Author: admin

​പറപ്പൂർ ഗ്രാമപഞ്ചായത്തിലെ കുറ്റിത്തറമ്മൽ ജനകീയ ആരോഗ്യ കേന്ദ്രത്തിന്റെ പുതിയ കെട്ടിട നിർമ്മാണ ശിലാസ്ഥാപനം ആരോഗ്യ വകുപ്പ് മന്ത്രി വീണ ജോർജ് ഓൺലൈനായി നിർവഹിച്ചു. 55.5 ലക്ഷം രൂപ ചെലവഴിച്ചാണ് അത്യാധുനിക സൗകര്യങ്ങളോടെ കെട്ടിടം നിർമ്മിക്കുന്നത്. ആരോഗ്യ കേന്ദ്രത്തിനായി അഞ്ചര സെന്റ് സ്ഥലം സൗജന്യമായി നൽകിയ പങ്ങണിക്കാട് അബ്ദുറസാഖിനെ മന്ത്രി ചടങ്ങിൽ പ്രത്യേകം അഭിനന്ദിച്ചു.​സ്ത്രീകൾക്കായി പ്രത്യേകം ക്ലിനിക്ക്, ചൊവ്വാഴ്ചകളിൽ സൗജന്യ പരിശോധനകൾ, പ്രമേഹ രോഗികൾക്കായി പ്രത്യേക ക്ലിനിക്ക് തുടങ്ങിയ വിപുലമായ സൗകര്യങ്ങൾ ഇവിടെ ലഭ്യമാകും. സാധാരണക്കാർക്ക് ഏറ്റവും അടുത്തായി മികച്ച ചികിത്സ ഉറപ്പാക്കുകയാണ് ജനകീയ ആരോഗ്യ കേന്ദ്രങ്ങളിലൂടെ സർക്കാർ ലക്ഷ്യമിടുന്നതെന്നും മന്ത്രി പറഞ്ഞു. നിലവിൽ സംസ്ഥാനത്ത് 5416 ജനകീയ ആരോഗ്യ കേന്ദ്രങ്ങളാണ് പ്രവർത്തിക്കുന്നത്.​പറപ്പൂർ ഗ്രാമപഞ്ചായത്ത് പ്രസിഡന്റ് പറമ്പത്ത് മുഹമ്മദ് അധ്യക്ഷത വഹിച്...

ഊരകം: പ്രതിപക്ഷ നേതാവ് വി.ഡി. സതീശൻ നയിക്കുന്ന 'പുതുയുഗ യാത്ര' ഫെബ്രുവരി 14 ശനിയാഴ്ച വേങ്ങരയിൽ എത്തുന്നതിന്റെ പ്രചരണാർത്ഥം ഊരകം പഞ്ചായത്ത് യു.ഡി.എഫ് കമ്മിറ്റി വിളംബര ജാഥ സംഘടിപ്പിച്ചു. ഊരകത്തിന്റെ വിവിധ ഭാഗങ്ങളിൽ പര്യടനം നടത്തിയ ജാഥയ്ക്ക് എം.കെ. മൊയ്തീൻ, കെ.ടി. അബ്ദുസമദ്, കെ.പി. ഗിരീഷ് കുമാർ, എൻ. ഉബൈദ് മാസ്റ്റർ, എൻ.പി. അസ്സയ്നാർ, പി.പി. ഹസ്സൻ, കമ്മുത്ത് ചന്തു, എം.കെ. മുഹമ്മദ് മാസ്റ്റർ, പി.കെ. അബു താഹിർ, കെ.കെ. അബൂബക്കർ മാസ്റ്റർ, ടി. മൻസൂർ എന്നിവർ നേതൃത്വം നൽകി.​ജാഥയ്ക്ക് ശേഷം നടന്ന വിശദീകരണ യോഗം ഡി.സി.സി ജനറൽ സെക്രട്ടറി കെ.എ. അറഫാത്ത് ഉദ്ഘാടനം ചെയ്തു. കേന്ദ്ര-സംസ്ഥാന സർക്കാരുകളുടെ ജനദ്രോഹ നയങ്ങൾക്കെതിരെ ജനമനസാക്ഷിയെ ഉണർത്താൻ പുതുയുഗ യാത്രയിലൂടെ സാധിക്കുമെന്ന് അദ്ദേഹം പറഞ്ഞു. വൻ ജനപങ്കാളിത്തത്തോടെ വേങ്ങരയിലെത്തുന്ന യാത്രയെ സ്വീകരിക്കാനുള്ള ഒരുക്കങ്ങൾ പൂർത്തിയായതായി യു.ഡി.എഫ് ഭാരവാഹികൾ അറിയി...