വേങ്ങര : ഊരകം പൂളാപ്പീസ് നൂറക്കാട് മലയിൽ തോട്ടം ലീസിനെടുത്ത് ടാപ്പിംഗ് നടത്തുന്ന പുലാമന്തോൾ സ്വദേശിയായ 45 കാരനെ റബ്ബർ തോട്ടത്തിൽ മരിച്ച നിലയിൽ കണ്ടെത്തി. പുലാമന്തോൾ , വളപുരം പരേതനായ പുലാക്കാട്ട് തൊടി മൊയ്തീൻ മകൻ ഹുസൈൻ (45) നെയാണ് മരിച്ച നിലയിൽ കണ്ടെത്തിയത്. രാവിലെ 5 മണിയോടെ പുലാമന്തോളിൽ നിന്നും സ്കൂട്ടറിൽ എത്തി ടാപ്പിങ് പൂർത്തിയാക്കി പത്തരയോടെ തിരിച്ചു പോകാറാണ് പതിവ്. ശനിയാഴ്ച വീട്ടിൽ തിരിച്ചെത്താത്തതിനെ തുടർന്ന് ബന്ധുക്കൾ ഊരകത്തെത്തി നടത്തിയ തിരച്ചിലിലാണ് ഊരകം മലയിലെ തോട്ടത്തിൽ മരിച്ച നിലയിൽ കണ്ടെത്തിയത്. വേങ്ങര പൊലീസ് ഡോഗ് സ്കോഡ്, ഫിംഗ്ർ പ്രിൻ്റ് , ഫോറൻസിക്, സെെൻ്റിഫിക് വിദഗ്ധർ സ്ഥലത്തെത്തി പരിശോധന നടത്തി. തലയിൽ മാരകമായ മുറിവേറ്റിട്ടുണ്ട്. സമീപ പ്രദേശത്ത് നിരവധി ക്വോറികൾ പ്രവർത്തിക്കുന്നുണ്ടെന്ന് നാട്ടുകാർ പറഞ്ഞു. 24 ദിവസം മുമ്പാണ് പിതാവ് മൊയ്തീൻ മരിച്ചത്. ഭാര്യ : ശരീഫ കല്ലുവെട്ടി. മക്കൾ : മാജിദ് ( ദുബൈ), അൽ അമീൻ,ആദിൽ, റസ് ല സൈനബ്.
