തൃശൂർ: പോലീസ്,മോട്ടോർ വാഹന,എക്സൈസ്, വിദ്യാഭ്യാസം എന്നീ വകുപ്പുകളുമായി സഹകരിച്ച് അപകട മേഖലകളിലും ജില്ലയിലെ സ്കൂൾ കോളേജ് കലാലയങ്ങളിലും വിപുലമായ റോഡ് സുരക്ഷ ബോധവൽക്കരണവും ലഹരി നിർമാർജ്ജന കർമ്മപരിപാടികളും വരും നാളുകളിൽ നടത്താൻ റോഡ് ആക്സിഡന്റ് ആക് ഷൻ ഫോറം തൃശൂർ ജില്ല കൺവെൻഷൻ തീരുമാനിച്ചു. റാഫ് സംസ്ഥാന പ്രസിഡണ്ട് ഡോ. കെ എം അബ്ദു പരിപാടി ഉദ്ഘാടനം ചെയ്തു. റോഡുകൾക്ക് താങ്ങാനാവുന്നതിലേറെ വാഹനങ്ങളുള്ള സാഹചര്യത്തിൽ ഒരു പുതിയ റോഡ് സംസ്കാരം രൂപപ്പെടണമെന്ന് അദ്ദേഹം പറഞ്ഞു. തൃശ്ശൂർ സാവിത്രി കഫെ ഹാളിൽ നടന്ന ജില്ലാതല കൺവെൻഷനിൽ കെ ടി പിയൂഷ് അധ്യക്ഷനായിരുന്നു. സംസ്ഥാന വൈസ് പ്രസിഡണ്ട് ടിഐകെ മൊയ്തു മുഖ്യപ്രഭാഷണം നിർവ്വഹിച്ചു. റിട്ടയേർഡ് പോലീസ് സബ് ഇൻസ്പെക്ടർ കെ എ ഡേവിസ് ജില്ലാ പ്രസിഡണ്ടും കെ തവരാജ് ജനറൽ സെക്രട്ടറിയായും റാഫ് തൃശൂർ ജില്ലാ കമ്മിറ്റി പുനഃസംഘടിപ്പിച്ചു . വനിതാ ഫോറം ജില്ലാ പ്രസിഡണ്ടായി നിമ്മി റപ്പായി,ജനറൽ സെക്രട്ടറിയായി ഷഹനാസ് കൂട്ടുപ്പുഴ, ട്രഷറർ ആയി ഇന്ദിര ഉത്തമനേയും തെരഞ്ഞെടുത്തു. എഎസ് ധനജ്ഞയൻ, കെ പി സുധീഷ്, പി സി ജോസ്, വി എസ് ബാലകൃഷ്ണൻ, കെ റസിയ, ടി എൻ ജയരാജ്, ഷിന്റോ റാഫേൽ, ഷംസുദ്ദീൻ വെള്ളാനൂർ, ടി എൽ ഷറീന, നാഷാദ് അകലാട് എന്നിവർ സംസാരിച്ചു. എഎസ് ധനജ്ഞയൻ സ്വാഗതവും തവരാജ് കണിപ്പയൂർ നന്ദിയും പറഞ്ഞു.
