നിക്ഷേപകരെ കബളിപ്പിച്ച് കോടികളുമായി മുങ്ങിയ പ്രധാന പ്രതി പിടികൂടി എടക്കര പോലീസ് കൊച്ചി പനങ്ങാട്. നെട്ടൂർ സ്വദേശിനെടും പറമ്പിൽ ജോഹൻ ജോർജി ജെയിംസിനെയാണ്കൊച്ചിയിൽ നിന്നും പിടികൂടിയത്. എൻ.എം. നെടു പറമ്പിൽ നിധി പ്രൈറ്റ് ലിമിറ്റിഡ് എന്ന പണമിടപ്പാട് സ്ഥാപനത്തിന്റെ മറവിലാണ് എടക്കര. നിലമ്പൂർ ഉൾപ്പെടെ സംസ്ഥാനത്തിന്റെ വിവിധ ഭാഗങ്ങളിൽ നിന്നും തട്ടിപ്പ് നടത്തിയത്. ഉയർന്ന പലിശ വാഗ്ദാനം ചെയ്ത് കോടികൾ നിക്ഷേപമായി സ്വീകരിച്ചത്. കാലാവധി എത്തിയിട്ടും തിരികെ പണം ലഭിക്കാതെ വന്നതോടെയാണ് നിക്ഷേപകർക്ക് കമ്പളിപ്പിക്കപ്പെട്ട കാര്യം മനസിലായത്. കേരളത്തിലെ വിവിധ ജില്ലകളിലെ പോലീസ് സ്റ്റേഷണുകളിൽ ചീറ്റിങ്ങ് കേസുകൾ രജിസ്റ്റർ ചെയ്ത് അന്വേഷണം നടത്തി വരുന്നുണ്ട്. പ്രതികളെ കണ്ടെത്തുന്നതിനായി കേരളത്തിലെ വിവിധ പോലീസ് സ്റ്റേഷനുകളിൽ നിന്നും ഉള്ള അന്വേഷണ സംഘം എറണാംകുളം കേന്ദ്രീകരിച്ച് അന്വേഷണം നടത്തി വരുകയായിരുന്നു. എന്നാൽ കോടികൾ തട്ടിയെടുത്ത സ്ഥാപന ഉടമ നെടുംപറമ്പിൽ ജോഹൻ ജോർജി ജെയിംസ്, മാസങ്ങൾക്കു മുമ്പ് ഒളിവിൽ പോവുകയും, കേരളത്തിന് പുറത്തും, എറണാകുളത്ത് വിവിധ ഫ്ലാറ്റുകളിലായും മാറി മാറി താമസിച്ച് വരുകയുമായിരുന്നു. ഇയാൾക്കെതിരെ മലപ്പുറം എടക്കര പോലീസ്സ്റ്റേഷനിൽ പത്ത് കേസുകൾ രജിസ്റ്റർ ചെയ്തിട്ടുണ്ട്, ഇതിൽ മാത്രം 3 കോടിയോളം രൂപയുടെ തട്ടിപ്പാണ് നടത്തിയിരിക്കുന്നത്. കേസ് രജിസ്റ്റർ ചെയ്തതിനെ തുടർന്ന് എടക്കര പോലീസ് അന്വേഷണം നടത്തി വരുകയായിരുന്നു. സമൂഹത്തിൽ സൽപ്പേരുള്ള റിട്ടയേർഡ് ഉദ്യോഗസ്ഥരെയും, മത സ്ഥാപനങ്ങളുമായി ബന്ധപ്പെട്ടവരെയും, സൈന്യത്തിൽ നിന്നും പിരിഞ്ഞ ഉയർന്ന ഉദ്യോഗസ്ഥരെയും വിവിധ ബ്രാഞ്ച്കളിൽ മാനേജർമാരാക്കി ഉയർന്ന ശമ്പളവും, ഇൻസെന്റീവും നൽകിയും സ്ഥാപനത്തിൽ നടത്തുന്ന നിക്ഷേപങ്ങൾക്ക് ഉയർന്ന പലിശ വാഗ്ദാനം ചെയ്തുമാണ് പ്രതി കോടികളുടെ നിക്ഷേപം സ്വീകരിച്ചത്. രണ്ടുമാസം മുമ്പ് മലപ്പുറം ചുങ്കത്തറ Branch Banager Rtd Captain Mathew CA എന്നയാളെ എടക്കര പോലീസ് അറസ്റ്റ് ചെയ്തിരുന്നു, ഇയാൾ ഇപ്പോൾ ജാമ്യത്തിൽ ഇറങ്ങി ഒളിവിൽ കഴിഞ്ഞ് വരികയാണ്. അതോടെ കൊച്ചിയിലെ ആഡംബര കോർപറേറ്റ് NEDSTAR ( NM NEDUMPARAMBIL- OLD NAME) എന്ന പേരിൽ ഉള്ള ഓഫീസ് പൂട്ടി മുങ്ങിയ ഉടമ ജോഹൻ ജോർജി ജെയിംസ് മുൻ‌കൂർ ജാമ്യത്തിനായി ഹൈകോടതിയെ സമീപിച്ചെങ്കിലും കോടതി മുൻ‌കൂർ ജാമ്യം തള്ളുകയായിരുന്നു. പ്രതിയെ പിടികൂടുന്നതിനായി ജില്ലാ പോലീസ് മേധാവി വിശ്വനാഥന്റെ നിർദേശ പ്രകാരം, നിലമ്പൂർ DYSP സാജു കെ എബ്രഹാം, എടക്കര ഇൻസ്‌പെക്ടർ കമറുദ്ധീൻ വള്ളികാടൻ എന്നിവരുടെ നേത്യത്വത്തിൽ എടക്കര പോലീസ് സ്റ്റേഷനിൽ നിന്നുള്ള അഞ്ചംഗ അന്വേഷണ സംഘം എറണാംകുളത്ത് ക്യാമ്പ് ചെയ്ത് വിവിധ പോലീസ് സ്റ്റേഷൻ പരിധികളിൽ പ്രതിയെ കുറിച്ച് അന്വേഷണം നടത്തി വരുന്നതിനിടയിൽ പനങ്ങട് പോലീസിന്റെ സഹായത്തോടെ അന്വേഷണ ഉദ്യോഗസ്ഥനായ എടക്കര എസ് ഐ – എം അസൈനാർ, എസ്.ഐ യുടെ യുടെയും എ.എസ്.സതീഷ് കുമാറിന്റെ നേത്യത്വത്തിലുള്ള പോലീസ് എ.എസ്.ഐ ഷീജ, SCPO അനൂപ് വി, CPO നജ്മുദ്ധീൻ മുണ്ടേരി, പനങ്ങാട് SI മുനീർ, CPO ശ്രീജേഷ് എന്നിവർചേർന്നാണ് പ്രതിയെകസ്റ്റഡിയിൽ എടുത്തത്. പ്രതി നിലവിൽ താസിച്ചിരുന്ന നെട്ടൂരുള്ളപുതിയ ഫ്ലാറ്റ് കാണിച്ച് തരാതെ വഴിതെറ്റിക്കാനും ശ്രമവും നടത്തി, നിലവിലെ ഫ്ലാറ്റ് മാസം അരലക്ഷം വാടകയുള്ളതാണ്, അവിടെ നിന്നും പ്രതിയുടെ മൊബൈൽ ഫോണുകളും, ലാപ്ടോപ്പുകളും, പ്രതി ഉപയോഗിച്ചിരുന്ന ATM ക്രെഡിറ്റ്‌, ഡെബിറ്റ് ഇന്റർനാഷണൽ കാർഡുകളും, പ്രതിയുടെ കാറും അന്വേഷണത്തിന്റെ ഭാഗമായി കസ്റ്റഡിയിൽ എടുത്തിട്ടുണ്ട്. കേരളത്തിൽ 100 ൽ അധികം ബ്രാഞ്ചുകളിലായി കോടികളുടെ തട്ടിപ്പാണ് പ്രതികൾ നടത്തിയത്. ജോഹന്റെ പിതാവടക്കമുള്ള കൂട്ട് പ്രതികൾ വിദേശത്തേക്ക് കടന്നതായും വിവരം ലഭിച്ചിട്ടുണ്ട്. സ്ഥാപനത്തിന്റെ ഇടകൊച്ചിയിൽ അക്വിനാസ് കോളേജിന് സമീപമുള്ള മൂന്ന് നിലകളിലായി പ്രവർത്തിച്ചിരുന്ന ആസ്ഥാന മന്ദിരം മാസങ്ങൾക്ക് മുൻപെ അടച്ച് പൂട്ടുകയും രാത്രികാലങ്ങളിൽ ഓഫീസിലെ മുതലുകൾ കടത്തി കൊണ്ട് പോവുകയും ചെയ്തിട്ടുണ്ട്, മാത്രവുമല്ല പ്രതികൾ താമസിച്ചിരുന്ന ആഡംബര വീടുകളും ഫ്ലാറ്റുകളും പൂട്ടിയിട്ട് കുടുംബാംഗങ്ങൾ രഹസ്യമായി പുതിയ താമസ സ്ഥലങ്ങളിലേക്ക് മാറിയിരിക്കുകയാണ്. മലപ്പുറം ജില്ലയിൽ പ്രതികൾക്കെതിരെ എടക്കര പോലീസ് സ്റ്റേഷന് പുറമെ നിലമ്പൂർ, വഴിക്കടവ്, പോത്തുകൽ, എടവണ്ണ പോലീസ് സ്റ്റേഷനുകളിലും കേസ് രജിസ്റ്റർ ചെയ്തിട്ടുണ്ട്. പ്രതിയെ നിലമ്പൂർ JFCM കോടതിയിൽ ഹാജരാക്കി റിമാൻഡ് ചെയ്തു. സംസ്ഥാനത്തെ മറ്റ് പോലീസ് സ്റ്റേഷണുകളിൽ രജിസ്റ്റർ ചെയ്തിട്ടുള്ള കേസുകളിലേക്ക് പ്രതിയെ പോലീസ് കസ്റ്റഡിയിൽ വാങ്ങി തെളിവെടുപ്പ് നടത്തും എന്നും അറിയുന്നു. പോലീസും ഇടപാടുകരും കൊച്ചിയിൽ അനേഷിച്ചെത്താൻ തുടങ്ങിയതോടെ മുബൈ ബാംഗ്ലൂർ, ഹൈദരാബാദ് മുതലായ വൻ നഗരങ്ങളിൽ ഒളിവിൽ കഴിഞ്ഞ് വരികയായിരുന്ന ജോഹാൻ രണ്ടു ദിവസം മുൻപാണ് ഹൈദരാബാദിൽ നിന്നും നെട്ടൂരിലുള്ള ഫ്ലാറ്റിൽ എത്തിയത്.
