Month: September 2026

വേങ്ങര: ഗ്രീൻ ഫൗണ്ടേഷന്റെ പെൺകൂട്ടായ്മയായ 'ഫിദ'യുടെ ആഭിമുഖ്യത്തിൽ മുതിർന്ന സ്ത്രീകൾക്കായി 'കോന്തല' എന്ന പേരിൽ ഒത്തുചേരൽ സംഘടിപ്പിച്ചു. മാറിയ ഗൃഹാന്തരീക്ഷത്തെ ആത്മവിശ്വാസത്തോടെയും അനുഭവക്കരുത്തോടെയും നേരിടാൻ മുതിർന്ന സ്ത്രീകളെ പ്രാപ്തരാക്കുക എന്ന ലക്ഷ്യത്തോടെയായിരുന്നു പരിപാടി. പഴയകാല കഥകൾ പറഞ്ഞും പാട്ടുകൾ പാടിയും ഓർമ്മകൾ പങ്കുവെച്ചും ഒത്തുചേരൽ വേറിട്ട അനുഭവമായി മാറി. കുറ്റൂർ നോർത്ത്, കക്കാടംപുറം പ്രദേശങ്ങളിൽ നിന്നായി നൂറിലേറെ പേർ പങ്കെടുത്ത സംഗമം എ.ആർ നഗർ ഗ്രാമപഞ്ചായത്ത് പ്രസിഡന്റ് ലൈല പുല്ലൂണി ഉദ്ഘാടനം ചെയ്തു. 'ഫിദ' ട്രഷറർ സഫ്റീന വി.പി അധ്യക്ഷത വഹിച്ചു. സാമൂഹിക പ്രവർത്തകനും കേരള മാപ്പിള കലാ അക്കാദമി മലപ്പുറം ജില്ലാ പ്രസിഡന്റുമായ ലുഖ്മാൻ അരീക്കോട് മുഖ്യാതിഥിയായി. വേങ്ങര ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ സുലൈഖ മജീദ്, ബ്ലോക്ക് പഞ്ചായത്ത് അംഗം ശ്രീജ ചന്ദ്രൻ എന്ന...

വേങ്ങര: നൈറ്റ് പട്രോളിങ്ങിനിടെ സംശയാസ്പദമായി നിർത്തിയിട്ടിരുന്ന കാറിൽ നിന്ന് 450 ഗ്രാം കഞ്ചാവ് വേങ്ങര പോലീസ് പിടികൂടി. തോട്ടശ്ശേരിയറ-ചെരുപ്പടിമല റോഡിൽ നിർത്തിയിട്ടിരുന്ന കെ.എൽ 12 എൻ 6988 നമ്പർ കാറിൽ നിന്നാണ് കഞ്ചാവ് കണ്ടെടുത്തത്.​പോലീസ് വാഹനം നിർത്തിയതോടെ കാറിലുണ്ടായിരുന്ന പ്രതി വാഹനത്തിൽ നിന്ന് ഇറങ്ങിയോടുകയായിരുന്നു. തുടർന്ന് കാർ ക്രെയിൻ ഉപയോഗിച്ച് സ്റ്റേഷനിലേക്ക് മാറ്റി. വാഹനത്തിൽ നിന്ന് ലഭിച്ച രേഖകൾ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയായ വേങ്ങര വളക്കുട സ്വദേശി സാജുദ്ദീനെ (32) മണിക്കൂറുകൾക്കുള്ളിൽ പോലീസ് വലയിലാക്കിയത്.​വേങ്ങര സബ് ഇൻസ്പെക്ടറുടെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്. പിടികൂടിയ കഞ്ചാവിന്റെ ഉറവിടത്തെക്കുറിച്ച് വരും ദിവസങ്ങളിൽ വിശദമായ അന്വേഷണം നടത്തുമെന്ന് പോലീസ് അറിയിച്ചു....

അച്ചനമ്പലം: കണ്ണമംഗലം പഞ്ചായത്ത് എം.എസ്.എഫ് കമ്മിറ്റിയുടെ നേതൃത്വത്തിൽ പഞ്ചായത്തിലെ വിരമിച്ച അധ്യാപകരെ ആദരിക്കുന്നതിനായി 'എന്റെ ടീച്ചർ' എന്ന പേരിൽ അധ്യാപക സംഗമം സംഘടിപ്പിച്ചു. വിവിധ വിദ്യാലയങ്ങളിൽ സേവനമനുഷ്ഠിച്ച് വിരമിച്ച 35-ഓളം അധ്യാപകരെയാണ് ചടങ്ങിൽ ആദരിച്ചത്. അച്ചനമ്പലത്തിൽ നടന്ന പരിപാടി മലപ്പുറം ജില്ലാ പഞ്ചായത്ത് അംഗവും മണ്ഡലം മുസ്‌ലിം ലീഗ് പ്രസിഡന്റുമായ പി.കെ അസ്‌ലു ഉദ്ഘാടനം ചെയ്തു. പഞ്ചായത്ത് എം.എസ്.എഫ് പ്രസിഡന്റ് യൂസഫ് അലി ഇ.കെ അധ്യക്ഷത വഹിച്ചു. ജനറൽ സെക്രട്ടറി മുഹമ്മദ് റബീഹ് സ്വാഗതം പറഞ്ഞു. കണ്ണമംഗലം പഞ്ചായത്ത് മുസ്‌ലിം ലീഗ് ഭാരവാഹികളായ യു.കെ ഇബ്രാഹീം, യു.പി അബ്ദു, ആസിഫ് മാസ്റ്റർ, പഞ്ചായത്ത് യൂത്ത് ലീഗ് ജനറൽ സെക്രട്ടറി ആബിദ് കൂന്തല, വേങ്ങര മണ്ഡലം എം.എസ്.എഫ് ട്രഷറർ മുബശ്ശിർ കാവുങ്ങൽ എന്നിവർ ചടങ്ങിൽ സംബന്ധിച്ചു. സംഗമത്തിൽ പങ്കെടുത്ത അധ്യാപകർ തങ്ങളുടെ അനുഭവങ്ങളും പഴയകാല ഓർമ്മകളും പുതുത...

വലിയോറ: വലിയോറ ഈസ്റ്റ് എ.എം.യു.പി സ്കൂളിൽ സംഘടിപ്പിച്ച 'അപ്പാണ്യം അപ്പച്ചന്ത' പലഹാരമേള ശ്രദ്ധേയമായി. മൂന്നാം ക്ലാസിലെ മലയാള പാഠപുസ്തകത്തിലെ 'അപ്പക്കൊതിയന്മാർ' എന്ന പാഠഭാഗവുമായി ബന്ധപ്പെട്ടാണ് വിദ്യാർത്ഥികൾ ഈ വേറിട്ട പരിപാടി സംഘടിപ്പിച്ചത്. മൂന്നാം ക്ലാസിലെ വിവിധ ഡിവിഷനുകളിൽ നിന്നുള്ള വിദ്യാർത്ഥികൾ വീടുകളിൽ നിന്ന് വ്യത്യസ്തങ്ങളായ പലഹാരങ്ങൾ കൊണ്ടുവന്നാണ് മേളയൊരുക്കിയത്. പഴയകാല നാട്ടുചന്തകളെ ഓർമ്മിപ്പിക്കും വിധം വിദ്യാർത്ഥികൾ തന്നെ വിൽപ്പനക്കാരായും വാങ്ങുന്നവരായും വേഷമിട്ടത് അപ്പച്ചന്തയ്ക്ക് കൂടുതൽ മിഴിവേകി. പരിപാടിയുടെ ഉദ്ഘാടനം പി.ടി.എ. പ്രസിഡന്റ് കെ. ഗംഗാധരൻ നിർവ്വഹിച്ചു. ഹെഡ്മാസ്റ്റർ പി.കെ. ജയപ്രകാശ് മാസ്റ്റർ ചടങ്ങിൽ അധ്യക്ഷത വഹിച്ചു. പി.ടി.എ. എക്സിക്യൂട്ടീവ് അംഗം എ. സതീഷ്, സ്റ്റാഫ് സെക്രട്ടറി എം.പി. വിജയൻ, എസ്.ആർ.ജി. കൺവീനർമാരായ സുഹാന, എ.കെ. ജാഫർ എന്നിവർ ആശംസകൾ അർപ്പിച്ചു സംസാരിച്ചു. അധ്യ...

വേങ്ങര: വേങ്ങരയിൽ കഴിഞ്ഞ ദിവസം മരണപ്പെട്ട വിജയൻ (61) എന്ന വ്യക്തിയുടെ ബന്ധുക്കളെ പോലീസ് അന്വേഷിക്കുന്നു. ചെറുപ്രായത്തിൽ തന്നെ വേങ്ങരയിൽ എത്തിയ ആളാണ് ഇദ്ദേഹം എന്നാണ് പ്രാഥമിക വിവരം. പിന്നീട് എ.ആർ. നഗർ ഒളകര സ്വദേശിനിയെ വിവാഹം കഴിച്ചുവെങ്കിലും വർഷങ്ങൾക്ക് മുൻപ് വേർപിരിഞ്ഞിരുന്നു. വേങ്ങര ഭാഗത്ത് കൂലിപ്പണി ചെയ്ത് ജീവിച്ചു വരികയായിരുന്ന ഇദ്ദേഹം കൊല്ലം സ്വദേശിയാണെന്ന് സംശയമുണ്ട്. കഴിഞ്ഞ ദിവസം മരണപ്പെട്ട വിജയന്റെ മൃതദേഹം നിലവിൽ മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുകയാണ്. ഇദ്ദേഹത്തിന്റെ ബന്ധുക്കളെക്കുറിച്ചോ മറ്റ് വിവരങ്ങളോ അറിയുന്നവർ വേങ്ങര പോലീസുമായി 9995730035 എന്ന ഫോൺ നമ്പറിൽ ബന്ധപ്പെടണമെന്ന് വേങ്ങര പോലീസ് അറിയിച്ചു. ⊶⊷⊶⊷❍❍⊶⊷⊶⊷നിങ്ങളുടെ പ്രാദേശിക വാർത്തകൾ വേഗത്തിൽ.👉 ഇവിടെ ക്ലിക്ക് ചെയ്യുകhttps://chat.whatsapp.com/KA6zCmwUqSUKiq35cZNh0A⊶⊷⊶⊷❍❍⊶⊷⊶⊷നിങ്ങളുടെ വാർത്തകൾക്കും പരസ്യങ്ങൾക്കും🪀 h...

വേങ്ങര: വീട്ടുകാരെ പേടിപ്പിക്കാൻ ജനലിൽ കുരുക്കിട്ട് തൂങ്ങുന്നതായി അഭിനയിച്ച പതിനൊന്നുകാരന് അബദ്ധത്തിൽ ദാരുണാന്ത്യം. കണ്ണമംഗലം വാളക്കുട തടത്തിൽ താമസിക്കുന്ന എ.ആർ നഗർ സ്വദേശി അഷ്റഫിന്റെ മകനും എടക്കാപറമ്പ് എ.എം.എം.യു.പി സ്‌കൂളിലെ ആറാം ക്ലാസ് വിദ്യാർഥിയുമായ മുഹമ്മദ് അഫ്‌നാസ് ആണ് മരിച്ചത്. സ്കൂളിലേക്ക് പുറപ്പെടുന്നതിനിടെയായിരുന്നു നാടിനെ കണ്ണീരിലാഴ്ത്തിയ ഈ ദാരുണ സംഭവം. സ്കൂളിൽ പോകാൻ സമയമായപ്പോൾ വീട്ടുകാർ വിദ്യാർത്ഥിയെ വഴക്ക് പറഞ്ഞിരുന്നു. തുടർന്ന് ഇവരെ പേടിപ്പിക്കുന്നതിനായി കുട്ടി ജനലിൽ കയർ കെട്ടി തൂങ്ങുന്നതായി അഭിനയിക്കുകയായിരുന്നു. ഇതിനിടെ അബദ്ധത്തിൽ കയർ കഴുത്തിൽ കുരുങ്ങി മരണം സംഭവിക്കുകയായിരുന്നു. വിവരമറിഞ്ഞയുടൻ കുട്ടിയെ കുന്നുംപുറത്തും തുടർന്ന് കൊണ്ടോട്ടിയിലുമുള്ള സ്വകാര്യ ആശുപത്രികളിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്‌മോർട്ടം നടപടികൾക്കായി മഞ്ചേരി മെഡിക്ക...