ഓൺലൈൻ തട്ടിപ്പിലൂടെ ലഭിച്ച ലക്ഷങ്ങൾ സ്വന്തം അക്കൗണ്ടിലൂടെ സ്വീകരിച്ച കോട്ടക്കലിലുള്ള യുവാവിനെ പിടികൂടി പൊലീസ്.
കോട്ടക്കൽ: ചെറിയ ലാഭത്തിന് വേണ്ടി സ്വന്തം ബാങ്ക് അക്കൗണ്ട് വിവരങ്ങൾ കൈമാറ്റം ചെയ്യുന്നവർക്ക് മുന്നറിയിപ്പുമായി പൊലീസ്. ഓൺലൈൻ തട്ടിപ്പിലൂടെ ലഭിച്ച ലക്ഷങ്ങൾ സ്വന്തം അക്കൗണ്ടിലൂടെ സ്വീകരിച്ച യുവാവിനെ പിടികൂടി തമിഴ്നാട് പൊലീസ്. കോട്ടക്കൽ കാവതികളം സ്വദേശി പൊന്മളത്തൊടി മുഹമ്മദ് ഹുസൈനെയാണ് (24) കോട്ടക്കൽ പൊലീസിന്റെ സഹായത്തോടെ ഈറോഡ് സ്പെഷൽ സൈബർ സ്റ്റേഷൻ സബ് ഇൻസ്പെക്ടർ സി. ഭാരതീരാജ അറസ്റ്റ് ചെയ്തത്.
അക്കൗണ്ടിലേക്ക് അയക്കുന്ന പണം പിൻവലിച്ചുകൊടുത്താൽ കമീഷൻ നൽകാമെന്നായിരുന്നു ഹുസൈന് ലഭിച്ച വാഗ്ദാനം. ആട്ടീരി സ്വദേശിയായ സുഹൃത്തിന്റെ നിർദേശപ്രകാരം നാല് ലക്ഷം രൂപയാണ് ഹുസൈന്റെ അക്കൗണ്ടിൽ നിക്ഷേപിച്ചത്. ഇത് പിൻവലിച്ചുകൊടുത്...



















