തിരൂരങ്ങാടി: മുസ്ലിം ലീഗ് മുൻ സംസ്ഥാന ട്രഷററായിരുന്ന മർഹൂം എം.കെ. ഹാജി സാഹിബിന്റെ പൗത്രനും, പരേതനായ എം.കെ. അബ്ദു സമദ് സാഹിബിന്റെ മകനുമായ തിരൂരങ്ങാടി മൂന്ന് കണ്ടൻ ഇബ്രാഹിം എന്ന മോൻ (45) അന്തരിച്ചു. തിരൂരങ്ങാടി യത്തീംഖാന കമ്മിറ്റി നിർവാഹക സമിതി അംഗമായിരുന്നു. തിരൂരങ്ങാടി മുസ്ലിം ഓർഫനേജ് കമ്മിറ്റി ജനറൽ സെക്രട്ടറിയും മുസ്ലിം ലീഗ് മലപ്പുറം ജില്ല ഉപാധ്യക്ഷനുമായ എം.കെ. ബാവ ഇദ്ദേഹത്തിന്റെ പിതൃസഹോദരനാണ്. കുറ്റിപ്പാല സ്വദേശിനി മണ്ണിങ്ങൽ റുഖ്സാന ഫാത്തിമയാണ് ഭാര്യ. റൈഖ സമദ്, ഇസ്സ സമദ്, അസ്മിൻ സമദ് എന്നിവർ മക്കളാണ്. മയ്യിത്ത് ദർശിക്കുന്നതിനും നമസ്കരിക്കുന്നതിനുമായി തിരൂരങ്ങാടി യത്തീംഖാനയിൽ സൗകര്യമുണ്ടായിരിക്കും. തുടർന്ന് ബുധനാഴ്ച (24-12-2025) രാവിലെ എട്ട് മണിക്ക് തിരൂരങ്ങാടി ദാറുസ്സലാം മസ്ജിദിലും മേലെചിന മസ്ജിദിലും മയ്യിത്ത് നമസ്കാരം നടക്കും. ഇതിന് ശേഷം മേലേചിന പള്ളി ഖബർസ്ഥാനിൽ മയ്യിത്ത് മറവ് ചെയ്യും.
