മലപ്പുറം: കേരളത്തില്‍ ആര്‍ എസ് എസിന്റെ അംബാസിഡറായി കേരളത്തില്‍ സിപിഎം മാറുന്നുവെന്ന് മുസ്ലീം ലീഗ് മലപ്പുറം മണ്ഡലം പ്രസിഡന്റ് പാണക്കാട് സയ്യിദ് റഷീദലി ശിഹാബ് തങ്ങള്‍ പറഞ്ഞു. കാലങ്ങളായി സൗഹൃദത്തോടെ കഴിഞ്ഞിരുന്ന കേരളത്തെ വര്‍ഗ്ഗീയതയുടെ പേരില്‍ കലാപഭൂമിയാക്കാനുള്ള തീവ്ര ശ്രമത്തിലാണ് സിപിഎം എന്നും അതുവഴി ബി ജെ പി ക്ക് കേരളത്തില്‍ വളര്‍ന്നുവരാനുള്ള അവസരം സൃഷ്ടിക്കലുമാണ് പി എം ശ്രീ വഴി സി പി എം ലക്ഷ്യമിടുന്നതെന്നും അദ്ദേഹം പറഞ്ഞു. വിദ്യാഭ്യാസ മേഖലയെ കാവി വല്‍ക്കരിക്കുന്ന പ്രവണതയില്‍ നിന്നും സര്‍ക്കാര്‍ പിന്മാറണമെന്നും അദ്ദേഹം ആവശ്യപ്പെട്ടു. വിഷന്‍ 2025 ന്റെ ഭാഗമായി കോഡൂര്‍ പഞ്ചായത്ത് മുസ്ലീം ലീഗ് നടത്തിയ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ചടങ്ങില്‍ പഞ്ചായത്ത് ലീഗ് പ്രസിഡന്റ് എന്‍ കുഞ്ഞീതു അധ്യക്ഷത വഹിച്ചു. പഞ്ചായത്ത് ലീഗ് ജനറല്‍ സെക്രട്ടറി സി പി ഷാജി സ്വാഗതം പറഞ്ഞു. വിഷന്‍ 2025 കോ. ഓര്‍ഡിനേറ്റര്‍ കെ എന്‍ ഷാനവാസ് ആമുഖ പ്രഭാഷണം നടത്തി. സമ്മേളനത്തോട് അനുബന്ധിച്ചുള്ള പ്രകടനം പി. അബ്ദുല്‍ ഹമീദ് എം എല്‍ എ ഫഌഗ് ഓഫ് ചെയ്തു. മിസ്ഹബ് കീഴരിയൂര്‍ മുഖ്യ പ്രഭാഷണം നടത്തി. ജില്ലാ യൂത്ത് ലീഗ് സെക്രട്ടറി എന്‍ കെ അഫ്‌സല്‍ റഹ്്മാന്‍, മണ്ഡലം ലീഗ് ഭാരവാഹികളായ വി മുഹമ്മദ് കുട്ടി, എം പി മുഹമ്മദ്, സി എച്ച് ഹസ്സന്‍ ഹാജി, പഞ്ചായത്ത് ലീഗ് ഭാരവാഹികളായ നാസര്‍ കൊളക്കാട്ടില്‍, തറയില്‍ യൂസഫ്, എം ടി ബഷീര്‍, പറവത്ത് ഉമ്മര്‍, നാസര്‍ കുന്നത്ത്, ഹനീഫ വി പി, പഞ്ചായത്ത് യൂത്ത് ലീഗ് സെക്രട്ടറി സബാഹ് മാസ്റ്റര്‍, അഡ്വ. ഹഫീഫ് പറവത്ത്, എം എസ് എഫ് പഞ്ചായത്ത് ഭാരവാഹികളായ മുനവ്വര്‍ ഒറ്റത്തറ, സഹല്‍ പറവത്ത്, സാമീര്‍ പി കെ, ഇര്‍ഷാദ് പാട്ടുപാറ, ഉമ്മര്‍ യു പി, റഹീം ഫൈസി, കുന്നത്ത് കുഞ്ഞി മുഹമ്മദ്, സമീമത്തുന്നീസ പാട്ടുപാറ, ഫസീല ടീച്ചര്‍, റെജുല പെലത്തൊടി, കെ ടി റബീബ്, ശിഹാബ് അരീക്കത്ത്, സിദ്ധീഖലി പിച്ചന്‍, നീലന്‍ കോഡൂര്‍ സംസാരിച്ചു. എം എസ് എഫിന്റെ യൂണിയന്‍ ഭാരവാഹികള്‍ക്ക് ചടങ്ങില്‍ സ്വീകരണം നല്‍കി.
