മലപ്പുറം: ദാറുല്‍ ഹുദാ ഇസ്ലാമിക് യൂണിവേഴ്‌സിറ്റിയെയും വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്വിയെയും ഹുദവികളെയും ലക്ഷ്യമിട്ട് ചിലർ ബോധപൂർവം പ്രവര്‍ത്തിക്കുന്നുവെന്ന് ഹാദിയ തിരുത്ത് ജനജാഗ്രതാ സംഗമം. അലുംനി അസോസിയേഷന്‍ ഹാദിയ ഇന്നലെ വൈകുന്നേരം ഏഴിന് മലപ്പുറം വാരിയന്‍കുന്നത്ത് ടൗണ്‍ ഹാളില്‍ വെച്ച് സംഘടിപ്പിച്ച സദസ്സില്‍ ഡോ. ഹാരിസ് ഹുദവി, ശറഫുദ്ദീന്‍ ഹുദവി ആനമങ്ങാട്, റശീദ് ഹുദവി ഏലംകുളം എന്നിവര്‍ പ്രമേയ പ്രഭാഷണങ്ങള്‍ നിര്‍വഹിച്ചു.
