ചെമ്മാട്: ശാരീരിക പരിമിതികളാൽ പ്രയാസമനുഭവിക്കുന്ന നാട്ടുകാരന് ആശ്വാസമായി ചെമ്മാട് ഗ്രീൻ ട്രാക്ക് കൾച്ചറൽ സെന്റർ. സംഘടനയുടെ ജീവകാരുണ്യ പ്രവർത്തനങ്ങളുടെ ഭാഗമായി അർഹനായ വ്യക്തിക്ക് വീൽചെയർ കൈമാറി. നാട്ടിലെ സ്നേഹത്തിന്റെയും കരുതലിന്റെയും പ്രതീകമായി പ്രവർത്തിക്കുന്ന ഗ്രീൻ ട്രാക്ക് കൂട്ടായ്മ, ഇതിനോടകം ഒട്ടനവധി ജീവകാരുണ്യ പ്രവർത്തനങ്ങൾക്കാണ് നേതൃത്വം നൽകിയിട്ടുള്ളത്. വീൽചെയർ കൈമാറ്റ ചടങ്ങിന്റെ ഉദ്ഘാടനം എറമ്പൻ ഹസ്സൻ ഹാജി നിർവഹിച്ചു. ചടങ്ങിൽ ഗ്രീൻ ട്രാക്ക് പ്രസിഡന്റ് ലത്തീഫ് അത്തോളി, ട്രഷറർ അനസ് വി.കെ, ഭാരവാഹികളായ എം.പി അസ്ലം, സമീർ പാലപ്പറ്റ, ചെരിച്ചിയിൽ സൈതലവി, നാസർ വി.കെ, ഇസ്ഹാഖ് വി.കെ, ഗഫൂർ പി.പി, ഷറഫു എ.വി, അബ്ദുറഹ്മാൻ കുട്ടി, ഇസ്മായിൽ കെ എന്നിവർ സംബന്ധിച്ചു.
