വഞ്ചിയൂരിൽ വെടിവയ്പ്പ്; മുഖം മറച്ചെത്തിയ സ്ത്രീ മറ്റൊരു സ്ത്രീയെ വെടിവച്ചു
തിരുവനന്തപുരം: തിരുവനന്തപുരത്തെ ഞെട്ടിച്ച് സ്ത്രീക്ക് നേരേ വെടിവെപ്പ് നടത്തി മറ്റൊരു യുവതി. വഞ്ചിയൂര് പടിഞ്ഞാറെക്കോട്ടയിലാണ് സംഭവം. എയര്പിസ്റ്റള് ഉപയോഗിച്ച് നടത്തിയ വെടിവെപ്പില് പരിക്കേറ്റ സിനി എന്ന സ്ത്രീയെ ആശുപത്രിയില് പ്രവേശിപ്പിച്ചു.
പടിഞ്ഞാറെക്കോട്ട ചെമ്പകശ്ശേരി റെസിഡന്സ് അസോസിയേഷനിലെ സിനിയുടെ വീട്ടില് ഞായറാഴ്ച രാവിലെ 9.30-ഓടെയായിരുന്നു സംഭവം. കൂറിയര് നല്കാനെന്ന് പറഞ്ഞ് വീട്ടിലെത്തിയ ഒരു യുവതിയാണ് സിനിക്ക് നേരേ വെടിയുതിര്ത്തതെന്നാണ് വിവരം. മാസ്ക് ധരിച്ചെത്തിയ യുവതി വെടിയുതിര്ത്ത ശേഷം ഓടിരക്ഷപ്പെട്ടു. കൈയ്ക്ക് വെടിയേറ്റ സിനിയെ ഉടന്തന്നെ ആശുപത്രിയില് പ്രവേശിപ്പിക്കുകയായിരുന്നു.
കൊറിയർ നല്കാനുണ്ടെന്ന് പറഞ്ഞ് എത്തിയ യുവതി ഇത് കൈപ്പറ്റിയെന്ന് ഒപ്പിടണമെന്ന് സിനിയോട് ആവശ്യപ്പെട്ടിരുന്നു. സിനി പേനയെടുക്കാനായി തിരിഞ്ഞപ്പോഴാണ് അക്രമി എയര്പിസ്റ്റള് ഉപയോഗിച്ച് വ...
