തിരൂരങ്ങാടി: ഹജ്ജിന്റെ പേരില്‍ തട്ടിപ്പിനിരയായവര്‍ക്ക് പണം തിരികെ വാങ്ങി നല്‍കാന്‍ മുസ്ലിം ലീഗ് നേതൃത്വം തയ്യാറാവണമെന്ന് തിരൂരങ്ങാടി ആം ആദ്മി മണ്ഡലം കമ്മിറ്റി ആവശ്യപ്പെട്ടു. 2024ല്‍ നൂറുകണക്കിന് പേരുടെ കൈയ്യില്‍ നിന്ന് ഹജ്ജിന് പോവാന്‍ ട്രാവല്‍സ് വഴി പണം വാങ്ങി തട്ടിപ്പ് നടത്തിയ തിരൂരങ്ങാടിയിലെ ലീഗ് നേതാവു കൂടിയായ കരിപറമ്പ് വലിയ പീടിക അഫ്‌സല്‍ ചെയ്ത ക്രൂരത കണ്ടില്ലെന്ന് നടിക്കാന്‍ ലീഗ് നേതൃത്വത്തിന് കഴിയില്ല. നിരവധി പേരുടെ കൈയ്യില്‍ നിന്ന് കോടി കണക്കിന് രൂപയാണ് ഇയാള്‍ വെട്ടിച്ചിരിക്കുന്നത്. 2019ലും ഇയാള്‍ സമാനമായ രീതിയില്‍ തട്ടിപ്പ് നടത്തി. തട്ടിപ്പിന് ഇരയായവര്‍ ലീഗ് നേതൃത്വത്തിന് പരാതി നല്‍കിയിട്ടും നടപടികളുണ്ടായില്ല. അതുകൊണ്ടാണ് പോലിസില്‍ പരാതി നല്‍കിയത്. പണം ചോദിക്കുന്നവരെ അഫ്‌സല്‍ ഭീഷണിപ്പെടുത്തുകയാണെന്ന് ആരോപണമുണ്ട്. പല ചര്‍ച്ചകള്‍ക്കും നേതൃത്വം വഹിക്കുന്നത് ഇപ്പോഴും ലീഗ് നേതൃത്വമാണെന്നിരിക്കെ മാനുഷിക പരിഗണന വെച്ച് ലീഗ് നേതാവില്‍ നിന്ന് പണം ഇരകള്‍ക്ക് വാങ്ങി നല്‍കാന്‍ തിരൂരങ്ങാടിയിലെ മുസ്ലിം ലീഗ് നേതൃത്വങ്ങള്‍ തയ്യാറാവണമെന്ന് മണ്ഡലം കമ്മിറ്റി ആവശ്യപെട്ടു. ഇതുമായി ബന്ധപ്പെട്ട് സാദിക്കലി തങ്ങളെ കാണുമെന്നും മണ്ഡലം പ്രസിഡണ്ട് മൂസാ ജാറത്തിങ്ങൽ പറഞ്ഞു തട്ടിപ്പ് നടത്തിയ അഫ്‌സലിന്റെ സ്വത്ത് കണ്ടുകെട്ടല്‍ അടക്കമുള്ള നടപടികള്‍ സ്വീകരിക്കണമെന്നും യേഗം സർക്കാറിനോട് ആവശ്യപ്പെട്ടു. ആം ആദ്മാ തിരൂരങ്ങാടി മണ്ഡലം പ്രസിഡണ്ട് മൂസ ജാറത്തിങ്ങൽ, ഷമീം പി ഓ, ഫൈസൽ ചെമ്മാട്, സാദിഖ് തെയ്യാല ,അബ്ദുൽ റഹീം പൂക്കത്ത് സംസാരിച്ചു
