എ ആർ നഗർ : ബിജെപി എ ആർ നഗർ പഞ്ചായത്ത് ശില്പശാല പുകയൂരിൽ വെച്ച് നടന്നു. മലപ്പുറം സെൻട്രൽ ജില്ല ജനറൽ സെക്രട്ടറി പി പി ഗണേശൻ ഉദ്ഘാടനം ചെയ്തു. മാറാത്തത് ഇനി മാറും… വികസിത കേരളം ലക്ഷ്യം വെച്ചുകൊണ്ട് ബിജെപി കേരളത്തിന്റെ സമസ്ത മേഖലകളിലും പ്രവർത്തന നിരതരായി വരാനിരിക്കുന്ന ത്രിതല പഞ്ചായത്തിനെ നേരിടാൻ സജ്ജമായതായി ഉദ്ഘടകൻ പറഞ്ഞു. കേരളത്തിന്റെ പ്രതിശ്ചായ മാറ്റുന്ന തിരഞ്ഞെടുപ്പിന്റെ സെമി ഫൈനലാണ് ആസന്നമായ ത്രിതല പഞ്ചായത്ത് തിരഞ്ഞെടുപ്പ് എന്നും നരേന്ദ്രമോദിജി സർക്കാർ നടപ്പിലാക്കിയ ജനഹൃദയങ്ങളിൽ ഇടം നേടിയ ജനോപകാര പ്രദമായ ജനക്ഷേമ പദ്ധതികൾ തന്നെയാണ് കേരള ജനതയുടെ മനസ് ബിജെപയിലേക്ക് അടുത്തു കൊണ്ടിരിക്കുന്നത് എന്നും അദ്ദേഹം പറഞ്ഞു. ബിജെപി എ ആർ നഗർ പഞ്ചായത്ത് പ്രസിഡണ്ട് കെ ടി നാരായണൻ അധ്യക്ഷനായ ശില്പശാലയിൽ വേങ്ങര മണ്ഡലം പ്രസിഡണ്ട് വി എൻ ജയകൃഷ്ണൻ ആത്മനിർഭർ ഭാരത് സ്വദേശി പ്രതിജ്ഞ ചൊല്ലി കൊടുത്ത് കൊണ്ട് സംസാരിച്ചു. നൂറ് ദിന കർമ്മ പരിപാടികളുമായി ബിജെപി കേരളത്തിലെ മുഴുവൻ ബൂത്തുകളിലും സജീവമായി കൊണ്ടിരിക്കുകയാണെന്നും അതിന്റെ പ്രതിഫലനം നമ്മുടെ വാർഡുകളിലും ഉണ്ടാവുമെന്നും അദ്ദേഹം പറഞ്ഞു. കേരളത്തിന്റെ സമാരാധ്യനായ പ്രസിഡണ്ട് രാജീവ്‌ ചന്ദ്രശേഖർ ജി ഓരോ വാർഡുകളിലും നടത്തികൊണ്ടിരിക്കുന്ന പ്രവർത്തന ശൈലി ഓരോ പ്രവർത്തകനും ആത്മവിശ്വാസം നൽകുന്നതാണെന്നും അത് ഏറ്റുപിടിച്ചുകൊണ്ട് എ ആർ നഗറിലെ ബിജെപിയുടെ മുഴുവൻ പ്രവർത്തകരും മുൻപോട്ട് വരണമെന്ന് ജയകൃഷ്ണൻ ആവശ്യപ്പെട്ടു. ബിജെപി മലപ്പുറം സെൻട്രൽ ജില്ല വൈസ് പ്രസിഡണ്ട് കെ പി ബീന വിനോദ്കുമാർ, എ ആർ നഗർ പഞ്ചായത്ത് തിരഞ്ഞെടുപ്പ് ഇൻചാർജറും വേങ്ങര മണ്ഡലം ജനറൽ സെക്രട്ടറിയുമായ എൻ കെ ശ്രീധർ, മൈനൊറിറ്റി മോർച്ച മലപ്പുറം സെൻട്രൽ ജില്ല പ്രസിഡണ്ട് ഒ സി അദ്നാൻ, എ ആർ നഗർ പഞ്ചായത്ത് ജനറൽ സെക്രട്ടറി സുന്ദരൻ തുടങ്ങിയവർ സംസാരിച്ചു. സെൻട്രൽ ജില്ല സോഷ്യൽ മീഡിയ കൺവീനർ ബൈജു, വേങ്ങര മണ്ഡലം ജനറൽ സെക്രട്ടറി ടി ജനാർദ്ദനൻ, സെക്രട്ടറി കെ കമലം, വൈസ് പ്രസിഡണ്ട്മാരായ ടി പി സുരേഷ്ബാബു, സി പി അജികുമാർ,ട്രഷറർ ടി പി രാധാകൃഷ്ണൻ തുടങ്ങിയവർ സംബന്ധിച്ചു.
