മലപ്പുറം: സമസ്ത നൂറാം വാർഷിക സമ്മേളന ഭാഗമായി സമസ്ത പ്രസിഡൻ്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങൾ നയിക്കുന്ന ശതാബ്ദി സന്ദേശ യാത്രക്ക് ജില്ലാ ആസ്ഥാനമായ മലപ്പുറത്ത് രാജകീയ വരവേൽപ് നൽകും. ഡിസംബർ 24 ന് മലപ്പുറത്തെത്തുന്ന യാത്രയെ സ്വീകരിക്കാൻ ഒരുക്കങ്ങൾ തുടങ്ങി. നിരവധി വാഹനങ്ങളുടെ അകമ്പടിയോടെ യാത്രയെ ജില്ലാ ആസ്ഥാനത്തേക്ക് ആനയിക്കും. സമസ്തയുടെയും പോഷക ഘടകങ്ങളുടേയും നേതൃത്വത്തിൽ പ്രത്യേക വളണ്ടിയർ വിംഗിൻ്റെ നേതൃത്വത്തിൽ മലപ്പുറത്ത് സ്വീകരിക്കും. യാത്രക്ക് വരവേൽപ് നൽകി മലപ്പുറം നഗരത്തിൽ മുഅല്ലിം റാലി സംഘടിപ്പിക്കും. മലപ്പുറം സുന്നീ മഹലിൽ ചേർന്ന സംഘാടക സമിതി യോഗം സ്വീകരണ സമ്മേളനം വിജയിപ്പിക്കാൻ പദ്ധതികളാവിഷ്കരിച്ചു. യോഗം സമസ്ത മലപ്പുറം ജില്ലാ ജനറൽ സെക്രട്ടറി പുത്തനഴി മൊയ്തീൻ ഫൈസി ഉദ്ഘാടനം ചെയ്തു. പാണക്കാട് ഹാശിറലി ശിഹാബ് തങ്ങൾ അധ്യക്ഷനായി. കെ.ടി ഹുസൈൻ കുട്ടി മുസ് ലിയാർ പദ്ധതി അവതരിപ്പിച്ചു. കെ.കെ.എസ് തങ്ങൾ വെട്ടിച്ചിറ, ഒ.എം.എസ് തങ്ങൾ മേലാറ്റൂർ, ഹാരിസലി ശിഹാബ് തങ്ങൾ, ഒ.എം. സൈനുൽ ആബിദ് തങ്ങൾ, അബ്ദുറഹ്മാൻ ഫൈസി കടുങ്ങല്ലൂർ, ഹംസ റഹ്മാനി കൊണ്ടിപറമ്പ്, സത്താർ പന്തലൂർ, എം.പി കടുങ്ങല്ലൂർ, മലപ്പുറം ബ്ലോക്ക് പ്രസിഡൻ്റ് അഡ്വ. കാരാട്ട് അബ്ദുറഹ്മാൻ, കെ.എം അജ്മൽ ഹാജി, വിവിധ പോഷക ഘടങ്ങളുടെ ഭാരവാഹികളായ ശമീർ ഫൈസി ഒടമല, യൂനുസ് ഫൈസി വെട്ടുപാറ, അൻവർ റശീദ് ബാഖവി, എൻ.ടി.സി മജീദ്, ശംസുദ്ദീൻ മാസ്റ്റർ ഒഴുകൂർ തുടങ്ങിയവർ ചർച്ചയിൽ പങ്കെടുത്തു. സന്ദേശ യാത്രാ ജില്ലാ കോഡിനേറ്റർ നിയാസലി ശിഹാബ് തങ്ങൾ ആമുഖ പ്രസംഗവും അസി. കോർഡിനേറ്റർ പി.കെ ഷാഹുൽ ഹമീദ് മാസ്റ്റർ നന്ദിയും പറഞ്ഞു. പോഷക ഘടകങ്ങളുടെ ജില്ലാ ഭാരവാഹികൾ, ഈസ്റ്റ് ജില്ലാ സ്വാഗത സംഘം അംഗങ്ങൾ തുടങ്ങിവർ പങ്കെടുത്തു.
