കോഴിക്കോട് ഫറോക്കില് സ്കൂള് കുട്ടിയെ തട്ടിക്കൊണ്ടു പോകാൻ ശ്രമിച്ച കേസില് പിടിയിലായ പ്രതി ചാടിപ്പോയി. അസം സ്വദേശി പ്രസണ് ജിത്ത് ആണ് ചാടിപ്പോയത്. കോടതിയില് ഹാജരാക്കാൻ കൊണ്ടുപോകുന്നതിനിടെയാണ് പ്രതി പൊലിസിന്റെ കയ്യില് നിന്ന് രക്ഷപ്പെട്ടത്. കയ്യില് വിലങ്ങുമായാണ് ഇയാള് കടന്നുകളഞ്ഞത്. ഇന്നലെയാണ് ഇയാളെ ഫറോക്ക് പൊലിസ് കസ്റ്റഡിയിലെടുത്തത്.ഉത്തർപ്രദേശ് സ്വദേശിയായ പെണ്കുട്ടിയെ തട്ടിക്കൊണ്ടുപോകാൻ ശ്രമിച്ച കേസിലെ പ്രതിയാണ് പ്രസണ്. പരാതി ലഭിച്ചതിന്റെ അടിസ്ഥാനത്തില് പൊലിസ് സ്ഥലത്തെത്തി പ്രതിയെ പിടികൂടി കസ്റ്റഡിയിലെടുക്കുകയായിരുന്നു. പിന്നീട് കോടതിയില് ഹാജരാക്കാൻ കൊണ്ടുപോകുന്നതിനായി വിലങ്ങണിയിച്ച് ബെഞ്ചില് ഇരുത്തിയ സമയത്താണ് ഇയാള് ചാടിയത്. പൊലിസിന്റെ ശ്രദ്ധ തെറ്റിയപ്പോള് പിൻവാതില് വഴി രക്ഷപ്പെടുകയായിരുന്നു. പ്രതിക്കായി നിലവില് തെരച്ചില് വ്യാപകമാക്കിയിരിക്കുകയാണ്.
