Saturday, November 29News That Matters
Shadow

ശാസ്ത്ര പ്രതിഭകൾക്ക് അനുമോദനം

അബ്ദുറഹ്മാൻ നഗർ : ഒതുക്കുങ്ങലിൽ നടന്ന വേങ്ങര ഉപജില്ല ശാസ്ത്ര പ്രവൃത്തി പരിചയമേളയിൽ മികവാർന്ന വിജയം കരസ്ഥമാക്കി എ യു പി സ്കൂൾ ഇരുമ്പുചോല. യു.പി വിഭാഗം പ്രവൃത്തി പരിചയ മേള , എൽ.പി ഗണിത മേള എന്നിവയിൽ ഒന്നാം സ്ഥാനവും, എൽ പി വിഭാഗം ശാസ്ത്ര മേളയിൽ മൂന്നാം സ്ഥാനവും നേടി ക്കൊണ്ട് വിദ്യാലയം വേങ്ങര ഉപജില്ലയിൽ ശ്രദ്ധേയമായി.തിളക്കമാർന്ന വിജയം നേടിയ ശാസ്ത്ര പ്രതിഭകൾക്ക് പിടിഎ, പൗരാവലി എന്നിവരുടെ നേതൃത്വത്തിൽ അനുമോദനവും വിജയപ്രയാണവും നടത്തി. സ്കൂളിൽ നിന്ന് ആരംഭിച്ച വിജയ പ്രയാണം മമ്പുറം, വി കെ പടി വലിയ പറമ്പ് പുകയൂര് ചെണ്ടപുറായ, എന്നിവിടങ്ങളിൽ പ്രയാണം നടത്തി. കുളപ്പുറത്ത് സമാപിച്ചു. കൊളപ്പുറത്ത് നടന്ന അനുമോദന യോഗത്തിൽ പിടിഎ പ്രസിഡണ്ട് ചെമ്പകത്ത് അബ്ദുൽ റഷീദിന്റെ അധ്യക്ഷതയിൽ മാനേജർ കാവുങ്ങൽ ലിയാഖത്തലി ഉദ്ഘാടനം ചെയ്തു. പൗരാവലിക്ക് വേണ്ടി തെങ്ങിലാൻ ഹംസ, പുളിശ്ശേരി മുസ്തഫ, തുടങ്ങിയവർ വിജയികളെ അനുമോദനവും ഹാരാ ർപ്പണവും നടത്തി. ഹെഡ്മിസ്ട്രസ് ജി. സുഹറാബി, സ്റ്റാഫ് സെക്രട്ടറി പി ഇസ്മായിൽ, കെ എം എ ഹമീദ്, ഷെഫീഖ് എം, അഫ്സൽ, തുടങ്ങിയവർ പ്രസംഗിച്ചു .അനസ്, മുനീർ വിലാശേരി, അർഷദ്, ആഷിഖ് കാവുങ്ങൽ, നുസൈബ കാപ്പൻ, ഷെയ്ഖ , തസ്ലീമ, ഫർഹത്ത് മുനീറ എന്നിവർ നേതൃത്വം നൽകി.

Leave a Reply

Your email address will not be published. Required fields are marked *

MTN NEWS CHANNEL