പെരുമ്പാവൂർ: കാരുവിള്ളി കുടുംബ സംഗമം അറക്കപ്പടി മൻസാ ഓഡിറ്റോറിയത്തിൽ സംഘടിപ്പിച്ചു. റുമൈസ നൂറുദ്ദിന്റെ പ്രാർത്ഥനാ ഗാനത്തോടെ നാനൂറോളം അംഗങ്ങൾ പങ്കെടുത്ത സംഗമം കുടുംബത്തിലെ മുതിർന്ന അംഗം ഡോ. കെ എ മൊയ്തീൻ ഉദ്ഘാടനം ചെയ്തു. ജമാഅത്ത് കമ്മിറ്റി പ്രസിഡണ്ട് കെ എ ഖാദർഹാജി അധ്യക്ഷനായിരുന്നു. പ്രൊഫസർ കെ എ സുലൈമാൻ, അഡ്വ. സിറാജ് കാരോളി, കെ എ അറഫാത്ത്,കെ കെ അബ്ദുല്ല, റിട്ട. ഹെഡ്മിസ്ട്രസ് കദീജ ടീച്ചർ, റിട്ട. എസ് ഐ കെ എ അലി, കെ എം ഹുസൈൻ, ഫാത്തിമ മുഹമ്മദ് തുടങ്ങിയവർ സംസാരിച്ചു. റിട്ട. എസി എഫ്. കെ എ അബ്ദുറഹിമാൻ സ്വാഗതവും ഡോ. കെ എം അബ്ദു നന്ദിയും പറഞ്ഞു. ചടങ്ങിൽ 75 വയസ്സ് പിന്നിട്ട മുതിർന്ന പൗരന്മാരെ ഷാളണിയിച്ചാദരിച്ചു. ഉന്നത വിജയം കരസ്ഥമാക്കിയ കുടുംബാംഗങ്ങളുടെ മക്കൾക്ക് മൊമെന്റുകൾ നൽകി. കുട്ടികളുടെ ദഫ്മുട്ട് ,ഗാനമേള, മറ്റു കലാപരിപാടികൾ എന്നിവ നടത്തി.
