടസ്സമുണ്ടാക്കുന്ന വാഹനങ്ങൾ നീക്കം ചെയ്യാൻ അധികൃതർക്ക് അധികാരമുണ്ടെന്നിരിക്കെ, പഞ്ചായത്തോ പോലീസോ നടപടി സ്വീകരിക്കാത്തതിൽ പ്രതിഷേധം ശക്തമാണ്. ഈ സാഹചര്യത്തിൽ വാഹനം അടിയന്തരമായി നീക്കം ചെയ്യണമെന്ന് ആവശ്യപ്പെട്ടുകൊണ്ട് കേരള ഡെവലപ്മെന്റ് ഫോറം ഭാരവാഹികൾ പൊതുമരാമത്ത് വകുപ്പിന് പരാതി നൽകി. ഫോറം പ്രസിഡന്റ് അസീസ് കടലുണ്ടി, സെക്രട്ടറി അബ്ദുൽ റഹീം പൂക്കത്ത്, പി.എം. ഷുക്കൂർ എന...

വേങ്ങര: നാടുകാണി-പരപ്പനങ്ങാടി റോഡിൽ ഊരകം കുറ്റാളൂർ മുതൽ കുന്നത്ത് വരെയുള്ള ഭാഗത്തെ അപകട വളവുകൾ നിവർത്തി റോഡ് നാലുവരിപ്പാതയാക്കണമെന്ന് ആവശ്യപ്പെട്ട് നിവേദനം നൽകി. ഊരകം പഞ്ചായത്ത് നാലാം വാർഡ് മെമ്പർ നെല്ലേങ്ങര ഇബ്രാഹിമാണ് വേങ്ങര നിയോജകമണ്ഡലം എം.എൽ.എ പി.കെ. കുഞ്ഞാലിക്കുട്ടിക്ക് നിവേദനം സമർപ്പിച്ചത്. ഈ ഭാഗത്ത് നിലവിലുള്ള അപകടകരമായ വളവുകൾ നിമിത്തം നിരന്തരം വാഹനാപകടങ്ങൾ സംഭവിക്കുന്ന പശ്ചാത്തലത്തിലാണ് റോഡ് വികസിപ്പിക്കണമെന്ന ആവശ്യം ഉന്നയിച്ചിരിക്കുന്നത്. നാലുവരിപ്പാത യാഥാർത്ഥ്യമാകുന്നതോടെ ഗതാഗതക്കുരുക്കിന് പരിഹാരമാകുമെന്നും യാത്ര സുഗമമാകുമെന്നും നിവേദനത്തിൽ ചൂണ്ടിക്കാട്ടുന്നു. ചടങ്ങിൽ ഊരകം പഞ്ചായത്ത് ഗ്ലോബൽ കെ.എം.സി.സി സെക്രട്ടറി സഹദ് വേങ്ങര, പി.പി. മുഹമ്മദാലി, പി.പി. ബഷീർ എന്നിവരും സംബന്ധിച്ചു. വിഷയം ഗൗരവമായി പരിഗണിക്കാമെന്നും ബന്ധപ്പെട്ട വകുപ്പുകളുമായി ചർച്ച നടത്തുമെന്നും എം.എൽ.എ അറിയിച്ചു....

വേങ്ങര: കച്ചേരിപ്പടി - പുത്തനങ്ങാടി റോഡിലെ സുരക്ഷാവേലിയില്ലാത്ത ട്രാൻസ്ഫോർമറുകൾ കാൽനടയാത്രക്കാർക്കും വാഹനങ്ങൾക്കും വലിയ ഭീഷണിയാകുന്നു. കെ.എസ്.ഇ.ബിക്ക് കീഴിലുള്ള ഈ ട്രാൻസ്ഫോർമറുകൾക്ക് ചുറ്റും മതിയായ സുരക്ഷാ സംവിധാനങ്ങളില്ലാത്തത് വലിയ അപകടങ്ങൾക്ക് കാരണമായേക്കാമെന്ന പരാതി ശക്തമാണ്. സ്കൂൾ കുട്ടികളടക്കം നിരവധി പേർ നിത്യേന കടന്നുപോകുന്ന പാതയോരത്താണ് ഈ അപകടക്കെണിയുള്ളത്. ട്രാൻസ്ഫോർമറുകൾ ജനങ്ങൾക്ക് ഭീഷണിയായി പ്രവർത്തിക്കുന്നതിനെതിരെ മനുഷ്യാവകാശ പ്രവർത്തകൻ അബ്ദുൽ റഹീം പൂക്കത്ത് രംഗത്തെത്തി. വിഷയത്തിന്റെ ഗൗരവം ചൂണ്ടിക്കാട്ടി അദ്ദേഹം തിരൂരങ്ങാടി അസിസ്റ്റന്റ് എക്സിക്യൂട്ടീവ് എൻജിനീയർക്ക് പരാതി നൽകി. പരാതി പരിഗണിച്ച അധികൃതർ, അപകടസാധ്യത ഒഴിവാക്കാൻ അടിയന്തരമായി വേണ്ട സുരക്ഷാ നടപടികൾ സ്വീകരിക്കുമെന്ന് അസിസ്റ്റന്റ് എൻജിനീയർ (AE) ഉറപ്പുനൽകി. ജനവാസ മേഖലകളിലെ ഇത്തരം വൈദ്യുതി സംവിധാനങ്ങൾക്ക് ചുറ്റും സുരക്ഷാവേല...

ഊരകം: കുറ്റാളൂർ എം.എൽ.എ റോഡിൽ നെല്ലിപറമ്പ് ഭാഗത്തെ പാലം പണി നീണ്ടു പോകുന്നതിനെതിരെ പ്രതിഷേധവുമായി ഊരകം മണ്ഡലം കോൺഗ്രസ് കമ്മിറ്റി രംഗത്ത്. മാസങ്ങളായി നിർമ്മാണം തുടങ്ങിയെങ്കിലും കരാറുകാരന്റെ ഉദാസീനത കാരണം വർക്കുകൾ എങ്ങുമെത്താത്ത സാഹചര്യമാണ് നിലവിലുള്ളതെന്ന് നേതാക്കൾ ആരോപിച്ചു. പാലം പണി ഉടൻ പൂർത്തിയാക്കി പ്രദേശവാസികളുടെയും യാത്രക്കാരുടെയും യാത്രാക്ലേശം പരിഹരിക്കണമെന്ന് ആവശ്യപ്പെട്ട് മണ്ഡലം കോൺഗ്രസ് കമ്മിറ്റി പൊതുമരാമത്ത് അസിസ്റ്റന്റ് എൻജിനീയർക്ക് നിവേദനം നൽകി.​മണ്ഡലം പ്രസിഡന്റ് എം.കെ. മൊയ്‌തീന്റെ നേതൃത്വത്തിലാണ് ഉദ്യോഗസ്ഥരെ കണ്ട് പരാതി ബോധിപ്പിച്ചത്. പണി പൂർത്തിയാകാത്തത് മൂലം ഈ വഴിയിലൂടെയുള്ള ഗതാഗതം ദുസ്സഹമായിരിക്കുകയാണ്. കരാറുകാരന്റെ ഭാഗത്തുനിന്നുള്ള വീഴ്ചകൾ ഉദ്യോഗസ്ഥരെ നേരിട്ട് ബോധ്യപ്പെടുത്തിയതായും ഉടൻ നടപടി ഉണ്ടാകുമെന്ന് പ്രതീക്ഷിക്കുന്നതായും നേതാക്കൾ പറഞ്ഞു.​മണ്ഡലം നേതാക്കളായ എം.പി. വേലാ...

വേങ്ങര ഗ്രാമ പഞ്ചായത്ത് കുടുംബശ്രീ സി.ഡി.എസ് & ജി.ആർ.സി, ജില്ലാ ലീഗൽ സർവീസ് അതോറിറ്റി മഞ്ചേരി, തിരൂരങ്ങാടി താലൂക്ക് ലീഗൽ സർവീസ് കമ്മിറ്റി, വേങ്ങര ഗ്രാമ പഞ്ചായത്ത് സായംപ്രഭാ ഹോം എന്നിവയുടെ സംയുക്താഭിമുഖ്യത്തിൽ വയോജന അംഗങ്ങൾക്കായി നിയമ ബോധവൽക്കരണ ക്ലാസ് സംഘടിപ്പിച്ചു. വയോജനങ്ങളുടെ നിയമാവകാശങ്ങൾ, ക്ഷേമപദ്ധതികൾ, സംരക്ഷണ നിയമങ്ങൾ എന്നിവയെക്കുറിച്ച് അവബോധം സൃഷ്ടിക്കുക എന്നതായിരുന്നു പരിപാടിയുടെ പ്രധാന ലക്ഷ്യം. വേങ്ങര ഗ്രാമ പഞ്ചായത്ത് പ്രസിഡന്റ് എൻ.ടി അബ്ദുൽ നാസർ ക്ലാസ് ഉദ്ഘാടനം ചെയ്തു. ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ സബ്ന ഇബ്രാഹീം ചടങ്ങിൽ അധ്യക്ഷത വഹിച്ചു. അഡ്വക്കേറ്റ് സജ്‌ന വയോജന നിയമങ്ങളെക്കുറിച്ച് വിശദമായ ക്ലാസ് നയിച്ചു. പഞ്ചായത്ത് ഭരണസമിതി അംഗം ചന്ദ്രൻമോഹൻ, സി.ഡി.എസ് ചെയർപേഴ്സൺ സജ്‌ന എം.ടി, വൈസ് ചെയർപേഴ്സൺ ഗീത കരങ്ങാടൻ എന്നിവർ പരിപാടിയിൽ സംസാരിച്ചു. കൂടാതെ ഐ.സി.ഡി.എസ് സൂപ്പ...

വേങ്ങര: കണ്ണമംഗലം ഗ്രാമപഞ്ചായത്ത് 13 ലക്ഷം രൂപ വകയിരുത്തി ഭിന്നശേഷിക്കാർക്കും വയോജനങ്ങൾക്കുമായി ഉപകരണങ്ങൾ വിതരണം ചെയ്തു. പഞ്ചായത്ത് ഹാളിൽ നടന്ന ചടങ്ങ് ഗ്രാമപഞ്ചായത്ത് വൈസ് പ്രസിഡന്റ്‌ കെ.വി. ഹുസൈൻ ഉദ്ഘാടനം ചെയ്തു. ആരോഗ്യ-വിദ്യാഭ്യാസ സ്റ്റാന്റിങ് കമ്മിറ്റി ചെയർപേഴ്സൺ നെടുമ്പള്ളി സൈതു അധ്യക്ഷത വഹിച്ചു. ക്ഷേമകാര്യ സ്റ്റാന്റിങ് കമ്മിറ്റി ചെയർപേഴ്സൺ റൂഫിയ ചോല, വികസനകാര്യ സ്റ്റാന്റിങ് കമ്മിറ്റി ചെയർപേഴ്സൺ ഷീന അനൂബ് എന്നിവർ പ്രസംഗിച്ചു. വാർഡ് മെമ്പർമാരായ നൗഷാദ് ചേറൂർ, ടി.കെ. റഷീദ്, എ.പി. സൈതു, ശംസിയ മലാക്കാരൻ, നംഷാദ് അമ്പലവൻ, മുബീന തൈകണ്ടി, രഹിയാനത്ത് വി.ടി., സക്കീന, മുജീബ് പി.പി., എ. ഉണ്ണികൃഷ്ണൻ, ലത്തീഫ് മങ്ങാട്ടിൽ, കെ. ഉമ്മുസൽമത്ത്, സുബൈദ, മോനിഷ പി.പി., അബ്ദുറഹിമാൻ പള്ളിയാളി, എം.വി. ഗൗരി, ടി.കെ. അബ്ദുട്ടി, പനകത്ത് സമദ് എന്നിവരും പഞ്ചായത്ത്‌ സെക്രട്ടറി ആർ. വിവേക് രാജ്, അധ്യാപകരായ സമീറ പി.പി., പ്...

വേങ്ങര: തിരൂരങ്ങാടി സോക്കർ കിംഗ്‌സും കൂരിയാട് കാസ്മ ക്ലബ്ബും സംയുക്തമായി സംഘടിപ്പിക്കുന്ന സോക്കർ കപ്പ് ഫുട്ബോൾ മത്സരത്തിന്റെ വിളംബരമറിയിച്ച് ഗ്രൗണ്ടിൽ പതാക ഉയർത്തി. കൂരിയാട് പാടത്ത് നടന്ന ചടങ്ങ് മലപ്പുറം ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ പി.കെ. അസ്‌ലു ഉദ്ഘാടനം ചെയ്തു. കാസ്മ ക്ലബ്ബ് രക്ഷാധികാരി ചന്ദ്രമോഹനൻ അധ്യക്ഷത വഹിച്ച ചടങ്ങിൽ വേങ്ങര ഗ്രാമപഞ്ചായത്ത് പ്രസിഡന്റ് എൻ.ടി. അബ്ദുൽ നാസർ, എ.ആർ. നഗർ ഗ്രാമപഞ്ചായത്ത് പ്രസിഡന്റ് ലൈല പുല്ലൂണി, തിരൂരങ്ങാടി മുനിസിപ്പാലിറ്റി വൈസ് ചെയർമാൻ എം. അബ്ദുറഹ്മാൻ കുട്ടി എന്നിവർ മുഖ്യാതിഥികളായി പങ്കെടുത്തു. എസ്.എഫ്.എ. സംസ്ഥാന സീനിയർ വൈസ് പ്രസിഡന്റ് കെ.ടി. ഹംസ, ഫൂബ സോക്കർ അറീന ഡയറക്ടർ സിറാജുദ്ധീൻ പൊറ്റയിൽ എന്നിവർ ചടങ്ങിൽ സംസാരിച്ചു. വരും ദിവസങ്ങളിൽ കൂരിയാട് പാടത്ത് വാശിയേറിയ ഫുട്ബോൾ പോരാട്ടങ്ങൾക്കാണ് പന്തുരുളുക. സ്പോർട്സ് കൗൺസിൽ പ്രതിനിധികളും ഫുട്ബോൾ ...

ഊരകം: ഗ്രാമപഞ്ചായത്തിലെ മൂന്നാം വാർഡിൽ നിർമ്മാണം പൂർത്തിയാക്കിയ വളപ്പിൽ - മെനക്കെടാം പാറ റോഡിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് പി.കെ. സഫ്രീന അഷ്റഫ് നിർവ്വഹിച്ചു. വാർഡ് മെമ്പർ അസൈനാർ ഊരകം ചടങ്ങിൽ അധ്യക്ഷത വഹിച്ചു. പ്രദേശത്തെ യാത്രാക്ലേശത്തിന് വലിയ പരിഹാരമാകുന്നതാണ് പുതിയ റോഡ്. പഞ്ചായത്ത് യു.ഡി.എഫ് ചെയർമാൻ എം.കെ. മാനു, വാർഡ് യു.ഡി.എഫ് ചെയർമാൻ ടി.പി. ആലസ്സൻ, അഞ്ചാം വാർഡ് മെമ്പർ സെറീന കെ, മുൻ വാർഡ് മെമ്പർമാരായ എം.ടി. അലവി, കമൂത്ത് ചന്തു, ഹന്നത്ത് മൻസൂർ എന്നിവർ ചടങ്ങിൽ സംസാരിച്ചു. വാർഡ് യു.ഡി.എഫ് കൺവീനർ ടി. അനിൽകുമാർ, എം.ടി. അബ്ദുറഹ്മാൻ, കറുവണ്ണി അയമ്മുദു, വി.പി. ഉമ്മർ, വളപ്പിൽ അബ്ദുൽ ഖാദർ, കുഞ്ഞു പാണക്കട, വി.കെ. അബ്ദുറഹിമാൻ, ടി. മൊയ്തീൻകുട്ടി, പി. പരമു, ശാന്തി സി, കെ. അബ്ദുറഹ്മാൻ ഹാജി, ചാത്തൻ കരിമ്പിലി, കെ.ടി. അബ്ദുൽ റഷീദ്, രഘു മാസ്റ്റർ, കോമയിൽ അബ്ദു, പി.പി. അബ്ദുറഹ്മാൻകുട്ടി, എം.കെ. അബ...