Saturday, November 29News That Matters
Shadow

വാത്സല്യം ചാരിറ്റബിൾ സൊസൈറ്റി: ഒന്നാം വാർഷികാഘോഷം ഡിസംബറിൽ

വേങ്ങര: വാത്സല്യം ചാരിറ്റബിൾ സൊസൈറ്റിയുടെ ഒന്നാം വാർഷികം 2025 ഡിസംബർ 01 മുതൽ 31 വരെയുള്ള കാലയളവിൽ വിപുലമായ പരിപാടികളോടെ ആഘോഷിക്കാൻ തീരുമാനിച്ചു. സൊസൈറ്റിയുടെ ലീഡേഴ്സ് മീറ്റ് വേങ്ങര ഇന്ദിരാജി ഭവനിൽ 2025 സെപ്റ്റംബർ 27-ന് ശനിയാഴ്ച രാവിലെ 10 മണിക്ക് ചേർന്ന യോഗത്തിലാണ് തീരുമാനം. സംസ്ഥാന പ്രസിഡണ്ട് അഷ്റഫ് മനരിക്കൽ അധ്യക്ഷത വഹിച്ച യോഗം സംസ്ഥാന രക്ഷാധികാരി പി.പി.എ. ബാവ ഉദ്ഘാടനം ചെയ്തു. യോഗത്തിൽ വെച്ച്, സാമൂഹിക-ചാരിറ്റി മേഖലകളിൽ സ്തുത്യർഹമായ സേവനം കാഴ്ചവെച്ച മണക്കടവൻ അയ്യൂബ് ഹാജിയെ ആദരിച്ചു. അദ്ദേഹത്തിന് പൊന്നാടയും മൊമെന്റോയും നൽകി. അസൈനാർ ഊരകം, മുഹമ്മദ് ബാവ എ. ആർ. നഗർ, എൻ.ടി. മൈമൂന മെമ്പർ, ബിന്ദു പി.കെ., ജമീല സി., ഷൗക്കത്തലി സി. വി. തുടങ്ങിയവർ യോഗത്തിൽ സംസാരിച്ചു.

Leave a Reply

Your email address will not be published. Required fields are marked *

MTN NEWS CHANNEL