അച്ഛനമ്പലം: ആസ്റ്റർ ലാബും ചെള്ളിവളപ്പ് യംഗ് സ്റ്റാർ ആർട്സ് ആൻഡ് സ്പോർട്സ് ക്ലബ്ബും സംയുക്തമായി സംഘടിപ്പിച്ച സൗജന്യ മെഡിക്കൽ ക്യാമ്പ് ശ്രദ്ധേയമായി. വലിയ ജനപങ്കാളിത്തം അനുഭവപ്പെട്ട ക്യാമ്പിന്റെ ഉദ്ഘാടനം 14-ാം വാർഡ് മെമ്പർ നംഷാദ് അമ്പലവൻ നിർവഹിച്ചു. സമൂഹത്തിന്റെ ആരോഗ്യ സംരക്ഷണത്തിനായി ഇത്തരത്തിലുള്ള പ്രവർത്തനങ്ങൾ ഏറെ പ്രാധാന്യമുള്ളതാണെന്ന് അദ്ദേഹം അഭിപ്രായപ്പെട്ടു. യംഗ് സ്റ്റാർ ക്ലബ്ബ് പ്രസിഡന്റ് സമീർ പുള്ളാട്ട് അധ്യക്ഷത വഹിച്ച ചടങ്ങിൽ ബ്ലോക്ക് മെമ്പർമാരായ തയ്യിൽ ഹസീന, ചുക്കൻ ഖദീജ എന്നിവർ ആശംസകൾ അർപ്പിച്ചു. ക്ലബ്ബ് സെക്രട്ടറി ഷറഫു മേകറുമ്പിൽ സ്വാഗതവും ഖജാൻജി മുസ്തഫ ചുക്കൻ നന്ദിയും രേഖപ്പെടുത്തി. ജോയിന്റ് സെക്രട്ടറി ആസിഫ് പനക്കൻ, മീഡിയ വിംഗ് സാലിഹ്, ആർട്സ് കൺവീനർ ജിതീഷ് കെ.സി, സ്പോർട്സ് കൺവീനർ ഷാജഹാൻ ടുട്ടു എന്നിവർ ക്യാമ്പിന് നേതൃത്വം നൽകി. ക്ലബ്ബ് മെമ്പർമാരായ ഖാദർ, യാസീൻ, അൻവർ, ഫവാസ്, ജാഫർ എന്നിവരും മുതിർന്നവരും അഭ്യുദയകാംക്ഷികളുമായ അബ്ദു പനക്കൻ, ബിനീഷ്, ജിതിൻ, അയ്യപ്പൻ, ജിതേഷ് തുടങ്ങിയവരും ക്യാമ്പിന്റെ വിവിധ ക്രമീകരണങ്ങൾക്കായി സജീവമായി പ്രവർത്തിച്ചു. ക്യാമ്പിൽ പങ്കെടുത്ത നിരവധി പേർക്ക് ഷുഗർ, കൊളസ്ട്രോൾ ഉൾപ്പെടെയുള്ള ആരോഗ്യ പരിശോധനകളും വിദഗ്ധ നിർദേശങ്ങളും സൗജന്യമായി ലഭ്യമാക്കി
