MALAPPURAM

ജില്ലയിലെ ബാലസംരക്ഷണ സ്ഥാപനങ്ങളില്‍ കഴിയുന്ന കുട്ടികള്‍ക്കായി ജില്ലാ ചൈല്‍ഡ് വെല്‍ഫെയര്‍ കമ്മിറ്റിയും ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റും സംയുക്തമായി സംഘടിപ്പിക്കുന്ന ''വേനല്‍ മഴ'' അവധിക്കാല ക്യാംപിന് തുടക്കമായി. തവനൂര്‍ ചില്‍ഡ്രന്‍സ് ഹോമില്‍ നടന്ന ക്യാംപ് ജില്ലാ കലക്ടര്‍ ഡോ. വിനയ് ഗോയല്‍ ഉദ്ഘാടനം ചെയ്തു. കുട്ടികളുടെ സര്‍ഗ്ഗാത്മക ശേഷിയും ആത്മവിശ്വാസവും വളര്‍ത്തുന്ന ഇത്തരം കൂട്ടായ്മകള്‍ അവരുടെ ഭാവി പ്രകാശ പൂര്‍ണ്ണമാക്കാന്‍ സഹായിക്കുമെന്ന് അദ്ദേഹം അഭിപ്രായപ്പെട്ടു. അവധിക്കാലത്ത് വീടുകളിലേക്ക് പോകാന്‍ സാധിക്കാത്ത കുട്ടികളിലെ ഒറ്റപ്പെടല്‍ ഒഴിവാക്കി, അവര്‍ക്ക് മാനസിക ഉല്ലാസവും ആത്മവിശ്വാസവും പകരുക എന്നതാണ് ഈ പദ്ധതിയുടെ പ്രധാന ലക്ഷ്യം. ഗവണ്‍മെന്റ് ചില്‍ഡ്രന്‍സ് ഹോം, യുവതാ കള്‍ച്ചറല്‍ ഓര്‍ഗനൈസേഷന്‍, മൈല്‍സ് എന്നിവരുടെ സഹകരണത്തോടുകൂടിയാണ് ക്യാംപ് നടക്കുന്നത്. കുട്ടികളുടെ സര്‍വതോമുഖമായ വികസനം മ...

പെരിന്തൽമണ്ണ താഴേക്കോട് യുവാക്കൾ സഞ്ചരിച്ച കാറിൽ മറ്റൊരു കാറിടിച്ച് അപകടമുണ്ടാക്കിയ സംഭവത്തിൽ മൂന്നുപേരെ പെരിന്തൽമണ്ണ പോലീസ് അറസ്റ്റ് ചെയ്തു. തച്ചനാട്ടുകര നാട്ടുകൽ സ്വദേശി മുഹമ്മദ് മുനീർ, താഴേക്കോട് കരിങ്കല്ലത്താണി സ്വദേശി മുഹമ്മദ് ബഷീർ, നാട്ടുകൽ സ്വദേശി കെ.പി. നൗഫൽ എന്നിവരാണ് പിടിയിലായത്. ശനിയാഴ്ച നടന്ന അപകടത്തിൽ നാട്ടുകൽ സ്വദേശികളായ മുഹമ്മദ് ഇർഫാൻ, മുഹമ്മദ് ഷമീൽ, സൽമാനുൽ ഫാരിസ് എന്നിവർക്ക് പരിക്കേറ്റിരുന്നു. ഇവർ സഞ്ചരിച്ച കാറിൽ മറ്റൊരു കാർ കരുതിക്കൂട്ടിയെന്ന് ഇടിച്ച് വീഴ്ത്തുകയായിരുന്നുവെന്നാണ് പോലീസ് കേസ്. ഇടിയുടെ ആഘാതത്തിൽ യുവാക്കളുടെ കാർ തലകീഴായി മറിഞ്ഞു.സി.സി.ടി.വി ദൃശ്യങ്ങൾ പരിശോധിച്ചതിൽ നിന്നാണ് ഇത് ആസൂത്രിതമായ ആക്രമണമാണെന്ന് വ്യക്തമായത്. രണ്ടുമാസം മുമ്പ് തച്ചനാട്ടുകര നാട്ടുകല്ലിൽ നടന്ന ഒരു ഫുട്ബോൾ മത്സരവുമായി ബന്ധപ്പെട്ടുണ്ടായ തർക്കമാണ് അക്രമത്തിന് പിന്നിലെ കാരണമെന്ന് പോലീസ് പറഞ്ഞ...

വണ്ടൂർ വാണിയമ്പലത്ത് 19 വയസ്സുകാരനെ വെട്ടിപ്പരിക്കേൽപ്പിച്ച കേസിലെ പ്രതിക്കെതിരെ വധശ്രമത്തിന് വണ്ടൂർ പോലീസ് കേസെടുത്തു. വെന്തോടൻപടി സ്വദേശി പുഴുത്തുണ്ണി മിഷാബിനെതിരെയാണ് വധശ്രമത്തിന് കേസെടുത്തത്. വിസയുമായി ബന്ധപ്പെട്ട സാമ്പത്തിക തർക്കമാണ് അക്രമത്തിന് പിന്നിലെന്ന് പോലീസ് വ്യക്തമാക്കി. വണ്ടൂർ പാലാമഠം സ്വദേശി ഫഹദിനാണ് (19) തലയ്ക്ക് പരിക്കേറ്റത്. കഴിഞ്ഞദിവസം രാത്രി 9.30-ഓടെ വാണിയമ്പലത്ത് വെച്ചായിരുന്നു ആക്രമണം നടന്നത്.ഫഹദിന്റെ പിതാവ് മിഷാബിന് ജിദ്ദയിലേക്ക് വിസ സംഘടിപ്പിച്ചു നൽകിയിരുന്നു. എന്നാൽ വിദേശത്ത് എത്തിയപ്പോൾ വാഗ്ദാനം ചെയ്ത ജോലിയല്ല ലഭിച്ചതെന്നും ശമ്പളം കുറവാണെന്നും ആരോപിച്ച് മിഷാബ് തിരികെ വരികയായിരുന്നു. വിസയ്ക്കായി നൽകിയ ഒന്നര ലക്ഷം രൂപ ഫഹദിന്റെ പിതാവ് തിരികെ നൽകാനുണ്ടെന്ന് ആരോപിച്ച് കഴിഞ്ഞ എട്ടു മാസമായി ഇവർക്കിടയിൽ തർക്കം നിലനിന്നിരുന്നു. കഴിഞ്ഞ ദിവസവും ഇതേ ചൊല്ലി വാക്കുതർക്കം ഉണ്ടാവ...

മലപ്പുറം: പുതുപൊന്നാനി കിണർ പരിസരത്ത് വെച്ച് യുവാക്കളെ സംഘം ചേർന്ന് മർദിച്ച കേസിൽ നാലുപേരെ പൊന്നാനി പോലീസ് അറസ്റ്റ് ചെയ്തു. പാലപ്പെട്ടി സ്വദേശി കാപ്പൂരിന്റെ അൻസാർ എന്ന മങ്കാത്ത അൻസാർ (28), പൊന്നാനി പള്ളിപ്പടി കോയാലിക്കനകത്ത് അബ്ദുൽ മജീദ് (29), മുള്ള റോഡിൽ പുത്തൻപുരയിൽ അബ്ദുൽ ഖാദർ (ശിഹാബ് - 32), മുക്കാടി പറമ്പിൽ അബ്ദുൽ മനാഫ് (25) എന്നിവരാണ് പിടിയിലായത്. കഴിഞ്ഞ വെള്ളിയാഴ്ചയാണ് കേസിനാസ്പദമായ സംഭവം നടന്നത്. പുതുപൊന്നാനി സ്വദേശികളായ അഫ്സിനെയും ഷഹീറിനെയും പ്രതികൾ ചേർന്ന് ക്രൂരമായി മർദിക്കുകയായിരുന്നു. മർദനത്തിൽ യുവാക്കളുടെ കൈ ഒടിയുകയും മൂക്കിന് ഗുരുതരമായി പരിക്കേൽക്കുകയും ചെയ്തിരുന്നു. പൊന്നാനി ഇൻസ്പെക്ടർ സതീഷ് കുമാറിന്റെ നേതൃത്വത്തിൽ എസ്.ഐ. സി.വി. ബിബിൻ, പ്രബേഷൻ എസ്.ഐ. മഹേഷ് കുമാർ, സീനിയർ സിവിൽ പോലീസ് ഓഫീസർമാരായ സുധീഷ്, നാസർ, എസ്. പ്രശാന്ത് കുമാർ എന്നിവരടങ്ങിയ സംഘമാണ് പ്രതികളെ വിവിധ ഇടങ്ങളിൽ നി...

സമൂഹ മാധ്യമങ്ങളില്‍ നടക്കുന്ന വ്യാജ പ്രചാരണങ്ങളില്‍ പരാതി നല്‍കി യുഡിഎഫ് സ്ഥാനാർത്ഥി പി കെ കുഞ്ഞാലിക്കുട്ടി. രഘുനാഥ് മേനോൻ എന്ന ഫേസ്ബുക്ക് പ്രൊഫൈലില്‍ നിന്ന് വ്യാജ പ്രചാരണം നടക്കുന്നുവെന്നാണ് പരാതിയില്‍ പറയുന്നത്. പറയാത്ത കാര്യങ്ങള്‍ പറഞ്ഞുവെന്ന തരത്തിലാണ് പ്രചാരണമെന്നും പരാതിയില്‍ ചൂണ്ടിക്കാട്ടുന്നു. കുഞ്ഞാലിക്കുട്ടിക്ക് വേണ്ടി ചീഫ് ഇലക്ഷൻ ഏജന്റാണ് മലപ്പുറം സൈബർ സെല്‍ പൊലീസ് സ്റ്റേഷനില്‍ പരാതി നല്‍കിയത്. ഗുരുവായൂർ അമ്പലം മതേതര സർക്കാരിന്റേതാണ്, ഗുരുവായൂർ ദേവസ്വം ബോർഡില്‍ മുസ്‌ലിം ലീഗിന് പ്രതിനിധികളുണ്ടാകും' എന്ന് കുഞ്ഞാലിക്കുട്ടി പ്രസ്താവന നടത്തിയ രീതിയിലാണ് പോസ്റ്റ് തയ്യാറാക്കിയിരിക്കുന്നത്. തെരഞ്ഞെടുപ്പ് വേളയില്‍ സ്ഥാനാർത്ഥിയെ മതതീവ്രവാദിയായി ചിത്രീകരിക്കാനും സമൂഹത്തില്‍ മതസ്പർദ്ധയും വർഗീയ ചേരിതിരിവും ഉണ്ടാക്കി സമാധാന അന്തരീക്ഷം തകർക്കാനുമുള്ള ആസൂത്രിത ശ്രമമാണിതെന്ന് പരാതിയില്‍ പറയുന്നു...

മലപ്പുറം: മുസ്ലിം ലീഗ് സംസ്ഥാന പ്രസിഡന്റ് പാണക്കാട് സാദിഖലി ശിഹാബ് തങ്ങൾക്കെതിരെ വ്യാജപ്രചാരണം നടത്തി ബ്ലാക് മെയിൽ ചെയ്ത കേസിൽ പ്രതി മുഹമ്മദ് റോഷനെ പോലീസ് പിടികൂടി. അങ്ങാടിപ്പുറത്ത് നിന്നാണ് ഇയാളെ കസ്റ്റഡിയിലെടുത്തത്. വ്യാജ ദൃശ്യങ്ങളും വീഡിയോകളും കാണിച്ച് 15 കോടി രൂപ ആവശ്യപ്പെട്ടെന്നാണ് എഫ്.ഐ.ആർ വ്യക്തമാക്കുന്നത്. കാപ്പ കേസ് പ്രതി കൂടിയായ മുഹമ്മദ് റോഷൻ ദീർഘനാളായി ഒളിവിലായിരുന്നു. 'Shan shanu' എന്ന വ്യാജ ഫേസ്ബുക്ക് അക്കൗണ്ട് വഴിയായിരുന്നു തങ്ങൾക്കെതിരായ അപകീർത്തികരമായ പ്രചാരണം നടന്നത്. മാർച്ച് 21-നാണ് ഈ അക്കൗണ്ടിൽ പോസ്റ്റ് പ്രത്യക്ഷപ്പെട്ടത്. എന്നാൽ ഇതിന് മുൻപ് ജനുവരി 31-ന് മുഹമ്മദ് റോഷൻ, പാണക്കാട് മോയീൻ അലി തങ്ങളെയും സുഹൃത്തിനെയും പെരിന്തൽമണ്ണയിലെ മാളിൽ വിളിച്ചു വരുത്തി അവ്യക്തമായ ദൃശ്യങ്ങളും വീഡിയോകളും കാണിച്ച് പണം ആവശ്യപ്പെട്ടെന്നാണ് പരാതി. ദൃശ്യങ്ങൾ പുറത്തുവിടാതിരിക്കാൻ 15 കോടി രൂപ നൽകണ...

തവനൂർ: നിയമസഭാ തിരഞ്ഞെടുപ്പിൽ യു.ഡി.എഫ് സ്ഥാനാർത്ഥിയെ വിജയിപ്പിച്ചാൽ സൗജന്യ വിദേശയാത്ര ഓഫർ ചെയ്ത മുസ്ലിം ലീഗ് സംസ്ഥാന വൈസ് പ്രസിഡന്റ് സി.പി. ബാവ ഹാജിക്കെതിരെ പോലീസ് കേസെടുത്തു. മാതൃകാ പെരുമാറ്റച്ചട്ടത്തിന്റെ ലംഘനം ഉണ്ടായെന്ന് ചൂണ്ടിക്കാട്ടിയാണ് നടപടി. തിരൂർ എസ്.എച്ച്.ഒയ്ക്കാണ് കേസിന്റെ അന്വേഷണ ചുമതല. ബാവ ഹാജിയുടെ പ്രസംഗത്തെക്കുറിച്ച് നേരത്തെ ജില്ലാ കളക്ടർ റിപ്പോർട്ട് തേടിയിരുന്നു. തവനൂരിലെ തിരഞ്ഞെടുപ്പ് കൺവെൻഷനിലാണ് സി.പി. ബാവ ഹാജി വിവാദ പ്രഖ്യാപനം നടത്തിയത്. യു.ഡി.എഫ് സ്ഥാനാർത്ഥി വി.എസ്. ജോയിക്ക് ഏറ്റവും കൂടുതൽ ലീഡ് നൽകുന്ന കമ്മിറ്റിക്ക് 15 ദിവസത്തെ ഗൾഫ് യാത്രയാണ് അദ്ദേഹം വാഗ്ദാനം ചെയ്തത്. ടിക്കറ്റും 15 ദിവസത്തെ താമസവും അടക്കമുള്ള സമ്പൂർണ്ണ പാക്കേജായിരുന്നു ബാവ ഹാജിയുടെ ഓഫർ.​നേരത്തെ തവനൂരിൽ സ്ഥാനാർത്ഥിയായി പരിഗണിക്കപ്പെട്ടിരുന്ന നേതാവാണ് ബാവ ഹാജി. എന്നാൽ അപ്രതീക്ഷിതമായി മലപ്പുറം ഡി.സി.സി ...

മലപ്പുറം: പശ്ചിമേഷ്യയിലെ യുദ്ധസാഹചര്യം മൂലമുണ്ടായ ഗ്യാസ് വിതരണ പ്രതിസന്ധി മുതലെടുത്ത് സ്വകാര്യ ഗ്യാസ് ഏജൻസികൾ നടത്തുന്ന കൊള്ളവില ഈടാക്കലിനെതിരെ ശക്തമായ നടപടി വേണമെന്ന് കേരള സ്റ്റേറ്റ് കൺസ്ട്രക്ഷൻ വർക്കേഴ്സ് കോൺഗ്രസ് (ഐ.എൻ.ടി.യു.സി) മലപ്പുറം ജില്ലാ കൺവെൻഷൻ ആവശ്യപ്പെട്ടു. കൊമേഴ്‌സ്യൽ ഗ്യാസിന് നിലവിൽ 2000 രൂപയുണ്ടായിരുന്ന സ്ഥാനത്ത് കുറ്റി ഒന്നിന് 4000 രൂപ മുതൽ 5000 രൂപ വരെയാണ് പല ഏജൻസികളും ഈടാക്കുന്നത്. അവസരം മുതലെടുത്ത് കരിഞ്ചന്തയും പൂഴ്ത്തിവെപ്പും നടത്തുന്ന ഏജൻസികൾക്കെതിരെ കർശന നിയമനടപടി കൈക്കൊള്ളണമെന്ന് കൺവെൻഷൻ ആവശ്യപ്പെട്ടു. ചെറുകിട ഹോട്ടൽ വ്യാപാരികൾക്ക് ഇന്ധന ലഭ്യത ഉറപ്പുവരുത്തുന്നതിന് ബന്ധപ്പെട്ട അധികാരികൾ പ്രഥമ പരിഗണന നൽകണം. "പുര കത്തുമ്പോൾ വാഴ വെട്ടുന്ന" സമീപനമാണ് ചില ഏജൻസികൾ സ്വീകരിക്കുന്നത്. ഇത്തരം ചൂഷണങ്ങൾക്കെതിരെ ശക്തമായ പരാതി നൽകാനും നിയമപോരാട്ടം നടത്താനും കൺവെൻഷനിൽ തീരുമാനമായി. ...

നിയമസഭാ തെഞ്ഞെടുപ്പിന്റെ ഒരുക്കങ്ങള്‍ വിലയിരുത്തുന്നതിനായി വിവിധ ചുമതലകള്‍ വഹിക്കുന്ന ജില്ലാതല നോഡല്‍ ഓഫീസര്‍മാരുടെ യോഗം ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ ഡോ.വിനയ് ഗോയലിന്റെ നേതൃത്വത്തില്‍ ചേര്‍ന്നു. തെരഞ്ഞെടുപ്പുമായി ബന്ധപ്പെട്ട മനുഷ്യവിഭവശേഷി മാനേജ്‌മെന്റ്, ഗതാഗത സംവിധാനങ്ങള്‍, ഇ.വി.എം. മാനേജ്‌മെന്റ്, മെറ്റീരിയല്‍ മാനേജ്‌മെന്റ്, ബാലറ്റ് പേപ്പര്‍, ഇലക്ടറല്‍ റോള്‍, പെരുമാറ്റച്ചട്ട നിരീക്ഷണം, ഉദ്യോഗസ്ഥ പരിശീലനം, എക്‌സ്‌പെന്‍ഡീച്ചര്‍ മോണിറ്ററിങ്, മീഡിയ മോണിറ്ററിങ് ആന്‍ഡ് സര്‍ട്ടിഫിക്കേഷന്‍, ഐടി സൈബര്‍ സുരക്ഷ, വെബ്കാസ്റ്റിങ്, കണ്‍ട്രോള്‍ റൂം, കമ്മ്യൂണിക്കേഷന്‍ പ്ലാന്‍, പരാതി പരിഹാര സെല്‍ തുടങ്ങിയ വിവിധ വകുപ്പുകളുടെ പ്രവര്‍ത്തനങ്ങള്‍ യോഗം വിലയിരുത്തി. ഈ വകുപ്പുകളുടെ ചുമതലയുള്ള നോഡല്‍ ഓഫീസര്‍മാര്‍ യോഗത്തില്‍ പങ്കെടുത്തു....

ചെറുവാടി ഇരവഴിഞ്ഞിപ്പുഴ പാലത്തിൽ നിന്ന് ചാടി ആത്മഹത്യയ്ക്ക് ശ്രമിച്ച വിദ്യാർത്ഥിനിയെ അവസരോചിതമായ ഇടപെടലിലൂടെ രക്ഷിച്ച് വെട്ടത്തൂർ സ്വദേശി മദീന ഷഫീഖ്. ഇന്ന് രാവിലെ മൽസ്യം വാങ്ങി മടങ്ങുകയായിരുന്ന ഷഫീഖ് പാലത്തിൽ തനിച്ച് നിന്ന വിദ്യാർത്ഥിനിയുടെ പെരുമാറ്റത്തിൽ സംശയം തോന്നി വാഹനം ദൂരെ ഒതുക്കി നിർത്തി നിരീക്ഷിക്കുകയായിരുന്നു. പെൺകുട്ടി പാലത്തിന്റെ കൈവരിയിൽ കയറി പുഴയിലേക്ക് ചാടാൻ ഒരുങ്ങിയതോടെ ഷഫീഖ് പാഞ്ഞെത്തി കുട്ടിയെ തടഞ്ഞു. ബൈക്കിൽ ഇരുന്നുകൊണ്ട് തന്നെ കുട്ടിയുടെ വസ്ത്രത്തിൽ പിടിമുറുക്കിയ ഷഫീഖ്, വസ്ത്രം കീറിപ്പോയപ്പോൾ മുടിയിൽ ചുറ്റിപ്പിടിച്ച് താഴേക്ക് വീഴാതെ കാത്തു. ഈ സമയം ഓടിയെത്തിയ മറ്റു യാത്രക്കാരുടെ സഹായത്തോടെയാണ് കുട്ടിയെ സുരക്ഷിതമായി താഴെയിറക്കിയത്. വീട്ടുകാരുമായുണ്ടായ പിണക്കത്തെ തുടർന്നാണ് പെൺകുട്ടി ആത്മഹത്യയ്ക്ക് മുതിർന്നതെന്നാണ് പ്രാഥമിക വിവരം. പെൺകുട്ടി നിലവിൽ കെ.എം.സി.ടി മെഡിക്കൽ കോളേജ...

കുറ്റിപ്പുറം റെയിൽവേ സ്റ്റേഷനിൽ ട്രെയിൻ കാത്തുനിന്ന യുവതിക്ക് നേരെ മധ്യവയസ്കന്റെ അശ്ലീല പ്രദർശനം. രാത്രി ഒന്നരമണിയോടെ സ്റ്റേഷനിലെത്തിയ യാസ്മിൻ എന്ന യുവതിയാണ് തനിക്കുണ്ടായ ദുരനുഭവം ഇൻസ്റ്റഗ്രാം വീഡിയോയിലൂടെ വെളിപ്പെടുത്തിയത്. റെയിൽവേ സ്റ്റേഷനിലിരുന്ന് യുവതിയെ നോക്കി മധ്യവയസ്കൻ സ്വയംഭോഗം ചെയ്യുന്ന ദൃശ്യങ്ങൾ സഹിതമാണ് യാസ്മിൻ പ്രതിഷേധം അറിയിച്ചത്.​സ്ത്രീകളുടെ വസ്ത്രധാരണത്തെ കുറ്റപ്പെടുത്തുന്നവർക്കുള്ള മറുപടി കൂടിയാണ് ഈ സംഭവമെന്ന് യുവതി വീഡിയോയിൽ പറയുന്നു. താൻ പർദ്ദയാണ് ധരിച്ചിരുന്നതെന്നും ഒട്ടും എക്സ്പോസ് ചെയ്യാത്ത വസ്ത്രമണിഞ്ഞിട്ടും ഇത്തരമൊരു അനുഭവം നേരിടേണ്ടി വന്നത് സമൂഹത്തിന്റെ പരാജയമാണെന്നും യാസ്മിൻ ചൂണ്ടിക്കാട്ടി. സംഭവത്തിൽ യുവതി പോലീസിൽ പരാതി നൽകിയിട്ടുണ്ട്. പ്രതിയുടെ ദൃശ്യങ്ങൾ അടങ്ങിയ വീഡിയോ ഇതിനോടകം ആറ് ദശലക്ഷത്തിലധികം ആളുകളാണ് കണ്ടത്. വീഡിയോ ഡിലീറ്റ് ചെയ്യാൻ താൻ തയ്യാറല്ലെന്നും നിയമപോ...

സാക്ഷരതാമിഷന്റെ ഇതര സംസ്ഥാന തൊഴിലാളി സാക്ഷരതാ പദ്ധതി 'ചങ്ങാതി' യുടെ സംസ്ഥാന തല സര്‍വ്വേ ഉദ്ഘാടനം മാര്‍ച്ച് 15ന് രാവിലെ 11ന് എ.പി. അനില്‍ കുമാര്‍ എം.എല്‍.എ. നിര്‍വഹിക്കും. ഗ്രാമപഞ്ചായത്ത് പ്രസിഡന്റ് കെ.കെ. പുഷ്പവല്ലി അധ്യക്ഷത വഹിക്കും. സംസ്ഥാന സാക്ഷരതാ മിഷന്‍ ഡയറക്ടര്‍ എ.ജി. ഒലീന പദ്ധതി വിശദീകരിക്കും. ചേരിപ്പറമ്പ് റേഷന്‍ കടയ്ക്ക് സമീപം നടക്കുന്ന ചടങ്ങില്‍ പോരൂര്‍ പഞ്ചായത്തിലെ ചേരിപ്പറമ്പില്‍ വാടക ക്വാര്‍ട്ടേഴ്‌സില്‍ താമസിക്കുന്ന ആസാം സ്വദേശികളായ സോളമനും ഭാര്യ സീമയ്ക്കും സാക്ഷരത ക്ലാസ് നല്‍കാന്‍ നടപടി ആരംഭിക്കും. ഇവരുടെ മകള്‍ മഹിമ പാലക്കോട് സ്‌കൂളിലെ അഞ്ചാം ക്ലാസ്സ് വിദ്യാര്‍ഥിയും മകന്‍ ജിപ്‌സണ്‍ നാലാം ക്ലാസ് വിദ്യാര്‍ഥിയുമാണ്. മക്കള്‍ കേരളത്തിലെ സ്‌കൂളില്‍ പഠിക്കുന്നതുകൊണ്ടാണ് മലയാളം പഠിക്കാന്‍ ആഗ്രഹിക്കുന്നത്. ഗ്രാമ പഞ്ചായത്ത് അംഗങ്ങളായ ഒ. ബാലസുബ്രഹ്‌മണ്യന്‍, പി. സ്വപ്ന, കെ. അബ്ദുള്‍ കരീം,...

പെരുമണ്ണ ക്ലാരി ഗ്രാമപഞ്ചായത്ത് 2025-26 വാർഷിക പദ്ധതിയിൽ ഉൾപ്പെടുത്തി പഞ്ചായത്തിലെ മുഴുവൻ അംഗൻവാടി വിദ്യാർത്ഥികൾക്കുമുള്ള യൂണിഫോം വിതരണം ചെയ്തു. പഞ്ചായത്ത് പരിധിയിലെ 25 അംഗൻവാടികളിൽ നിന്നായി നാനൂറിലധികം വിദ്യാർത്ഥികൾക്കാണ് യൂണിഫോം നൽകിയത്. ഇതോടെ താനൂർ ബ്ലോക്കിൽ വളവന്നൂർ പഞ്ചായത്തിന് ശേഷം ഈ മാതൃകാപരമായ പദ്ധതി നടപ്പാക്കുന്ന രണ്ടാമത്തെ പഞ്ചായത്തായി പെരുമണ്ണ ക്ലാരി മാറി. യൂണിഫോം വിതരണോദ്ഘാടനം പഞ്ചായത്ത് പ്രസിഡന്റ് സി.സി. സാഹിറ നിർവ്വഹിച്ചു. പഞ്ചായത്ത് വൈസ് പ്രസിഡന്റ് ഷെരീഫ് ചീമാടൻ ചടങ്ങിൽ അധ്യക്ഷത വഹിച്ചു. മുൻ പഞ്ചായത്ത് പ്രസിഡന്റുമാരായ ലിബാസ് മൊയ്‌ദീൻ, ശംസു പുതുമ, വികസന ചെയർപേഴ്സൺ സഹല പാപ്പാലി, ക്ഷേമകാര്യ ചെയർമാൻ പാറയിൽ ഷെരീഫ് (മോൻ), ആരോഗ്യ വിദ്യാഭ്യാസ ചെയർപേഴ്സൺ സൈനബ ചെമ്മീളി എന്നിവർ സംസാരിച്ചു. മെമ്പർമാരായ സുബ്രഹ്മണ്യൻ (മണി), നസീറ കോഴിക്കൽ, സലാം ചോലയിൽ, സീനത്ത് പാറയിൽ, റഫീഖ് ഡി.പി, സത്താർ പ...

മലപ്പുറം: സിപിഐഎം സംസ്ഥാന കമ്മിറ്റിയംഗം ഇ എന്‍ മോഹന്‍ദാസ് (74) അന്തരിച്ചു. പക്ഷാഘാതത്തെ തുടര്‍ന്ന് പെരിന്തല്‍മണ്ണ ഇഎംഎസ് ആശുപത്രിയില്‍ ചികിത്സയിലായിരുന്നു. ഇന്ന് രാവിലെയായിരുന്നു അന്ത്യം. മൃതദേഹം മഞ്ചേരി മെഡിക്കല്‍ കോളേജിന് കൈമാറും. രണ്ട് തവണ സിപിഐഎം മലപ്പുറം ജില്ലാ സെക്രട്ടറിയായിരുന്നു ഇ എന്‍ മോഹന്‍ദാസ്. ദേശാഭിമാനി മലപ്പുറം യൂണിറ്റ് മാനേജരായും പ്രവര്‍ത്തിച്ചിട്ടുണ്ട്. മലപ്പുറം ഇഎംഎസ് പഠന ഗവേഷണ കേന്ദ്രം സെക്രട്ടറിയാണ്. 1957 സെപ്റ്റംബര്‍ പതിനഞ്ചിന് ഇന്ത്യനൂര്‍ എടയാട്ട് നെടുമ്പുറം പരേതനായ വേലുനായരുടെയും പാറുക്കുട്ടിയമ്മയുടെയും മകനായായിരുന്നു ജനനം. വിദ്യാര്‍ത്ഥി-യുവജന പ്രസ്ഥാനങ്ങളിലൂടെയാണ് പൊതുരംഗത്തേയ്ക്ക് എത്തിയത്. എസ്എഫ്‌ഐ ജില്ലാ ജോയിന്റ് സെക്രട്ടറിയായും ഏറനാട് താലൂക്ക് സെക്രട്ടറിയായും പ്രവര്‍ത്തിച്ചിട്ടുണ്ട്. കെഎസ്‌വൈഎഫ് ജില്ലാ പ്രസിഡന്റും ഡിെൈവഫ്‌ഐ പ്രഥമ ജില്ലാ പ്രസിഡന്റുമായി. സിപിഐഎം ഇന...

അന്താരാഷ്ട്ര വനിതാ ദിനത്തോടനുബന്ധിച്ച് വനിത ശിശു വികസന വകുപ്പ് അന്താരാഷ്ട്ര വനിതാ ദിനാഘോഷ ജില്ലാതല പരിപാടി സംഘടിപ്പിച്ചു. മഞ്ചേരി മുനിസിപ്പൽ ടൗൺ ഹാളിൽ നടന്ന പരിപാടി മലപ്പുറം ജില്ലാ പോലീസ് മേധാവി ചൈത്ര തെരേസ ജോണ്‍ ഉദ്ഘാടനം ചെയ്തു. “അവകാശങ്ങൾ, നീതി, പ്രവർത്തനം എല്ലാ സ്ത്രീകൾക്കും കുട്ടികൾക്കും വേണ്ടി” എന്ന ഈ വർഷത്തെ ഐക്യരാഷ്ട്ര സഭയുടെ സന്ദേശത്തെ കുറിച്ച് ജില്ലാ പോലീസ് മേധാവി സംസാരിച്ചു. ചടങ്ങില്‍ സ്ത്രീകളുടെയും കുട്ടികളുടെയും ശാക്തീകരണവുമായി ബന്ധപ്പെട്ട് വിവിധ മേഖലകളില്‍ തങ്ങളുടേതായ വ്യക്തിമുദ്രയും മികവും പ്രകടമാക്കിയ വിശിഷ്ട വ്യക്തികള്‍ക്ക് പുരസ്‌കാരം നൽകി. മികച്ച അങ്കണവാടി, അങ്കണവാടി സൂപ്പർവൈസർ, അങ്കണവാടി വർക്കർമാർ, ഹെൽപർമാർ എന്നിവരെ മൊമന്റോ നൽകി ആദരിച്ചു. മഞ്ചേരി മഹിളാ സമാജം ലീഗൽ കൗൺസിലർ അഡ്വ. നിഷ ബേബി “സ്ത്രീകളുമായി ബന്ധപ്പെട്ട നിയമങ്ങളും നിയമനിർമ്മാണങ്ങളും” എന്ന വിഷയത്തിലും കില, പോലീസ് ...

മലപ്പുറത്തെയും നീലഗിരി കുന്നുകളെയും ബന്ധിപ്പിക്കുന്ന കെ.എസ്.ആര്‍.ടി.സി.യുടെ മലപ്പുറം - ഊട്ടി സര്‍വീസിന് ഇനി പുതിയ മുഖം. പഴയ ബസിന് പകരം ആരംഭിച്ച 'പ്രീമിയം സൂപ്പര്‍ ഫാസ്റ്റ്' ബസിന്റെ ഫ്ലാഗ് ഓഫ് കര്‍മ്മം മലപ്പുറം കെ.എസ്.ആര്‍.ടി.സി സ്റ്റാന്‍ഡില്‍ നടന്ന ചടങ്ങില്‍ പി. ഉബൈദുള്ള എം.എല്‍.എ നിര്‍വഹിച്ചു. ചുരം വഴിയുള്ള ദീര്‍ഘദൂര യാത്ര കൂടുതല്‍ സുഖകരമാക്കാന്‍ പുതിയ ബസ് എത്തിയതോടെ സാധിക്കും. മലപ്പുറം കെ.എസ്.ആര്‍.ടി.സി സ്റ്റാന്‍ഡില്‍ നിന്നും എല്ലാ ദിവസവും രാവിലെ 11 ന് ബസ് ഊട്ടിയിലേക്ക് പുറപ്പെടും. വൈകുന്നേരം നാലിന് ബസ് ഊട്ടിയിലെത്തും. വൈകീട്ട് 4.40-ന് അവിടെ നിന്നും തിരിച്ച് രാത്രി 10 മണിയോടെ മലപ്പുറത്ത് സര്‍വീസ് അവസാനിപ്പിക്കും. 186 രൂപയാണ് മലപ്പുറത്ത് നിന്നും ഊട്ടിയിലേക്ക്. ഇതേ ബസ് പുലര്‍ച്ചെ നാലിന് മലപ്പുറത്ത് നിന്നും ഗൂഡല്ലൂര്‍ സര്‍വീസും നടത്തുന്നുണ്ട്. നാല് പതിറ്റാണ്ടിലേറെയായി ഈ റൂട്ടില്‍ സര്‍വീസ് ന...

ഫറോക്ക്: സമൂഹത്തിന്റെ വളർച്ചയ്ക്കും ഇന്ന് നാം ആർജിച്ചിട്ടുള്ള മുഴുവൻ നേട്ടങ്ങൾക്കും പിന്നിൽ എഴുത്ത് എന്ന ക്രിയയുടെ വലിയ പിൻബലമുണ്ടെന്ന് പ്രമുഖ പരിസ്ഥിതി പ്രവർത്തകനും എഴുത്തുകാരനുമായ ഡോ. അബു കുമ്മാളി അഭിപ്രായപ്പെട്ടു. എഴുത്തിനെ പരിപോഷിപ്പിക്കാനുള്ള എല്ലാ ശ്രമങ്ങളും ആദരിക്കപ്പെടേണ്ടതാണെന്നും അദ്ദേഹം കൂട്ടിച്ചേർത്തു. ജയ കിളിയുടെ പുതിയ കഥാസമാഹാരമായ 'രാശി'യുടെ കവർ പ്രകാശനം നിർവ്വഹിച്ചു സംസാരിക്കുകയായിരുന്നു അദ്ദേഹം. കേരള മാപ്പിള കലാ അക്കാദമി ഫറോക്ക് ചാപ്റ്റർ സംഘടിപ്പിച്ച പരിപാടിയിൽ മുൻ നഗരസഭാ അധ്യക്ഷൻ എൻ.സി. അബ്ദുൾ റസാക്ക് അധ്യക്ഷത വഹിച്ചു. കേരള പാഠപുസ്തക സമിതി അംഗം ഡോ. മുഹമ്മദ് ഷിയാസ് മുഖ്യപ്രഭാഷണം നടത്തി. പ്രമുഖ പ്രഭാഷകനും ട്രെയിനറുമായ ലുക്മാൻ അരീക്കോട് മുഖ്യാതിഥിയായിരുന്നു. ചടങ്ങിൽ നഗരസഭാ ഉപാധ്യക്ഷൻ പി.കെ. ഷബീർ അലി, കൗൺസിലർ ഷാജി പറശ്ശേരി, അബ്ദുറഹ്മാൻ കള്ളിത്തൊടി, ജഹാഷലി, അഷറഫ് കോടമ്പുഴ, കുഞ്...

പരപ്പനങ്ങാടി: മോട്ടോർ വാഹന വകുപ്പിൽ അനാവശ്യമായി പുതിയ തസ്തികകൾ സൃഷ്ടിച്ച് സർക്കാർ പണം ധൂർത്തടിക്കാനും വൻ അഴിമതി നടത്താനും നീക്കമുള്ളതായി കേരള ഡെവലപ്‌മെന്റ് ഫോറം സംസ്ഥാന കമ്മിറ്റി ആരോപിച്ചു. 167 എ.എം.വി.ഐമാർ, 92 എം.വി.ഐമാർ, 57 ക്ലറിക്കൽ സ്റ്റാഫ് എന്നിവരെ പുതുതായി നിയമിക്കാനുള്ള തീരുമാനത്തിന് പിന്നിൽ വലിയ സാമ്പത്തിക താൽപ്പര്യങ്ങളാണുള്ളതെന്ന് സംഘടന കുറ്റപ്പെടുത്തി. വാഹൻ, പരിവാഹൻ സോഫ്റ്റ്‌വെയറുകൾ വഴി സേവനങ്ങൾ ഓൺലൈനായതോടെ ഫിറ്റ്‌നസ്, ഡ്രൈവിംഗ് ടെസ്റ്റ്, ചെക്ക് പോസ്റ്റ് പരിശോധനകൾ എന്നിവയിൽ നിലവിലുള്ള ജീവനക്കാർക്ക് പോലും ജോലിയില്ലാത്ത സാഹചര്യമാണുള്ളത്. അപകടങ്ങൾ കുറയ്ക്കാനെന്ന പേരിൽ പുതിയ തസ്തികകൾ സൃഷ്ടിച്ചും വാഹന ഉടമകളെക്കൊണ്ട് വിവിധ ഉപകരണങ്ങൾ നിർബന്ധപൂർവ്വം പിടിപ്പിച്ചും പൊതുജനങ്ങളെ ദ്രോഹിക്കുന്ന നിലപാടാണ് വകുപ്പ് സ്വീകരിക്കുന്നതെന്നും ഫോറം ഭാരവാഹികൾ പറഞ്ഞു. സർക്കാർ ഖജനാവിന് വലിയ നഷ്ടമുണ്ടാക്കുന...

മലപ്പുറം: എടവണ്ണയിലെ ജമലങ്ങാടി പള്ളിയിൽ കഴിഞ്ഞ വെള്ളിയാഴ്ച നടന്ന ജുമുഅ നമസ്‌കാരം ചരിത്രപരമായ ഒരു മാറ്റത്തിന് സാക്ഷ്യം വഹിച്ചു. പ്രദേശത്തെ ഇതരസംസ്ഥാന തൊഴിലാളികൾക്ക് ഖുത്ബ (പ്രഭാഷണം) മനസ്സിലാക്കുന്നതിനായി ഉറുദു, ഹിന്ദി ഭാഷകളിലാണ് പ്രസംഗം സംഘടിപ്പിച്ചത്. എടവണ്ണ മഹല്ല് കമ്മിറ്റി പഴയ പള്ളി പുതുക്കിപ്പണിത് അതിഥി തൊഴിലാളികൾക്കായി വിട്ടുനൽകിയതോടെയാണ് ഈ പുതിയ മാറ്റം നിലവിൽ വന്നത്. വർഷങ്ങളായി എടവണ്ണയിലും പരിസരങ്ങളിലും ജോലി ചെയ്യുന്ന നൂറുകണക്കിന് തൊഴിലാളികൾക്ക് മലയാളത്തിലുള്ള ഖുത്ബ മനസ്സിലാക്കാൻ പ്രയാസമായിരുന്നു. ഇക്കാരണത്താൽ പലരും ജുമുഅ പ്രാർത്ഥനകളിൽ നിന്ന് വിട്ടുനിൽക്കുന്ന സാഹചര്യം മഹല്ല് കമ്മിറ്റിയുടെ ശ്രദ്ധയിൽപ്പെട്ടു. തൊഴിലാളികളുടെ ഈ പ്രയാസം മനസ്സിലാക്കിയ കമ്മിറ്റി, അവർക്ക് മാത്രമായി പ്രാർത്ഥനകൾക്കും പ്രഭാഷണങ്ങൾക്കുമായി പള്ളി വിട്ടുനൽകാൻ തീരുമാനിക്കുകയായിരുന്നു. എടവണ്ണ ജാമിയ നദ്‌വിയ്യ അറബിക് കോള...

മലപ്പുറം: വയറിളക്കവും ഛർദ്ദിയും അനുഭവപ്പെട്ട് ആശുപത്രിയിൽ ചികിത്സ തേടിയ ഏഴുവയസ്സുകാരി കുഴഞ്ഞുവീണ് മരിച്ചു. കുറ്റിപ്പുറം എടച്ചലം കരിമ്പനക്കൽ ഹക്കീമിന്റെ മകൾ ലസ്‌നയാണ് വെള്ളിയാഴ്ച വൈകീട്ട് മൂന്ന് മണിയോടെ പൂക്കാട്ടിരിയിലെ സ്വകാര്യ ആശുപത്രിയിൽ വെച്ച് മരണപ്പെട്ടത്. ലസ്‌നയുടെ മാതാപിതാക്കളും ബന്ധുക്കളും ഉൾപ്പെടെ കുടുംബത്തിലെ അഞ്ചുപേർ സമാന ലക്ഷണങ്ങളോടെ ചികിത്സയിലാണ്. ലസ്‌നയ്‌ക്കൊപ്പം മാതാവ് ഷഹല, സഹോദരി മിൻസ, ഹക്കീമിന്റെ മാതാപിതാക്കൾ, സഹോദരി എന്നിവരെയാണ് ശാരീരിക അസ്വസ്ഥതകളെ തുടർന്ന് ആശുപത്രിയിൽ പ്രവേശിപ്പിച്ചത്. ഗർഭിണിയായ ഷഹലയ്ക്കും മകൾ മിൻസയ്ക്കും കടുത്ത ക്ഷീണം അനുഭവപ്പെട്ടതിനെ തുടർന്ന് ഡ്രിപ്പ് നൽകി ചികിത്സ തുടരുന്നതിനിടയിലാണ് അപ്രതീക്ഷിതമായി ലസ്‌ന കുഴഞ്ഞുവീണ് മരിച്ചത്. കുട്ടിയുടെ മരണത്തെ തുടർന്ന് മറ്റുള്ളവരെ വിദഗ്ധ ചികിത്സയ്ക്കായി കോട്ടയ്ക്കലിലെ സ്വകാര്യ ആശുപത്രിയിലേക്ക് മാറ്റി. ഭക്ഷ്യവിഷബാധയാണോ...