VENGARA

വേങ്ങര ഗ്രാമപഞ്ചായത്തിന്റെ വിവിധ ഭാഗങ്ങളിൽ മാസങ്ങളായി ഹൈമാസ്റ്റ് ലൈറ്റുകളും തെരുവ് വിളക്കുകളും പ്രവർത്തനരഹിതമായി കിടക്കുന്നത് ജനങ്ങളെ ദുരിതത്തിലാക്കുന്നു. പഞ്ചായത്തിന്റെ പല ഭാഗങ്ങളിലും ഹൈമാസ്റ്റ് ലൈറ്റുകൾ, ഫോക്കസ് ലൈറ്റുകൾ, മറ്റ് തെരുവ് വിളക്കുകൾ എന്നിവ പ്രകാശിക്കാത്തത് രാത്രികാലങ്ങളിൽ യാത്രക്കാർക്കും പ്രദേശവാസികൾക്കും വലിയ പ്രയാസമാണ് സൃഷ്ടിക്കുന്നത്. ചിലയിടങ്ങളിൽ വിളക്കുകൾ അണഞ്ഞിട്ട് വർഷങ്ങളോളമായെന്നും നാട്ടുകാർ പരാതിപ്പെടുന്നു. ഈ വിഷയത്തിൽ ശാശ്വതമായ പരിഹാരം കാണണമെന്നും വിളക്കുകൾ സമയബന്ധിതമായി അറ്റകുറ്റപ്പണികൾ നടത്തി പ്രവർത്തനക്ഷമമാക്കണമെന്നും ആവശ്യപ്പെട്ട് പൊതുപ്രവർത്തകൻ എ.പി. അബൂബക്കർ (കുറ്റൂർ നോർത്ത്) വേങ്ങര പഞ്ചായത്ത് പ്രസിഡന്റിന് നിവേദനം നൽകി. പഞ്ചായത്ത് സെക്രട്ടറിയുടെയും മറ്റ് ജനപ്രതിനിധികളുടെയും ശ്രദ്ധയിൽ മുൻപും പലതവണ ഈ വിഷയം എത്തിച്ചിട്ടുള്ളതാണെന്നും എന്നാൽ ഇതുവരെയും നടപടിയൊന്നും ...

വേങ്ങര: പാക്കടപ്പുറായയിൽ വയോധികനെ കെട്ടിടത്തിന്റെ വരാന്തയിൽ മരിച്ച നിലയിൽ കണ്ടെത്തി. പാക്കടപ്പുറായ ഉള്ളാട്ടുപറമ്പിൽ പരേതനായ കീരൻ കുട്ടി എന്നവരുടെ മകൻ രഘു (70) ആണ് മരിച്ചത്. ഇക്കഴിഞ്ഞ ജനുവരി 8-നും 11-ന് ഉച്ചയ്ക്ക് രണ്ട് മണിക്കും ഇടയിലുള്ള സമയത്താണ് മരണം സംഭവിച്ചതെന്നാണ് പ്രാഥമിക നിഗമനം. പാക്കടപ്പുറായയിലുള്ള ഒരു കെട്ടിടത്തിന്റെ വരാന്തയിൽ മൃതദേഹം കിടക്കുന്നത് വേങ്ങര പോലീസ് സ്ഥലത്തെത്തി നടപടികൾ സ്വീകരിച്ചു. സംഭവത്തിൽ വേങ്ങര പോലീസ് ക്രൈം 27/2026 നമ്പറായി യു/എസ് 194 ബി.എൻ.എസ്.എസ് (BNSS) പ്രകാരം കേസ് രജിസ്റ്റർ ചെയ്തിട്ടുണ്ട്. 🔴കൂടുതൽ വാർത്തകൾ വേഗത്തിൽ അറിയാൻ ഞങ്ങളുടെ വാട്സ്ആപ്പ് ഗ്രൂപ്പിൽ ജോയിൻ ചെയ്യുക: 👉 ഇവിടെ ക്ലിക്ക് ചെയ്യുക *നിങ്ങളുടെ വാർത്തകൾക്കും പരസ്യങ്ങൾക്കും* 🪀 http://wa.me/917510488184...

പറപ്പൂർ: കരട് വോട്ടർ പട്ടികയിൽ പേര് ഉൾപ്പെടാത്തവർക്കായി അമ്പലമാട്ടിൽ വെച്ച് പ്രത്യേക ക്യാമ്പ് സംഘടിപ്പിച്ചു. ക്യാമ്പിന്റെ ഔദ്യോഗിക ഉദ്ഘാടനം പറപ്പൂർ ഗ്രാമപഞ്ചായത്ത് ആറാം വാർഡ് മെമ്പർ റജ്ന റഹൂഫ് എ.വി നിർവ്വഹിച്ചു. അർഹരായ മുഴുവൻ ആളുകളെയും വോട്ടർ പട്ടികയിൽ ഉൾപ്പെടുത്തുക എന്ന ലക്ഷ്യത്തോടെയാണ് ക്യാമ്പ് സംഘടിപ്പിച്ചത്. ചടങ്ങിൽ മൂക്കിൽ സമദ്, ഇബ്രാഹിം വെട്ടിക്കാട്ടിൽ, അലവിക്കുട്ടി പി., കൂനാരി ആലിക്കുട്ടി ഹാജി, റുഷ്ദ വെട്ടിക്കാട്ടിൽ, ഇസ്മായിൽ എ.വി, മൂക്കിൽ അഷ്റഫ് മാസ്റ്റർ, അഷ്റഫ് എൻ.കെ എന്നിവർ സംബന്ധിച്ചു. മുസ്ലിം ലീഗ്, യൂത്ത് ലീഗ്, എം.എസ്.എഫ് പ്രവർത്തകരും നിരവധി നാട്ടുകാരും ക്യാമ്പിൽ സജീവമായി പങ്കെടുത്തു....

വേങ്ങര: ബാലസംഘം ഇരിങ്ങല്ലൂർ വില്ലേജ് കമ്മിറ്റിയുടെ ആഭിമുഖ്യത്തിൽ എ.എം.എൽ.പി.എസ് ഇരിങ്ങല്ലൂർ ഈസ്റ്റിൽ സംഘടിപ്പിച്ച പുതുവത്സരാഘോഷവും വില്ലേജ് കാർണിവലും വിപുലമായ പരിപാടികളോടെ നടന്നു. ബാലസംഘം ജില്ലാ കമ്മിറ്റി അംഗം അനിരുധ് പരിപാടിയുടെ ഉദ്ഘാടനം നിർവ്വഹിച്ചു. വില്ലേജ് പ്രസിഡന്റ് സൂരജ് ടി പതാക ഉയർത്തി ആഘോഷങ്ങൾക്ക് തുടക്കം കുറിച്ചു. കുട്ടികളെല്ലാവരും ചേർന്ന് കേക്ക് മുറിച്ച് മധുരം പങ്കിട്ടത് ആഘോഷങ്ങൾക്ക് മിഴിവേകി. പുതുവത്സരത്തോടനുബന്ധിച്ച് കുട്ടികൾ സ്വയം തയ്യാറാക്കിയ ആശംസ കാർഡുകൾ കൈമാറുന്ന 'പുതുവത്സര ഫ്രണ്ട്' പരിപാടിയും വിവിധങ്ങളായ കലാപരിപാടികളും കാർണിവലിന്റെ ഭാഗമായി അരങ്ങേറി. സി.പി.ഐ.എം ഇരിങ്ങല്ലൂർ ലോക്കൽ സെക്രട്ടറി മനോജ് ഇ.എൻ, ബാലസംഘം വില്ലേജ് കൺവീനർ നാദിർഷ എ.കെ, കോർഡിനേറ്റർ ഹരിദാസൻ എ എം, പവിത്രൻ കെ.എം, എ.പി ഹമീദ്, സതീശൻ കെ, സുരേഷ് പി.സി എന്നിവർ ചടങ്ങിൽ സംസാരിച്ചു. ബാലസംഘം വില്ലേജ് സെക്രട്ടറി മിഷ ...

അൽ-ഐൻ: വേങ്ങര ടൗൺ പൗരസമിതി പ്രസിഡന്റ് എം.കെ. റസാക്കിന് അൽ-ഐൻ വേങ്ങര കൂട്ടായ്മ സ്നേഹോഷ്മള സ്വീകരണം നൽകി. പുല്ലമ്പലവൻ ഷമീറിന്റെ അദ്ധ്യക്ഷതയിൽ ചേർന്ന ചടങ്ങിൽ പ്രവാസി സമൂഹത്തിലെ നിരവധി പ്രമുഖർ സംബന്ധിച്ചു.​സ്വീകരണത്തിന് നന്ദി രേഖപ്പെടുത്തിക്കൊണ്ട് പൗരസമിതിയുടെ പ്രവർത്തനങ്ങളെക്കുറിച്ചും നാട്ടിൽ നടത്തിവരുന്ന ലഹരി വിരുദ്ധ ക്യാമ്പയിനുകളെക്കുറിച്ചും എം.കെ. റസാക്ക് വിശദീകരിച്ചു. പ്രവാസി കുടുംബങ്ങളിലെ വിദ്യാർത്ഥികളെയും യുവാക്കളെയും പ്രത്യേകമായി ബോധവൽക്കരിക്കേണ്ടതിന്റെ ആവശ്യകതയെക്കുറിച്ച് അദ്ദേഹം യോഗത്തിൽ അദ്ദേഹം പറഞ്ഞു.​ ചടങ്ങിൽ റിയാസ് ചേറൂർ, ഷുക്കൂർ ആലിങ്കൽ, ഫർഹാൻ എ.കെ., ഷിബിലി കെ.എം., മുബാറക്ക് ബെൻസായി, ജലീൽ എട്ടുവീട്ടിൽ, എം.കെ. അഷ്റഫ്, ഗഫൂർ ബാവ, ഉണ്ണ്യാലുങ്ങൽ മാനു തുടങ്ങിയവർ ആശംസകൾ നേർന്ന് സംസാരിച്ചു....

അഞ്ച് വർഷക്കാലം പത്താം വാർഡിൽ വിപുലമായ വികസന പ്രവർത്തനങ്ങൾക്ക് നേതൃത്വം നൽകിയ വാർഡ് മെമ്പർ ചോലക്കൻ റഫീഖ് മൊയ്തീന് പത്താം വാർഡ് യൂത്ത് ലീഗ് കമ്മിറ്റിയുടെ നേതൃത്വത്തിൽ സ്നേഹോപഹാരം നൽകി ആദരിച്ചു. പെരിന്തൽമണ്ണ എം.എൽ.എ നജീബ് കാന്തപുരം ചടങ്ങിൽ ഉപഹാരം കൈമാറി. വാക്കുകളേക്കാൾ പ്രവൃത്തികൾ കൊണ്ട് ജനഹൃദയങ്ങളിൽ ഇടം നേടിയ ജനപ്രതിനിധിയാണ് റഫീഖ് മൊയ്തീനെന്നും, കഴിഞ്ഞ അഞ്ചു വർഷത്തെ അദ്ദേഹത്തിന്റെ വികസന മുന്നേറ്റങ്ങൾ നാടിന്റെ ചരിത്രത്തിൽ അടയാളപ്പെടുത്തപ്പെട്ടതാണെന്നും എം.എൽ.എ പറഞ്ഞു. നിസ്വാർത്ഥമായ സേവനത്തിനുള്ള അംഗീകാരമായാണ് യൂത്ത് ലീഗ് കമ്മിറ്റി ഈ ആദരം സംഘടിപ്പിച്ചത്. ചടങ്ങിൽ പത്താം വാർഡ് യൂത്ത് ലീഗ് അംഗങ്ങളായ ജാബിർ സി.കെ, കബീർ പി, സിയാദ് സി.കെ, ബഷീർ പി.ടി, അസീസ് സി.കെ, ഇർഷാദ് പി, സഹദ് കെ എന്നിവർ സംബന്ധിച്ചു....

വേങ്ങരയിൽ മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടിക്കെതിരെ രൂക്ഷവിമർശനമുയർത്തി വിവിധയിടങ്ങളിൽ പോസ്റ്ററുകൾ പ്രത്യക്ഷപ്പെട്ടു. ബ്ലോക്ക് പഞ്ചായത്ത് പ്രസിഡന്റ് സ്ഥാനം കുഞ്ഞാലിക്കുട്ടിയുടെ തറവാട് സ്വത്താണോ സഹോദരി പുത്രന് തീറെഴുതി നൽകാൻ എന്ന് ചോദിച്ചുകൊണ്ടാണ് 'ഗ്രീൻ ആർമി' എന്ന പേരിൽ പ്രതിഷേധ പോസ്റ്ററുകൾ പതിപ്പിച്ചിരിക്കുന്നത്. കുഞ്ഞാലിക്കുട്ടിയുടെ സഹോദരി പുത്രൻ അബുതാഹിറിനെ ബ്ലോക്ക് പഞ്ചായത്ത് പ്രസിഡന്റ് സ്ഥാനത്തേക്ക് പരിഗണിക്കുന്നതിനെതിരെ പാർട്ടി പ്രവർത്തകർക്കിടയിലുള്ള ശക്തമായ വിയോജിപ്പാണ് പോസ്റ്റർ സമരത്തിലൂടെ പുറത്തുവന്നിരിക്കുന്നത്. യൂത്ത് ലീഗ് പ്രവർത്തകന്റെ വാഹനത്തിൽ കഞ്ചാവ് വെച്ച് കുടുക്കാൻ ശ്രമിച്ച കേസിലെ പ്രതിയും മാഫിയാ തലവനുമായ അബുതാഹിറിന് പ്രസിഡന്റ് സ്ഥാനം നൽകുന്നതിലൂടെ എന്ത് സന്ദേശമാണ് കുഞ്ഞാലിക്കുട്ടി നൽകുന്നതെന്ന് പോസ്റ്ററിൽ ചോദ്യമുയർത്തുന്നു. പാർട്ടിയിൽ ദീർഘകാല പ്രവർത്തന പരിചയവും ...

വേങ്ങര : പാണ്ടികശാലയിൽ നിന്നും മുകാംബിക ക്ഷേത്രദർശനത്തിനായി പുറപ്പെട്ട തീർത്ഥാടക സംഘത്തിന് പാണ്ടികശാല മുസ്ലിം യൂത്ത് ലീഗ് കമ്മിറ്റി ഹൃദ്യമായ യാത്രയപ്പ് നൽകി. പ്രദേശത്തെ സഹോദര സമുദായ സുഹൃത്തുക്കൾ നടത്തുന്ന തീർത്ഥാടനത്തിന് ഐക്യദാർഢ്യം പ്രഖ്യാപിച്ചുകൊണ്ട് അവർക്ക് ആവശ്യമായ കുടിവെള്ളം വിതരണം ചെയ്താണ് യൂത്ത് ലീഗ് പ്രവർത്തകർ മാതൃകയായത്. ചടങ്ങിൽ പി.കെ. കോയ ഹാജി തീർത്ഥാടകർക്കുള്ള കുടിവെള്ളം കൈമാറി. പി. അയ്യപ്പേട്ടൻ ഇത് ഏറ്റുവാങ്ങി.​നാടിന്റെ മതസൗഹാർദ്ദവും സാഹോദര്യവും ഉയർത്തിപ്പിടിക്കുന്ന ഈ ചടങ്ങിൽ പി. സമദ്, എ.കെ. മുഫസ്സിർ, കെ. മുസ്ഥഫ, പി. മുസ്താഖ്, കെ.എം. താജുദ്ദീൻ, പി. രതീഷ്, പി. ഷാജി തുടങ്ങിയവർ സംബന്ധിച്ചു. ഇത്തരം പ്രവർത്തനങ്ങൾ പ്രദേശത്തെ സൗഹൃദ അന്തരീക്ഷം കൂടുതൽ ശക്തമാക്കുമെന്ന് ഭാരവാഹികൾ അറിയിച്ചു....

വേങ്ങര: ലീഡർ കെ. കരുണാകരന്റെ പതിനഞ്ചാം ചരമവാർഷികത്തോടനുബന്ധിച്ച് വേങ്ങര മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ അനുസ്മരണ സമ്മേളനം സംഘടിപ്പിച്ചു. മണ്ഡലം കോൺഗ്രസ് പ്രസിഡന്റ് കെ. രാധാകൃഷ്ണൻ അധ്യക്ഷത വഹിച്ച ചടങ്ങ് ഡി.സി.സി മെമ്പർ എ.കെ.എ. നസീർ ഉദ്ഘാടനം ചെയ്തു. ടി.കെ. മൂസക്കുട്ടി, ദളിത് കോൺഗ്രസ് ജില്ലാ വൈസ് പ്രസിഡന്റ് സോമൻ ഗാന്ധിക്കുന്ന്, പഞ്ചായത്ത് മെമ്പർമാരായ വി.ടി. മൊയ്തീൻ, വി.കെ. ചന്ദ്രമോഹനൻ, കൈപ്രൻ ഉമ്മർ, ഇ.വി. കുഞ്ഞാപ്പു പാണ്ടികശാല, യൂത്ത് കോൺഗ്രസ് മണ്ഡലം പ്രസിഡന്റ് പി.വി. ആസിഫ്, യൂത്ത് കോൺഗ്രസ് മണ്ഡലം വൈസ് പ്രസിഡന്റ് ടി.വി. അർജുൻ, സി.വി. മുജീബ്, ഷണ്മുഖദാസ് ടി.പി തുടങ്ങിയവർ ചടങ്ങിൽ സംബന്ധിച്ചു....

വേങ്ങര: വേങ്ങര പഞ്ചായത്ത്‌ പതിനൊന്നാം വാർഡിലെ ചരിത്രപ്രാധാന്യമുള്ള കാട്ടിക്കുളം സംരക്ഷിക്കണമെന്ന ആവശ്യം ശക്തമാകുന്നു. ഒരു പ്രദേശത്തിന്റെയാകെ അടയാളമായി അറിയപ്പെടുന്ന കാട്ടിക്കുളം ഒരു കാലത്തു ഇവിടുത്തുകാരുടെ പ്രധാന ജലസ്രോതസ്സായിരുന്നു. എന്നാൽ നിർഭാഗ്യവശാൽ ഇന്ന് ഈ ജലസംഭരണി നാശത്തിന്റെ വക്കിലാണ്. മുമ്പ് ഈ കുളത്തിൽ നിന്നു പഞ്ചായത്ത്‌ വെള്ളം പമ്പ് ചെയ്തു മറ്റു സ്ഥലങ്ങളിൽ വിതരണം നടത്തിയിരുന്നു എന്നതിന്റെ തെളിവായി പഴയ പമ്പ് ഹൗസ് ഇപ്പോഴും ഇവിടെ അവശേഷിക്കുന്നുണ്ട്. കുളങ്ങളും തോടുകളും അപ്രത്യക്ഷമാകുന്ന ഇന്നത്തെ കാലത്ത്, ഇത്തരമൊരു ജലസ്രോതസ്സ് സംരക്ഷിക്കേണ്ടത് കാലഘട്ടത്തിന്റെ ആവശ്യമാണ്. പുതിയ പഞ്ചായത്ത്‌ മെമ്പറും ഭരണസമിതിയും കാട്ടിക്കുളത്തിന് അർഹമായ പരിഗണന നൽകി, നവീകരണ പ്രവർത്തനങ്ങൾ നടത്തുമെന്ന പ്രതീക്ഷയിലാണ് പ്രദേശം നിവാസികൾ....

കുഴിപ്പുറം കവല: ഭുവനേശ്വറിൽ നടന്ന ദേശീയ സീനിയർ കിക്ക് ബോക്‌സിങ് ചാമ്പ്യൻഷിപ്പിൽ സ്വർണ്ണ മെഡൽ നേടി നാടിന്റെ അഭിമാനമായി മാറിയ സഹീർ പരിയ്ക്ക് ആദരം. കുഴിപ്പുറം സിൻസിയർ കലാ കായിക സാംസ്കാരിക വേദിയുടെ നേതൃത്വത്തിലാണ് പ്രിയ താരത്തിന് സ്‌നേഹാദരം നൽകിയത്. അണ്ടർ 70 കിലോ ലൈറ്റ് വിഭാഗത്തിലാണ് സഹീർ സ്വർണ്ണനേട്ടം കൊയ്തത്. ചടങ്ങിൽ സിൻസിയർ ക്ലബ്ബ് പ്രസിഡന്റ് മുസ്തഫ എ.ടി വിജയിയെ പൊന്നാട അണിയിച്ച് ആദരിക്കുകയും ക്ലബ്ബിന്റെ സ്‌നേഹോപഹാരം കൈമാറുകയും ചെയ്തു. സഹീറിന്റെ ഈ ഉജ്ജ്വല നേട്ടം പ്രദേശത്തെ യുവതലമുറയ്ക്ക് കായിക രംഗത്തേക്ക് കടന്നുവരാൻ വലിയ പ്രചോദനമാകുമെന്ന് ഭാരവാഹികൾ അഭിപ്രായപ്പെട്ടു. ചടങ്ങിൽ സലീം എ.എ, സത്താർ കെ.പി, ജാബിർ എ.എ, മുസ്തഫ എ.പി, ശരീഫ് പി.പി എന്നിവർ സംസാരിച്ചു. സഹീർ കെ, റഫീഖ് എം, നൗഷാദ് ടി.പി, കുഞ്ഞുട്ടി, മുനീർ പട്ട, സൈജൂബ് എന്നിവർ സംബന്ധിച്ചു....

മുതുവിൽകുണ്ട്: വിസിഎൽ (VCL) ആറാം സീസൺ ഫുട്ബോൾ മാമാങ്കത്തിന് മുന്നോടിയായി, ബി.എസ്.കെ (BSK) മുതുവിൽകുണ്ട് ടീമിന്റെ ജേഴ്‌സി പ്രകാശനം ചെയ്തു. കണ്ണമംഗലം ഗ്രാമപഞ്ചായത്ത് മൂന്നാം വാർഡ് നിയുക്ത മെമ്പർ ശ്രീ. നൗഷാദ് ആണ് ജേഴ്‌സി പ്രകാശനം നിർവഹിച്ചത്. ടീം ക്യാപ്റ്റൻ അജ്‌സാദ് ജേഴ്‌സി ഏറ്റുവാങ്ങി. ചടങ്ങിൽ ടീം അംഗങ്ങളായ ലുഹയ്‌, സാദിഖ് അലി എന്നിവരും മറ്റ് കായിക പ്രേമികളും പങ്കെടുത്തു. വരാനിരിക്കുന്ന സീസണിൽ മികച്ച പോരാട്ടം കാഴ്ചവെക്കാൻ ബി.എസ്.കെ മുതുവിൽകുണ്ടിന് സാധിക്കട്ടെയെന്ന് മെമ്പർ ആശംസിച്ചു....

വേങ്ങര: പതിനഞ്ചാം വാർഡ് മിനിബസാർ മേഖലയിൽ യു.ഡി.എഫ് തിരഞ്ഞെടുപ്പ് കൺവെൻഷൻ സംഘടിപ്പിച്ചു. വെള്ളിയാഴ്ച രാത്രി അഞ്ചുകണ്ടൻ അബ്ദുല്ലയുടെ വസതിയിൽ നടന്ന കൺവെൻഷനിൽ വൻ ജനപങ്കാളിത്തമാണ് അനുഭവപ്പെട്ടത്. വാർഡിൽ യു.ഡി.എഫ് സ്ഥാനാർത്ഥിയായി മത്സരിക്കുന്നത് 30 വർഷത്തിലധികമായി സാമൂഹിക-രാഷ്ട്രീയ രംഗത്തെ നിറസാന്നിധ്യമായ കൈപ്രൻ ഉമ്മറാണ്. ചിട്ടയായ പ്രവർത്തനത്തിലൂടെ പ്രചാരണ രംഗത്ത് യു.ഡി.എഫ് ബഹുദൂരം മുന്നിലെത്തിയതായി വിലയിരുത്തപ്പെടുന്നു. എൽ.ഡി.എഫ് സ്ഥാനാർത്ഥി കുറുക്കൻ സമദും, സ്വതന്ത്ര സ്ഥാനാർത്ഥി പറങ്ങോടത്ത് മൻസൂറുമാണ് എതിരാളികൾ. പാർട്ടി വിരുദ്ധ പ്രവർത്തനത്തിന്റെ പേരിൽ മൻസൂറിനെ മുസ്ലിം ലീഗ് സംസ്ഥാന കമ്മിറ്റി പുറത്താക്കിയിരുന്നു. അരീക്കപ്പള്ളിയാളിയിലെ ക്ലബ് അംഗങ്ങളെ തെറ്റിദ്ധരിപ്പിച്ചാണ് സ്വതന്ത്രൻ രംഗത്തെത്തിയതെന്ന വിമർശനം വാർഡിൽ ശക്തമാണ്.എൽ.ഡി.എഫ് വോട്ടുകളിൽ ഒരു ഭാഗം സ്വതന്ത്ര സ്ഥാനാർത്ഥിക്ക് മറിഞ്ഞേക്കുമെന്നും...

വേങ്ങര: മാലിന്യ നിർമ്മാർജ്ജന പദ്ധതിയുടെ ഭാഗമായി ജി.വി.എച്ച്.എസ്.എസ് വേങ്ങര (ബോയ്സ് ഹൈസ്ക്കൂൾ) കോമ്പൗണ്ടിൽ സ്ഥാപിക്കുന്നതിലേക്കായി വേങ്ങര അൽ സലാമ ആശുപത്രി 10 വേസ്റ്റ് ബിന്നുകൾ സ്പോൺസർ ചെയ്തു. സ്കൂളിൽ നടന്ന ചടങ്ങിൽ അൽ സലാമ ആശുപത്രി ജനറൽ മാനേജർ അബ്ദുറഹ്മാൻ കുട്ടിയിൽ നിന്നും പ്രിൻസിപ്പാൾ പ്രേം ഭാസ്, വിദ്യാർത്ഥികൾ എന്നിവർ ചേർന്ന് ബിന്നുകൾ ഏറ്റുവാങ്ങി. സ്കൂൾ പി.ടി.എ പ്രസിഡന്റും അൽ സലാമ ആശുപത്രി ഓപ്പറേഷൻ മാനേജറുമായ മീരാൻ വേങ്ങര ചടങ്ങിൽ അധ്യക്ഷത വഹിച്ചു. അബ്ദുറഹ്മാൻ കുട്ടി, പി.ടി.എ വൈസ് പ്രസിഡന്റ് മുജീബ് പറമ്പത്ത്, വി.എച്ച്.എസ്.ഇ പ്രിൻസിപ്പാൾ ജിൻസി ടീച്ചർ, സൈദ് മാഷ് എന്നിവർ ആശംസകളർപ്പിച്ച് സംസാരിച്ചു. പ്രിൻസിപ്പാൾ പ്രേം ഭാസ് സ്വാഗതവും ഹെഡ് മിസ്ട്രസ് ഷീന ടീച്ചർ നന്ദിയും രേഖപ്പെടുത്തി....

വേങ്ങര: ഹൈദരാബാദ് ബിറ്റ്സ് പിലാനി (BITS PILANI) ക്യാമ്പസിൽ നിന്നും പിഎച്ച്ഡി (PhD) കരസ്ഥമാക്കിയ വേങ്ങര സ്വദേശി ഡോ. ഉമ്മു ഹബീബയെ കേരള ഹോട്ടൽ ആൻഡ് റസ്റ്റോറൻറ് അസോസിയേഷൻ (KHRA) വേങ്ങര യൂണിറ്റ് ആദരിച്ചു. വിദ്യാഭ്യാസ രംഗത്ത് മികച്ച നേട്ടം കൈവരിച്ച ഉമ്മു ഹബീബയ്ക്ക് ചടങ്ങിൽ വെച്ച് യൂണിറ്റ് ഭാരവാഹികൾ മൊമെന്റോ കൈമാറി. യൂണിറ്റ് പ്രസിഡന്റ് ഹക്കീം തുപ്പിലിക്കാട്ട് (ഫ്രെഡോ), സെക്രട്ടറി കുഞ്ഞാവ (അൽ അറബ്), ട്രഷറർ ഷൗക്കത്തലി (ചിക്ക് ബക്ക്), ജോയിൻ സെക്രട്ടറി അബ്ദുറഹിമാൻ (ടോപ് സി), വൈസ് പ്രസിഡന്റ് മൊയ്തീൻ കാരാട്ട് (ചിൻലാൻഡ്), എക്സിക്യൂട്ടീവ് മെമ്പർ അബ്ദുൽ കരീം (മദീന ഹോട്ടൽ) എന്നിവർ ചടങ്ങിൽ സംബന്ധിച്ചു....

ഇരിങ്ങല്ലൂർ: കേരള മുസ്‌ലിം ജമാഅത്ത് കോട്ടപ്പറമ്പ് യൂണിറ്റിന് കീഴിൽ സംഘടിപ്പിച്ച മാസാന്ത മഹ്ളറത്തുൽ ബദ്‌രിയ്യ ആത്മീയ മജ്‌ലിസ് ഭക്തിസാന്ദ്രമായ അന്തരീക്ഷത്തിൽ സമാപിച്ചു. ആത്മീയതയ്‌ക്കൊപ്പം ജീവകാരുണ്യ പ്രവർത്തനങ്ങൾക്കും വേദി സാക്ഷിയായി. ചടങ്ങിൽ കേരള മുസ്‌ലിം ജമാഅത്ത് സ്വദഖ ഫണ്ട്‌ ശേഖരണത്തിൻ്റെ യൂണിറ്റ് തല ഉദ്ഘാടനം മഹല്ല് പ്രസിഡന്റ് കുഞ്ഞഹമ്മദ് മാസ്റ്റർ നിർവഹിച്ചു. എസ്.വൈ.എസ് സാന്ത്വനം കോട്ടപ്പറമ്പ് യൂണിറ്റിൻ്റെ നേതൃത്വത്തിൽ ഡയാലിസിസ് ചികിത്സയിൽ കഴിയുന്ന രോഗിക്കുള്ള ഡയാലിസിസ് കാർഡ് വിതരണവും സംഗമത്തിൽ നടന്നു. സയ്യിദ് ജഅ്ഫർ തുറാബ് ബാഖവി പാണക്കാട്, പി.കെ.എം സഖാഫി ഇരിങ്ങല്ലൂർ, എ.കെ അബ്ദുറഹ്മാൻ സഖാഫി, പി. മുഹമ്മദ്‌ മുസ്‌ലിയാർ, പിലാക്കൽ മുസ്തഫ സഖാഫി, പി.സി.എച്ച് അബൂബക്കർ സഖാഫി, എ.കെ സിദ്ധീഖ് സൈനി എന്നിവർ മജ്‌ലിസിന് നേതൃത്വം നൽകി....

വലിയോറ: വഴിയിൽ വീണുകിട്ടിയ മുക്കാൽ പവനോളം തൂക്കമുള്ള സ്വർണ്ണാഭരണം ഉടമസ്ഥനെ കണ്ടെത്തി തിരികെ നൽകി വലിയോറ കുറുക ഗവൺമെന്റ് ഹൈസ്കൂളിലെ വിദ്യാർത്ഥിനികൾ. പത്താം ക്ലാസ് വിദ്യാർത്ഥിനികളായ ഫാത്തിമ റിഫാ ഒ, അനന്യ പി എം, ഫാത്തിമ ഹിബ പി എന്നിവരാണ് സത്യസന്ധതയുടെ മാതൃകയായത്. തിങ്കളാഴ്ച വൈകീട്ട് സ്കൂൾ വിട്ട് വീട്ടിലേക്ക് പോകുന്നതിനിടെയാണ് വിദ്യാർത്ഥിനികൾക്ക് റോഡിൽ നിന്ന് ആഭരണം കളഞ്ഞുകിട്ടിയത്. കൂടെയുണ്ടായിരുന്ന കുട്ടികളുടേതല്ലെന്ന് ഉറപ്പായതോടെ, ഒട്ടും താമസിയാതെ ഇവർ സ്കൂളിൽ തിരിച്ചെത്തി അധ്യാപകരെ ഏൽപ്പിക്കുകയായിരുന്നു. വിവരം അറിഞ്ഞ ഉടൻതന്നെ ഹെഡ്മാസ്റ്ററുടെ നിർദ്ദേശപ്രകാരം പിറ്റേദിവസം രാവിലെ സ്കൂളിൽ പ്രത്യേക അറിയിപ്പ് നൽകുകയും, ആഭരണം കളഞ്ഞുകിട്ടിയ വിവരം പുറത്ത് പോസ്റ്ററായി പതിക്കുകയും ചെയ്തു. ഇതിനെത്തുടർന്ന്, ആഭരണം നഷ്ടപ്പെട്ട മൂട്ട പറമ്പൻ അസീസ് സ്കൂളിലെത്തി വിവരങ്ങൾ തിരക്കി. വേങ്ങര ഹയർസെക്കൻഡറി സ്കൂളിൽ പഠി...

വേങ്ങര: ഐക്യ ജനാധിപത്യ മുന്നണിയുടെ (UDF) സ്ഥാനാർത്ഥികളെ വൻ ഭൂരിപക്ഷത്തോടെ വിജയിപ്പിക്കണമെന്ന് മുസ്ലിം ലീഗ് കാരണവർ കെ.ടി. അസീസ് ഹാജി ആഹ്വാനം ചെയ്തു. വേങ്ങര പഞ്ചായത്തിലെ ഏറ്റവും വലിയ UDF കൺവെൻഷനായി മാറിയ 15-ാം വാർഡ് UDF കമ്മിറ്റിയുടെ കൺവെൻഷനിൽ സംസാരിക്കുകയായിരുന്നു അദ്ദേഹം. ചൊവ്വാഴ്ച രാത്രി 8 മണിക്ക് കെ.ടി. അസീസ് ഹാജിയുടെ വീട്ടിൽ വെച്ച് നടന്ന വിപുലമായ കൺവെൻഷൻ വേങ്ങര മണ്ഡലം മുസ്ലിം ലീഗ് ജനറൽ സെക്രട്ടറി പി.കെ. അലി അക്ബർ ഉദ്ഘാടനം ചെയ്തു. പറങ്ങോടത്ത് അബ്ദുൽ അസീസ് (സി.എം.) അധ്യക്ഷത വഹിച്ചു. കൺവെൻഷനിൽ മലപ്പുറം ജില്ലാ പഞ്ചായത്ത് വേങ്ങര ഡിവിഷൻ UDF സ്ഥാനാർത്ഥി പി.കെ. അസ്ലു, വേങ്ങര ബ്ലോക്ക്‌ പഞ്ചായത്ത് വേങ്ങര ഡിവിഷൻ UDF സ്ഥാനാർത്ഥി എ.കെ. ഷഹർബാനു, 15-ാം വാർഡ് UDF സ്ഥാനാർത്ഥി കൈപ്രൻ ഉമ്മർ എന്നിവർ വോട്ടർമാരെ അഭിവാദ്യം ചെയ്തു സംസാരിച്ചു. പാർട്ടി കെട്ടുറപ്പിനായി സ്ഥാനാർത്ഥിത്വത്തിൽ നിന്നും പിന്മാറിയ വാർഡ് ...

കുന്നുംപുറം: ത്രിതല പഞ്ചായത്ത് തിരഞ്ഞെടുപ്പിന് മുന്നോടിയായി ബി.ജെ.പി. വേങ്ങര മണ്ഡലം തിരഞ്ഞെടുപ്പ് കൺവെൻഷൻ കുന്നുംപുറം ജസീറ കൺവെൻഷൻ സെന്ററിൽ വെച്ച് നടന്നു. കേരളത്തിൽ എൻ.ഡി.എയുടെ വോട്ടിംഗ് ശതമാനം വർധിക്കുന്നതിലൂടെ സംസ്ഥാനത്തിന്റെ രാഷ്ട്രീയ പ്രതിച്ഛായ മാറാൻ പോവുകയാണെന്ന് കൺവെൻഷൻ ഉദ്ഘാടനം ചെയ്ത ബി.ജെ.പി. സംസ്ഥാന സെക്രട്ടറി പി. ശ്യാം രാജ് അഭിപ്രായപ്പെട്ടു. ശ്യാം രാജ് ഭദ്രദീപം കൊളുത്തി കൺവെൻഷൻ ഉദ്ഘാടനം ചെയ്തു. കേരളത്തിൽ ബി.ജെ.പി. നല്ലൊരു മുന്നേറ്റം നടത്തി 'ബി.ജെ.പി. തരംഗ'മായി മാറുമെന്നും അദ്ദേഹം പ്രത്യാശ പ്രകടിപ്പിച്ചു. വേങ്ങര മണ്ഡലത്തിൽ നിന്നും ജനവിധി തേടുന്ന എൻ.ഡി.എ. സ്ഥാനാർത്ഥികളെ കുന്നുംപുറത്ത് നിന്നും വാദ്യഘോഷങ്ങളുടെ അകമ്പടിയോടു കൂടി പ്രവർത്തകരുടെയും നേതാക്കന്മാരുടെയും നേതൃത്വത്തിൽ കൺവെൻഷൻ സെന്ററിലേക്ക് ആനയിച്ചു. തുടർന്ന് മുഴുവൻ സ്ഥാനാർത്ഥികളെയും ശ്രീ. ശ്യാം രാജ് ഷാൾ അണിയിച്ച് ആദരിച്ചു. ബി....

മലപ്പുറം: ദേശീയപാത 66 (NH-66) വികസനത്തിന്റെ ഭാഗമായി കൊളപ്പുറം നോർത്ത് ജംഗ്ഷനിൽ നടപ്പാക്കുന്ന നവീകരണ പദ്ധതി വ്യാപാരികൾക്കും പൊതുജനങ്ങൾക്കും ഗുരുതരമായ ബുദ്ധിമുട്ടുകൾ സൃഷ്ടിക്കുമെന്ന ആശങ്കയുമായി കേരള ഹോട്ടൽ ആൻഡ് റെസ്റ്റോറന്റ് അസോസിയേഷൻ (KHRA)യും കേരള വ്യാപാരി വ്യവസായി ഏകോപന സമിതിയും (KVVES) സംയുക്തമായി ജില്ലാ കളക്ടർ വി.ആർ. വിനോദ് IAS ന് നിവേദനം സമർപ്പിച്ചു.​ വ്യാപാര സ്ഥാപനങ്ങൾക്ക് ഭീഷണി: 100-ൽ അധികം വ്യാപാര സ്ഥാപനങ്ങളും 1000-ൽ അധികം തൊഴിലാളികളും ആശ്രയിക്കുന്ന ജംഗ്ഷനിൽ, നിലവിലെ പ്ലാൻ നടപ്പിലായാൽ സ്ഥാപനങ്ങളുടെ പ്രവർത്തനം താറുമാറാകും.​മത സ്ഥാപനങ്ങളിലേക്കുള്ള തടസ്സം: പള്ളി, അമ്പലം ഉൾപ്പെടെയുള്ള മതസ്ഥാപനങ്ങളിലേക്കും ശ്മശാനങ്ങളിലേക്കുമുള്ള വാഹന ഗതാഗതത്തിന് പോലും തടസ്സം നേരിടേണ്ടി വരുമെന്ന് പ്രതിനിധി സംഘം കളക്ടറെ അറിയിച്ചു.​സുരക്ഷാ പ്രശ്നങ്ങൾ: ഗതാഗത കുരുക്ക്, വർധിച്ച അപകടസാധ്യത, അത്യാവശ്യ (Emergency...