MALAPPURAM

മലപ്പുറം: കല്യാണങ്ങള്‍ പല തരത്തില്‍ നടക്കാറുണ്ടെങ്കിലും ഷാക്കിറിന്റെയും ഹര്‍ഷിദയുടേയും വിവാഹയാത്ര മലപ്പുറത്ത് നവ്യാനുഭവമായി. വര്‍ണമനോഹരമായി പൂക്കള്‍ കൊണ്ട് അലങ്കരിച്ച സ്വകാര്യ ബസിന്റെ ഡ്രൈവിങ് സീറ്റിൽ മണവാളനും തൊട്ടടുത്ത് മണവാട്ടിയും ഇരുന്നായിരുന്നു വിവാഹയാത്ര. ക്രിസ്തുമസ് ദിനത്തിലാണ് ഈ വേറിട്ട വിവാഹം നടന്നത്. കോട്ടക്കല്‍ മരവട്ടം വഴി കാടാമ്പുഴ സര്‍വ്വീസ് നടത്തുന്ന ഫന്റാസ്റ്റിക് ബസിലെ കണ്ടക്ടര്‍ കം ഡ്രൈവറാണ് പത്തായക്കല്ല് സ്വദേശിയായ ഷാക്കിര്‍. മലപ്പുറം ഗവ. കോളജിലെ ഡിഗ്രി വിദ്യാര്‍ഥിനിയും കോട്ടപ്പുറം ചേങ്ങോട്ടൂര്‍ സ്വദേശിനിയുമാണ് വധു ഫര്‍ഷിദ. ബസ് ജീവനക്കാരനായതിനാല്‍ ബസ് തന്നെ വിവാഹ വാഹനമാക്കണമെന്ന ഷാക്കിറിന്റെ ആഗ്രഹത്തിന് ഹര്‍ഷിദയും പിന്തുണ നൽകി. ബസ് ഉടമ ഏറിയസ്സന്‍ അബ്ബാസ്, മാനേജര്‍ ടി.ടി മൊയ്തീന്‍ കുട്ടി എന്നിവരുടെ സമ്മതവും പിന്നാലെ മോട്ടോര്‍ വാഹന വകുപ്പിന്റെ അനുമതിയും ലഭിച്ചതോടെയാണ് ബസ് കല...

മലപ്പുറം ജില്ലാപഞ്ചായത്തിന്റെ പുതിയ അമരക്കാരായി പി.എ ജബ്ബാര്‍ ഹാജിയും അഡ്വ. എ.പി സ്മിജിയും സത്യപ്രതിജ്ഞ ചെയ്ത് അധികാരമേറ്റു. രാവിലെ 10.30ന് ജില്ലാ പഞ്ചായത്ത് പരിസരത്ത് പ്രത്യേകം സജ്ജമാക്കിയ വേദിയില്‍ നടന്ന ചടങ്ങിൽ വരണാധികാരി കൂടിയായ ജില്ലാ കളക്ടര്‍, പി.എ ജബ്ബാര്‍ ഹാജിക്ക് സത്യവാചകം ചൊല്ലിക്കൊടുത്തു. അരീക്കോട് ഡിവിഷനില്‍ നിന്നുള്ള അംഗമായ ജബ്ബാര്‍ ഹാജിയെ പ്രസിഡന്റ് സ്ഥാനത്തേക്ക് പുത്തനത്താണി ഡിവിഷന്‍ അംഗം വെട്ടം ആലിക്കോയയാണ് നാമനിര്‍ദേശം ചെയ്തത്. വഴിക്കടവ് ഡിവിഷനില്‍ നിന്നുള്ള എന്‍.എ കരീം ഈ നിർദ്ദേശത്തെ പിന്തുണച്ചു. ജില്ലാ പഞ്ചായത്ത് കൗണ്‍സില്‍ ഹാളില്‍ നടന്ന തെരഞ്ഞെടുപ്പ് നടപടികൾക്ക് ജില്ലാ കളക്ടര്‍ നേതൃത്വം നല്‍കി. ഉച്ചയ്ക്ക് 2.30ന് നടന്ന ചടങ്ങിലാണ് ജില്ലാപഞ്ചായത്ത് വൈസ് പ്രസിഡന്റായി അഡ്വ. എ.പി സ്മിജി ചുമതലയേറ്റത്. താനാളൂര്‍ ഡിവിഷനില്‍ നിന്നുള്ള അംഗമായ സ്മിജിക്ക് പ്രസിഡന്റ് പി.എ ജബ്ബാര്‍...

വേങ്ങര ബ്ലോക്ക് പഞ്ചായത്ത് പ്രസിഡന്റ് സ്ഥാനത്തെച്ചൊല്ലി തനിക്കെതിരെ ഉയർന്ന വിവാദങ്ങൾക്കും പോസ്റ്റർ പ്രചാരണങ്ങൾക്കും മറുപടിയുമായി മുസ്ലിം ലീഗ് ഉന്നതാധികാര സമിതി അംഗം പി.കെ. കുഞ്ഞാലിക്കുട്ടി രംഗത്ത്. വേങ്ങരയിൽ ബ്ലോക്ക് പഞ്ചായത്ത് പ്രസിഡന്റ് സ്ഥാനം സംബന്ധിച്ച് അത്തരത്തിലുള്ള യാതൊരു തീരുമാനവും നിലവിൽ എടുത്തിട്ടില്ലെന്നും തന്റെ കുടുംബത്തിൽ നിന്ന് ആരും തന്നെ ഈ സ്ഥാനത്തേക്ക് പരിഗണനയിൽ ഇല്ലെന്നും അദ്ദേഹം വ്യക്തമാക്കി. തന്റെ സഹോദരി പുത്രനായ അബുതാഹിറിനെ പ്രസിഡന്റ് സ്ഥാനത്തേക്ക് കൊണ്ടുവരാൻ ശ്രമിക്കുന്നു എന്നാരോപിച്ച് 'ഗ്രീൻ ആർമി' എന്ന പേരിൽ വേങ്ങരയിൽ വ്യാപകമായി പോസ്റ്ററുകൾ പ്രത്യക്ഷപ്പെട്ട സാഹചര്യത്തിലാണ് അദ്ദേഹം ഈ വിശദീകരണം നൽകിയത്. പാർട്ടിക്കുള്ളിൽ കൃത്യമായ കൂടിയാലോചനകൾക്ക് ശേഷമേ തീരുമാനങ്ങൾ ഉണ്ടാകൂ എന്നും ഇപ്പോൾ പ്രചരിക്കുന്ന വാർത്തകൾക്ക് യാതൊരു അടിസ്ഥാനവുമില്ലെന്നും അദ്ദേഹം കൂട്ടിച്ചേർത്തു. കുഞ്ഞ...

മലപ്പുറം ജില്ലയിലെ നിയോജക മണ്ഡലാടിസ്ഥാനത്തില്‍ ബൂത്ത് തിരിച്ചുള്ള പുതുക്കിയ എസ്.ഐ.ആര്‍ (തീവ്ര വോട്ടര്‍ പട്ടിക പരിഷ്‌കരണം) കരട് വോട്ടര്‍ പട്ടിക പ്രസിദ്ധീകരിച്ചു. ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ വി.ആര്‍. വിനോദ് കരട് പട്ടിക അംഗീകൃത രാഷ്ട്രീയ പാര്‍ട്ടി പ്രതിനിധികള്‍ക്ക് കൈമാറി. അര്‍ഹരായ ഒരാള്‍ പോലും എസ്.ഐ.ആര്‍ പട്ടികയില്‍ നിന്ന് പുറത്താകില്ലെന്ന് കളക്ടര്‍ പറഞ്ഞു. ഇന്ന് മുതല്‍ 2026 ജനുവരി 22 വരെ കരടു പട്ടികയില്‍ ആക്ഷേപമുള്ളവര്‍ക്ക് അറിയിക്കാന്‍ അവസരമുണ്ട്. ഫെബ്രുവരി 14 വരെ ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍ ആക്ഷേപങ്ങളിലുള്ള ഹിയറിങ് നടത്തി ഫെബ്രുവരി 21ന് അന്തിമ വോട്ടര്‍പട്ടിക പ്രസിദ്ധീകരിക്കും. തെരഞ്ഞെടുപ്പ് കമ്മീഷന്റെ നിര്‍ദ്ദേശങ്ങള്‍ക്കനുസരിച്ച് 1200 വോട്ടര്‍മാരില്‍ കൂടുതലുള്ള എല്ലാ പോളിംഗ് സ്റ്റേഷനുകളും പുന:ക്രമീകരിച്ചു. പുതുതായി ജില്ലയില്‍ 784 പുതിയ പോളിംഗ് സ്റ്റേഷനുക...

മഞ്ചേരിയിൽ വിൽപ്പനക്കായി സൂക്ഷിച്ച അതിമാരക രാസലഹരിയുമായി രണ്ടുപേരെ പോലീസ് പിടികൂടി. 18.67 ഗ്രാം എം.ഡി.എം.എ (MDMA) ആണ് ഇവരിൽ നിന്ന് കണ്ടെടുത്തത്. മഞ്ചേരി പട്ടർക്കുളം സ്വദേശി പുതുശ്ശേരി വീട്ടിൽ സൈനുദ്ധീൻ, ഇയാളുടെ സഹായി കരുവമ്പ്രം വെസ്റ്റ് സ്വദേശി മൈലംപുറത്ത് വീട്ടിൽ ധനുഷ് എന്നിവരെയാണ് മഞ്ചേരി പോലീസ് അറസ്റ്റ് ചെയ്തത്.മഞ്ചേരി ടൗൺ കേന്ദ്രീകരിച്ച് വിദ്യാർത്ഥികൾക്കും യുവാക്കൾക്കും ലഹരി എത്തിച്ചുനൽകുന്ന സംഘത്തിലെ പ്രധാനികളാണ് ഇവരെന്ന് പോലീസ് പറഞ്ഞു. പിടിച്ചെടുത്ത മരുന്നിന് ചില്ലറ വിപണിയിൽ ഏകദേശം ഒരു ലക്ഷം രൂപയോളം വില വരും. മലപ്പുറം ഡാൻസാഫ് (DANSAF) സബ് ഇൻസ്‌പെക്ടർ യാസിർ എ.എമ്മിന്റെ നേതൃത്വത്തിൽ പെരിന്തൽമണ്ണ, മലപ്പുറം ഡാൻസാഫ് ടീമുകൾ സംയുക്തമായി നടത്തിയ പരിശോധനയിലാണ് പ്രതികൾ വലയിലായത്. പ്രദേശം കേന്ദ്രീകരിച്ച് ലഹരി വിൽപ്പന നടക്കുന്നുണ്ടെന്ന രഹസ്യവിവരത്തെ തുടർന്നായിരുന്നു പരിശോധന....

സ്ത്രീകള്‍ക്കും പെണ്‍കുട്ടികള്‍ക്കുമെതിരെയുള്ള അതിക്രമങ്ങളും ലിംഗ വിവേചനങ്ങളും അവസാനിപ്പിക്കുക എന്ന ലക്ഷ്യത്തോടെ വനിതാ ശിശു വികസന വകുപ്പ് നടത്തുന്ന 'ഓറഞ്ച് ദ വേള്‍ഡ് ക്യാംപയിനിന്റെ' ഭാഗമായി ജില്ലയിൽ മെഗാ മാരത്തോണ്‍ സംഘടിപ്പിച്ചു. 'യുനൈറ്റഡ് ടു എന്‍ഡ് ഡിജിറ്റല്‍ വയലന്‍സ് എഗൈന്‍സ്റ്റ് ഓള്‍ വുമണ്‍ ആന്‍ഡ് ഗേള്‍സ്' എന്ന പ്രമേയത്തിലൂന്നിയാണ് ഇത്തവണ മാരത്തോൺ നടന്നത്. മലപ്പുറം ജില്ലാ കളക്ടര്‍ വി.ആര്‍. വിനോദ് പരിപാടി ഫ്‌ളാഗ് ഓഫ് ചെയ്തു. കളക്ടര്‍ ബംഗ്ലാവില്‍ നിന്നാരംഭിച്ച മാരത്തോണ്‍ പൊലിസ് സ്റ്റേഷന്‍ വഴി സഞ്ചരിച്ച് കളക്ടറേറ്റ് പരിസരത്താണ് സമാപിച്ചത്. ജില്ലാ വനിത ശിശുവികസന ഓഫീസര്‍ ഗോപകുമാര്‍ പരിപാടിക്ക് നേതൃത്വം നല്‍കി. ഫ്രണ്ട്സ് കോട്ടക്കുന്ന്, ഷാജു റോഡ് റസിഡെന്‍സ് അസോസിയേഷന്‍, സീനിയര്‍ ചേംബര്‍ ഇന്റര്‍നാഷണല്‍ മലപ്പുറം, വൈ.എം.സി.എ തുടങ്ങിയ വിവിധ സംഘടനകളിലെ ഭാരവാഹികളും വനിതാ ശിശു വികസന വകുപ്പിലെ ജീവനക്...

സംസ്ഥാന സര്‍ക്കാര്‍ സ്ഥാപനമായ നോർക്ക ഇൻസ്റ്റിറ്റ്യൂട്ട് ഓഫ് ഫോറിൻ ലാംഗ്വേജസിന്റെ (എൻ‌.ഐ‌.എഫ്‌.എൽ)കോഴിക്കോട്  സെന്ററില്‍ 2026 ജനുവരിയില്‍ ആരംഭിക്കുന്ന IELTS, OET (ഓഫ്‌ലൈൻ, ഓണ്‍ലൈന്‍) ജര്‍മ്മന്‍ (എ1, എ2,ബി1,ബി2-ഓഫ്‌ലൈൻ)  ബാച്ചുകളിലേയ്ക്ക് ഇപ്പോള്‍ അപേക്ഷിക്കാം.  IELTS, OET ഓഫ്‌ലൈൻ കോഴ്സുകളില്‍ ബി.പി.എല്‍/എസ്.സി/എസ്.ടി വിഭാഗങ്ങളില്‍ ഉള്‍പ്പെടുന്നവര്‍ക്ക് ഫീസ് സൗജന്യമാണ്. മറ്റുളളവര്‍ക്ക്  ജി.എസ്.ടി ഉള്‍പ്പെടെ 4425 രൂപയാണ് ഫീസ് (ലിസണിംഗ്, റീഡിംഗ്, സ്പീക്കിംഗ്, റൈറ്റിംഗ് എന്നീ നാലു മോഡ്യൂളുകള്‍). താല്പര്യമുളളവര്‍ക്ക്  www.nifl.norkaroots.org  എന്ന വെബ്സൈറ്റ് സന്ദർശിച്ച്  ഡിസംബര്‍ 26 നകം അപേക്ഷ നല്‍കാവുന്നതാണ്. ഫീസ് സംബന്ധിക്കുന്ന വിവരങ്ങൾക്കും അഡ്മിഷനും +91 87142 58444, +91 87142 59333 (കോഴിക്കോട്) മൊബൈല്‍ നമ്പറുകളിലോ  നോര്‍ക്ക ഗ്ലോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളായ 1800 425 3939...

മലപ്പുറം: മൂത്തേടം കുറ്റിക്കാട് സൈനികനെ വീട്ടിൽ മരിച്ച നിലയിൽ കണ്ടെത്തി. കുറ്റിക്കാട് സ്വദേശി ജസൻ സാമുവൽ (32) ആണ് മരിച്ചത്.ഛത്തീസ്ഗഡിൽ സൈനികനായി സേവനമനുഷ്ഠിക്കുകയായിരുന്നു ജസൻ. ജോലിയിൽ നിന്ന് അവധിയെടുത്ത് നാലു ദിവസം മുമ്പാണ് ഇദ്ദേഹം നാട്ടിലെത്തിയത്. വീടിനുള്ളിൽ ജീവനൊടുക്കിയ നിലയിലാണ് മൃതദേഹം കണ്ടെത്തിയത്. സംഭവത്തിൽ പോലീസ് തുടർനടപടികൾ സ്വീകരിച്ചു....

തീവ്ര വോട്ടർ പട്ടിക പരിഷ്കരണത്തിന്റെ ഭാഗമായി മലപ്പുറം ജില്ലയിൽ 99.99% എന്യൂമറേഷൻ ഫോമുകളുടെ ഡിജിറ്റലൈസേഷൻ പൂർത്തിയായതായി ജില്ലാ കളക്ടർ വി.ആർ. വിനോദ് അറിയിച്ചു. ജില്ലയിലെ 13 മണ്ഡലങ്ങളിൽ നടപടികൾ പൂർണ്ണമായും അവസാനിച്ചു. ഉദ്യോഗസ്ഥരുടെ ചിട്ടയായ പ്രവർത്തനത്തിലൂടെ ഡിജിറ്റലൈസേഷനിൽ സംസ്ഥാനത്ത് തന്നെ അഞ്ചാം സ്ഥാനം കരസ്ഥമാക്കാൻ ജില്ലയ്ക്ക് സാധിച്ചു. വോട്ടർ പട്ടികയുടെ കരട് ഡിസംബർ 23-ന് പ്രസിദ്ധീകരിക്കും. ആക്ഷേപമുള്ളവർക്ക് 2026 ജനുവരി 22 വരെ പരാതി നൽകാം. പരിശോധനകൾക്ക് ശേഷം ഫെബ്രുവരി 21-നാണ് അന്തിമ പട്ടിക പുറത്തിറക്കുക. മരണം, സ്ഥലമാറ്റം, ഇരട്ടിപ്പ് തുടങ്ങി വിവിധ കാരണങ്ങളാൽ 1,79,605 പേരെ (5.26%) പട്ടികയിൽ നിന്ന് ഒഴിവാക്കിയിട്ടുണ്ട്. ഇതോടെ നിലവിൽ 34,13,174 വോട്ടർമാരാണ് ജില്ലയിലുള്ളത്. വോട്ടർമാരുടെ എണ്ണത്തിന് ആനുപാതികമായി ജില്ലയിൽ 784 പുതിയ ബൂത്തുകൾ കൂടി അനുവദിച്ചതോടെ ആകെ പോളിംഗ് ബൂത്തുകളുടെ എണ്ണം 3682 ആയി ...

ഇത്തവണ ജില്ലയില്‍ തദ്ദേശ പൊതുതെരഞ്ഞെടുപ്പ് നടന്നത് ഹരിത ചട്ടങ്ങള്‍ പൂര്‍ണമായും പാലിച്ചുകൊണ്ട്. മുന്‍ വര്‍ഷങ്ങളില്‍ തെരഞ്ഞെടുപ്പുകള്‍ കഴിയുമ്പോള്‍ മാലിന്യക്കൂമ്പാരങ്ങള്‍ റോഡരികുകളിലും പൊതുസ്ഥലങ്ങളിലും കുന്നുകൂടിക്കിടക്കുന്നത് പതിവായിരുന്നെങ്കില്‍ ഇത്തവണ അത്തരം സംഭവങ്ങള്‍ ഉണ്ടായില്ല. ഇത്തവണ സംസ്ഥാന തെരഞ്ഞെടുപ്പ് കമ്മീഷന്‍ എല്ലാ ഉത്തരവുകളിലും ഹരിത തെരഞ്ഞെടുപ്പ് സംബന്ധിച്ച കര്‍ശനമായ നിര്‍ദ്ദേശം നല്‍കിയിരുന്നു. പരിശീലന കേന്ദ്രങ്ങള്‍ മുതല്‍ ഇലക്ഷന്‍ മെറ്റീരിയല്‍സ് വിതരണ കേന്ദ്രങ്ങള്‍ , പോളിങ് ബൂത്ത്, യോഗ സ്ഥലങ്ങള്‍, വിവിധ ഓഫീസുകള്‍ തുടങ്ങിയ ഇടങ്ങളിലെല്ലാം ഹരിത പ്രോട്ടോകോള്‍ പാലിച്ചു. എല്ലാ പോളിങ് ബൂത്തുകളിലും ഹരിത ചട്ടങ്ങള്‍ പൂര്‍ണമായും പാലിക്കുന്നതിനായി ഹരിത കര്‍മ സേനാംഗങ്ങളെ നിയോഗിച്ചിരുന്നു. പോളിങ് ബൂത്തുകളിലെ മാലിന്യങ്ങള്‍ നിക്ഷേപിക്കുന്നതിനായി മിക്കയിടത്തും പ്രത്യേകം ബോക്‌സുകള്‍ സ്ഥാപിച്ച...

മലപ്പുറം: തദ്ദേശ തെരഞ്ഞെടുപ്പ് ഫലപ്രഖ്യാപനം വന്നപ്പോൾ ജില്ലയിലെ ചിലയിടങ്ങളിൽ ആഹ്ലാദത്തിന് ഇരട്ടിമധുരം. കോട്ടക്കൽ നഗരസഭയിലും ഒതുക്കുങ്ങൽ പഞ്ചായത്തിലും ജനവിധി തേടിയ രണ്ട് ജോഡി ദമ്പതികളാണ് വൻ വിജയം നേടി ഭരണസിരാകേന്ദ്രങ്ങളിലേക്ക് ഒരുമിച്ച് ചുവടുവെക്കുന്നത്. എന്നാൽ എടപ്പറ്റയിൽ മത്സരിച്ച ദമ്പതികളിൽ ഭർത്താവ് വിജയിച്ചപ്പോൾ ഭാര്യയ്ക്ക് പരാജയം രുചിക്കേണ്ടി വന്നു. കോട്ടക്കലിലെ അധ്യാപക ദമ്പതികൾ കോട്ടക്കൽ നഗരസഭയിൽ അധ്യാപക ദമ്പതികളും ഇടതുപക്ഷ കൗൺസിലർമാരുമായ സനില പ്രവീണും ഭർത്താവ് കെ. പ്രവീൺ മാഷുമാണ് വിജയിച്ചത്. 35-ാം വാർഡ് കുർബ്ബാനിയിൽ നിന്ന് ജനവിധി തേടിയ സനില, യു.ഡി.എഫ് സ്ഥാനാർത്ഥിയായ മുസ്ലിം ലീഗിലെ വി.എം നൗഫലിനെയാണ് പരാജയപ്പെടുത്തിയത്. സി.പി.എം നേതാവായ പ്രവീൺ മാഷ് തോക്കാമ്പാറ (33) വാർഡിൽ നിന്ന് യൂത്ത് ലീഗ് നേതാവ് കെ.എം ഖലീലിനെയും പരാജയപ്പെടുത്തി കൗൺസിലിലേക്ക് തെരഞ്ഞെടുക്കപ്പെട്ടു. ഒതുക്കുങ്ങലിലെ ചുവപ്...

പൊന്മുണ്ടം: യു.ഡി.എഫ് സംവിധാനമില്ലാത്ത പൊന്മുണ്ടം ഗ്രാമപഞ്ചായത്തിൽ മുസ്ലിം ലീഗിന് കനത്ത തിരിച്ചടി. 15 വർഷത്തെ ലീഗ് ഭരണത്തിന് അന്ത്യം കുറിച്ചുകൊണ്ട് കോൺഗ്രസ്-സി.പി.എം സഖ്യമായ 'ജനകീയ മുന്നണി' പഞ്ചായത്തിൽ അട്ടിമറി വിജയം നേടി. ആകെയുള്ള 18 സീറ്റുകളിൽ 13 ഇടങ്ങളിലും വിജയിച്ചാണ് ജനകീയ മുന്നണി പഞ്ചായത്ത് ഭരണം പിടിച്ചെടുത്തത്.​ലീഗ് വിരുദ്ധ വോട്ടുകളുടെ ഏകീകരണമാണ് ജനകീയ മുന്നണിയുടെ ഉജ്ജ്വല വിജയത്തിന് വഴിയൊരുക്കിയത്. വാർഡുകളായ 1, 3, 4, 8, 9, 10, 11, 12, 13, 14, 15, 17, 18 എന്നിവടങ്ങളിൽ മുന്നണി സ്ഥാനാർത്ഥികൾ ആധികാരിക വിജയം നേടി. ശക്തമായ മത്സരം നടന്ന വാർഡുകളിൽ ലീഗിന്റെ മുതിർന്ന നേതാക്കൾക്ക് പോലും കാലിടറി. മുൻ പഞ്ചായത്ത് പ്രസിഡന്റ്, വൈസ് പ്രസിഡന്റ്, ബ്ലോക്ക് പഞ്ചായത്ത് അംഗം എന്നിവർ പരാജയപ്പെട്ട പ്രമുഖരിൽ ഉൾപ്പെടുന്നു.​ശക്തമായ ഭരണവിരുദ്ധ വികാരത്തിനൊപ്പം, സിറ്റിംഗ് സീറ്റ് വെൽഫെയർ പാർട്ടിക്ക് വിട്ടുനൽകിയതിലു...

മലപ്പുറം ചിയാനൂര്‍ ഭാഗത്ത് നിരവധി വീടുകളില്‍ മോഷണം നടത്തിയ പ്രതിയെ ചങ്ങരംകുളം പൊലീസ് അറസ്റ്റ് ചെയ്തു. വള്ളിക്കുന്ന് അരിയല്ലൂര്‍ സ്വദേശി സജീര്‍ (51) ആണ് പിടിയിലായത്. കോഴിക്കോട്, മലപ്പുറം ജില്ലകളിലായി വിവിധ മോഷണക്കേസുകളിൽ ഇയാൾ പ്രതിയാണ്. സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് പ്രതി കുടുങ്ങിയത്. സജീര്‍ ഓടിക്കുന്ന ഗുഡ്സ് ഓട്ടോയില്‍ രാത്രി മോഷണത്തിനായി എത്തി, കൂട്ടുപ്രതിയായ സലീമിനെ ഇറക്കിവിട്ട ശേഷം സജീര്‍ ഓട്ടോയില്‍ കാത്തുനിൽക്കുന്നതാണ് ഇവരുടെ രീതി. സംഭവത്തിൽ സലീമിനെ കൂടി പിടികൂടാനുണ്ടെന്നും അന്വേഷണം തുടരുകയാണെന്നും പൊലീസ് അറിയിച്ചു. കഴിഞ്ഞ മാസം ചിയ്യാനൂര്‍ മാര്‍സ് സിനിമാസിന് പിറകുവശത്തുള്ള വീടുകളില്‍ നടന്ന മോഷണവുമായി ബന്ധപ്പെട്ടാണ് അറസ്റ്റ്. പൊന്നാനി ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു...

രാഹുല്‍ മാങ്കൂട്ടത്തിലിനെ വളഞ്ഞിട്ട് ആക്രമിക്കുന്നത് സര്‍ക്കാരിന് തന്നെ തിരിച്ചടിയാകുമെന്ന് മുസ്ലീം ലീഗ് നേതാവ് പി.വി അബ്ദുല്‍ വഹാബ് എം.പി പറഞ്ഞു. നിലമ്പൂര്‍ നഗരസഭ ഒന്നാം ഡിവിഷനിലെ വോട്ടറായ അദ്ദേഹം നിലമ്പൂര്‍ മോഡല്‍ യു.പി സ്‌കൂളില്‍ ഭാര്യ ജാസ്മിനൊപ്പം എത്തി വോട്ട് രേഖപ്പെടുത്തിയ ശേഷം മാധ്യമങ്ങളോട് പ്രതികരിക്കുകയായിരുന്നു. രാഹുല്‍ വിഷയത്തില്‍ അദ്ദേഹത്തെ പിന്തുണയ്ക്കുന്നത് സ്ത്രീകളാണ്. തിരഞ്ഞെടുപ്പ് കാലത്ത് ഇത്തരം കാര്യങ്ങള്‍ ഉയര്‍ന്നു വരുന്നതിന്റെ ഉദ്ദേശം സ്ത്രീകള്‍ക്കടക്കം ബോധ്യമുണ്ട്. രാഹുല്‍ മാങ്കൂട്ടത്തിലിനെ എതിര്‍ക്കാനോ ന്യായീകരിക്കാനോ താനില്ലെന്നും പി.വി അബ്ദുല്‍ വഹാബ് എം.പി വ്യക്തമാക്കി. പി.വി അബ്ദുല്‍ വഹാബ് എം.പി VIDEO NEWS...

പൊന്നാനിയിൽ വ്യാജ സർട്ടിഫിക്കറ്റ് മാഫിയയുമായി ബന്ധപ്പെട്ട് നടത്തിയ അന്വേഷണത്തിൽ പത്തുപേരെ പോലീസ് അറസ്റ്റ് ചെയ്തു. പലഘട്ടങ്ങളിലായി നടത്തിയ അന്വേഷണത്തിൽ 20-ൽ അധികം സർവകലാശാലകളുടെ നൂറോളം വ്യാജ സർട്ടിഫിക്കറ്റുകളും മാർക്ക് ലിസ്റ്റുകളും പോലീസ് പിടിച്ചെടുത്തു.​പൊന്നാനിയിലെ വിദേശ വിദ്യാഭ്യാസ റിക്രൂട്ടിംഗ് സ്ഥാപനത്തിൽ നടത്തിയ പരിശോധനയിലാണ് കേരളത്തിനു പുറത്തെ വിവിധ സർവകലാശാലകളുടെ നൂറിലധികം വ്യാജ സർട്ടിഫിക്കറ്റുകളും മാർക്ക് ലിസ്റ്റുകളും കണ്ടെത്തിയത്. വിതരണത്തിനായി സൂക്ഷിച്ച ഇവയുടെ അടിസ്ഥാനത്തിൽ സ്ഥാപന ഉടമ പോത്തനൂർ സ്വദേശി ഇർഷാദ്, സഹായി പുറത്തൂർ സ്വദേശി രാഹുൽ എന്നിവരെ പൊന്നാനി പോലീസ് കസ്റ്റഡിയിലെടുത്തു. ചോദ്യം ചെയ്യലിൽ തിരുവനന്തപുരം സ്വദേശിയായ ജസീമാണ് സർട്ടിഫിക്കറ്റുകൾ എത്തിച്ചു നൽകുന്നതെന്ന് ഇവർ മൊഴി നൽകി. ബെംഗളൂരുവിലെ ഒളിസങ്കേതത്തിൽ നിന്ന് പോലീസ് ജസീമിനെ അറസ്റ്റ് ചെയ്തു. തെലങ്കാനയിലെ വ്യാജ സ...

തദ്ദേശ തെരഞ്ഞെടുപ്പില്‍ ജില്ലയില്‍ ആകെ 36,18,851 വോട്ടര്‍മാര്‍. ജില്ലയിലെ 94 ഗ്രാമപഞ്ചായത്തുകള്‍, 12 നഗരസഭകള്‍ എന്നിവിടങ്ങളിലെ ആകെ എണ്ണമാണിത്. ഇതില്‍ പുരുഷന്‍മാര്‍ 1740280 ഉം സ്ത്രീകള്‍ 1878520 ഉം, ട്രാന്‍സ്ജെന്‍ഡര്‍ വോട്ടര്‍മാരായി 51 പേരുമുണ്ട്. ഗ്രാമപഞ്ചായത്തുകളില്‍ ആകെ 29,91,292 വോട്ടര്‍മാരും നഗരസഭകളില്‍ 6,27,559 വോട്ടര്‍മാരുമുണ്ട്. 602 പ്രവാസി വോട്ടര്‍മാരും ജില്ലയിലുണ്ട്.തദ്ദേശ സ്ഥാപനം, ആകെ വോട്ടര്‍മാരുടെ എണ്ണം, പുരുഷന്‍മാര്‍, സ്ത്രീകള്‍, ട്രാന്‍സ്ജെന്‍ഡര്‍ വോട്ടര്‍മാര്‍ എന്ന ക്രമത്തില്‍. വഴിക്കടവ് പഞ്ചായത്ത് -38577 (പുരുഷന്മാര്‍ 18843, സ്ത്രീകള്‍ 19734, ), പോത്തുകല്ല് പഞ്ചായത്ത് -22362 (പുരുഷന്മാര്‍ 11086, സ്ത്രീകള്‍ 11276, ), എടക്കര പഞ്ചായത്ത് - 24481 (പുരുഷന്മാര്‍ 11640, സ്ത്രീകള്‍ 12841, ), മൂത്തേടം പഞ്ചായത്ത് - 21662 (പുരുഷന്മാര്‍ 10685, സ്ത്രീകള്‍ 10977, ), ചു...

കൊളത്തൂർ: ദിവ്യഗർഭം ധരിപ്പിക്കാമെന്ന് പറഞ്ഞ് തെറ്റിദ്ധരിപ്പിച്ച് യുവതിയെ ബലാത്സംഗം ചെയ്ത സംഭവത്തിൽ യൂട്യൂബറായ വ്യാജ സിദ്ധൻ അറസ്റ്റിൽ. കാളികാവ് ഉദിരംപൊയിൽ സ്വദേശി സജിൽ (36) ആണ് കൊളത്തൂർ പോലീസിന്റെ പിടിയിലായത്. താൻ 'മഹ്‌ദി ഇമാം' ആണെന്ന് അവകാശപ്പെട്ട് യൂട്യൂബ് ചാനൽ നടത്തിവരികയായിരുന്നു ഇയാൾ. കൊളത്തൂർ പോലീസ് സ്‌റ്റേഷൻ പരിധിയിൽ വാട‌കയ്‌ക്ക് താമസിക്കുന്ന യുവതിയെ പ്രതി യൂട്യൂബ് ചാനലിലൂടെയാണ് പരിചയപ്പെട്ടത്. ആഭിചാര ക്രിയകൾ ചെയ്യുന്ന ആളാണെന്ന് വിശ്വസിപ്പിച്ച് ബന്ധം സ്ഥാപിച്ച ശേഷം, യുവതിയുടെ താമസസ്ഥലത്ത് അതിക്രമിച്ചെത്തി ബലാത്സംഗം ചെയ്യുകയായിരുന്നു. ആത്മീയ കാര്യങ്ങളും അന്ധവിശ്വാസങ്ങളും പ്രചരിപ്പിക്കുന്ന ഇയാളുടെ യൂട്യൂബ് ചാനലിന് നിരവധി ഫോളോവേഴ്സ് ഉണ്ടെന്ന് പോലീസ് പറഞ്ഞു. ഒളിവിൽ പോയ പ്രതിയെ നെടുമങ്ങാട് നിന്നാണ് പോലീസ് പിടികൂടിയത്....

വണ്ടൂർ: വിൽപനക്കായി കൈവശം വെച്ച 6.25 ഗ്രാം മെത്താഫിറ്റാമിനുമായി യുവാവ് പിടിയിൽ. കൂരാട് തെക്കും പുറം സ്വദേശി അബ്ദുൾ ലത്തീഫിനെ (27) യാണ് വണ്ടൂർ പോലീസും ഡാൻസാഫ് ടീമും ചേർന്ന് പിടികൂടിയത്. വണ്ടൂർ ടൗണും പരിസരങ്ങളും കേന്ദ്രീകരിച്ച് മയക്കുമരുന്ന് വിൽപ്പന നടക്കുന്നുണ്ടെന്ന വണ്ടൂർ സി.ഐ സംഗീത് പുനത്തിലിനു ലഭിച്ച രഹസ്യ വിവരത്തെ തുടർന്ന് എസ്.ഐ ആന്റണി ക്ലീറ്റസിന്റെ നേതൃത്വത്തിൽ ഇന്ന് വൈകുന്നേരം നാല് മണിയോടെ നടത്തിയ പരിശോധനയിലാണ് പ്രതി വലയിലായത്. 40 ഗ്രാം എം.ഡി.എം.എയുമായി നേരത്തെ പിടിയിലായിരുന്ന ലത്തീഫ്, ജാമ്യത്തിലിറങ്ങി വീണ്ടും മയക്കുമരുന്ന് കച്ചവടം നടത്തുന്നുണ്ടെന്ന വിവരത്തിന്റെ അടിസ്ഥാനത്തിൽ പോലീസ് ഇയാളെ നിരീക്ഷിച്ചു വരികയായിരുന്നു. ഗ്രാമിന് 3500 രൂപ നിരക്കിലാണ് ഇയാൾ മെത്താഫിറ്റാമിൻ വിൽപ്പന നടത്തിയിരുന്നത്. കാറിൽ നിന്നും പോലീസ് എം.ഡി.എം.എ പിടികൂടിയെന്നും കാർ വിട്ടു കിട്ടാൻ പണം വേണമെന്നും പറഞ്ഞ് കാറുട...

മലപ്പുറം കിഴിശ്ശേരിയില്‍ മോഷണക്കുറ്റം ആരോപിച്ച്‌ പ്രായപൂർത്തിയാകാത്ത രണ്ട് കുട്ടികളെ മണിക്കൂറുകളോളം തടഞ്ഞുവെച്ച്‌ ക്രൂരമായി മർദിച്ച സംഭവത്തില്‍ കടയുടമകളായ രണ്ട് പേർ അറസ്റ്റിലായി. കിഴിശ്ശേരി സ്വദേശികളായ മുഹമ്മദ് ആഷിക്, ആദില്‍ അഹമ്മദ് എന്നിവരാണ് പിടിയിലായത്.കിഴിശ്ശേരിയിലെ ഒരു സ്റ്റേഷനറി കടയില്‍ മോഷണം നടത്താൻ ശ്രമിച്ചുവെന്ന് ആരോപിച്ചാണ് കുട്ടികളെ പ്രതികള്‍ പിടികൂടിയത്. കടയുടമകളായ ആഷിക്കും ആദില്‍ അഹമ്മദും ചേർന്ന് കുട്ടികളെ കടയില്‍ പൂട്ടിയിട്ട് മണിക്കൂറുകളോളം ക്രൂരമായി മർദിക്കുകയായിരുന്നു.മർദിക്കാൻ ഇരുമ്ബ് വടിയും മരത്തിന്റെ തടിയുമാണ് ഇവർ ഉപയോഗിച്ചത്.ക്രൂരമായ മർദനത്തെ തുടർന്ന് കുട്ടികള്‍ അവശരായി.മർദനത്തില്‍ അവശരായ കുട്ടികളെ പിന്നീട് മോഷണക്കുറ്റം ആരോപിച്ച്‌ ഇവർ പൊലിസില്‍ ഏല്‍പ്പിക്കുകയായിരുന്നു. കുട്ടികള്‍ക്കെതിരെ മോഷണശ്രമത്തിന് കേസെടുത്തെങ്കിലും, അവർക്കെതിരെയുണ്ടായ ക്രൂരമർദനത്തിന്റെ പേരില്‍ കടയു...

മലപ്പുറത്ത് അഞ്ച് ലക്ഷത്തിലധികം രൂപ കവര്‍ന്ന കേസിലെ പ്രതി പിടിയില്‍. മത്സ്യവുമായെത്തിയ ലോറിയില്‍ സൂക്ഷിച്ചിരുന്ന പണം കവർന്നാണ് പ്രതി മുങ്ങിയത്. ഇടുക്കി രാജകുമാരി കാരഞ്ചേരിയില്‍ അനന്ദുവാണ് (26) അറസ്റ്റിലായത്. വഴിയരികില്‍ നിർത്തിയിട്ടിരുന്ന ലോറിയില്‍ കയറിയാണ് പ്രതി പണം എടുത്തത്. തുടർന്ന് ഒളിവില്‍ പോകുകയായിരുന്നു. ഏഴ് മാസങ്ങള്‍ക്കുശേഷമാണ് പ്രതിയെ കൊണ്ടോട്ടി പൊലീസിന്റെ പിടിയിലായത്.കൊണ്ടോട്ടി പൊലീസ് പഴുതടച്ചു നടത്തിയ അന്വേഷണങ്ങള്‍ക്കൊടുവില്‍ കാസര്‍ക്കോട്ടുനിന്നാണ് പ്രതി പിടിയിലായത്. കഴിഞ്ഞ ഏപ്രില്‍ 10നാണ് കേസിനാസ്പദമായ സംഭവം. കൊണ്ടോട്ടിയിലെ മത്സ്യമൊത്ത മാര്‍ക്കറ്റിലേക്ക് മത്സ്യവുമായെത്തിയ താനാളൂര്‍ സ്വദേശിയുടെ ഉടമസ്ഥതയിലുള്ള ലോറിയില്‍ വ്യാപാരാവശ്യത്തിനായി കരുതിയിരുന്ന പണം കവര്‍ന്ന് അനന്ദു കടന്നുകളയുകയായിരുന്നു.ലോറിയില്‍ ഒരുമാസം മുമ്ബ് ക്ലീനർ ജോലിക്കാരനായി കയറിയതായിരുന്നു ഇയാളെന്ന് പൊലീസ് പറഞ്ഞു...