വിവാഹ വാഗ്ദാനം നല്‍കി സൗഹൃദം സ്ഥാപിച്ച്‌ യുവാവിന്റെ പക്കല്‍ നിന്ന് ഓണ്‍ലൈൻ തട്ടിപ്പിലൂടെ ലക്ഷങ്ങള്‍ തട്ടിയ സംഘത്തിലെ പ്രതി പിടിയിലായി. മലപ്പുറം വേങ്ങര വൈദ്യർ വീട്ടില്‍ മുജീബ് റഹ്മാനെയാണ് (45) ഞാറക്കല്‍ പൊലീസ് അറസ്റ്റ് ചെയ്തത്. എടവനക്കാട് സ്വദേശിക്കാണ് പണം നഷ്ടമായത്. പരാതിക്കാരന് മാട്രിമോണിയല്‍ പരസ്യം വഴി ലഭിച്ച വാട്ട്‌സ് ആപ്പ് നമ്ബറില്‍ സ്ത്രീയെന്ന് വ്യാജേന ശ്രുതിയെന്ന പേരില്‍ മുജീബ് റഹ്മാൻ സൗഹൃദം സ്ഥാപിക്കുകയായിരുന്നു. സൗഹൃദം സ്ഥാപിച്ച യുവതി വിവാഹ വാഗ്ദാനവും നല്‍കി. 3293306 രൂപയോളമാണ് തട്ടിച്ചത്. ജില്ലാ പൊലീസ് മേധാവി ഡോ. വൈഭവ് സക്‌സേനയുടെ നിർദ്ദേശാനുസരണം രൂപീകരിച്ച അന്വേഷണ സംഘത്തില്‍ ഇൻസ്‌പെക്ടർ സുനില്‍ തോമസ്, എസ്. ഐ. അഖില്‍ വിജയകുമാർ, എ. എസ്. ഐ. ആന്റണി ജെയ്‌സൻഎന്നിവരാണ് ഉണ്ടായിരുന്നത്. പ്രതിയെ കോടതിയില്‍ ഹാജരാക്കി റിമാൻഡ് ചെയ്തു.
വാർത്തകൾ അറിയാന്‍ WHATSAPP ഗ്രൂപ്പിൽ ജോയിൻ ചെയ്യുക
നിങ്ങൾക്കും വാർത്തകളും അറിയിപ്പുകളും അറിയിക്കാം…
E MAIL : mtnlivenews@gmail.com