ചേറൂർ : ചേറൂർ ചാക്കീരി അഹമ്മദ് കുട്ടി മെമ്മോറിയൽ ഗവൺമെന്റ് യു പി സ്കൂളിന്റെ അൻപതാം വാർഷികാഘോഷത്തിന്റെ ലോഗോ പ്രകാശനം ചെയ്തു. സ്കൂൾ പി.ടി.എ പ്രസിഡന്റ് സൈതലവി അധ്യക്ഷത വഹിച്ച പരിപാടിക്ക് പ്രധാനാധ്യാപകൻ രവിചന്ദ്രൻ പാണക്കാട്ട് സ്വാഗതം ആശംസിച്ചു.
ലോഗോ പ്രകാശനം വിദ്യാലയത്തിലെ ആദ്യ ബാച്ചിലെ വിദ്യാർത്ഥി അഡ്വ. അബ്ദുൽ ഖാദർ കണ്ണേത്ത് നിർവഹിച്ചു. ആദ്യ ബാച്ചിലെ വിദ്യാർത്ഥികളായ നഫീസ മണ്ടോട്ടിൽ, ഡി.കെ പ്രേമരാജൻ, അബ്ദു റസാഖ് കരുമ്പൻ തുടങ്ങീ പൂർവ്വ വിദ്യാർത്ഥികളും നാട്ടുകാരും വിദ്യാർത്ഥിനി വിദ്യാർത്ഥികളും അധ്യാപകരും ചടങ്ങിൽ സംബന്ധിച്ചു. കൂടാതെ പി.ടി.എ, എം.ടി.എ പ്രതിനിധികളും പങ്കെടുത്തു. സംഘാടക സമിതി അംഗങ്ങളായ ബാബു ചേറൂർ, ഷംസു പക്കിയൻ, ഹസൈൻ ചേറൂർ, വി.കെ ജബ്ബാർ, പി മജീദ്, എൻ. കെ മൊയ്ദീൻ, ടി. ടി കുഞ്ഞു , സമ്മദ് കണ്ണേത്ത് , റിയാസ് കെ എന്നിവർ ആശംസകൾ നേർന്നു. സീനിയർ സ്റ്റാഫ് അസിസ്റ്റന്റ് സക്കീന നന്ദിയും പറഞ്ഞു.
നിങ്ങൾ വാർത്തകൾ അറിയാന്‍ WHATSAPP ഗ്രൂപ്പിൽ ജോയിൻ ചെയ്യുക
നിങ്ങൾക്കും വാർത്തകളും അറിയിപ്പുകളും അറിയിക്കാം…
E MAIL : mtnlivenews@gmail.com