കോട്ടക്കൽ: യുവാവിനെ ആക്രമിച്ച് 5 ലക്ഷം രൂപ കവർന്ന കേസിലെ പ്രധാന പ്രതിയെ പോലീസ് പിടികൂടി. കോഴിക്കോട് ചങ്ങരോത്ത് സ്വദേശി പുത്തലാട്ട് ജുനൈദ് ആണ് ഇടുക്കിയിലെ രാമക്കൽമേട്ടിൽ വെച്ച് പിടിയിലായത്.
ഒക്ടോബർ 7-ന് രാത്രി കോട്ടക്കൽ പറമ്പലങ്ങാടിയിലെ ‘ക്ലബ് സുലൈമാനി’ പാർക്കിങ് ഏരിയയിൽ വെച്ചായിരുന്നു ആക്രമണം. മലപ്പുറം സ്വദേശി മുഹമ്മദ് ഫായീസിനെ അപകടപ്പെടുത്തിയാണ് ജുനൈദും സംഘവും പണം തട്ടിയെടുത്തത്. കൃത്യത്തിന് ശേഷം രാമക്കൽമേട്ടിലേക്ക് കടന്ന പ്രതി അവിടെ ഒളിവിലായിരുന്നു. 3 വർഷം മുൻപ് ഇവിടെ ജോലി ചെയ്തിരുന്ന പരിചയമാണ് ഒളിവുജീവിതത്തിന് തിരഞ്ഞെടുത്തത്. കോട്ടക്കൽ എസ്.ഐ റിഷാദ് അലിയുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കേസിലെ മറ്റൊരു പ്രതിയും ജുനൈദിന്റെ സഹോദരനുമായ ജവാദ് നേരത്തെ അറസ്റ്റിലായിരുന്നു. മൂന്നാം പ്രതിക്കായി അന്വേഷണം ഊർജ്ജിതമാക്കിയതായി പോലീസ് അറിയിച്ചു.
കൂടുതൽ വാർത്തകൾക്കായി MTN NEWS CHANNEL ഫോളോ ചെയ്യുക.